Asian Twist (已結業)

行完展覽 揾間野食傻， 入門口便無人帶位， 坐低後叫左3個人先有人嚟落單 再者 想叫杯冰水，等一個話無無無 但突然比杯熱水再找一人 說要杯冰 , 一走便無回頭再問幾個人都無反應 咁梗係無比到杯冰我啦總體嚟講只此一次

好多同事都推介呢間餐廳，之前試過來就試佢海南雞飯。都好正！今次就試下特別野！但魚干比較鹹同干，但都唔錯！仲次如果再去，一定要試個大蝦湯麵！感覺好吸引！呢間餐廳仲有好多唔同午市套餐，佢仲會不定時轉唔同款式。令在灣仔區返工打工仔，都多一個不同選擇！

平日早上來到新鴻基地中心食早餐。我多數去附近快餐店，但今日人比較多。就試試這間不用搵位，又不用自己買票的餐廳。我八點入座，大概有三成客人，還有很多位置。 店內人手充足，上餐也很快！食了鮮油咖椰多士，煎雙蛋和熱美祿。多士好味，牛油與咖椰溶為一體雖然肥，但早上第一餐，唔怕啦！煎蛋🍳配上黑豉油蛋黃並不是全熟的那種不是流心，是剛剛熟的那一種美祿味道濃濃的，啱晒我口味😋店內其他客人多數食面，而且很多是熟客仔。

嗰日老細心情大好想全條team一齊出去食飯，之前食過呢間已經覺得又貴又唔好食，我地呢啲低級員工又邊比得起$100嘅lunch.....😿😿呢間嘢係好似靚靚地咁囉，環境都算十分乾淨，而且設計得唔錯，有間房張長枱可以坐8-10個人，都照顧到一班人。但係食物真係唔掂囉，食咁多次都係咁差，好失望啊！！首先麵嘅份量少啦，每次都唔飽，返到公司過一陣又肚餓。😾今次呢個咖哩湯的確係好濃，但太鹹呢！濃到好似食沾麵咁，超唔鍾意囉！😾公道啲講今次啲雞扒OK嘅，炸得幾好嘅又，但係加埋服務費要$100喎！！$100喎！食唔飽喎！唔OK囉！😿😿

晏就食飯見Asian Twist唔洗等位, 就入左去食個quick lunch。<馬拉炒麪$98> (好味: 3.5/5) (抵食: 2.5/5)酸酸甜甜嘅馬拉炒麪都幾開胃, 濕濕地嘅炒麪食落都幾順口, 炸魚蛋外皮嘅雞蛋都相當可愛。可惜, 蝦同魚片偏乾身, 無咩咬囗, 要扣少少分。整體黎講, 味道普普, 價錢偏貴, cp值唔高。

年初四灣仔好似好少餐廳開門，焗住要食貴d嘅午餐，呢間要$8x-$9x一個lunch set，仲要加一，轉凍飲嘅話埋單差唔多$100一個人，份量細唔夠食，的確係貴夾唔飽！🤨呢到係贏環境比較新同靚，成間餐廳好白好光猛，係比較modern嘅設計。🦐冬陰功海鮮湯米線，可轉麵💰$92（未計加一）⭕️冬陰公湯底味道OK，夠濃夠辣❌海鮮非常唔新鮮，d蝦好霉❗️❌魷魚青口無味❗️🐔海南雞飯💰$92（未計加一）❌份量超細❌無雞味！總括來講，呢餐真係貴夾唔飽，所有食物都好普通，又要收咁貴，我一定唔會再嚟食......🤢

Asian Twist終於有新花款啦! 除左standard menu外, 仲加入左兩款湯麪。作為－個美食探險家, 當然要為大家身先士卒, 探一探佢嘅虛實。今次, 我試嘅係佢嘅咖哩雞排麪。—碗咖哩湯麫(圖右), 一份炸雞排(圖左), 加多杯咖啡, 盛惠$88。加埋一, 差唔多要成舊水, 價錢略貴。佢嘅咖哩湯麵, 與其話係湯麪, 不如話係好多汁嘅咖哩撈麪。湯底非常濃郁, 配上佢嘅油麪麪底, 成個麪感覺好match。湯麪裏面仲有其他配料, 好似係豆卜、秋葵同魚片。至於佢嘅雞排, 亦炸得金黃酥脆, 配上佢附上嘅泰式酸甜醬, 油而不膩。可惜, 整體套餐味道偏濃, 建議大家食嘅時候配上清涼凍飲, 好似係凍檸茶中和－下個咖哩嘅咸辣味。

朋友都知道我是喇沙愛好姐所以推介我到來試試午餐時間超多人排隊幸好好快被入排入坐午餐套餐有5-6款選擇二話不說即叫了海南雞喇沙朋友說會定期換款而這款喇沙會長期出現在午餐餐牌 （應該算是皇牌吧）超喜歡雞跟麵是分開的 可以真正吃了雞的味道雞份量都算多 而且超滑的！！另外提供了醬料可以配雞一齊吃我最喜歡左面黑黑的那個醬 有少少甜味也好滿意喇沙 湯底超香 不是好像其他店只有辣味而它有點點椰香豆腐卜（超多粒！！）用來吸收湯底來吃最棒！

在中環食lunch 好逼，所以去左灣仔搵friend 食。去到見倒裝修很簡潔，白色為主，走去望望歺牌有我喜歡既海南雞飯,價格可以，又不是太多人，所以直接入左去，”兩位唔該”.進入第一張枱係超級大枱，好似那種coffee shop 可以搭枱.落單呀姐好快走埋黎，我還在考慮飲咩，佢就介紹我ovaltine 好味過Horlick. 就跟佢啦！加埋佢誠意推介蝦圓!!海南雞tender, 飯滿滿雞油香味，ovaltin 很重，蝦園很熱又彈牙，埋單時也只是百多元。

朋友在新鴻基中心工作，相約Lunch ，那裡一帶真係好難揾食，要傾到計真係有啲困難。朋友建議到Asian Twist ，依間唔算多人，食完可以坐多陣外賣午餐自取八五折，方便附近上班族。12:30pm 到來，唔算多人。朋友話，午市套餐，一直沒有改變。但由於附近沒有選擇，這裡叫做價錢比較實惠而又可以坐得耐一點。套餐包基本飲品或加錢改特飲。魚片米線$82 有點貴海南雞喇沙$85，喇沙味道唔錯。可是雞沒有任何味道，而且底層的青瓜發梅，令人感到那伴菜放著久久沒用這餐平均每人要$92吃一碗粉，幸好還包一杯基本飲品，其實真的有點貴

灣仔食lunch冇咩好推介，行過新鴻基大廈有間食東南亞食物，想試下就入左黎。又想食海南雞，又想食Laksa麵，最後叫左個海南雞laksa麵，麵係$85。灣仔黎講算係咁。碗麵黎到比我想像中好好多，雞還雞上，麵還麵上。可以食到各樣食物既味道，份量都算足夠。麵完全係完美選擇😋😋😋飲品仲要唔駛加錢就可以有，要特色飲品就另加$10. 成餐飯都唔駛$100，質素都唔錯，絕對可以encore🎉🎉🎉🎉

午飯時間係灣仔搵食真係好得人驚！要有位又唔想逼住晒，除非你下下都唔介意百幾蚊食個午餐囉😓今日揀左食馬拉野，係坐得舒服D，代價係野食唔平，個叻沙湯底味道都唔錯，雞就普普通通喇，全部雞胸口感麻麻，而且肉有D散，不能說好食！叫左杯奶茶，已經自動邊左茶走，太甜了！呢個餐$85，要加10%，埋單都要成百蚊，抵唔抵食就見人見智喇，如果俾多小小錢換了一刻稍微淨嘅地方用餐，可以考慮嘅！不過如果有其他選擇我會揀下其他地方，因為呢個價錢應該有D更好食嘅野嘅🤔

從來冇諗過喺新鴻基中心呢啲高級商廈嘅餐廳可以差到咁，之前都食過一次，因為我地都成6、7個人又見間餐廳冇乜人唔駛等位咪又去試下，食物味道真係好普通，性價比絕對係唔值，不過唔駛等位呢樣嘢先可以令到我地呢啲新客一試。今次再去食其實都係因為相同原因，我地一行9人原本諗住買個飯盒返公司食完就算，途經呢間餐廳竟然比我地發現有一張長枱吉咗，我地咪諗住快快手坐低食完就走，點知起火嘢就嚟啦。其實今次門口都見到有4個人等緊位，我地行到埋去就已經聽到其中一個男士同同行女士講「都唔知仲要等幾耐先有人理我地」😱我心想等一陣啫，應該好快有人帶位啦，因為我地目測都見到有幾張細枱吉咗，點知有個帶眼鏡肥肥地嘅類似經理嘅男人都幾冇禮貌咁望咗佢地一眼，就行咗去收錢，其他侍應亦唔敢埋嚟咁款，等到呢位肥經理收哂幾個人錢之後就好冇禮貌咁叫咗果2 pair客人坐底，但係就完全冇理過我地9個人，佢比我地嘅感覺好明顯係唔想理我地，但係因為我地有成9個人，想要喺冇訂位嘅情況下坐低食飯真係冇乜可能，所以我就問佢（絕對係好聲好氣）果邊張枱係咪有人訂咗唔坐得架？點知呢個所謂經理嘅物體竟然答得我呢2句「冇位，等等啦」跟住仲用一個好挑釁嘅目光行開

一向覺得佢貴，無試過。今日無食早餐，11點幾食晏，即管畀一次機會佢。裝修係靚嘅，好開揚，好多 bling bling，不過睇完個餐牌真係會滴汗。海南雞喇沙($85)：海南雞求鮮味，喇沙卻味濃，呢個配搭本身就好古怪，好配合佢餐廳名，好 twist。海南雞無骨，不過唔特別滑，無乜雞味，但醬汁味道就OK。喇沙係米線，湯底都OK，仲有啲蝦味。食完喇，總平分點呢？因為味道唔特別，食個晏都$94埋單，仍然覺得貴囉。

It was lunch time and the restaurant was only 40% full. And later I knew there had to be a reason.I was seated at the corner and no one gave me even a glass of water. I had to ask for the menu . They did offer the lunch set menu but the Hainan Chicken was not included there! I wanted to have Hainan Chicken so I asked for the A La Carte and the waitress was so annoyed when I asked for it.So this is the Hainan Chicken.It looked fine, just that the rice was a bit too hard, and kinda raw it seemed t