Andy's 烘焙坊

營業中

休息中

去左東大街搵食,食飯前經過見到又係古早味蛋糕專門店但人龍就幾時都咁多人叫Andy's 烘焙坊每人限買一件,單價由$50起,另有伯爵茶口味,抹茶味道 $60一件賣相比起另外幾個品牌更靚仔,香味更加濃,做法明顯與一般既台式啤早味有唔同流心芝士$70一件排隊時間 最少預計40-60分鐘起,店家會寫上出爐時間留意時間再黎排隊就OK了以前會有半條賣,而家都沒有了蛋味濃郁,夠香不太甜,質感係綿密不是鬆軟,呢間係比較好食既一間古早味蛋糕!!抹茶味用日本抹茶粉,食起來有甘香茶味,雪凍更加好食筲箕灣筲箕灣東大街59-99號東威大廈地下6A-2號舖

由細住喺東大街，之前見有間鋪新開鋪日日都有人排隊淨賣蜂蜜蛋糕咁把炮，緊係試下啦！一試就知咩事，其實點解呢間嘢對自己咁有信心淨係賣手工蛋糕？！我試咗原味同抹茶，真係可以話唔好食，首先原味蛋糕同嗰啲充滿防腐劑嘅蛋糕差不多！至於抹茶...唉！算把啦，香精味好重，都鬆軟既，但稍為食過有小小質素嘅抹茶蛋糕或者飲過「真」抹茶就知嗰陣味好假，一d都唔值🙄講真，用咁嘅價錢買咁嘅質素蛋糕真係嬲，實在唔明點解會有咁多人排隊，我好懷疑🤨

表面叫排隊，實際熟人買先我已經同個服務員表態咗，佢話知道，但都係畀個熟客先，咁係乜嘢玩法？！等買蛋糕座底都排半粒鐘，唔嬲爆先奇？！咁點解個個咁辛苦要嚟排隊？仲要天時暑熱，仲專登由九龍坐車過嚟買，換嚟咁嘅服務態度，真係貼錢買難受。

人紅自然囂排左45分鐘 大汗疊細汗終於等到佢出爐 本身好高興 點知一入到去 一個全身著紅色衫紅色褲紅色眼鏡紅色拖鞋紅色頭髮嘅男子超級差態度心情比佢影響哂客人一個個入店內等收錢 呢個紅色怪人就細細聲同隔離切cake嘅女員工話：「做乜個個行哂入黎，咁我控制人流，入去飲杯水先」佢完全好似嫌有太多人客咁今時今日咁嘅服務態度，連我前面兩個姨姨都眼火爆。因為我地根本冇阻到佢做野先企入去的我唔知佢係員工定佢係老細之一，唔該Andy留意下店入面有個咁嘅人作出跟進，如果唔係就算蛋糕幾好食我都唔會為咗啖氣而幫襯佢，亦唔值咁多人支持蛋糕確實好濃蛋味，綿密，好味！

住港島區但未黎過呢頭甘岩今晚係東大街搵到間餐廳食飯食完之後目標明確黎呢度🙂9點前黎到 唔洗排隊 蛋糕緊係新鮮熱辣好味啦所以即刻打開撕左一舊黎食口感非常綿綿 什至有d濕軟加上蛋味非常之濃郁 我覺得有dd似食緊雞蛋布甸呢個口感同味道我個人就好鐘意雖然$50一個價格有d高間中食下絕對可以 會返兜下次黎會想試芝士味 但就要留意返出爐時間啦之前睇到食評講到服務問題幸運地由於我唔洗排隊 唔洗等所以店員都好爽手 服務算係正常啦

之前係FB見到開左間古早味蛋糕好想試，今手終於的起心肝去買，遠遠見到條人龍，原來係先排隊，佢臨出爐前約十五至三十分鐘前派籌，每次籌數目及味道不定，要視乎出爐蛋糕數量，但基本每十五分鐘都有派一次，而派籌姐姐都很有禮，(現在暫時好似無半條賣，可能生意太好）今次買左個綠茶味蛋糕，包裝十分精緻，盒子再加紙袋，送禮都絕不失禮，未取出已聞到蛋糕香味，質感非常香軟，很不錯，落足料，而且味道不會太甜，我一次過都可以食半個，如遲啲不用排隊，一定會再買其他味，係幾好食嘅

排了15分鐘，50蚊一件原味， 好香嘅蛋味，質感軟滑 ，非常好食。 原本諗住可以買多幾個味嘗試，但每一輪只有一隻味供應，要試其他就要再重新排隊等第二輪 ， 總括係值得再光顧 ！希望Andy開多幾間分店係不同區~

上次到附近食飯等位的時候，聽到一家人講，出爐啦!買三條呀! 跟住就見到個門口排長龍。今晚到附近食飯的時候，食飽飯之後，經過門口，冇人排隊喎! 問一問店員話仲有三分鐘出爐，咁你話等唔等？結果係等咗五分鐘，舖頭入面的冷氣又唔夠，都幾熱下，當蛋糕推出時，仲有得試食原味和綠茶味，蛋糕已經攤凍咗，蛋糕部分係好軟熟，軟綿綿，不過個邊就好乾， 我都係鍾意食個邊軟熟啲有口感啲。$50一個，$30半個，綠茶味仲貴啲，仲要排隊等，值唔值得等見仁見智。

晚飯後行經見人小小，加上話就出爐，就排左陣隊，等左大約5-10分鐘，到我俾錢既時候，個收銀阿嬸一句野都冇講過，伸一伸手指住我，我就講俾佢知我要咩，咁我未試過當然就買一個試下先啦，佢收左我錢之後仲要反一反眼🤷🏻‍♀️ 一副唔休做既表情，見到佢個樣真係趕客到呢⋯⋯就係憑佢呢個樣，我當下已經知道再好食我都唔會再幫襯呢間野！到我後面位女士俾錢買四個，要分開四個紙袋裝，因為要送俾唔同人，個收銀阿嬸繼續一句野都唔講，後面位女士重複左三次，收銀阿嬸先唔耐煩咁講左句「我知～」，但5秒之後收銀阿嬸話「咁要收多你兩蚊喎」，跟住後面位女士本身表示「冇問題」，但佢身旁位朋友就話「咁我分四次買咪得囉」。其實我相信成$50個蛋糕，俾$2個紙袋真係唔係問題，但位大嬸咁既態度，俾我都真係兩蚊都唔想俾佢賺啦！事後我拎左蛋糕離開左，唔知佢地最後點解決⋯講返個蛋糕，我即買即食，熱辣辣係不錯的，正如所有麵包新鮮出爐都好食啦，不過咁既態度，我真係唔會俾錢買難受，大家想受氣既不防一試PS. 如果想即買即食，最好自備切餅刀，因為職員表示「新鮮出爐既蛋糕係唔會切架」，就算客人要求都唔會幫你🙃

好好味呀！週三7點幾經過唔駛排隊。原味好香蛋味，用料新鮮乾淨，誠意十足。唔覺得其他人咁講服務差。老闆比我試左件芝士味，超正！今次賣晒但下次一定會買芝士味同試埋綠茶味。

食過安利後原本想去食雞蛋仔🥚但途中被這間蛋糕店吸引了是近期流行的古早味蛋糕🍰一早就想試試了見人龍不算多 只有十個人左右👥而且可以買半個 $30剛剛出爐的蛋糕熱辣辣有蛋香味但味道有點像"紙包蛋糕"😂密度高的"紙包蛋糕"有機會再試其他的味道🤓

這天，K一家去東大街用餐。途經一間餅店，見人山人海，他們也去湊熱鬧。原來是一間主打蛋糕的烘焙店，暫時有三個味道選擇，分別有原味、抹茶、芝士和流心芝士，抹茶和流心芝士口味更是熱賣首選！可惜，這天沒有芝士蛋糕，他們就買了一個經典原味蛋糕$50。仿同枕頭的厚身蛋糕，用料簡單，只有麵粉、雞蛋和糖，不含牛油，每日店內新鮮，較為質樸無華，滲透出濃濃的古早感覺。吃一口，蛋糕蛋味頗為香濃，蛋糕質感綿密，但不會太甜。

知道東大街最近開左間古早味蛋糕店，咁岩路過就買黎試下當日可能尚早沒有出現人龍，收銀有3個姐姐，之前見有人話員工態度好差，以我觀察其中一個係無咁醒目外，其餘兩個態度都不錯仲面帶笑容，可能聽取左意見改善了佢有三種口味，原味，抹茶同流心芝士，全部都係即場製作，流心芝士蛋糕更加只有幾個指定時間先會出爐，因為夾唔到流心芝士出爐時間，所以揀左原個抹茶味原個都幾大個，姐姐幫我切左8件，蛋糕好香蛋味，食落有微微既抹茶味，重點係個蛋糕唔甜，鬆軟得黎又好足料實在既感覺，食兩件都好飽要留住d客除左蛋糕好食，服務態度都好緊要，希望佢可以keep住我今日見到既態度啦👍🏼

買左半條原味，冇咩特別話好食.只係比較重雞蛋味.排隊其間個呀姐收錢同時接盒但冇帶手套囉.仲要貼張膠紙係入面.需然唔係食個盒.但見到唔會想買囉.切蛋糕個邊有蟲仔飛黎飛去

動件手腳都慢，慢慢砌蛋糕，慢慢包， 慢慢入盒。 只收現金，俾500蚊紙個收銀找錢卻換來漫駡，話我阻佢時間，咁吾願意做生意，咪吾好做囉，你幾好食都假，態度差成咁，仲不停咁話啲客吾講清楚要咩，又吾早講要吾要紙袋，咁都有!