Animojo (已結業)

今日試咗中環新開嘅爬蟲類主體餐廳。一入門口，就會見到寵物蛇，蜥蜴同變色龍歡迎您。不過佢地全部都養係玻璃箱入面，所以非常安全。據聞如果係包場嘅話，可以有30分鐘同動物親密接觸嘅時間，工作人員會拎D大蛇，刺猬同蜥蜴出嚟同大家玩。講番食物，為咗配合主題，餐廳引入咗幾款香港少見嘅非洲菜。今晚試咗好多樣嘢，我覺得比較有特色又好食嘅有雜菜點鷹嘴豆泥，砂鍋蟹肉醬，呢兩樣都係前菜。主菜我就比較鍾意特色燒雞同埋埃塞俄比亞免治辣牛肉。其他菜式就仲有改進空間。總括嚟講，都係一次好玩好食嘅經驗，我應該會再去。

Went here a while ago after seeing celebs posting themselves with snakes etc.Food is rather exxy so only had a drink but I have to admit the menu is really good as the food offered is very creative and I like the way they have  food for omnivores, carnivores,  herbivores etc.My picks are the morning glory with blue cheese which should work as the fermented tofu is replaced with blue cheese in a similar concept.Had the seasonal ginger latte which had a good bitter aftertaste but less on of a ging

近排見到有新餐廳開，主打「冷血動物」即係有蛇、蜥蜴等。聽聞會不定時更換動物種類，我去個日就有兩款蛇、一款青蛙同一款蜥蜴。我見佢地都好精靈，行㴝行去，望望下都覺得佢地幾得意可以影相，唔可以用閃燈。可以睇，無得掂。可能餐廳仲算係新開，就算12點半都唔係太多人，可以揀位坐。餐廳有提供set menu（158+10%）。由於太肚餓，揀咗燒春雞配飯。（+50）Soup of the day粟米湯，食到有粟米蓉，但個湯飲落都好「水」，如果再濃啲粟米會更好春雞好嫩，仲有肉汁，不過啲肉仲有少少粉紅配上十六穀飯（就真係就咁一堆飯），無裝飾都無配菜甜品brownie , 反而有驚喜，好香朱古力味，唔太甜，軟硬適中Set lunch 158+春雞50, 再加一, 埋單要230無叫野飲，如果唔係要成三百幾。總體而言，食物普通，CP值極低。係中環lunch set, 二百蚊樓下有好多選擇，好味過呢間餐廳都有大把。無可否認，動物呢個賣點係幾特別，但食物質素都相當緊要。或者下次再㴝，會淨係飲杯咖啡

食物係配角既餐廳之前見網上介紹過呢間好有特式既餐廳，以”奇珍異獸”為主題，即係蜥蜴，牛蛙，刺蝟，蛇等等🐍🦎🦂🐞於是約左個都好鍾意呢啲小動物既朋友去睇下。舖面唔算好易搵，因為門口無明顯招牌，但係門面既牆都以動物為主題，橙橙地既牆身都幾特別。餐廳唔算好大，大概有6-8張檯仔，裏面仲有一行吧枱。一入去就已經見到好多個透明玻璃，裏面都係唔同既小動物，聽講每隔一段時間都會轉唔同既動物，今次我地就見唔到刺蝟。全部小動物都可以望，但係唔可以觸摸 (除非包場就可以有機會親親佢地)😉影相係無問題，當然唔好用閃燈嚇親佢地，雖然睇落好可怕，但其實佢地都會驚㗎🙊影完一輪相，我地就坐底食野啦。首先係homeade lemonade，味道同我地平時飲開既好唔一樣，有少少似台灣酸梅梳打既味道，未飲過既朋友可能就未必鍾意。野食方面我地叫左一碟長通粉，一碟春雞。長通粉就麻麻地，味道偏酸，而且通粉較乾身，口感普通，有啲失望。反而春雞係唔錯既，雞肉都幾滑，略嫌醬汁太少，最好味係烤蒜頭👍🏼👍🏼👍🏼總括呢度都係sell特式，食物既選擇唔多，味道有改進空間，但係小動物加分啦😉😉😉

環境不錯，但食物和服務有進步的空間。聖誕節約朋友試下新cafe。因為我地都中意兩棲類動物，於是就選了cafe Animojo。*到達cafe後，環境都和openrice照片相符，有預期想看的青蛙，蜥蜴，蛇等。擺設亦有熱帶氣色，尚叫吸引。飲品方面，我們分別叫了fresh mint infusion, iced chocolate, iced americano . *Fresh mint infusion 和iced chocolate 水份佔多，味道偏淡。至於食物方面，本來想叫吐司, 但侍應説沒有了，於是就order 兩份牛角包和一份南瓜湯。下單後，侍應又説只剩下一份牛角包, 問我們會否試一試朱古力包。我們不想就order bruschetta 取代其中一個。*牛角包和bruschetta的味道還可以。南瓜湯偏甜，味道像平時的番薯糖水。我們四時半到達，大該坐了兩小時，未得到通知，鋪面就開始關燈了⋯⋯這一方面有點像趕客。我們趕快付帳就離開。*離開後，還發現帳單出錯，我們被收多一個牛角包的錢⋯⋯整體來說，cafe 主題不錯，價錢合理，但飲品和湯味道有待改善，以符合更多港人口味。至於服務方面

知道有野生動物cafe, 第一時間同動物來個近距離接觸先為咗去睇變色龍呀！兩個人，點咗一杯Machiato 一杯 Tea latte 一件Cinnamon pastry.Machiato 朱古力同咖啡好平衡，唔會太甜。Tea Latte 奶泡豐盈，陣陣朱古力香，散發著淡淡伯爵茶香。Cinnamon pastry ，最外層少少脆，中間鬆軟。可惜上檯果散係冷冰冰，如果焗返熱先上碟，相信會好好多。輪到壓軸動物出場，是日有，蛇蛇🐍🐍，蜥蜴🦎，同樹蛙🐸。全部都好靚，可能係冬天或者怕醜啦，佢哋好快就縮埋咗係展覽櫃下面嘅乾木入面。不過見唔到變色龍呀，店員透露，啲動物會定期轉換，而且佢哋唔會係cafe 住嫁，會返自己屋企。唯有下次再見啦。