影片
以上資料只供參考, 請與餐廳確認詳情
呢間舊式傳統包餅店本身係坪洲開左好多年第一任老闆因為年老就冇做所以轉手比而家既老闆娘因為我係呢頭大既街坊嚟所以舊個老闆做既芝麻餅我都有食過同而家呢間賣既芝麻餅味道有唔同呢間做既芝麻餅係比較薄身size大dd, 味道比較淡少少但佢都一樣係脆既$4一塊算OK 平因為佢地出貨賣得好快算新鮮芝麻餅唔係隔夜留太耐我地係街坊隨時經過都可以買到但要排2hrs就唔會啦 因為只係正常既懷舊芝麻餅唔算係咩驚為天人咁特別得閒經過，未試過既，可以買嚟試下但要排咁耐就唔建議了
繼續閱讀
A local bakery, located in a side street in Ping Chau, serving all types of breads and baked goodies.The store is famous for its sesame biscuit. It is stored in an ordinary plastic jar on top of the counter. The smell of red fermented beancurd came straight through your nose the moment the jar is opened. The crispy biscuit is elevated by the nutty sesame flavour.It’s getting harder for small businesses to maintain its business over these years. Please show your support to traditional foods.🔸Sesame Biscuit With Red Fermented Beancurd Flavour
繼續閱讀
Score 總分 : 80話說，為左這塊傳說中好好味嘅芝麻餅(4蚊塊)，我等左2個半鐘，真係人都癲，如果唔好食，我真係要係船上(去中環嘅船)大叫 “呀呀呀呀呀，中左伏！” 。好在! 冇喎! 喜出望外! 真係好好味，咁貴嘅一塊餅，等咁耐嘅一塊餅，原來真係咁好味，真係好感動，為我自己嘅負出覺得值! 證明“阿甘正傳”係真架........好! 講返正題。塊餅好正，但真係等太耐。太多精明嘅人識揾食了。總結: 快d去坪洲玩下啦～ 順路可以揾下好野食，冇介紹錯嘅
繼續閱讀
星期六下午3點8嚟到小店，職員表示老闆接到大單，所以暫時未能提供芝麻餅😣，要到5點先有。5點去到，職員仍然表示有大單，所以未有芝麻餅😫。原來麵包店不停接大單，所以好似我呢D只想買幾塊試下嘅人，就永遠都買唔到….😢 我明白接大單緊係好過小單，但係好多好似我地呢D遊客，真係一年都唔會入坪洲一次，食唔到坪洲名物真係深感可惜。而我到最後之所以買到4塊，係因為不停哎職員賣幾塊比我地，同埋走埋班船先買到….😔上岸必食小食之一-------南乳黑白芝麻餅$4大大塊，直徑大概10CM，到手果陣仲暖，隔住個膠袋都聞到香味!!🤤 口感偏硬，南乳味唔重，芝麻味好濃好香，係一塊好食嘅芝麻餅，而且$4一塊好抵。如果店主可以改善下銷售方法就更好，例如接大單之餘，亦留分部餅做小單，另外可經社交平台接納大單，盡量避免接即日大單，我見當日有唔少遊客撲空😣。最後提下大家，早D去小店買餅，或者同朋友一齊夾做大單(好似50塊以上)。否則，唔駛旨意食。
繼續閱讀
今日又入離島玩，今次入坪洲前做左少少功課，呢間A NOY Bakery既芝麻餅係必試😗 所以去完牛皮廠就直接去左呢度買芝麻餅😚正宗南乳芝麻餅(黑白) $4呢塊餅大過我隻手掌✋🏻 面頭遍佈黑白芝麻，真係無哂空位，全部都係芝麻😍 餅底落左南乳黎整，咬多兩啖有陣鹹香味，幾特別。不過最突出麵係d芝麻，食落係好香既芝麻味。下次再去坪洲要買多幾塊食😋
繼續閱讀
您可能會有興趣的...