影片
港鐵九龍灣站 A 出口, 步行約14分鐘
繼續閱讀
以上資料只供參考, 請與餐廳確認詳情
今天要到九龍灣工作，因時間尚早，隨意下去了這一間茶餐廳，亦隨心地點了一杯奶茶和一件沙嗲牛肉包。奶茶口感夠滑，可惜下奶過重，掩蓋了本身的茶味，偷看水吧的師傅一下，發覺其下奶的手勢好像倒水一般，關於港式奶茶這尋常之物，優劣之分別，全在乎茶葉之調配、以及火侯及沖製的功夫。任何地方的出錯，多一份或少一份，其味已大有影響，有如陳豪對咖啡的執著一樣。另其沙嗲牛肉包，其用的街市牛肉，少許韌口而不會過柴，沙嗲醬汁亦算惹味，只是用的餐包只是普通的「嘉頓」芝麻Bun，不大對題，懷念以前九龍舊區的老式茶記或冰室，既供應飲品熟食，亦設有麵包爐房，供應一眾舊式的麵包和西餅，那些自家焗製的餐包和濃汁沙嗲牛，總覺得軟熟過人。也不算難吃，十八元走人，再來的意慾應該不大。
繼續閱讀
lunch time @ kln bay 好難得會搵到一間係不滿座的.就是因為不想等位,我便錯入了anson cafe.叫了一碟白汁意粉,點知來到係一灘白開水在意粉下,上面的白汁又是淡而無味.
繼續閱讀
又係第一個寫食評, 真係開心.......之前有去過ANSON食, 已經可以話N咁多次.....不過遲D唔知仲有無機會食......唉........今次又叫了他們既酸辣雞扒米線, 真係不得不讚, 他們的酸辣米線做得唔錯架!!! 又夠酸辣, 好惹味, 而雞扒也是大大塊的, 不過有D肥, 米線煮得不會過火, 如果要清湯, 湯底無酸辣就差得遠了........叫了杯凍奶茶, 對唔住, 佢地既凍奶茶真係由以前既"一般好"跌到宜家既"超無奈" ..........奶仲多過茶, 而且無茶味可言。飲左一半已經想停, OH NO.......呢間餐廳衛生都尚可, 暫時都無咩野發現, 不過間唔中幾隻烏蠅飛黎飛去, 好煩........間野都幾大間, 有一部大大部電視睇下, 都幾好坐既~~~
繼續閱讀
頭先0岩0岩去左呢間cafe食左佢個乾炒牛河，嘩﹗簡直救命﹗一碟野上到檯已經好唔掂，幾塊黑mum mum0既鑊屎散佈d牛河上，真係一見難忘，咁都可以俾人客食，我將d鑊屎撥埋一邊，試下d牛河，嘩~鹹到嘔，終於我好唔開心咁食左幾啖就埋單走人，我以後都唔會再去呢間野食野。雖然叫cafe，入到去似up dup茶餐廳，侍應d態度又敷衍，好似我嗌左呢個係餐，餐牌上指明有中西餐湯，但佢冇問我要邊一款，淨問我餐飲飲咩，我就問係咪有餐湯，佢就趕住走咁pat低一句：「自助0既」，我想再問邊度已經問唔到，咁我唯有自己起身去搵，原來角落頭有兩個大桶，我埋去睇下，個桶已經空左，即係冇得補給啦，算﹗都係味精湯，唔飲都罷~
繼續閱讀