6號冰室 (已結業)

星期六早上被一家位於觀塘駿業街上的新冰室吸引著。看到小店新開張，店外還貼著試業中的標示，決定一試。餐廳格局簡潔舒適。點選了大熱之選早餐B📍香濃沙嗲牛肉出前一丁，配牛奶炒滑蛋及蒜香牛油厚多士 $33 ，套餐轉凍咖啡（凍飲+$3）沙嗲牛肉不是鮮牛，但沙嗲咪濃，而且牛肉份量頗多，以這個價格來說，相當抵食。炒蛋頗滑，蒜香多士則烤得較乾身，可加以改善。冰室提供各式各樣食品，甚多元化。餐廳性價比高，店員親切好客，值得一試。

晚市唔算多人，叫咗個炒麵同凍檸茶，但係等足半個鐘先嚟，仲要嘢食未到時叫你埋咗單先。心諗乜都未有，連杯檸茶都未到，但係要俾錢先，真係離譜。隔離枱叫個常餐沙嗲牛肉麵，人哋都追咗幾次，都係等足半個鐘，問啲侍應話煮緊，但係煮個公仔麵駛唔駛半個鐘呀。晚市唔算忙都咁，喺返工地方午市仲唔死多幾錢重，真係唔會有下次。

竟然工業區有間開足七日、做足早午晚既餐廳，仲有all day breakfast平時lunch都見到員工出黎介紹，感覺唔錯，今晚試咗一次，本來相片好吸引，食落就覺得中中庭庭。滑蛋飯既蛋味出，港式感覺，唔老已經好好，落足雞蛋唔慳皮，$53唔錯！海鮮焗飯芝士味夠，兩碟飯都好大份。抵食！初開業可能未煮熟菜式？中規中矩冇話非常特別。不過都算係一間會返頭食既餐廳。餐廳侍正乾淨，好企理，員工禮貌得體，希望一直keep住繼續努力！