影片
開飯介紹
品牌創立於2013年，發跡於佐敦，提供惹味的肉類菜式配搭特式雞尾酒。此分店請來本地陶藝家繪畫牆畫，加上設計時尚的藤椅，型格又舒服。
繼續閱讀
營業時間
今日營業
16:00 - 03:00
星期一至四
16:00 - 02:00
星期五至六
16:00 - 03:00
星期日
16:00 - 02:00
以上資料只供參考, 請與餐廳確認詳情
有關獎賞計劃
晌深水埗有唔少隱世小店，晌表哥樓下轉角嘅「九江街」就有一家都幾隱世嘅酒吧餐廳，唔喺佢講都唔知呢個位會有間酒吧餐廳。其實轉角嘅「順寧道」一帶大把餐廳，只喺估唔到會有間酒吧而已，因為啲酒吧通常都開晌旺區。表哥話呢間酒吧餐廳都開咗好幾年，積累嘅人氣都唔少，其德國鹹豬手亦做得有一手，所以，今晚趁老婆返學無飯開就拉埋佢嚟試試。雖然餐廳位處條細橫街，但唔難搵。整體環境甚具粗獷感，地台、牆身都喺以水泥為之，加少少壁燈燈效，帶點工業風。近門口兩邊都放上休閒椅，襯以牆上嘅藝術塗鴉，予人有份非常寫意之感。一本細餐牌喺各種酒類飲品，我唔好酒，就無影，而大嘅喺主餐牌，多款菜式都圖文並茂，雖然無刻意分類，但明顯都包括咗小食、主菜、意粉……等等類別，當中以小食類款式最多，皆因用作餸酒嘛！此外，酒吧餐廳一向都會提供時歡樂時光優惠，但大多數限於飲品，但呢度依家仲做緊推廣，有好多優惠嘢，好似任何時段點招牌嘅德國鹹豬手，就送兩杯醉檸茶，咁又慳番兩杯嘢飲錢；另外，晌星期日至四嘅歡樂時光（4:00pm-8:00pm），追蹤番店家社交平台，指定食物就有半價優惠（餐牌中無紅點嘅就喺喇），以下標示喺正價，實際食得更划算。醉檸茶（免費）檸茶飲就飲得多啦，加咗微微酒精嘅檸茶就肯定喺第一次，仲加咗片風乾檸檬做裝飾，真喺別樹一格。飲落確喺如一般檸茶所帶嘅清香，然後，再滲出陣陣酒香，酒精度唔高，易入口，都有啲驚喜感。而且，無論襯炸魚薯條，抑或襯鹹豬手，其酸爽清涼嘅口感，都好夾，可謂最佳拍檔。焗肉醬芝士大蘑菇 $98一客有3大件大啡菇，粒粒都厚肉多汁，鋪上滿滿香濃嘅肉醬、厚厚嘅芝士一齊焗，一啖咬落去，非常惹味，卻又不失清爽感。順帶一提，不得不讚上菜嘅服務，初時覺得等咗好耐一樣嘢都未到，但原來店家刻意將3樣食物一次過同步送上。炸啤酒魚柳薯條 $148初頭諗住都喺啲小食類先有半價啫，估唔到呢個炸魚薯條都有優惠。單喺睇份量就知無將貨就價，兩大件炸魚一睇就見童叟無欺，炸得一身金黃，切成小件放入口，外層粉漿薄而香脆，裡面魚柳熱焫焫，嫩滑有魚鮮味，沾上他他醬就更滋味，而拌碟有唔少薯條，香脆唔油膩。德國鹹豬手 $258咁大隻鹹豬手以依個價錢，喺抵食價，份量睇得到有幾十足，最好嘅喺豬手已斬件，方便食用。豬手嘅外皮蠻脆口，卻又有份煙韌口感，食落又唔覺肥膩，肉下脂肪猶如食下骨膠原，肉質又幾軟腍，除了伴有沙律菜，墊底仲有啲嘅傳統嘅酸椰菜，有減膩之效，真不愧為招牌菜。小弟成日都講，真喺唔可以睇小依家啲酒吧餐廳，做菜絕對有水準。雖則話市道唔好，食肆難做，但今日只喺閒日夜晚，就算喺呢個偏僻位，一樣有唔少客，仲越夜越多客嚟飲吓酒、傾吓偈。
繼續閱讀
放假約佐同事去酒吧餐廳飲下嘢食下嘢！之前去過佐敦分店覺吾錯！呢間佈置都係工業風,環境好chill,絕對係同朋友傾下計既好地方!餐廳仲做緊兩大優惠,星期日至四4-8PM,Follow 社交平台即享指定食品 50% OFF!另外叫一份德國鹹豬手會免費送二杯醉檸茶!(適用於全日任何時段)當然不會錯過😅✨德國鹹豬手 豬手上枱前已經起肉切件方便客人食,,好貼心😍豬手皮脆到好似食燒肉皮咁,,肉質軟腍味道鹹香口感煙韌,點上蜂蜜芥末醬更加惹味！✨特色雞翼(水牛城辣汁、蜜糖芥末、威士忌燒烤)炸到脆卜卜,好香口好惹味!雞翼沾滿三種惹味醬汁!三種醬都好夾雞翼,附有紅蘿蔔條同西芹條可以解膩!夠濃郁,口感層次分明, 色香味俱全。✨雞泡魚乾雞泡魚乾好鮮甜,好有嚼勁,帶有炭燒香味！配埋蛋黃醬更滋味,確實係下酒小食之選！🥃醉檸茶檸檬清香飲落有微微嘅酒香味,,酸酸甜甜清涼解膩!
繼續閱讀
呢間酒吧環境走工業風路線，昏暗燈光配襯復古裝飾，音樂好有氛圍，卡位坐得舒服，最啱約埋三五知己一邊食住脆皮鹹豬手，一邊飲返杯醉檸茶chill下！🇩🇪 德國鹹豬手（必試！） 一上枱就震撼！成隻豬手炸到金黃酥脆，外皮好似玻璃咁脆，用刀輕輕一篤就裂開，入面嘅肉仲保持到嫩滑多汁，完全唔乾柴！配埋傳統德式酸菜同芥末醬，酸香解膩，鹹香惹味！🍗 特色雞翼有三款口味各有特色！ 水牛城辣汁 – 辣度夠勁，酸辣醒神，鍾意重口味嘅必點！ 蜜糖芥末 – 甜中帶微辣，芥末香氣突出，食落好開胃！威士忌燒烤 – 煙燻香濃，帶微微酒香，BBQ風味超正！ 雞翼本身炸得外脆內嫩，咬落去仲有肉汁，三款口味都值得試！ 🧀 小食拼盤洋蔥圈 – 炸得酥脆，唔油膩，蘸茄汁好夾！ 芝士條 – 一拉就超長芝士絲，濃郁奶香，熱辣辣食最正！ 煙肉腸 – 鹹香惹味，肉汁豐富，仲有雞翼不同的口味，配啤酒一流！ 🍹 醉檸茶檸檬茶底清香，加入少少酒香，唔會太濃，飲落好refreshing！跟鹹豬手送2杯，真係抵飲，解膩一流，唔飲酒嘅朋友都啱。 💥 大優惠✔️ 點德國鹹豬手送2杯醉檸茶（全日適用，超值！） ✔️ Follow 社交平台 享半價（星期日到四 4-8pm，指定食品半價，慳錢必mark！）
繼續閱讀
深水埗工業風酒吧餐廳🍻🔥嗌豬手送兩杯醉檸茶🔥SUN-THUR 4 - 8pm Follow IG指定食品半價✨德國鹹豬手✨炸啤梨魚柳薯條✨小食拼盤✨醉檸茶豬手份量十足 斬件上好方便食 豬皮脆口得黎有d煙韌🤪肉質軟腍 味道咸香 蘸上蜂蜜芥末醬更惹味炸魚兩大條 粉漿薄而香脆 咬落啖啖肉 配以薯條😉小食拼盤有洋蔥圈 雞翼 芝士條 煙肉包住司華力腸😚炸物出色 熱辣辣香口 包住腸嘅煙肉超脆有驚喜😱醉檸茶甜酸適中 微微茶澀味 酒精濃度7%易入口🥰📍地址: Amuse 深水埗九江街161C號地舖佐敦上海街23號地舖
繼續閱讀
最近weekend去完深水埗cafe hopping，夜晚去左一間充滿工業風格的酒吧餐廳，氣氛非常獨特，而且食物同飲品種類豐富，好適合朋友聚會～-首先是係德國咸豬手，而家叫豬手仲送左兩杯醉檸茶🍋 咸豬手外皮烤得金黃酥脆，肉汁四溢，味道非常濃郁。醉檸茶的酸甜恰到好處，同豬手好夾，讓整體口感更加平衡。-我地仲叫左一份小食拼盤，裡面有洋蔥圈、芝士條、煙肉腸同雞翼。每樣小食都炸得酥脆可口，配上特製醬汁簡直是絕配，尤其係特製既紅酒汁真係好特別，送酒一流呀🍷🍺-最後，我地見炸啤酒秋葵未試過就叫左黎試試，秋葵裹上薄薄麵糊，炸得金黃酥脆，估唔到炸左都可以保留清新口感，非常開胃🤤-呢間工業風酒吧餐廳唔單止環境吸引，食物亦幾高質，值得一試！
繼續閱讀