All Day Coffee (圍方) (已結業)

係大圍圍方行咗一日商場，想揾個地方休息坐下，今次試咗一間本地咖啡店All Day Coffee，ALL DAY 咖啡師在世界各地搜羅勺鑽品味咖啡豆手沖咖啡。店內環境明亮簡約，同朋友行街累了，坐底飲杯嘢，食件餅，談天說地，非常寫意。Matcha Latte $48抹茶Latte面層有拉花奶泡，入口綿柔，茶香濃郁而清幽，散發抹茶的微瀝回甘。富士蘋果芝士蛋糕 $38充滿清新果香的的富士蘋果芝士蛋糕，芝士濃郁而且柔滑，中間的粒粒富士蘋果果肉，味道酸爽開胃，中和了芝士蛋糕的膩，店舖蛋糕由日本直送。

一入到去見到個女barista已經趴咗喺枱面 喺度撳電話 我哋都唔好意思同佢講嘢啦以為佢冇開添 然後同佢講嘢佢都唔應人 以為佢啞嘅 全程都係黑面唔講嘢 咖啡又難飲 真係冇可能會再幫襯

唔知大家最近有冇去圍方呢？新商場都幾多人，不過湊下熱鬧最近都同男朋友去行下~All Day Coffee 雖然舖頭細細，但環境都幾舒服，兩個人坐近窗邊，飲杯啡，食件cake都幾Chill。叫左一件Tiramisu ($38)、一件Earl Grey Cheese Cake ($38)，Tiramisu就普通，反而Earl Grey就幾好味。咖啡就叫左一杯凍Mocha ($48) 同埋熱嘅Hojicha Latte ($48)。Mocha好夠濃味，而Hojicha Latte 如果再熱多少少就perfect。Overall我覺得都ok，行到攰入嚟坐低輕輕休息一下，望下個藍天，開心。