Asian Delights by The Royal Garden

營業中

休息中

第一次黎go park, 原來都有唔少餐廳選擇今日想食亞洲野, 就去咗呢間有海南雞飯食既餐廳。睇名先知原來同帝苑酒店有關係, 酒店出品又真係令人有信心d叫咗3樣野, 必食海南雞飯, 連餐湯, 唔係味精味, 幾好。海南雞最緊要嫩滑,呢間都做到, 而且幾多肉。女友減肥唔想食太多飯, 我可以獨佔成碗油飯, 正所以另外仲加多半隻無骨海南雞, 蛋白質爆燈最後仲叫咗個甜品, 係我同女友最愛既斑蘭咖央! 多士好鬆軟, 仲有淡淡斑蘭味, 都唔錯。

商場氣氛很好，天氣涼在這個商場係好好嘅，但諗起天熱就真係唔使嚟了，呢度好多餐廳都有室外座位，呢間都唔例外，一行4人本身都想坐室外，最後冇位坐室內卡位，非常細窄，仲慘過迫譚仔，午餐不便宜，平均$100不包飲品，可特價加飲品 。海南雞飯煮得太爛，雞也過熟鞋口，薑蓉冇味，蒜蓉辣醋唔香唔好味，碗湯就幾好飲。蔥油豬面肉煎蛋飯，豬肉好韌，冇乜味，成碟飯靠蔥油填飽肚 。生熟牛肉湯河較為正常，算好食 。如果係帝苑就真係大鑊，敗壞名聲 。

以為係Royal Garden 酒店水準，結果令人極度失望。菠蘿雞肉鬆炒飯，飯好似冇炒，濕濕碎碎，雞肉同蝦肉都霉爛，食咗兩啖就吐番出嚟；香茅豬扒和炸雞翼，好似無調味，似係雪藏攞出嚟就炸；榛子牛奶咖啡，稀到即沖都好過佢，只有奶味，楱子味咖啡味欠奉；全餐只有蒜炒菜正常。

近排西沙開咗個新運動場地Go Park，假日同朋友一齊入去打波都唔錯！附近仲有好多新開嘅餐廳，今次就試咗呢間亞洲菜，款式選擇幾多，仲有下午茶時段，抵食喎！✨海南雞飯配搭三款醬料，雞肉份量合理，而且都幾嫩滑、啖啖肉，而且仲保留到皮肉之間個層啫喱～跟餐仲有一碗餐湯，味道家常，做完運動食番啲蛋白質健康嘢就啱哂～🤣✨蔥油豬扒煎蛋飯隻煎蛋好吸睛！流心蛋黃撈埋啲飯一齊食就最正🤩豬扒幾厚肉，又帶啲焦香🐷✨吉列魚柳滑蛋飯日式之選，吉列魚柳夠香脆，炸漿厚度適中🤝🏼✨咖喱牛腩飯同行朋友最愛！港式咖喱牛腩飯嘅咖喱味好香，隔離枱客人聞到都望一望過嚟😂牛腩肉質軟腍入味，唔錯呀～✨脆炸香茅雞翼✨脆炸素春卷✨泰式脆炸蝦餅運動完特別肚餓🤓仲叫咗3款香脆小食！最喜歡炸蝦餅🦐口感夠哂彈牙，同泰國菜餐廳食到嘅一樣咁正👍🏼

滑蛋豬頸肉飯 豬頸肉好硬又薄，得果3-4片…牛肉炒河啲肉大部分都係有筋，份量又少，感覺茶記仲好食過佢。另外再係Lunch Set +14蚊 order左杯熱Latte，係buffet自助咖啡機沖出黎嘅質素，同expectation有埋單Total: HK$2xx總結依間嘢又貴又難食，但即場反映左比店長聽，店長同店員服務態度都好好，亦都有經常留意顧客有咩需要，可惜食物質素差 拖累左前線員工嘅努力，期待下次到訪有所改善。

第1）一入去已經無人服務，自己搵位坐低，諗住有人拎menu黎，等左好耐都無，要自己舉手🙋🏼叫人，咁先有人應，建議各位行到攰，入去坐下都好，反正唔會有人理第2）價錢已經唔想討論，食物質素真係令我寧願揀食麥當勞，單調到痴左線，另一角度睇，可能佢都係個老實店鋪，menu上字有咩，食物就有咩，唔會多唔會少，唔好諗住以為點完果樣野食就有埋呢樣果樣，千祈唔好太多幻想，就連水一杯你唔叫都唔會提供總結：如果唔信既可以一試，包你試完真係會買個麥當勞黎補返心靈既創傷，真心希望佢地睇到呢Post而有改進，如果唔係…….um🙈

Go Park 新開幾家餐廳，呢間掛得起帝苑的招牌應該都會有番咁上下水平。食物選擇不多，午餐叫了海南雞飯和炒金邊粉。兩個都唔係幾掂。雞飯得幾塊多肥膏的下欄位，味道比較咸又冇雞味。油飯有點生骨。炒金邊粉就冇乜鑊氣，配料沒炒透。牙菜好大草青味。埋單約220蚊。咁嘅質素，應該冇下次🤦🏻‍♂️

咁岩因為工作需要入左西沙，見無咩餐廳開所以抱住試下嘅心態幫襯。點左個蔥油豬扒煎蛋飯，豬扒外脆內嫩，煎蛋脆邊幾好，蔥油味好香。整體而言，好值得推薦亦好適合我口味。

海南雞飯色澤好好，雞肉肉質鮮嫩多汁，加上香味十足嘅油飯同3款醬汁，簡直係絕配！同行朋友叫咗印尼炒飯，米飯鬆軟但唔會過分油膩，配料亦好豐富。味道香濃，又唔會太過辣。