影片
港鐵朗屏站 B2 出口, 步行約5分鐘
繼續閱讀
電話號碼
69750789
營業時間
今日營業
12:00 - 14:30
18:00 - 22:00
星期一至五
12:00 - 14:30
18:00 - 22:00
星期六
18:00 - 23:00
星期日
12:00 - 14:30
18:00 - 22:00
以上資料只供參考, 請與餐廳確認詳情
要同摯友撐檯腳，唔一定要過海嘅，對於新界嘅朋友元朗都有一間極隱世幾難搵嘅location，但高汁兼抵食嘅西餐廳我地一坐低，冇幾耐就已經有份welcome food，係南瓜蓉脆米餅，一啖咁擺入口，極度脆口，南瓜蓉又香又綿冇渣，南瓜籽碎更添口感Dinner set會有一碗SOUP OF THE DAY，是日餐湯係蘑菇湯，blend得好香滑，菇味非常濃郁，溫度剛剛好，唔會因為太熱影響味感跟住就可以揀頭盤，秘魯牛心串燒係一味好特別嘅菜式，牛心無論質感同味道，同出面食嘅好唔同，調味好有南美風味，點啲芥末更提味烤蘇格蘭蟶子皇都係好正嘅選擇，蟶子肉質好鮮彈，咁有彈性睇嚟都好新鮮，唧啲檸檬汁上去，更能吊出鮮感然後就到主菜喇，龍蝦汁大蝦意大利麵唔似出面咁整到好橙啲汁已經索晒喺意粉度，龍蝦味啖啖都勁，大蝦真係勁大條，由頭到尾滿滿蝦肉，蝦膏仲好鮮香跟餐可以加錢升級阿根廷牛肉眼，10安士真係好大塊，而且激厚用刀拮落去，已經覺得肉質一級棒切完點鹽同特製阿根廷香草醬汁，同埋蒜粒一齊食，多重味蕾享受，喺把口裡面好似煙花爆發，太不得了喇另外仲有粟米條都好香口，同牛扒都好夾
繼續閱讀
一間用心制作性價比勁高的小店👍 價錢親民，菜色有心思，食材優質，每道菜擺盤味道都帶來驚喜，下次要試埋其他菜色😋Dinner set $188起，分別叫了頭盤同一個主菜， 跟一個湯，我地再叫多個小食同自家釀的酒，與老闆傾下計又過了開心的一晚😊南瓜湯 。好濃郁的南瓜味，綿密口感順滑，加上新鮮粟米很爽甜😋酸辣茄子織。呢個一定是巧手手工菜👍一上枱見到不禁嘩一聲叫了出來😱用人手鬢出茄子辮吸收了酸辣汁🤩 賣相一流👍味道極佳👍秘魯烤牛心。老闆講底，肉中間有d粉紅好似未熟晒是正常的，未食過牛心的我試後感似牛舌芯，比牛舌芯軟d 質感很好好味👍烤蘇格蘭蟶子皇。烤得剛剛好不會過韌，蟶子味鮮美肉質鮮嫩😋墨汁帶子意大利飯。擺盤很打咭able, 好似為帶子戴上頭紗，約隱約現神秘感覺😜 帶子煎得恰好外熟內嫩好鮮甜，意大利飯加入洋蔥粒，增加口感😋秘魯香料烤雞。焗大蒜不多餐廳會製做，因為要預先焗成2個鐘頭，食得出誠意十足😍了出嚟一粒粒食是甜甜軟軟很好吃😍 烤雞烤到恰好外脆內嫩，內裡還保持肉汁，外皮有微辣味道，沾埋青醬有另一清新感覺😋炸海苔魷魚鬚。炸漿加了海苔好香，魷魚鬚脆皮炸得又薄又脆😍 桂花陳皮梳打酒 (自家制）。清香桂花味, 淡淡的陳皮味在桂花後面，整杯好夾的味道好fresh 👍橙皮話梅gin coke （自家制）。話梅味幾重，加了coke蓋過了gin味，唔會覺好濃烈酒味😊
繼續閱讀
平時去元朗都係食貼地嘢，絕對無諗過今日嚟到Ada’s Not Here會搵到意外嘅驚喜！Ada’s Not Here除咗食材同味道之外，每碟菜嘅擺盤都非常精美，睇得出店主嘅細心出品。加上餐廳嘅設計非常有質感，整體嘅用餐體驗實屬一流。酸辣茄子織上枱一刻真係呆咗，茄子被編織成千鳥格，絕對係考功夫之餘，仲令我對之後嘅菜式更為期待。茄子肉質軟綿，索晒酸酸辣辣嘅味道，非常開胃。烤蘇格蘭蟶子皇頭盤揀咗嚟自蘇格蘭嘅蟶子皇！蟶子大大隻，生熟程度啱啱好，肉質爽口鮮甜，加上烤過嘅香味，充滿層次。香煎蟹餅Ada’s Not Here嘅蟹餅用料十足，炸漿唔會過厚，一切開蟹餅就見到裏面絲絲嘅蟹肉，配上自家製嘅醬料，令蟹肉嘅鮮味更加突出。黃金蟹肉意大利麵 蟹黃味甘香甜美，主廚特意選擇較粗嘅意粉，就好似為意大利麵披上黃金色外衣一樣，等大家每一啖都充滿着幸福嘅蟹黃味。形狀極似三文魚籽嘅黑醋粒，以微酸嘅味道用嚟中和蛋黃嘅油膩同邪惡感，滋味同時令味道加添另一種層次。阿根廷草飼牛肉眼10安士草飼牛嘅特點係肉味濃厚，加上選用咗肉眼呢個部位，肉味更突出。五成熟嘅火侯除左保留到粉紅嫩心之外，仲可以令到牛肉保持嚼勁同肉汁，回味無窮。
繼續閱讀
今日收工來同朋友仔撐枱腳啦～經過見到呢間店好多人 就來試下😋 坐低就有Welocome food！ 正啊脆米南瓜好食😋！咁啱宜家係食南瓜嘅季節～超鍾意呢個Welcome food！西班牙刺青瓜沙律第一次食烤柿子！超正！烤過嘅柿子味道好特別～同青瓜🥒真係可以做好朋友！白酒煮蜆🍸好鮮甜～雖然份量唔算太多 但係每一隻都好肥～作為前菜好開胃！奶油蘑菇湯🥣我真係好鍾意蘑菇湯啊！超順滑好飲！帶子海鮮墨魚汁焗飯🦑睇落顏色有些小黑暗料理嘅感覺 但其實超級好食😋 帶子又大又鮮甜 墨魚汁焗飯裏面仲有其他海鮮！蒜香牛扒🥩烤過嘅蒜頭真係超好食啊！牛扒又好軟 好嫩～真係食得超滿足！
繼續閱讀
今日我哋嚟到 Ada’s not here 朗屏必食西餐小店，真係唔可以錯過！呢間小店環境好舒服，入面淨係得四張枱，所以記得要提前預訂位。老闆人好好，會同每位客人傾計，好似朋友咁，實在好Nice！一入到去，老闆就送咗個 welcome food，真係好貼心。接住我哋就點咗幾樣招牌菜。烤蘇格蘭蟶子皇首先試咗烤蘇格蘭蟶子皇，蟶子肉質鮮嫩，搭配香草同蒜蓉，味道好濃郁。每一口都充滿海味，真係令人食指大動！墨汁帶子意大利飯之後係墨汁帶子意大利飯，煮得好恰到好處，米粒滑溜，墨汁味道不會過於強烈，反而襯托出帶子的鮮味。帶子煮得啱啱好，口感滑嫩，實在係一絕！烤伊比利亞100%橡果豬肉眼最後來到重頭戲：烤伊比利亞100%橡果豬肉眼。肉質嫩滑，油花分佈均勻，每一口都帶有濃郁的豬肉香味，簡直好到無法形容！老闆建議用少少鹽提味，果然一試就知，味道更上一層樓。呢間小店無論係環境定係食物都好有質素，真係值得一試！如果你喺朗屏附近，記得來探下，唔會失望！
繼續閱讀