ABC餅屋 (已結業)

原來 ABC 在聖誕節前就結業啦? 太可惜了, 其實她還有很多好東西的, 要試就要快了!棗蓉合桃蛋糕 ($4.5) - 本來我很怕吃合桃蛋糕的, 不過加了甘甜的紅棗蓉之後, 減少了那股膩滯感覺, 軟綿的紅棗和脆口的合桃又難得地和諧共處, 該是我繼鳥結糖之後最喜歡的一樣食品! 西梅糖 ($28) - 不定期供應的產品 (這兩盒我是在某周六早上碰巧見到才買到的), 要遇上它還得要一點緣份。嗯...樣子跟味道有點說不出的熟悉...呀! 是已消失於市面多年的南棗合桃糕! 其實味道也不是一模一樣吧, 這西梅糖的果甜果香明顯一些; 但兩者都是其貌不揚, 卻又很好吃的。小孩子可能不會欣賞它那股獨特的口味, 大朋友就會覺得愈吃愈有味道 (噢, 我老了是嗎?)蛋撻 - 忘了價錢, 本是為迷你蛋撻而來, 怎知一買就要 8 個, 只好來個大的充數。一家店不可能每種產品都一樣的強吧, 這蛋撻還只是普通而已。經過長達兩年以上的結志街攻防戰, 肥老闆終於光榮地退下火線, 可以休息一下, 過一個快樂聖誕了。不過, 無數的擁躉正等著你東山再起的一天!

2008-12-10聽舊老闆之言呢度將會消失，加上家母非常好鳥結糖，就快快來試一試門口寫著24/12 last day，有買趁手$20 14 塊 (細)$70 56 塊 (大)兩度問大o既有幾多塊，坐o係度o既肥佬都會好聲好氣話o個日o的大粒o既咪無咁多囉。即係，塞滿個盒就是了。我數過，我盒有55塊……Anyway，平時食開奇華那些，今次一嚐，呢度確是與別不同。香牛奶味亦唔"痴"牙，越食好似越上癮咁，甜度適中亦買了一盒細o既給女友真的要說再見的話，可惜呢

約了朋友看戲在ABC 快快買個包上路選了酥皮果占包個名幾得意加上其他地方未見過雖然過了幾小時後才吃仍然是小小脆的酥皮果占滿滿的不錯

主人與奴隸獸讀了食評，才知道這餅店快將結業，所以上星期專程前往光顧。1. 山東合桃酥（HK$10，3件）：依然是香、酥、鬆、脆，好味，不過這款美味餅食，不知道會不會因為餅店的結業，就從此消失呢！2. 棗蓉合桃蛋糕（HK$4.5）：質感像香蕉蛋糕，紅棗味道濃郁，合桃鬆脆，有創意又有驚喜。真不知道會不會成為主人與奴隸獸的美味回憶。

睇完精神食糧,知道佢好快唔做(但唔知最終日子),所以終於可nov 09, 08買到,之後喺酒樓同友人們1齊食 : 1) 鳥結糖(細)-鱔稿話佢人手做-甜度可以接受,無澳洲嗰d咁甜-見到放咗唔少嘅花生碎,花生都幾香-奶味濃-唔錯**以上意見全由友人提供

知道結志街重建令到這裡將面臨結業專登和親愛的來排隊買傳說最好味的鳥結糖新鮮的鳥結糖一板板的開然後再用人手將紙包著粒糖咬下去滲出花生陣陣的鹹香和有嚼口微甜的鳥結糖擦出合拍的火花!充滿人情味的師傅提醒把糖放久點才吃花生味會滲入去糖本身多d會仲好食看到滿牆的山東月餅訂單, 心郁郁想訂盒想到中秋後這裡就結業, 真係有點捨不得

Yesterday morning I went to ABC to buy my favourite coconut roll and was delighted to find Nougat (usually only availble after 11am) on the rack. What's more, there was another item, the prune candy! Their Sifu only make this candy when he has the time and the mood. Without hesitation I bought a pack directly.The prune candy is similar to Nougat, only that milk is replaced by dried prune puree. Also same as Nougat, the candy is filled with lots of peanut. It is very delicious, so don't miss out

11-oct-08 2:35pm5 分鐘完成左細蓉後, 肚裡彷然無物, 之後直上泰昌, 沿途經過擺花街三角位, 想起平日晚上大多會售罄的abc 鳥結糖, 立即停步看看.今日真好運, 去到見幾個員工正正為新鮮做好的鳥結糖入盒, 於是爽快地取一小盒, 放下 20 大洋而去. 正餐未飽, 又心癢試食一粒, 果然很美味.! 薄薄既米紙包住香軟的牛奶糖, 絕不會如一般坊間吃的死實. 花生又多又脆, 奶味香濃. 最重要是甜度剛好!拿回家後, 起初家人對此品毫無興趣, 經我解釋一番, 結果一吃再吃, 轉眼間14粒只剩 3 粒....***ABC 很快就要跟大家說再見, 因為政府收鋪要做市區重建,傳統手藝小吃將從此消失, 要食趁手~***

昨日趁到南記買外賣，順道訪尋ABC餅屋，一心買鳥結糖及合桃酥。可惜我這個道路白痴始終都係「眼大睇過龍」，居然錯過咗個街口，行咗去泰昌。因為同事在等著，只好放棄搜索行動。今早八點未夠，又再仔細的找一趟。終於見到招牌（昨日真的是鬼黯眼啦），一入門口，就見架上有多款麵包，人客正在排隊。原來所有麵包皆由店員為你夾起放入袋內，確保沒有閒人碰過，真好！我買了一個雞尾包（雖然放涼了，但味道真的不錯，餡不會太多、太甜）、一個芝麻包及一盒鳥結糖（雖然剛吃過麵包及奶茶，仍要立即試試，內裏的花生果然能保持香口脆度）。看不見有合桃酥，問收銀的叔叔，他說師父未上班，要下午才有。可惜！由於是早餐時段，所以亦不見迷你蛋撻。我怎麼搞的，在中環待了這許多年，竟錯過了這一間好店。我一定會在此店結業前，挑一個下午「捲土重來」的！

去開中環,媽咪叫我幫佢係蓮香買皮蛋酥,點知蓮香乜餅都無,所以只好去ABC餅屋買盒鳥結糖俾佢試下補數~11:15去到,我周圍望,都唔見有鳥結糖0既?唔通一開爐就賣晒?望左好耐,終於俾我見到有兩盒鳥結糖係收銀台前面個架到,就好開心咁諗住攞,點知一掂就俾一個阿叔喝:"係我攞左架!"我梗係話唔好意思啦!跟住先見到係收銀台有2個阿姐係度包緊鳥結糖,我先知道原來鳥結糖係要同佢地講要幾多盒佢地先裝俾你0既,真係好Nor!不過阿姐幾好人,話要一盒佢即刻話好好好,而且即刻俾你,唔會嫌你買得少,好友善另外見到佢0既果占蛋糕好似幾大件幾正,如果有機會都可以試下同埋大家去0既話可以試下佢D迷你蛋tart同迷你椰tart,都真係幾迷你,同密密出爐,熱辣辣應該幾好味因為係新鮮出爐,入左盒放係手都仲熱熱地,如果唔係啱啱食完勝香園真係想即刻食粒!返屋企試過之後覺得唔錯,牛奶味幾重,又夠滑,花生同牛奶個味溝得好好,甜得黎有咬口,不過嫌張米紙大張到好似張糖紙,搞到我係度猶疑究竟好唔好食埋佢(最後自然係有0既),味道雖然幾好,但係$20得14粒,真係有D貴...偶然試下都OK,但係唔會成日買囉買個陣仲有D小插曲:有2個後生

好耐之前睇過雜誌~話歷史以久今日又黎開中環~可以試喇~只係買左鳥結糖~$20/14粒~~好重牛奶味嫁~又唔硬~花生又脆~好丫~

上二個星期前諗住去買棗泥月餅($180)，打電話過去，佢話你唔駛黎，因為買晒！之後找同事的家姑幫我去訂，(因她在附近工作，真係麻煩晒、唔該晒)然後我特登山長水遠去取棗泥月餅！嘩！真係好好食！不枉我攪咁多野才食到個月餅！可惜以後無得食！ (好似做埋今年要光榮結業！)咁點算？食左好野返唔到轉頭架喎！真係人間慘劇！我取月餅時，又順便買了一打合桃酥($40)。嘩，又係正野！好食！我買的時候剛好出爐，嘩，熱辣辣無得頂！

Been craving for its cross-bun (scones) and walnut biscuits, read the reviews below saying its egg tart was another nice treat. Finally got a right time for its freshly baked egg tart, and yet the cookie-like crusted egg tart didn't offer any surprise though, still I prefer those with filo pastry around

試過有一個禮拜日去到中環, 特登走上結志街諗住買鳥結糖點知無喎... 好失望咁走囉...而家0係中環返工...嘿嘿嘿...我又點會放過你呢~ 大概兩點左右上到去, 嘩...排長龍~~~ >.<我仲未食飯喎...唔好啦, 食完再黎睇過啦~食完兩點几, 上到去, 好好彩只有我前面0個個婆婆不過始終即切即包即賣, 所以都等左一陣啦$20/14粒...花生既用糧一d 都唔孤寒奶香好重, 亦唔會過甜 (當然, 視乎你一次過食几多粒啦)最鍾意張米紙, 雖然無味, 但好鍾意, 細個食大白兔都係為左張米紙! 但係略嫌淋左少少...我都係鍾意硬身d 既鳥結糖各位有賣趁手啦, 聽聞今年內就會收檔了...婆婆0個日問d 店員會搬去邊, 店員都唔知呢!btw...佢地包糖無帶手套, 然後走去收錢, 再走返黎包糖不過舊式地方, 好多都係咁la...

睇到好多人都講呢度0的鳥結糖好正, 所以今日午餐時過黎走左一轉。但係, 鳥結糖, 蛋撻, 香蕉蛋糕, 迷你芒果蛋糕都冇了, 只有合桃餅, 所以要了3個, 但係好人的老闆娘同我講等左5分鐘就有蛋撻, 咁梗係等啦....!!!!等左5分鐘左右蛋撻出爐了, 買左4個都係6蚊咋。但係買完之後, 行下行下, 先諗起, 今日公司得我一個, 有4個蛋撻同3塊手掌咁大的餅, 點算?但0係我食完第一個蛋撻, 已經急不及待要食第二個, 再食埋半塊餅之後, 我諗我都唔駛擔心咁多了.......(但好飽!!!!)好可惜的是, 我諗我冇機會食到佢的鳥結糖了.....因為要十一至一先可以買到.....