B.O.A

營業中

休息中

晏晝女友想食越南粉，諗起呢間BOA，貪佢東南亞菜乜都有，點都穩陣啲。我真係唔知想食乜,都係最穩陣嘅海南雞算，飲湯先～好飲夠味，真係好飲過尋日「得閑xx」個燉湯，雞正正常常，夠滑，份量都可以。春卷，今次要讚，唔係油淰淰果隻，味道正常水準。嗱！真係寫明單邊雞翼，醃得好野味，一樣乾身，好食，有啲唔夠喉。女友個火車站粉，有幾片牛肉（但熟得滯），幾粒牛丸正正常常，今次無影相。埋單$209，真係唔算貴。回頭度：6/10呢間其實都食開，真係諗唔到食乜嘅時候，嚟呢度最穩，其實今次我想講，呢次個服務我俾好低分，係因為今次我座正收銀對面，由一放低份海南雞飯開始，三個店員，一個年紀大啲當經理，一個收銀或者係主管，最後一個係店務，三個就喺度爭論放工前嘅手尾問題，「講」咗十幾廿分鐘，大佬呀！！我哋喺度享受緊你哋嘅午餐，所有嘅情緒都俾你哋影響晒，我諗無人想喺食嘢嘅時候聽你哋啲牢騷問題！你哋唔可以開工前後講？或者離客遠啲講？真係成餐飯攪到冇晒癮！真係唔想有下次。以上純粹個人食後分享,絶無收受任何利益或優惠，亦願意承擔以上所有責任。

午膳時間，唔知食乜好，見到呢間午餐有飯有麵，好多選擇，座位舒適，就入咗去試吓，叫咗兩個午餐👇🏼去骨海南雞配油飯$82最鍾意食海南雞，尤其是去骨，啖啖肉方便食，雞夠滑，呢個價錢份量正常，有我喜歡的酸蘿蔔做拌菜，油飯食到幾香雞油味，味道和口感都不錯，裝滿成個碗，食完好夠飽😄個湯有驚喜，喺雞絲椰子湯，味道幾濃郁👍🏻香茅豬扒煎蛋飯$72豬扒夠大塊，夠香夠腍，唔會乾到柴口，有新鮮菠蘿青瓜做拌菜，整體味道唔錯。午餐價錢包餐飲，上菜速度正常，不用等太耐，服務員態度良好，入座時無話限時，食完可以傾吓計先走。

又黎到紅磡黃埔一帶食lunch~餐廳位置唔太顯眼, 中午時段唔多人, 大約只係坐滿一半枱 lunch set選擇都唔少~ 點左香茅豬扒網皮春卷撈檬粉🐷份量都算大碗, 豬扒同春卷水準都唔錯套餐除左咖啡/茶☕️, 仲可以揀龍眼冰🧊夏天啱晒!

晚市二人套餐1. 椰汁雞湯🙂椰汁味淡，偏咸，3個人一人一碗岩岩好。2. 小食拼盤❤3款炸物，即叫即整，所以都要等一段時間先上菜，最好食係個蔥油肉粒簿脆，同炸蝦"圓"。3. 薑汁炒芥蘭 😀芥蘭小苦，薑汁味重，爽脆，好岩我口味。4. 咖哩大蝦❤我發現有炸既野食，都整得好出色，大蝦係炸過，炸醬好薄，大蝦，係真係大蝦，每隻至少要3啖先食得哂，咖哩汁香濃，必點!5. 龍眼冰❤2杯，一杯好多龍眼，一杯冇咩龍眼，但龍眼味重，好飲印度烤餅😀（2件） 用黎配咖哩大蝦食，正常發揮泰式蟹肉炒粉絲❤屋企人食到lam lam脷，粉絲條條分明唔會成餅野，味道較淡，但蟹肉味都有! 如果蟹肉份量再多D就更好，撈埋豬軟骨汁，好味去骨海南雞* 半隻❤喇，份量都係偏小，但係雞味重好嫩滑juicy，我好耐冇食過咁重雞味既海南雞，肥瘦岩岩好，真係好食~肥仔標豆醬炒通菜❤咸香味濃，唔油膩，鑊氣十足!! 份量都好足，必點!越式豬軟骨煲😀微辣 份量小，1個人食岩岩好，但味道香濃，唔肥膩，跟飯食一流。泰式素翅魚肚羹🙂本身係套餐，ALC menu冇，問左店主可以散叫，呢到多謝哂先! 不過配料真係好小，但湯既味道係ok~ 魚肚只有幾條絲，

Sunday Night 獨自一人行吓行吓經過喱間B.O.A，綠色為主嘅裝潢感覺清新，坐位寬敞算乾淨，於是走咗入去食晚飯。無無聊聊點了《泰式炒通菜》和招牌菜色《去骨海南雞配油飯》。炒通菜夠哂大碟，翠綠爽口唔太辣；海南雞飯雞肉嫩滑雞味濃郁，附送嘅椰子雞湯竟然係真湯唔係水，真係估佢唔到。值得一提係佢嘅《椰汁涼粉冰》，椰味十足唔太甜，涼粉好彈牙似仙草多D，可以一試。一人晚飯食得唔多，有機會會再試試其他菜色，例如《金不煥香茅忌廉煮紐西蘭青口》。另外，用膳期間，侍應不停加茶比我，非常抵讚。

今天無意經過呢間泰國餐廳，見到個2人套餐幾抵，於是入去試下，味道出乎意料好味。下次再去。1. 泰式素翅魚肚羹類似普通碗仔翅，有冬菇粉絲同素翅，味道唔算好濃，加埋醋飲，酸酸地幾開胃。2.沙嗲雞肉串燒（四串）四串雞串都幾大串，沙嗲醬好野味，雞肉本身已經燒得好入味，就算唔點醬都好好食。3.香脆馬來豆腐豆腐皮脆內滑，出面淋上魚露同埋甜酸醬，配埋青瓜絲，酸酸甜甜唔油膩。4.原個椰青咖喱軟殼蟹拌印度烤餅呢個係最驚喜既菜式！青咖喱好足料，加埋青紅椒同埋椰子絲，好香而唔膩。將印度烤餅點青咖喱食，非常夾！除左有炸得酥脆既軟殼蟹之外，仲有2隻大炸蝦，份量一啲都唔少。仲有配埋一杯椰青，一個菜式可以食到幾樣食物。5.薑汁炒芥蘭薑汁味不算重，但係芥蘭炒得翠綠爽口！6.龍眼冰龍眼冰味道普通，勝在唔算太甜。

今日屋企話叫外賣，見到app有得叫而我哋又好耐冇食過泰國野就試一試佢🇹🇭我哋叫咗牛肉串燒，雞翼串，海南雞半隻，泰式生蝦，炒粉絲😋牛肉串配咗沙嗲汁個沙嗲味好濃，牛都好好食好有牛味仲有少少炭燒味👍 雞翼係烤全翼大大隻啖啖肉😋值得一讚嘅係佢嘅泰式生蝦超好食！同出面比佢嘅泰式生蝦好大而且好鮮甜👍👍不過佢個海南雞個份量就好失望，得幾片其他全部骨一定冇半隻粉絲幾個，不過蟹肉粉絲蟹肉得一嚿好唔掋，希望堂食份量會大啲

《黃埔 • 海南雞飯 》🐔雞飯好食 湯又好飲👍🏻海南雞飯係我有陣時都會突然想食嘅野. 而宜間餐廳我都己經食過幾次 次次都會叫佢嘅海南雞飯 環境都舒服 座位都吾會太逼 所以會列入可以返頭食嘅餐廳list。📝🔆🐔去骨海南雞油飯 下午茶餐 $72 佢地嘅去骨海南雞份量足 雞肉嫩滑 吾會鞋口 皮夠薄 沾3款吾同嘅醬汁配飯更好食 。 油飯睇色澤就知非常香 粒粒分明 。湯更加出色 真係有淡淡椰子香同雞湯味 非常足料 好飲 又夠熱。真係誠意推介海南雞飯餐 會有驚喜👍🏻👍🏻🐷越式豬軟骨湯河 下午茶 $58湯河都大碗嘅 湯底清甜 豬軟骨肉質都夠淋 整體不過不失 但比起海南雞飯較為普通 🍴 自選串燒 豬/牛 跟餐 $24 串燒都入味 肉質吾會乾身 醬汁食出有花生嘅香味 沾串燒食好味 👍🏻👍🏻

平靓正大分又唔太貴擺設又好看服務好一定會介紹給親朋好友來光臨一定會再來食很適合跟朋友和家人來吃希望可以再開多幾間分店平靓正大分又唔太貴擺設又好看服務好一定會介紹給親朋好友來光臨一定會再來食很適合跟朋友和家人來吃希望可以再開多幾間分店

半年前黃埔享膳坊開了家主打東南亞菜的B.O.A～住黃埔的朋友試過說不錯於是就約好帶我去品嚐了～😍因為是新裝修所以環境潔淨、裝修雅致～我們選擇了角落靠窗邊的一張獨立四人桌方便聊天且不影響其他客～🤭👉去骨海南雞配雞油飯～雞肉嫩滑、雞油飯好香～👍👉酸辣燒原條鮮魷魚～魷魚燒得剛好可惜沒鮮味必需要配醬汁才好味～😄👉豬頸肉炒椰菜苗～美味好吃～👍👉大蝦牛油果米紙卷～多料～👍👉椰子煲雞湯～清潤香甜～😍👉傳統喇沙蝦肉湯河粉～嚇死人的超大碗～喇沙味剛好不會過濃郁～不然有人受不了～🤭😋😘👉蔥油薄餅～好正～😍👉芒果糯米飯～芒果超級甜、糯米飯好好吃～👍😍😋😘🤤總結：味道不錯、價格合理～還會再去！

隱藏在黃埔壽司郎後邊的東南亞菜位置雖然有些隱蔽 但完全不難找主打東南亞美食 有越式、泰式、新加坡菜等！款式選擇多 價錢亦合理(ﾉ´³`)ﾉ♡—✎ 泰式金邊粉 $92 #推薦泰菜必點的一道菜！Q彈的金邊粉搭配蝦球、豆卜等配料調味後酸酸甜甜（走辣）非常開胃加上青檸、辣椒、糖和花生碎等調料點綴一上碟 5分鐘就暴風吃完( ´ ▽ ` )✽好味指數：★★★★/5.✎ 豬頸肉炒椰菜苗 $92豬頸肉嫩滑爽脆 椰菜苗融合微香辣 鮮咸的泰式醬汁 真的不錯✽好味指數：★★★★/5.✎沙嗲串燒 4串 $68豬肉和雞肉都很可以～肉質嫩滑有肉汁 juicy ⁽⁽ ( ˊᵕˋ ) ⁾⁾✽好味指數：★★★★/5—｜ 𝘼𝘽𝙊𝙐𝙏 ｜⚐ B.O.A地址： 紅磡黃埔天地享膳坊(第4期)地下G8B號舖人均消費：HK$130 (ppl)回訪指數：🤤🤤🤤🤤/5環境舒適：🪑🪑🪑🪑/5

即慶喺黃埔花園晚餐時段搵食，無預先book到位，想食嗰啲餐廳又排長龍，去到轉角再行前嘅位置有間新開嘅餐廳，其實都幾難發現，可能係咁所以仲有好多位唔使等，就入去試吓。新裝修用木系同綠色做主調，環境寬敞都坐得幾舒服。「B.O.A」主打東南亞多國菜，有泰國、越南、新加坡菜，仲有燒烤同咖喱。✮金不換蠔仔餅 $78我個人幾鍾意，呢款口感嘅蠔餅都係第一次試，唔似一般泰式蠔仔蛋，煮法反而有啲似潮州蠔餅，但炸得更脆更薄透，啲蛋漿直頭炸到起晒一個個「撲撲」，咬落口感似威化紙般乾脆，但又唔算油膩。蠔仔唔算好多，金不換葉炸到香脆，似川椒雞嘅伴碟炸菜葉，蘸埋個辣醬無得頂，愈食愈覺得熱氣都繼續食。✮去骨海南雞配雞油飯 $86海南雞份量唔算好多，味道正常發揮啦，係雞肉有啲唔夠味同唔夠滑，但蘸埋三款醬汁嚟食都開胃嘅。雞油飯粒粒分明，好香雞油味。餐湯入口有啲驚喜，預咗係普通雞湯，點知入口有淡淡椰子味，原來係椰子煲雞湯，多$22仲可以配星洲肉骨茶，呢個價錢都唔錯。✮火車頭湯河 $88火車頭係size特大嘅越南湯河，兩個人都夠食，材料十足，有牛腩、牛筋、牛柏葉、牛丸、牛肉片，湯底夠濃郁。#B.O.A 地址：紅磡黃埔天地享

這間餐廳是有人招呼的餐廳，需要加一服務費的！但有員工卻當自己係茶餐廳咁做，令我自己都以為自己去咗敏華太興咁🤦🏻‍♀️我叫一個沒有著圍群，看似最高級，不太高大，沒有戴眼鏡的員工，本想問一下餐牌內容，但我只講了句：唔該！呢位員工就直指住枱面的二維碼牌，叫我自己點餐，轉身就去招呼其他人。後來我隔離枱的情侶都得到我同一遭遇，問一句都唔得，換來嘅係板著臉回答：掃QR Code落單！埋單時問一下有冇優惠，又係呢位類似店長的員工負責收錢，佢覺得我阻住佢工作咁，十分不耐煩黑晒面咁，我只拿錯了住戶證出來，漏了在樓上的家，佢一句：呢張係主戶證，黃埔咭先有折，認咭唔認人！真嚇壞人，這餐廳老板真倒楣，請了位趕客員工！原來這間餐廳不想做黃埔街坊生意，只想做生客生意。試問有幾多個黃埔住客會沒有黃埔咭吖？其求兩張單已可申請黃埔咭啦！這間餐廳完全不懂變通，唔識做生意，呢位員工亦好忠心的，幫老板趕客！黃埔出名多食肆，呢間餐廳地點已好辟，唔係街坊都好難搵，想話多D支持下都難啦！呢度大把選擇，希望這餐廳正視該員工的態度及改善服務質素！上個月來吃時有位四眼經理哥哥十分友善，有問必答，但今次再來吃的經歷係180度改變，很失望！O

今晚與有人試試這間泰菜，位置隱閉，入座率大概5至6成。當我們叫一叫一位個子不高，沒有戴眼鏡的經理，想問一問餐牌內容時，卻換來很倔的一句：掃QR code 點餐！之後就轉身招呼其他人客。真沒想到人均收費百幾的餐廳，居然自助到連問一句也不可以！😡我們點了海南雞飯配肉骨茶，炒金邊粉，串燒沙嗲，也不錯的，只是串燒牛肉好韌😒好像這間餐廳是集團的，希望有關管理層留意有關經理的服務態度，就算幾好食也沒有人願意回頭幫襯！

We've have been looking forward to try this restaurant for awhile since the reviews make it look quite appealing. We ordered the Angus beef short rib avocado salad, Pad Thai and 泰北炒河. The two stir-fried dishes were just average and the salad was especially disappointing as the beef was nothing like the one we saw in the menu. We were expecting beef that was grilled and rare but in reality it was more like pan fried beef that was a bit stiff. None of the dishes tasted authentic and will not be co