A-1 Bakery & Châteraisé (已結業)

朋友仔生日 兩個人買個細細地的蛋糕試下 喺草莓公主和芒果公主之間選擇 最後選了後者（最初怕芒果唔當造 但朋友仔喜歡芒果多啲）蛋糕不太甜 味道適中 驚喜的是芒果肉不酸 味道剛好。*生日牌可以即時寫 無需預訂 好方便😌

放工之後行緊去食晚飯， 但係太肚餓喇， 所以經過德福A-1 Bakery & Chateraise 入去買少少嘢醫肚先。 這裏的麵包款式很多， 還有不同口味的蛋糕，蛋糕除咗好食之外賣相亦都相當靚。 今次我就買咗一個蘋果泡芙試下 ，見到包裝精美，應該味道都唔錯。 一啖咬落去，泡芙裏面的蘋果蓉好新鮮， 香甜的蘋果肉配上忌廉，又creamy又香滑， 第一次試A-1呢款嘅泡芙， 食完想再買多一個返屋企再食。 我本身都好鍾意A-1嘅麵包， 除了味道種類多之外，感覺店舖乾淨清潔，買得特別安心。

經過A-1 見到門口擺滿晒日式菓子，小丸子，同埋大福等等，全部都係我最愛，所以比佢吸引左過去再行去凍櫃個邊，見到呢舊蛋糕包裝唔錯，就買黎試一試頂住肚先🍵《宇治抹茶蛋糕》$15蛋糕密度高，質感鬆軟，內裡濕潤，食落去唔會乾爭爭，但我覺得抹茶味唔夠濃，蛋糕亦偏甜😟而Creamy就好幼滑，不過同樣偏甜同埋抹茶味不夠濃，回甘就更加無喇，紅豆都係得丁屎禁多，但係15蚊都幾平既，要求唔太高又唔怕甜既話買黎過下口癮都ok ge😁

這天去朋友家House Warming前，買了幾件精緻蛋糕到訪。包括店舖人氣推介的「原味千層蛋糕」、最近人氣旺盛的水果-「日本提子撻」、「抹茶慕絲」及中秋期間限定的「紫薯糯米糍」。先講「紫薯糯米糍」，皮薄又煙軔，內含紫薯蓉及栗子蓉，味道清淡、不甜，勝在口感層次豐富。再來「抹茶慕絲杯」，杯面有大大夥紅豆、抹茶蒟蒻及疑似QQ的彈牙粉團，下層由抹茶慕絲組成。下層慕絲部分太水汪汪，完全不是creamy 質感，抹茶味淡且偏甜，甜味蓋過了茶味，加上質感古怪，即使配上上層的配料亦不見得搭配，整體叫人失望。「提子撻」，有驚喜！日本提子清甜，份量亦算多，吉士不甜，沒有搶去提子的風頭，撻皮鬆脆，好味！最後是「原味千層蛋糕」，層數多，每層都有薄薄的忌廉，忌廉少少甜，但整體味道不俗，不算很膩。

下午茶時間！！好想食甜點呀！！去到九龍灣商場有好多選擇！！终於選左A-1 Bakery !! 買左甜美草莓圈圈、迷你牛角酥同芝士麻糬波波球！！草莓圈圈表層有一層草莓朱古力！！浸出淡淡士多啤梨味！！Yummy !! Yummy !! 迷你牛角酥都很香脆！！甜甜地咁！！而芝士麻糬波波球則軟绵绵！！芝士味突出！！好幸福呀！！

收工同朋友逛街後，臨離開商場前見呢間麵包店，門面光鮮，地方又大，麵包款式比平常多，喜歡呢間嘅麵包玻璃櫃，玻璃櫃三角形內放層架，麵包高級好多！又多了啲即食冷凍食品（麵食）同果凍之類嘅甜品我都係喜歡食麵包！可惜無咗我喜歡嘅蕃薯包，揀咗兩個麵包排隊比錢！店員收錢爽手但無比收提我！塩之紅豆大福包（$10）白雪雪麵包入面夾雜好蛋原粒大粒紅豆，紅豆炆得淋！麵包又唔係鹹味，只係比平常嘅麵包無咁甜，平衡咗紅豆嘅甜！麵包鬆軟！紅豆有咬口！好味！梳乎厘芝士蛋糕（$19）細細個剛剛好，獨立包裝衛生！蛋糕入面全部係好似忌廉咁滑嘅芝士，好似用外面鬆軟嘅蛋榚包裹啲芝士忌廉咁！芝士味唔濃，主打滑溜！收銀太爽手，太少接觸！價錢貴啲，不過又靚啲好味啲！一分錢 一分貨！