ABC Cooking Studio

營業中

休息中

K11分店都就嚟租約期滿所以同學仔都紛紛講上尾班車想book到多啲堂～今次呢堂Cooking係史上最難報嘅一堂好好彩半夜扎醒咗，再好有恆心咁撳一撳入個網先見到有位！點知去到上堂當日竟然有一個空位只有三個同學一齊上～今次報嘅係［新加坡海南雞飯＆喇沙蝦湯］雖然整出嚟個外貌冇出街買嘅海南雞咁上色～但係都係色香味俱全～雞髀肉好滑而且飯都係好入味嘅薑蓉同埋啲醬料令到成件事昇華！冇想像中咁難整亦都有信心可以喺屋企再煮多幾次！P.S.唔知係咪啲堂太full嘅關係～阿Sir都好攰中間有幾次落調味料睇錯份量 同埋一啲唔需要加嘅加咗落去個喇沙湯度不過好彩都冇影響個味道辛苦晒咁多位導師～

疫情嘅時候，買咗Beginner pack~但係一路都好難book啊，所以遲遲都未用晒啲course不過好彩開返關之後大家多咗其他活動，變相令個course都容易book咗！所以今次就試咗整Lime Double Cheese Cake整得好舒服呀～老師講得好詳盡，但係一啲都唔趕～可以慢慢黎 中間仲仲有得唞吓🙈 成品好靚仔，啱晒gathering同朋友分享P.s. 不過好似話K11嘅studio就執笠🥲 又少咗一個方便嘅地點🥲

又黎到ABC Cooking Studio上堂喇，今堂嘅作品係：Chocolate Noel特濃朱古力蛋糕💁‍♀️🎂，老師話呢個蛋糕喺外國係個聖誕節蛋糕黎嘅。蛋糕堂大概2小時，今次只有我同另一個同學仔再加導師，3個人一枱，原本已經係小班教學，而家少人上堂更加似私人授課咁🤩。成個製作過程都有導師指引，佢會根據我地嘅製作速度黎講解下一個步驟，主要都係我自己動手整，唔明嘅地方，可以請導師落手示範。而食材全部都係導師上堂前準備好，用完嘅煮食工具亦有職員幫手清洗，真係啱哂我呢啲唔鐘意洗碗嘅懶人😎

比朋友邀請，一齊試吓一齊整嘢食一早有四個人，全程又有導師指導，所以係非常順利同埋覺得好簡單🤣🤣今次整咗呢一個叫玫瑰開心果牛奶撻，味道唔會太甜，有少少玫瑰味，如果可以再落多啲開心果就更加好了！我整完帶咗返屋企同屋企人一齊食，但係諗諗吓，批類嘅嘢，都係一焗起即刻食先可以食到佢最好味嘅部份！！試堂一堂要$280 ，但如果可以，我好希望下次試吓煮嘢食！今次覺得有啲簡單🤣🤣

ABC Cooking Studio🍞👩🏻‍🍳………. 今次同朋友一齊初次嚐試ABC cooking studio嘅體驗班試整下麵包。當日我同朋友係平日二至四點到尖沙咀分店，去到每枱最多有四個人(不計導師)一齊上堂。由於體驗班嘅關係，所以上堂過程都唔可以攝影拍片，但都可以影下製成品，仲有打卡位置比大家放置製成品影相，整個體驗都很好🫶🏻……….🍞火腿沙律包 & 肉桂卷 (體驗班) $280•用一個大麵團整成3個火腿沙律包同肉桂卷。全部材料由ABC cooking studio提供。麵包外觀吸引，食落有好香麵包味！火腿加蛋黃醬夾埋好香脆可口，面頭仲有乾燥蕃茜點綴下，令到整個外觀加了分。肉桂卷係用咗肉桂砂糖同冧酒浸過嘅葡萄乾而成，面頭仲有杏仁片作裝飾，增加口感之餘，味道也不錯😆……….💰人均 $280/per person (2人)

一直以來身邊好多朋友都係ABC上堂，個個都讚不絕口，但因為課堂價錢真係有啲太貴我一直都唔係好捨得報名直到上次我家姐叫我一齊參加trail，成品真係太好食同靚，我就忍唔住入咗坑正式開始上regular class，我報咗名整Rice Flour Pizza。佢係比較難整嘅麵包，但因為之前我都整過吓麵包所以膽粗粗試吓。老師教學態度超認真細心，講得好清楚，上堂嘅氣氛好好。一張枱四個人，四個人都係整緊唔同嘅麵包 (因為自己book時間嘅)，所以可以順便睇埋有冇其他麵包吸引下次可以試吓整✨Rice Flour Pizza：口感鬆軟，一個字，超級好食！！！！！！好開心呀！！！！

🌸上次上完體驗堂後，急不及耐同個朋友一齊上堂🌸覺得麵包堂既好處係，就算同朋友上同一班，都可以揀唔同麵包！！💯💯💯💯💯成個過程都好乾淨衛生，老師Fartima講解得超仔細👍🏻👍🏻👍🏻出到嚟嘅製成品好靚，我同朋友都好滿意🍒🍒🍒🍒🍒🍒賣相好靚既Cherry & Berry包🍒鬆軟帶牛奶香既包 配 忌廉芝士同莓個包軟得來有少少脆，偏甜少少但有啲莓中和下都ok!焗完出來閃閃地好靚🏅🏅🏅🍕Rice Flour Pizza朋友整左呢款加左粘米粉既pizza,帶啲煙韌，醬汁香濃好好味🍅🍅🍅🍅🌟🌟🌟🌟🌟但可以提一提大家，因為我同朋友係可以於平日下午時間上堂，所以Book堂相對容易！如果你係一定要上繁忙時間既上班人士，就可能要早少少book定上堂日子啦☺️

以前經過開K11 ABC既破壞一直好想試吓係啱啱嘅重陽節假期終於有時間去試堂！🏮🏮🏮🏮🏮🏮🏮🏮揀咗整呢個焦糖紅茶卷蛋糕聽到個名就覺得好吸引😆試堂費為$280兩個鐘價錢合理。🌟🌟🌟🌟🌟一入門口，成個裝修風格都係簡潔無印風，Receptionist幫你登記好之後，就會量體溫同埋消毒。之後喺locker位置安放好行裝之後，隔離亦都有洗手盆洗手！感覺乾淨衛生！🌟🌟🌟🌟🌟成個整蛋糕嘅過程，因為係試堂關係中間就唔可以錄影影相！但係老師Yvonne講解得超級清楚同細心！雖然卷蛋糕唔算容易整，但係我哋個個都整得好開心🥳而且出嚟製成品賣相都唔錯啊🌟味道方面，我係鐘意食甜品既人，覺得食到淡淡Early Grey味之餘，因為中間嘅夾心同上面嘅裝飾都用咗伯爵茶奶凍，覺得啲焦糖Cream同啲奶凍都好滑好夾！雖然同我一齊嘅朋友比較唔食得甜，佢就會覺得個蛋糕偏甜咗少少。🌟🌟🌟🌟🌟中間嘅時間老師有介紹過啲課程，但係完全冇hard sell,連問我哋會唔會考慮join都冇😆🌟🌟🌟🌟🌟雖然佢哋正式課堂嘅價錢唔算平，但係我覺得以小班教學一對四，我再比較過出面啲自助烘焙店（睇iPad自己整，冇老師教嗰啲）呢個價錢真係算係合理

上次去完美食展，經過攤位見到佢有試玩價，$100一位可以整一款蛋糕，我哋就book咗九月去整伯爵茶蛋卷。估唔到呢度服務會咁好，一入到去就同其餘兩個唔識嘅客人，一共四個人一張枱，有一個導師教我哋整蛋糕。材料嘅份量已經分好哂，只要聽住個導師講要點做，基本上好快就完成咗個蛋糕。而且嗰度嘅廚房雪櫃好凍，廚具都好新淨，所以可以加快整蛋糕嘅效率。蛋卷整完好好味，啲cream同埋個蛋糕都充滿伯爵茶嘅香味，自己親手做完好有成功感！個蛋糕整咗兩個鐘都唔使就完成啦。佢之後都有推介一啲課程俾我哋，不過我見離屋企有啲遠，所以就無報名啦，同埋當然冇優惠價個價錢就貴啲啦。

試左trial lesson $280/位為時兩個幾鐘整完有盒比你攞走食譜可帶回家今次整#熱情果芒果夏洛特蛋糕全部份量員工事前已一份份分好曬為六人小班教學每個step導師示範後，學員再跟住做連無乜下廚經驗嘅我都做得到👍🏻😂店內有位置比你打卡至於…..味道就….. 老公嗰個好食好多，手勢所然睇相已知高下立見😅📍以下食評以佢嗰個為準：熱情果加芒果無諗過咁夾酸酸地幾開胃手指餅自己做，原來可以整得咁鬆軟🤤雖然我廚藝不精但好享受整個過程💕 *。 *。 *。 *。 值得一讚嘅係店內好有系統分左清潔洗碗區四周保持整潔舒適👍🏻

就快是媽媽節了，希望在節日前練習做蛋糕🎂，聽說ABC cooking studio 出名環境清潔、服務又好，所以上網去上體驗堂。原本想打電話預約，但K11分店的電話打很多次也沒人接，所以唯有上網預約，需要先付試堂費。可付visa、mastee或PayPal.去到試堂當天，方知道只有我一人試堂，原本是4人一堂，所以很幸運是一對一。導師也很專業，但是比較冷漠，除了教學就沒有太多交流，報名前我以為是一個蛋糕，做的時候先知是做捲蛋。導師有介紹join 班，但沒有強迫，因為太貴了所以我沒有join plan. 做完蛋糕有地方拍照，因為疫情關係蛋糕要帶回家不能堂食。

小班教學模式，課程多樣性，每個月都用唔同款既麵包蛋糕堂可以上。今個月唔啱就可以下個月，當休息吓，啱嘅話可以上多幾堂，都幾好👍🏻。今次上依堂係蛋糕班，整蘋果伯爵茶蛋卷😍，切蘋果粒，加工。打蛋，焗蛋糕打忌廉。工序唔多，但又有少少技巧，經過兩個鐘，蘋果伯爵茶蛋卷完成。整完梗係要試食啦，一路整嘅時候都覺得好似落咗好多糖，又怕甜又怕肥😂，點知食落一啲都唔甜，甜度啱啱好。酸酸地嘅蘋果，加上淡忌廉，配上伯爵茶蛋糕，個味道好夾，酸酸地好開胃，一啲都唔覺得啲cream好溜，反而仲覺得好好好食，下一次再試吓整其他嘢先，然後再同大家分享。

ABC cooking studio 原來AE Chow有好多地區都有分店，香港尖沙咀K11分店我都係第一次嚟，主要係學蛋糕，日式料理，麵包嘅課堂!今日我揀選左麵包課程薯仔鯡魚麵包上堂是一位導師對四位學員，教導猜麵粉，整麵包及包餡每一個動作都仔細教導，男老師非常細心衛生情況10分好有姐姐幫你洗野，上堂有人幫你準備好晒所有材料，淨係帶個人去上堂就得㗎啦麵包好好食，足料！會繼續再上堂，下次要試玩蛋糕堂同日本料理😜😜

<香港·尖沙咀>全球疫情嚴重，唔好話去旅行，想去打war game都好難🥺我地都係人少少去整蛋糕，Sakura mousse cake 粉紅色好靚靚，食落口有種好幸福嘅感覺啊🥰🥰🥰 行山？整嘢食？搵嘢食？都好快啲約我啦！郁動下身體都會健康啲🙈屈係屋企咁耐整吓蛋糕食下蛋糕心情都會好返好多希望疫情快啲好返啦咁我就可以多啲嚟上蛋糕堂#abccookingstudio #sukura #abccookingstudiohk

ABC無啦啦比上大人捉咗去試堂，又無啦啦整熊仔手撕麵包。正所謂對一個從來都未整過麵包嘅人真係有小小吃力。過程中，導師都好細心又好耐心咁講解，教我落乜落物，幾時落幾時焗，可惜當時我個腦已經飛咗去太空，堅唔明佢講乜！哈哈⋯⋯最後，整呀整，搓呀搓，又焗呀焗，又等下發酵咁，個熊仔麵包終於完成咗啦⋯⋯Ummmm.....老老實實，我啲水準令到呢舊麵包一啲熊仔樣都冇，係咪勁先？哈哈⋯完成後，果位導師當然要sale下你啦，叫你入下會，報下個course咁，加下加下都成二千幾三千蚊，在這刻才知，原來上大人咁有錢，報呢啲course讀。🤔🤔🤔⋯⋯當然我呢個窮鬼即時就閃咗啦⋯⋯呢幾個熊仔麵包已經係我咁大個人，買得最貴嘅麵包了。👅👅👅