Angelato - Handcrafted Artisan Gelato (已結業)

飮完茶有d濟，經過見到有Gelato 賣，諗住買柸芒果，青🍋Gelato 消濟，其實好耐無食，Gelato ~>fro yogurt ~> 珍珠奶茶~> 花茶, 已經忘記左有佢😅，入到舖頭，好多種味道，諗左好耐選在提拉米蘇味（女人係前言不對後語，同埋有兩個胃既動物🤪）其實tiramisu 味，整得唔好食，真係可以好難食，又甜又苦又有藥水味都見識過，呢間整個味啱啱好👍🏻，有少少酒香（唔係苦味）甜度啱啱好又夠滑，食完想再食

清明節相約友人行山，於何福堂上麥理浩十段前往黃金海岸，今日真係好熱好大太陽 （證明清明時節未必雨昏昏），沿路見到好多孝子賢孫拎埋d燒豬除草機上山，不禁佩服起上黎。大概行左個半鐘就到左黃金海岸商場，當時真係熱成狗，身水身汗，所以見到間gelato，我諗都冇諗就衝左入去 （備註：因為50胃唔好甜野，正常應該唔會咁冇抵抗力）。最後我揀左個regular size，即係兩球，我order左一球芒果（店主話係芒果王）同一球cookie and cream。隻芒果味係exactly24D芒果乾既味，都幾好食，相對cookie and cream係比較清新。至於cookie and cream係偏甜同重奶味，好適合小朋友同女仔口味，因為我見到前面幾個家長都話自己小朋友覺得cookie and cream好食要encore，但就唔係我杯茶。但總括行完山可以食到一杯雪糕係令人開心既事。

是日天氣非常晴朗, 所以入左去黃金海岸行下, 拍拍拖, 曬曬太陽｡ 天氣雖然好凍, 但仍然無損我想食雪糕嘅慾望｡ 依稀記得黃金海岸入面有間食雪糕嘅小店, 重點係非集團式, 所以去試試｡ 小店面積不大, 但喺店外有幾張檯櫈俾客人坐｡ 我企左喺雪糕櫃前揀 (有9款味道), 個店員都好耐心咁介紹每款味道, 原來佢地嘅雪糕係自家手工制, 一球要 $37, 揀Cone要另加 $2｡ 最後我叫左個 Chocobana Ice-cream with Cone !Chocobana Ice-cream顧名思義, Chocobana 即係 Chocolate 加 Banana, 入口第一啖就有好濃郁嘅香蕉味, 而且入面有好多朱古力碎, 令成個雪糕增加左不少口感｡$37一個單球雖然唔平, 但無論係味道同份量, 我都覺得物超所值, 係值得推介嘅小店｡

趁着冬至晚餐前的空檔，專程到黄金海岸商場走走，感受到這粉紅小豬的威力。新一代的家長，對Peppa Pig該不會陌生吧！商場以Peppa Pig作主題大搞活動，瞬間引來不少區外遊客前來，可見Peppa Pig多受孩子們的歡迎。早過了看Peppa Pig年紀的我，此行當不是為了看粉紅小豬吧！我的目標其實是Angelato的這杯Peppa Pig Gelato。Angelato本身就是家相當吸引的Galeto店，時有推出特別口味的雪糕。不過既然是為Peppa Pig而來，就只能嚐這杯到兒童口味的Peppa Pig Gelato($45)了。雪糕造型實在令人滿意，順道一讚店員們的用心製作。Galeto溶點不低，對相機食先的客人來説這點相當重要。淡粉色的草莓味Gelato相信是無加進任何色素，口感幼滑帶濃濃奶香，草莓味自然不假，還混有點點果肉，而眼睛是用蛋白餅造的，意外地美味得很！一杯可愛的Peppa Pig Galeto，能喚來了那久違了的童真，專程前來還是有它的價值吧 ！

以前都有喺呢邊食晚餐，最近啲餐廳執下又一間，好少再黎~散步過黎見過呢間手工雪糕店幾次，今日襯關門前終於食到！雪糕嘅價錢同大部分手工雪糕差唔多，即是貴貴地啦baby cup$37 regular cup$54 味道方面，大概有8-9款~印度芒果 $25 (是日口味 特價)呢款味道口感比較似雪芭，雖然知道係印度芒果，但都估唔到係甜到咁但又帶梅子口味，同一般嘅芒果雪糕真係好唔同，我地兩個唔太喜歡。男朋友都係去M記買個可可米多重朱古力新地算~

一年前看到報道介紹這間位於黃金海岸的手工雪糕店，店主說香蕉雪糕不是黃色而是灰白色的，我也深表認同！作為香蕉迷，很怕吃到人造的香蕉油，很假很像藥水味。事隔一年終於有機會來到黃金海岸，馬上去找白色香蕉雪糕！店面很小，差點走過了也不自知。由於雪糕是每天人手即製，份量和款式也不多，售完即止。今天有八種味道，包括吉士忌廉、雪呢拿、薑汁奶、椰子、美祿、布朗尼、紅桑子乳酪和芒果味，獨是沒有香蕉味，很傷心。試味後覺得布朗尼和紅桑子乳酪也不錯，便和朋友買了兩球。布朗尼意大利雪糕+紅桑子乳酪意大利雪糕 $52/2球布朗尼其實就像特濃朱古力味，濃得化不開，質感相當幼滑，感受到冰涼的朱古力雪糕滑進喉嚨，唯味道偏甜；幸好另一球選了紅桑子乳酪，酸甜生津，剛好平衡甜膩的朱古力味；帶有絲絲的紅桑子鮮果肉，真材實料，跟坊間那些加了色素、防腐劑的雪糕不可同日而語。希望下次可以吃到香蕉味！！

9月頭參加友人婚禮碌入屯門黃金海岸，連日落雨終於有太陽，之但係就好熱見到附近黃金廣場有間未見過的雪糕店，店小，雪糕口味唔算好多，平時未必會幫襯，但見到有意大利氣酒雪葩未食過！！印象中比其他雪糕口味貴一倍，但都係大約五六十蚊，即試一試愛上，酒味甜甜的，清新的，太陽底下食完一啖即時降溫，加魚子醬的食法好有趣，如果唔係喺屯門，真想呢幾日再食過呀

Super duper ice cream. What more to say. This is, without a doubt the best ice cream parlour in the Piazza !

< 木瓜牛奶 + 雲呢拿意式雪糕 $56 >第一次食木瓜牛奶既雪糕，真係同榨木瓜溝鮮奶既味一樣，只不過係雪糕形態，夏天食真係一流，而且皮膚仲會靚靚 (好似係)，而木瓜牛奶雪糕下面有球雲呢拿，而果球雲呢拿雪糕亦唔係一球 hea 既雲呢拿味，而係雲呢拿籽雪糕，食落好香好濃郁！而雪糕上面有條類似 minion 咁既樣子既手餅乾，食食下雪糕有啲野咬下幾好！

是日一家人來到黃金海岸, 下了車, 第一站就來到商場這邊閒逛, 發現angelato有gelato吃, 還有氣球送, 大喜, 當然要來一客雪糕吧.這裡的雪糕款式不少, 收費分開有酒精以及沒有酒精兩種, 我就選了有酒精的香蕉Baileys.香蕉Baileys $42: 8.5分, 這裡的gelato, 質感是幾香滑的, 而香蕉跟Baileys的味道是起了不錯的平衡. 特別喜歡那香濃的香蕉味道, 很天然的感覺, 而Baileys酒香也很突出, 愛好Baileys的朋友, 準會喜歡.惠顧gelato之後, 就能夠自行選擇喜歡的氣球款式, 我們選擇的這一款, 很可愛呢.來到黃金海岸, 大家不妨前來angelato吃杯gelato, 當中香蕉Baileys帶香濃的香蕉味道以及突出的Baileys酒香, 加上質感香滑, 是很有水準的. 而且惠顧gelato之後, 還有氣球送, 小吉就樂透了!

成兩個幾三個月無到過黃金海岸，去返 angelato 整返杯先，有新嘢，花花雪糕，上次我睇 tony 同 湯洛雯個旅遊節目，巴黎有得食，香港終於都有啦！$69 最多可揀 3 種味，我揀咗朱古力同士多啤梨，雪糕依然幼滑，同賣相討好，好花心思，一個字 '靚'，見到個妹妹好花心機整，約 3 分鐘完成，真係好靚。但要講聲，份量好多，好飽的

早前，為了物色特別的生日禮物送給鬼仔朋友，趁週末走到屯門黃金海岸的市集一趟！ 那天，我在上環飽嚐日式午餐後，去又一城影古董車！  之後，左轉右轉才到達黃金海岸！當時下午 5:30，已是近黃昏！  黃昏景色總是醉人！ 現時，黃金海岸海濱長廊一帶已經沒有市集攤檔了；  移師商場範圍！卻是寥寥可數，不及以前那麼熱鬧！ 趁那些市集攤檔尚未收檔，趕快找尋特色禮物！  記得黃金海岸有間新開的雪糕店 Angelato，我把店名翻譯為天使雪糕吧！  順道走來看看有什麼口味雪糕吸引我？ 店外顏色鮮艷的雪糕波波增添歡樂氣氛！ 供應：低脂、無添加的手工製意大利雪糕！  每日新鮮製造，保證新鮮！  而且，供應的雪糕口味相當獨特！令人意想不到的口味都有！ 細杯：$35 / $42 (含酒成份雪糕)大杯：$52 / $58 (含酒成份雪糕)當日雪糕款式有 3 款雪芭，6 款加入奶的雪糕，合共 9 款！ 店內有架用 Lego 砌成的 Angelato 的雪糕車好精緻啊！ 熱情的女店員招呼經過的途人到店內試食雪糕！  Tiramisu (店內試食)加入酒成份，入口咖啡味濃郁！ 檸檬雪

I was walking to my friend's place in Gold Coast.  Suddenly I heard someone said hello from the side so I turned my head.  It was the girl inside the gelato shop greeting me.    The shop was in fact very cute.  There were Halloween decorations everywhere.  I decided to go inside and take a look.The very friendly girl asked if I wanted to taste the flavours.  I thought why not!  They offered only a small selection of flavours but some are quite funny.  薑汁撞奶 caught my eyes so I asked her for a bit

喺香港既意大利雪糕店真係越開越多，但Angelato令你留下深刻印象既原因，除咗係雪糕幼滑既質地，仲有係因為佢哋特別既味道。例如薑汁撞奶，同埋紹慶酒朱古力雪糕，唸都無唸過會有呢啲味道，但又出奇的夾喎！薑汁撞奶係中式糖水店就食得多，但以雪糕形式凍食就未試過，食落除咗雪糕本身香濃既奶味之外，慢慢食到個薑汁味同埋一粒粒的薑，真材實料！至於個紹慶酒朱古力原先唔係太敢試，一來少飲酒，二來覺得個配搭有啲怪，不過佢俾咗一小匙我試食，不得了！即刻加多一球！朱古力香濃幼滑，紹慶酒香但又唔會搶過朱古力味，食到停唔到口啊！地點確實不太就腳，但有機會路過黄金海岸就記得要把握記會啦！聽講佢哋個menu會時不時轉吓，唔知下次會有咩味道呢？

上次新開張, 唔洗錢, 免費派雪糕, 食咗個西柚味雪芭, 濃而不膩, 至今仍津津回味.今日, 又行過, 又心思思想食, 磅水啦喂, 畀咗 52 個大樣, 買咗個 regular size, 揀咗兩隻味, 薑汁撞奶 同 雙重黑朱古力, 都係呢句濃而不膩, 上次都想試呢個薑汁撞奶, 不過派晒, 今日補返數, 好食喎, 好幼滑, 呢種口感, 真係喺香港搵唔到, 傳統意大利雪糕o既口感, 再加中式口味, interesting. 再同老細嗲兩咀, 原來佢喺意大利學藝返嚟, 所有雪糕都係即日喺舖頭早上製作, 包新鮮, 器材都係喺意大利訂返嚟, 而裝修都好意大利 d 雪糕店 feel, 唔怪得咁意大利啦!!!講返個薑汁撞奶, 真係好似食緊薑汁撞奶咁, 雪糕裡仲有少少薑粒, 真材實料, 不過我同老細講, 去得盡 d, 可以試下夠薑 d (不過真係未必人人受到), 哈哈...... 而雙重黑朱古力都係呢句濃而不膩, 好似食咗成排黑朱古力咁, 正!!!佢仲有個紹興酒黑朱古力, 因個肝呢排有 d 事, 唔掂酒住, 下次好番, 試埋!!!