Aroma Coffee Exchange (已結業)

呢度最正唔係咖啡或食物,而係環境!夠大夠靜,又多梳化,仲有上網添!一個人來叫杯野可以有排坐...

見幾多食家推薦﹐一個周六下午便來試試。可能期望過高﹐覺得個地方麻麻地。有好多梳發和座位﹐全部灰色為主﹐中央放了幾部電腦﹐好處是地方好靜﹐不會有人嘈吵。至於食物﹐原來是自助的﹐有幾款特色食物和三文治﹐蛋糕等。我要了我最鐘意的香蕉熱香餅(見圖)﹐大家發唔發覺個熱香餅有什麼問題﹐係香蕉太大舊﹐破壞了賣相﹐但好處是可以食多D。另外要了個三文魚治﹐味道一般。朋友就要了一個沙律﹐我冇試﹐個樣都OK喇。笑話一則是﹕我要的香蕉熱香餅是寫住「香蕉熱香餅加芒果汁」。大家會不會認為是熱香餅﹐加一杯芒果汁呢﹐我都以為係﹐但原來是個餅淋上芒果汁﹔飲品係要另外買溉。大家又可能問﹐點解個題目叫「明日戀愛預告」呢﹐因為間cafe係看這套電影之前去光顧的﹐呢D咪叫聯想囉。

響佐敦、油麻地一帶, 有間環境咁舒適闊落, 而又旺中帶靜既cafe, 真係難得. 某個下午路經附近, 入去一邊食下午茶, 一邊睇書, 消磨左成個鐘. 飲品要左cafe latte, 個人覺得略淡; 各款蛋糕賣相麻麻, 但忍唔住試左件, 果然唔係好得. 服務員既態度亦普通, 個個都板起臉孔.但環境同氣氛搭夠, 幾十蚊既消費依然值得.

星期六下午上堂前，到這裡買了杯weekly special. 今次要了strawberry smoothies，好清甜，最神奇的是o的冰打得好碎，但卻仲可以咬到粒迷果肉，勁！原來佢o地o既weekly special只係會轉fruit favor，coffee favor就不會變，一定係cappucino，很想他們推出latte、mocha等coffee favor啊！

終於完成聖誕節的工作，正式開始假期。今晚約左個朋友晚飯又未夠鐘，一個人閒遊油尖旺真係幾攰的，因為條街真係好多人。發現有呢間地方好舒適的咖啡店，咖啡是illy，味道可以預期，至緊要係好多疏化椅位，可以好好的攤呌一下。呢度地方唔算少，比起一般的SB或PCC都大，有音樂又有四、五部電腦可供上網，有得飲又有野食，都幾唔錯的。難得尋日五點幾係無咩人，位任坐。要了杯caramel latte，是預期中的甜，咖啡味當然比較淡薄。平時會飲濃烈幾倍的，但既然放假，就比個腦休息下，唔好刺激佢咁多。杯野20蚊，坐左成個鐘，地方好坐，都算抵。﹝圖中是示範在咖啡室上網的正確做法，就係上Openrice嘞！﹞

星期六下午要到佐敦買點，可以順道來飲杯coffee，在cashier 那處看到weekly special，有款田味的smoothies，要了cappucino favor。入口像frappucino，但冰比frapp打得更幼滑，而且咖啡味濃郁芳香，甜度適中，是不錯的選擇，但smoothies每星期只得3款口味供應，而且還有2款是鮮果口味，若能多加些咖啡口味選擇便好了。

前言：往九龍永安一帶辦事，必定會造訪此店，亦永遠齋飲咖啡，不會點食物。食物和評語： a. 榛子味鮮奶咖啡（$20）：註入一些榛子糖漿，香香甜甜，奶泡的打發時好時壞，好在，濃咖啡不俗。 b. 莫加咖啡/ Mochaccino（$25），味道有一定水準，唯奶泡的打發時好時壞！飲得過。註： a. 此店沙發坐位舒適，侍者有禮，有部份坐位適合愛靜人仕。有部份坐位則合適大班好友談天。幾好！ b. 飲品雖然唔平，但如此靚位，都抵番！

今天和朋友出來傾project，經openrice朋友們介紹後選了此cafe。地點其實不就腳，因為在兩個地鐵站之間。空間很大，坐位也舒適。裝修自然是酒店級的，唯一缺點是沒有很強的個性。半自助的形式代表沒有waiters阻礙我們談話；四部可上網的電腦提供了即時翻查網上資源的途徑；茶几正好用作擺放文件資料。因為評價說咖啡水準一般，我要了凍的莫加奇諾，當一般凍飲算了。朋友叫了凍意大利白咖啡。我看著小伙子泡咖啡，技巧程序上沒有大出錯，欠的是火侯吧。喝一口，沒失望也沒驚喜，已經比原先估計的好了。我和朋友就這樣坐了一個下午，商談各自的project。望眼四周，把文件夾放滿一檯的不只我們二人。廿多圓在鬧市中租一角作會議討論，環境舒適更奉送飲品，還可以如何?

在兩年前試業時,我已是座上客.那時鲜鮮為人知, 因它位於地庫. 前身是酒店商埸, 酒店把整個商場改為宴會廳時所增設的!欣賞它内裡的鋪排, 有隱敝的坐位也有開放的. 我每當到九龍工作時, 都喜歡到那裡上網check email及嘆杯香濃咖啡!!我會以那處為補给站及能量义電場.咖啡剛由$14加到$18! Starbucks 正在街口的Nathan Hotel開分店, 会帶來競爭!

每次路經逸東，都會見到有個黑皮寫首special offer set.終於有次因等朋友的關係，來了一試。沿樓梯落到去，差不多全層地庫都是coffee shop範圍，有得上網，又有雜誌睇，最正係梳化好舒服，加埋落地大玻璃，若不是約了朋友，閒閒地可以坐上半日，咖啡是意大利名牌illy，要了mocha+一份煙三文魚三文治，個服務生好有禮貌叫我坐下，待會送上order了的食物，srvice極好！雖然環境同服務都冇得彈，不過食物只是中等，三文魚醃得過鹹，配菜如蕃茄及生菜的份量太少，麥包不夠鬆軟，但個dressing不錯，味道似千島醬，但卻是白色的；咖啡沖得不過不失，但奶太重手，蓋過了mocha本身的香味。overall來說，此咖啡店真是很不錯，值得一來再來。

前兩日食滄浪庭時經過, 見到呢間coffee shop, 環境幾靜, 而且供應illy coffee, 又有早餐食, 所以趁放假就同家姐過左黎食早餐. 要左個american breakfast set($28), 窩夫配鮮果盒(可以揀橙汁). 以為叫得set就一定有杯咖啡/茶, 點知waiter話個set無包餐茶. 我見食評話杯cappuccino好水, 就無叫到咖啡.窩夫即製, 要等5分鐘. 我地先食鮮果盒, d鮮果幾新鮮, 有火龍果, 西瓜, 菠蘿, 藍莓, 份量都幾多, 唔錯. 個窩夫形狀同坊間o既唔同, 呈橢圓形, 反轉就好似一隻船仔咁. 我同家姐打趣, 話人地會擺條熱狗腸入去做窩夫熱狗. 個窩夫幾好食, 唔甜, 外脆內軟, 不過份量實在太少啦! 食完好似無食過野咁!$28有好環境, 又有咁新鮮o既生果食, 其實係幾抵. 不過我會建議佢set高少少個價, 增加早餐o既份量(at least俾多一塊窩夫丫!)

上星期六下午, 係佐敦區等朋友... 因為要等成粒鐘, 又行到好累, 所以就入左去食野.我叫左一杯latte, 揀左一個朱古力牛角包, 兩者都只屬一般.但地方相當寬敞, 梳化又坐得舒服, 有得上網, 又有雜誌睇, 係一個消磨時間既好地方, 亦好適合幾個朋友坐低傾計. 埋單$31, 酒店地方算好抵.

琴日先經過，今日又嚟開呢頭，入去試下呢到用illy，叫了杯cappuccino，老實講，個人覺得杯嘢好水，又唔係真係好飲但呢度實在好在個環境，真係又大又靜，坐得好舒服，真係吹水，睇書，上網，甚至午睡都啱，hotel個toilet又大又靚又乾淨雖然杯咖啡唔係好飲，但環境真係好掂，半開放式有冷氣又有生風，行開會再試下既

o係佐敦區有兩飲咖啡o既好去處, 一處係佐敦道"裕華" 對面o既Asmara, 另一處係我要講o既呢間, o係逸東酒店地庫o既Aroma.呢度係自助型式, 地方好大, 有大檯細檯同梳化, 坐得有咁舒服得咁舒服. 有報紙雜誌睇又有得上網, 淨係環境同氣氛已經贏o左唔少印象分.食物方面, 試過杯細o既Americano ($17) 同German Cheesecake ($18). Americano 夠味, 有水準, 裝咖啡o既紙杯外面包o左一層紙皮, 驚死你"辣"親隻手, 服務夠晒細心!German Cheesecake 可能唔係正宗德國式o既製法, 但芝士夠軟滑, 隱若有blue cheese o既味道, 芝士餡stuff o左西梅, 面頭有層o者厘同藍莓加龍珠果, 唔錯.食同坐都咁好, 以後梗係會多o的o黎啦! ^_^