Arte by Padaria (已結業)

上星期中秋節喺上環收工經過（平時都有買下呢間嘅麵包當早餐， 不過未試過蛋糕）買咗個蛋糕同屋企人慶祝❤️佢個造型都好可愛同吸引有白雪雪嘅兔仔🐰仲有個月亮🌙所以就吸引咗我買跟住食完飯就同屋企人食屋企人見到佢嘅造型都好鍾意🤣啱晒中秋節主題本身都諗住淨係貪佢靚可以方便打卡點知原來個味道都好好完全冇想像中咁以為好甜朱古力餅底 加上中間有層水果啫喱識落有少少似以前細細個食鳳仙雪條嘅味道🤣成家都勁鍾意期待下次節日作品😚 會再考慮購買

返工好多時候都會經過上環，Arte by Padaria 呢一間麵包店一直都有留意，之前曾經試過 minicake同麵包，一直都想搵一個日子食佢哋嘅大蛋糕。今次終於有機會，仲要撞正係中秋節，梗係試一試期間限定特別推出嘅蛋糕啦。【月兔】芒果菠蘿慕絲蛋糕 $493 層次 Layer。芒果熱情果軟心 Mango & Passion Fruit Ganache。菠蘿夾心 Pineapple Compot。芒果慕絲 Mango Mousse。海綿蛋糕 Sponge Cake尺寸 | 6吋之前喺舖頭見過，店員介紹呢一個味道係一個童年回憶，係鳳仙口味，已經好吸引我買，一大班朋友一路食一路估吓係乜嘢口味，個個都話好好食。蛋糕唔太甜，味道好新鮮，即使有朱古力外層，但係感覺一啲都唔膩，令人有追吃嘅感覺🤣好食到要爭食期待有機會再試佢其他蛋糕

今日經開上環搭地鐵，入閘前見到呢間餅店，比佢個蛋糕櫃吸引咗，就帶咗呢兩件返去試吓。迷你梨子蛋糕個外型好吸引喔，裡面嘅梨子醬汁酸酸甜甜好開胃，食得出好香嘅梨子慕絲，撻面上嘅啫哩原來係雲尼拿味，好煙靭質感好正，個撻皮好脆。另外一款叫做《襌修》，黑色嘅外型上面有兩條好似竹枝嘅點綴，香濃嘅芝麻味，食落仲有粒粒芝麻嘅質感，呢個蛋糕嘅整體口感會令人有好滿足嘅感覺，仲有佢一啲都唔甜膩，係我喜歡嘅口味呢，下次如果再經過就試埋其他先。

☹永不回購！！舊式奶油蛋糕扮高級戚風蛋糕，Size細都算味道亦好似食緊美X西餅店件裝西餅無異！！完全對唔住這個賣價，除打卡外便一無是處！想請問店家知否什麼是戚風蛋糕呢😑😑😑😑😑😑只怪報章鱔稿何其多👎👎👎！！

係openrice見到呢間餅舖有我中意既伯爵茶加麻糬，所以就諗住買黎試下。不過可能我唔熟上環呢邊，加上路痴，位置有點難揾，上一次睇openrice 個地址揾唔到。男朋友見我上次買唔到，今次就買左拎比我試。包裝盒係透明既手提形盒，望到入面個蛋糕，行街拎住都覺得幾靚，又唔洗擔心有無拎得唔好撞歪左，因為已經一眼望到，哈哈！伯爵茶麻糬戚風蛋糕伯爵茶味道幾濃郁既，但麻糬同我想像中唔同，唔係平時食個種白色ininunun個種，係一粒粒有少少似硬身既啫喱，同埋橙橙地顏色，食落好似有少少類似生果既味道，不過講唔出係咩黎，呢樣有d失望。60蚊呢個size 同質素黎講價錢太貴。

訂左個galaxy glaze cake 發覺同網站上d相有好大出入。蛋糕上面個層coating 明顯唔夠，d galaxy 中間仲有罅。呢個蛋糕$580，唔平，貴過mandarin， 打開個下真係好失望。反映比店員聽，佢話係蛋糕嘅獨特性， 所以同啲相會有分別。但我覺得根本係技術問題，我仲特登上YouTube 睇下glaze cake 到底係點。 最後店家願意送番個mini cake 同$50現金卷，但彌補唔到大家嘅失望。附上圖片，大家可以參考下。

行經上環地鐵站發現開咗間新嘅餅店，入邊買嘅蛋糕都好靚好精緻，最終忍唔住買咗個返去試吓。.📍焦糖布丁流心香蕉蛋糕（$520）推出咗流心系列新品😍以焦糖布丁🍮同香蕉🍌做主題，市面上少見原個布丁放喺蛋糕上，再以金箔作點綴蛋糕香蕉味香濃🍌，口感唔乾但偏實淨外層塗上忌廉再加上焦糖醬做裝飾，香甜得嚟唔會膩而中間個流心餡一切開流到成枱都係🤣流心餡喺滑溜嘅雲尼拿醬同幼滑嘅布丁粒🍮成個配搭都比較少見有興趣嘅可以去睇吓👀.

在一個月前，我經過上環地鐵站，近 E 出口那邊，前址為 <君蘭餅店>，開了一間新麵包蛋糕店 Arte by Padaria ！男店員介紹，由人氣蛋糕網店做到實體店，在上環地鐵站開設首間實體店！男店員熱情有禮！起初，我打算在星期六買大麵包返屋企，留待翌日星期日早餐，亦可以跟媽咪 share，怎料星期六只供應普通的麵包，而沒有供應大麵包？！我問男店員係咪星期六無賣大麵包？他答我：只有個裝麵包，他會向公司反映！一星期後的星期六，我終於買到大麵包嘞！相信店方也會因應食客的意見而作出相關改善！值得一讚！除了麵包、Cupcakes、Mini Cakes、蛋糕之外，還有飲品...等！麵包款式貴精不貴多，個裝麵包多數要 $10 或以上，方包...等；貴至 $88 都有！Cupcakes 也有好幾款口味 西餅及蛋糕，賣相好吸引呀！楓糖吉士包 $12表面甜美，包質密度高，卻不失鬆軟！ 整體不甜膩！朱古力紅莓貝果 $18相對包質結實帶煙韌，夾雜紅莓乾，整體甜中帶酸！朱古力酸種麵包 $48這款麵包好大個，還要大個我塊 Pizza 面呀！鹹味及微微的酸味，包質密度高，夾雜朱古力粒，個人略嫌有點寡