ABC餅屋 (已結業)

肥嘟嘟成日投訴我唔知中環有咩好食, 咁我就的起心肝搵下同記下啦。乜都唔記得, 只係記得abc 餅屋, 因為有個食家話係蘭香園對面今日計劃左去南丫島, 出發之前肥嘟嘟就話好肚餓, 所以就食左沾仔記。再一次證明: 「好野係唔可以食兩次!」。食完沾仔記, 就走去abc 買野食喇!! 蛋撻仔 - 有蛋白同蛋黃, 食番最original既蛋黃。食落去暖暖地, 唔係好熱, 可能係因為撞唔正岩岩出爐。蛋漿好滿, 唔叫好甜, 味道適中。曲奇餅皮, 好鬆脆, 不過我嫌佢個皮太薄, 厚番少少會好味好多。 鳥結糖 - 聽聞係人手造, 口感適中, 花生都算多, 唔錯。肥嘟嘟覺得佢d 味道有d 怪, 但係我唔覺, 佢好味過出面買同其他鋪整既好多。鳥結糖好難整得好好味, 所以我已經收貨喇!

今日LUNCH 食唔飽, 諗起公司附近傳說中既ABC, 決定揾一揾, 原來就係蘭芳園對面....入到去,鋪仔細細, 同一般面包鋪無異, 由於中午時間都多人, 快手快腳, 要一盒鳥結糖, 一個咸牛肉包, 4 件蛋撻仔.鳥結糖: 好軟, 唔會似出面一般買到好硬個D, 咬甩牙, 好有奶香, 有花生 拍得住係台灣好好食既牛軋糖,不過台灣係用杏仁, 仲正!蛋撻仔: 係迷你蛋撻仔, 唔可以單買一個, 所以買左4 個, 好在係迷你咋... 好飽呀! 個皮係曲奇餅, NOT 酥皮.... I LIKE IT!咸牛肉: 裡面既肉好夠味, 如果新鮮出爐, 應該會更加美味!

昨天諗住今日要去中環就上"開飯喇"搵吓有咩好介紹啦 ... 咁就比我睇中呢間 ABC 餅店 , 看過地圖以為記得 ... 點知今天去到搵唔到 , 行了一大個圈都冇既 ..... 諗住算啦,下次先再買過,咁就是但搵返條路出返去 H & M 囉 ... 點知 行吓望吓比我望到間ABC就係我前面喎 ... 幾開心呀 !!所以呢,好多嘢都唔洗強求既,是妳的就是妳的了 ..... 呵呵呵 入到去第一時間就搵吓盒鳥結糖係邊先,搵到!! ..... 再睇吓側邊有包我叫十字飽佢叫士干飽的我又要了一包 .... 跟住再轉移目標後邊,看到我最喜歡的法飽類的飽飽又要了一個 ..... 買咗三樣嘢 一出門口,摸下個法飽 仲熱架 .... 第一時間邊行邊食,正呀!! 仲出煙架 .... 好軟熟好好味個邊仲脆脆的 ...... 好滿足 士干飽 ~ 好多提子干,甜甜哋,實實哋 .... 都OK的鳥結糖 ~ 不用介紹吧!!! 原來 ABC CAKE HOUSE 有中文名架 就係叫做 "愛皮西餅店" 喇

咸牛肉飽 - D 咸牛肉用洋葱炒過架, 好香, 勁多料, 一咬即爆咸牛肉出嚟 餐肉飽 - D 餐肉好厚呀, 正到死呀............ 車輪飽 - 而家好小地方有車輪飽架喇, 咁鬼大個, 都係$4 咋... 個個飽都係大約$3-5, 抵到死!! 又好味!! 唯一問題係, 唔知點解硬係有個阿姐吊住你尾, 不停問你要乜飽要乜飽!! 比我睇吓先得唔得, 我自己識行去比錢架喇!!!

3-11-2009食完豬手行返落山, 路經呢間小餅店, 見一盤迷你蛋撻仔剛出爐, 蛋漿脹卜卜好吸引, 又買 $6 / 4 隻試試.買完等了 5 分鐘路先食, 仍然好熱, 撻皮係曲奇皮, 牛油香一般, 但夠晒鬆化; 蛋漿熱得燙嘴, 質地滑得帶點溏心,「long 吓 long 吓」的, 蛋香夠, 甜度我覺得稍高, 不過都幾好食, 一次過「啪」晒 4 隻, 滿足 上嚟 Openrice 先知原來呢度最出名係 nougat, 下次買包試試先.

因工作地點近中環閣麟街,很多時候會因太忙錯過lunch time而四出走走找好吃的而今次就找到了這間不起眼的店子,令我喜出望外的食物大家都說這裡的鳥結糖和合桃酥最棒我反倒有不一樣的的最愛第一心水是這裡的蒜蓉包,是幼稚園時曾吃過的風味,久違了真的好久的蒜香因家附近的麵包店結業而十多年沒有再細嚐過價錢亦只是$4.5,尤其在中環而高絕對不過份輕咬一口,cheesy的表面和脆硬的底部包住的是鬆軟富牛油香的內層.和心底內對孩提時的懷緬..令我一天之內忍不住吃了兩個第二心水是這裡的花生醬包外型像煞了牛角包,每一層麵包都夾雜著幼滑香濃的花生醬香脆的外表,軟滑的peanut butter..加上表面粒粒的芝麻令這個本以為很普通的包出色萬倍本人較為小吃,食一個就差不多飽了~可是仍回味心中淡淡的芝麻和花生醬的香甜舊式麵包愛好者必到之地店內阿姐熱心好客,會為客人夾麵包聽聞政府重建將會使這舖清拆,希望此事不真否則叫我再從何處找寄託?

係中環等阿寶放工...個肚咕咕聲, 即刻諗起ABC就買個合桃酥($4)頂住先!!阿姐話買3個($10)抵D...不過我第一次食, 都係試左一個先好D ...即買即食: 真係好好味!!好鬆脆!!!! 唔似其他合桃酥gum實身又dry; 而且又有合桃香 =] 好快食曬lu!!之後又忍唔住行番轉頭買多3個同家人分享(放左一晚既合桃酥依然係gum鬆脆呀!!!)

收工經過買左盒試下..一盒十四粒($20)煙煙韌韌，甜道適中,內含好多花生碎,最重要係唔痴牙,我忍唔住食完一粒又一粒,好味道!聽聞呢度D西梅糖都好出名,下次有機會試下先^^

放學肚餓. 又想食麵包. 哈哈諗左好耐要咩. 最後決定試之前大家讚好的香蕉包 ＄６其實香蕉包的確唔係麵包黎. 係個蛋糕黎.個蛋糕都幾大個. 好似雞蛋糕咁既大小.食落好重香蕉味. 唔算鬆軟但又唔太硬.其實同出面街的普通香蕉蛋糕一樣味. 不過我覺得真係值得一試. 因為食完係會好飽 不過入面的亞姐好似成日摧人買野咁. 呢樣唔太好！

午飯過後 肚皮還有空位就四處行行再買點小食路過ABC便被剛出爐的迷你蛋撻吸引過去 (價錢好像是$6 - 3個/4個)脹卜卜的蛋"槳"像快要滿瀉顧不了熨口就整個放進口中蛋香且滑曲奇皮脆、帶有牛油香一啖一個不失為飯後甜點之選

近來試過這店的幾款食物：鳥結糖($20一盒有14粒)：一點也不便宜，但人手造及逐粒包的，也算物有所值。很香的花生味和奶味，軟得來帶點煙韌，不會像某些牌子那麼硬。好味！棗蓉合桃蛋糕($4.5)：很香濃的棗味，還吃到一小粒棗核(哈，證明真是用棗來造的)。不過，因為它像牛油蛋糕，所以有點油膩。（減肥人士不宜吃）鹹麥包($2.5)，其實是燕麥包。留到第二天早上才吃，但仍很軟熟，也有很多燕麥。難得中環也有這種舊式平價麵包店，真好！

聽左咁多次....都只係知道呢間餅店叫做ABC.....原來佢有中文名架!!!! 因為朋友去中環秘撈....所以特登去買一盒比我!!!仲要排左好耐隊先有得買!!!!" 就係呢份誠意, 打動左我屋企幾個人" (就係.....我.....同埋我.....仲有我)....鳥結糖真係幾煙靭..又好夠奶味!!!雖然真係唔及以前食過既好味!!但係朋友既誠意搭夠!!!

之前聽說ABC,會在上年結業，一直以為從此沒有好吃的鳥結糖食了，有天經過結志街，見到還在開門，和老板娘說起，原來重建計劃已經擱遲起碼一年，那大家今年中秋應該還有山東月餅可食了。這裡的鳥結糖煙韌，味道適中，沒有坊間的那麼甜，並且較軟，還有香脆的花生；這是一等的好糖啊，要珍惜。每次有人送給我都覺得很討人歡喜的。人手做的鳥結糖，在這城市中已碩果僅全，所以大家趕緊在這一年幫襯ABC,一年之后可能真的要說再見了。

星期五 (2 Jan) 到中環買點東西, 買過後站在結志街街頭正在思索之後要去哪兒的時候, 忽然看見ABC餅屋的招牌, 猛然想起之前在openrice看過這間餅屋的食評 (記得是不錯的, 只是有什麼好吃的倒忘了), 於是二話不說進去看看有什麼想吃的.時間是下午四時多, 所剩的麫包款式不多. 有點失望之際, 看見麫包櫃上放著用袋入起, 一袋五個的 “士干包”. 當下心想: 難道是 scone ? 那士干包的大小大既是正常scone size 的一半到三分二左右, 而樣子也的確有點像 scone 的. Scone是我最愛吃的包類之一, 見那一袋五個的士干包只賣十二元, 不貴, 馬上拿起付錢.正在排隊等付錢之際, 又看到另一個吸引我的包包: 多穀包. 於是也買一個來試試. 多穀包的樣子其實不太吸引 (好像很硬的), 但一口咬下去, 卻是出乎我所料的鬆軟! 包夠大, 也真的夠“多穀”, 好食!再來是士干包 – 由於放進了冰箱等隔日才吃, 所以吃前先叮十五秒. 嘩, 不得了! 那真的是 scone 的texture! 吃下去有點乾乾的, 但又不失鬆軟, 還有提子乾和橙皮 (雖然我覺得不要橙皮會好

今天去買鳥結糖時，見到門外有則告示，話得到政府批准可以繼續營業，所以大家不用心急去買了。買咗盒大鳥結糖($70)，回家數過有六十糖。味道真係不是太甜，重有好多花生，好好味。