5% Cafe

營業中

休息中

在繁忙的工作一天後,來到九龍旺角的5%Cafe享受輕鬆時光,實在是再適合不過了。這家餐廳位於彌敦道577號高氏大廈2樓B,C舖,環境優雅舒適,播放著令人放鬆的音樂。⭐首先,我點一份頗受歡迎的雞扒窩夫漢堡沙律~$148。雞扒窩夫漢堡沙律包括香脆可口的雞扒、營養豐富的沙律菜,再配以窩夫漢堡,既飽腹又健康。⭐餐廳貼心地選用元朗水耕有機蔬菜作為食材,每天新鮮送達,確保菜色新鮮美味。⭐如果想來點飲品,只需加$26就能選擇一杯冰涼的朱古力特飲。⭐另一道特色菜式是辣椒仔茄汁炒意粉~$128。這道粉麵色澤誘人,配以爽脆的辣椒仔和濃郁的茄汁,別有風味。🌟總的來說,來到5%Cafe用餐,不僅能品嚐美味可口的佳餚,更可以在舒適的環境下放鬆心情,度過一個愉快的夜晚。這裡絕對是忙碌工作後的理想之選。

位於旺角樓上嘅「5%」Café，有其獨特之處，有heart自家製窩夫亦好舒適，可以三五知己一齊黎上樓坐坐傾吓偈呢。首先推介嘅「黑松露醬手打牛肉芝士漢堡配薯條」,絕對係必試之選。漢堡肉餅鮮嫩多汁,配合濃郁芳香嘅黑松露醬,口感豐富層次分明。薯條方面,外酥內軟,既有咬勁又不會太乾，實在是完美。另一大必試,就係「千島海鮮窩夫薄餅」。窩夫薄脆香脆,內餡滿溢着新鮮海鮮,每一口都能感受到海洋嘅鮮美。最後必試嘅「士多啤梨藍莓雪糕自家製窩夫」,絕對係甜品控嘅不二之選。雪糕濃郁滑順,配合窩夫酥脆香甜,加上新鮮水果點綴,更是令人垂涎三尺。講到特飲,「5%」Café嘅「焦糖Cappuccino」與「Blue Hawaii」同樣值得一試。前者香濃醇厚,後者清新怡人,各具特色,定能切合不同客人嘅品味。

平時最鍾意去cafe ，今次決定黎朋友介紹嘅5% cafe chill下～一入到去就覺得好闊落，柔和嘅燈光加上啲抒情音樂，俾人感覺好舒服😌食物嘅款式都非常多，除咗有傳統嘅意粉、沙律、漢堡之外，仲有唔同小食選擇😋，最特別嘅一定係佢地嘅窩夫薄餅同窩夫漢堡，諗都冇諗過原來可以將窩夫融入去呢兩樣食物到，真係夠曬創意同特別呀！😆🔅焗刁草芝士汁煙三文魚珍珠帶子意粉： 舊三文魚一擺落口就食到好重嘅煙燻味🥹，好耐冇食過煙燻味咁足嘅三文魚喇，真係好正呀!! 芝士味都好夠濃，意粉嘅軟硬度都拿捏得好好👍🏻🔅炭燒雞扒窩夫漢堡配薯條：舊雞扒嘅炭燒味好出，同窩夫嘅味道意外地夾！😆啲薯條薯角全部都炸得熱辣辣，香脆可口！🔅Chocolate smoothie （snow style）：杯smoothie雖然係朱古力味，但又唔會太甜太膩，而且啲cream俾得好足料🤣好香滑！🔅Strawberry milkshake：士多啤梨味酸酸甜甜，而且仲有啲果肉係入面，開胃好飲！

行街行到攰攰地，係旺角有好多樓上cafe，咁啱上咗呢間5 ％cafe，一上到去見到有好多韓國明星應援物品 原來有好多應援團都會係呢度做聚會😆.一見到個Menu 有個雞扒窩夫漢堡配薯條感覺好新奇，窩夫漢堡從來未聽過店員好有心機整窩夫整得好好味外脆內軟雞肉好嫩 再配上芝士呢種配搭新奇又好食 絕對值得推介.再叫咗個 芝士汁煙三文魚珍珠帶子一嚟已經好重芝士味濃烈嘅芝士味再加上帶子煙三文魚海鮮嘅鮮味帶咗出嚟如果你同我一樣都咁鍾意食芝士的話絕對冇介紹錯.另外再加兩杯特飲Chocolate Smoothie口感綿綿密密，再配上朱古力脆脆又唔會太甜！.Strawberry Milkshake士多啤梨味好香好creamy！正呀

今日去左間神奇cafe, 旺角登打士街地點方便4個人，食左400個大洋左右,有特價（有d飲品有跟餐）開頭見到隔籬枱個人飲完杯嘢，然之後成個漢堡包咬咗一啖冇食到都覺得有啲奇怪....我哋四個人叫咗三個主食四杯飲品。先嚟個意粉蜆肉相當健康，冇鹽多油，食出意粉的原味，仲要夠晒硬身。再嚟黑松露芝士牛肉漢堡配薯條，薯條OK正常好味。個牛肉有點怪怪的，說不出來，有啲淆底唔敢食晒。再嚟一碗蘑菇湯我記得我明明冇叫，大大碗以為賺咗一飲落去，原來係我叫嘅熱朱古力....... 嘩唔係，係水嚟嘅，仲要係微溫嘅水，說好的熱朱古力呢？？？跟住再嚟多杯紅茶又係健康版，無糖同個侍應講，佢話佢明明落咗，我問佢你係咪落咗落第二杯度？最後上咗個海鮮千島醬窩夫pizza，呢個算係收貨，又有d創意，味道各方面都ok終於明白點解有一個俾人咬咗一啖嘅漢堡被遺棄.假期晚市無生意唔係無原因的，憑實力爭取臨時演員都係演員，請個侍應做埋廚師可唔可以專業少少門口有隻可愛天竺鼠畀你玩

小朋友放早，可以去旺角行街食嘢，行到攰攰地，搵間cafe休息下。上網見到呢間好似幾正，就去試吓。我哋叫咗兩個set lunch，炭燒雞扒窩夫漢堡配薯條，焗刁草芝士汁煙三文魚珍珠帶子意粉，一杯chocolate smoothies，一杯strawberry milkshake. 見而家咁興食窩夫漢堡，我都唔執輸。原來又真係幾夾喎，窩夫做麵包皮，少少甜味，幾好味喎。要讚一讚塊雞扒，都幾鮮嫩，諗住做漢堡包會比較鞋，有幾好喎。職員介紹啲三文魚意粉，話芝士汁係自己調嘅，我哋就試吓，小朋友係芝士怪，見到咁多芝士已經好開心，見佢食得好快，就知佢鍾意。小朋友食食吓問我細細粒嘅係乜嘢我睇返餐牌，回答佢係珍珠帶子，佢話幾好味，好彈牙。一定要講兩杯飲品，小朋友飲chocolate smoothies，佢話好正，唔算太甜，凍冰冰，好解暑。我飲strawberry milkshake，甜度真係剛剛好，有士多啤梨蓉，有咬口，我下次一定會再飲。要講一講幾得意，有個位置好多明星相，雖然我唔識佢🤪，不過如果係粉絲嚟到，應該好開心，如果係粉絲聚會，應該都幾適合。反而我小朋友話，想喺呢度開生日會，地點方便，光猛，裝修又好，

今日朋友帶我嚟這間有好多唔同窩夫食的地方餐牌果然係有一有好多款唔同形式嘅窩夫有窩夫薄餅又有窩夫漢堡今日就一人叫一款嚟食朋友揀咗個千島海鮮窩夫薄餅我就要一個炭燒雞扒窩夫漢堡配薯條千島海鮮窩夫薄餅,份量畀想像中大窩夫底鬆脆, 貪玩咁試下個芝士竟然可以拉絲窩夫底比平時食格仔餅嗰啲冇咁甜，所以配合 濃味的千島醬好配合，帶微微蛋香味炭燒雞扒窩夫漢堡配薯條這一個窩夫上夾咗雞肉的燒烤醬，別有一番風味整個窩夫都好大份，要切開慢慢食薯條上面有一些海苔，但又唔會太鹹特飲chocolate smoothie可以選擇少甜,少甜甜度啱啱好面有啲朱古力脆脆,同埋鮮忌廉，好好食Strawberry Milkshake有鮮草莓味cafe有好多遊戲可以玩今日選擇咗這一個企鵝破冰遊戲買又未必會買但喺度久唔久玩下就覺得好過癮餐廳可以選擇包場一班朋友聚會唔打邊爐都可以諗一諗呢度餐廳當日有應援活動, 都好有氣氛

呢間樓上cafe充滿休閑氣息，燈光柔和，令人好放鬆，而且好多沙發座，好適合同朋友黎傾計食飯👍🏻👍🏻仲可以一齊打卡💕餐牌選擇唔少，可以揀set或者單點，呢間餐廳無論係主食、甜品或野飲，款式都比想像中多同特別😍😍😍天婦羅卡邦尼天婦羅炸得好香脆，上碟時仲係熱辣辣🤤🤤意粉軟硬煮得啱啱好，卡邦尼好creamy好濃，唔錯~松露牛肉漢堡推薦！！😍😍漢堡好大份好足料，入面有好大塊芝士同好多松露醬，配搭牛肉一齊咬落去超級滿足！薯條份量都唔少，點茄汁食正！雞扒窩夫漢堡配沙律呢個窩夫漢堡好有新鮮感！窩夫整得好好食，外脆內軟，雞扒同樣唔錯，雞肉幾嫩，又多汁，配埋塊芝士原來咁好食🤣🤣🤣飲品我哋點咗特飲Various Flower Tea嘅雪梨桂花茶同芒果牛奶~

朋友介紹，另一間有特色，可以玩board game的樓上Cafe。一入門口，見到一大堆board game，已經興奮不了入到內聽，見到向街樓底高的大玻璃，感覺寬敞，立即揀咗個窗口位。首先嚟一個特色黑椒手打牛肉漢堡加薯條，自家製手袋牛肉漢堡非常Juicy，又夠厚，有牛味，加埋其他配料，個口唔夠大，都嘗試整個漢堡一口咬，正！ 特別一提，佢嘅薯條超好味，又唔油膩，一路傾一路食，半小時後薯條仍然香脆，老闆話原來薯條係特製的！另外叫了一個芝士三文魚意粉，味道一般。另外叫了凍咖啡，以及特飲 Pure Colanda, 因為本人係椰子控，所以杯特飲好味到不得了 🤤最後再叫了一個特色雪糕窩夫作甜品，因為窩夫自家製，加上特製烘焙棉花糖，整個甜品與外間的樓上Cafe窩夫真的不一樣，值得推介。最後一提，店員態度親切，坐幾耐都得，旺角樓上Cafe首選。

係高氏大廈二樓，係正彌敦道隔離搭鐵搭巴士都好就腳好方便合適一班朋友吹水食野聚餐裝飾都幾骨緻，放咗好多公仔係窗邊每個座位都係沙發好chill咁仲有好多board game比大家自由拎去玩叫咗兩個set5%黑椒手打牛肉芝士漢堡配薯條無論係漢堡定薯條配菜好大份牛肉漢堡扒好厚好鬆軟面包好脆薯條表面同茄汁都有黑椒做調味薯條本身唔算太咸但炸到好香脆焗刁草芝士汁煙三文魚珍珠帶子意粉煙三文魚份量都好足加埋芝士焗好香棉花糖雪糕窩夫MVP窩夫有四舊，每舊上面都有一粒烤好的棉花糖有一球雲呢拿兩球朱古力雪糕同埋cream之後比窩夫既熱力融化之後仲可以變成窩夫既汁醬窩夫好脆好香Hot Baby Toddy黑麥茶加蜂蜜、檸檬同埋肉桂聞落係好健康既味道，飲落相對甜啲不過薑味都好重飲到中期會覺得辣焦糖牛奶甜甜地幾好飲

5% Cafe5月28號星期二呢度幾層都係精緻Cafe ，各有特色唔好去錯，呢度係2樓。帶住少少復古氣氛嘅文青裝修。Overlooking 中橫交錯昔日車水馬龍嘅彌敦道。Cafe 係有啲心思嘅，啲凳坐得好舒服，枱set得比較矮，介乎 High tea 與 Dinner table 之間。好適合輕食、開電腦做文書、傾生意、玩board game！ 佢哋有好多唔同嘅board game提供，有簡單嘅 一睇就上手 10+分鐘就玩完一鋪，有啲大嘅 一鋪可以玩幾個鐘，Cafe 都預咗你哋長期作戰。食物就主要係輕食、特色飲品、咖啡 為主。但係一啲都唔求其。千島薄餅：佢哋用咗格仔餅做底，凹凸嘅餅底，黐到更多餡料，滿滿的滿足感。天婦羅卡邦尼：講唔上係Carbonara。不過作為港版嘅白汁芝士撈意粉，係幾好食嘅。Honey Butterfly：唔知係乜嘢，不過都幾好飲。美式咖啡：正常，香濃。

今日去旺角行街 去咗一間cafe食晚餐cafe環境唔錯 好有氣氛而且一入餐廳 門口旁邊就有board game可以借嚟玩好啱同朋友一齊嚟食飯今次飲品我就揀咗Blue Hawaii👍🏻主食就揀咗日式天婦羅蝦卡邦尼煙肉意粉甜品就揀咗棉花糖窩夫先上嘅係飲品Blue Hawaii 嘅顏色好靚❤️係好似大海一樣嘅藍色係菠蘿汁加梳打 酸酸甜甜 好有夏日風味👍🏻之後上嘅係卡邦尼意粉👍🏻天婦羅咬落去脆卜卜意粉味道唔錯 配上脆卜卜嘅煙肉👍🏻而且份量充足最後上嘅係棉花糖窩夫係由幾個雪糕球、窩夫同棉花糖組成棉花糖係有燒過 表面有啲脆卜卜 溶溶地好似BBQ嘅燒棉花糖🤤雪糕係士多啤梨味窩夫上面有一啲朱古力碎甜品嘅份量好足 👍🏻如果可以同朋友一齊分享就更加好👍🏻

今日跟朋友去咗旺角樓上cafe…. 「5% cafe 」簡單整潔，有幾十款board games供應，很適合一班朋友聚一聚😙😙辣椒仔茄汁汁蝦仁炒意粉，份量不少🫣蝦仁🍤也不少，辣得來好惹味👍👍Chocolate smoothie，好精緻，朱古力好香濃，每啖也有朱古力碎豐富，口感朱古力紅必選😜Cappuccino咖啡香濃夠滑！棉花糖雪糕窩夫，上枱嚇一跳有五個雪糕球🫣🫣好多朱古力棉花糖燒得好香脆來軟跟窩夫一齊食好好味！

想過一個舒服休閑嘅下午，嚟5% Cafe就啱晒千島海鮮窩夫薄餅(8寸) - 薄餅底好特別，係好香口嘅窩夫，味道同千島醬幾夾，啖啖海鮮，大滿足辣椒仔茄汁蝦仁粉意粉 - 意粉口感好好，tobasco同茄汁味好夾，亦夠香濃，配埋香草更香口，啖啖都食到蝦仁同蕃茄仔，足料Chocolate Smoothie (Snow Style) - 朱古力味香濃，口感順滑，甜度啱啱好白桃紅茶 - 白桃味好出，茶味亦白，清新解渴之選主食、飲品同甜品嘅選擇都好多，有埋圖片，望落款款都吸引有好多board game俾客人消閒乾淨、闊落、光猛，舒服好坐，享受咗個悠閑嘅下午

最近發現呢一間喺旺角嘅隱世樓上Cafe，環境靚之餘，食物質素亦都好有保證，係一個可以脫離鬧市嘅空間，好適合約埋一班friend喺度聚會，門口仲有唔同嘅board game俾你玩，聽吓歌同班friend chill吓，呢度係個好好嘅選擇！一定要大推呢度嘅窩夫薄餅！pizza平時就食得多，用窩夫整嘅薄餅底你又有冇試過呢？第一次見就抱着好奇心試一試，嗌咗個煙三文魚窩夫薄餅，點知出奇地好食！窩夫食落都好鬆軟，熱辣辣，配埋面頭嘅芝士同埋煙三文魚，令到口感同埋味道更加多元化，未試過嘅一定要嚟試吓！另外我哋仲嗌咗個黃金炸物拼盤，包括泰式魚餅、素春卷同埋薯條，全部都係即叫即整，春卷同埋薯條都係脆卜卜熱辣辣嘅，一啲都唔hea！我哋仲嗌咗杯Chocolate smoothie，朱古力味好香濃，同埋一粒粒嘅朱古力碎，口感豐富，雙重朱古力嘅享受，鍾意飲朱古力嘅朋友絕對唔可以錯過！呢個價位可以喺旺角Cafe享受一個高質素嘅lunch，我覺得絕對係抵食！除咗食物有水準之外，環境仲要好舒適，下次聚會一定叫埋班friend嚟呢度chill！