Babmug

營業中

休息中

依家無堂食，收得夜真係會餓死！8點左右去搭車，都打算返到屋先煮個菜。咁岩見到間韓國野，應該係新開，之前都好似唔覺眼～但依個時間當然都無咩賣，店主仲已經收緊爐。是但買左卷紫菜包飯。$40一大卷。返到屋企急不及待要食喇！包裝好用心，有兩層錫紙～唔怕穿左爛左！一打開好香麻油味。真係好大卷！餡好多好滿。但一夾就散開，無辦法夾得起！以為個頭尾係咁，但原來成卷都係咁⋯唯有用手拎起食～但味道係好食嘅！都正宗韓國味紫菜卷～$40都算唔錯！！！有機會經過可以再幫襯試下其他嘢～

店舖由韓國人🇰🇷打理，專做外賣，味道唔錯價錢相宜又位於荔枝角工業區🏭，有D款夜晚就賣曬，要試就要早D去啦💁🏻‍♀️👉 韓式紫菜牛肉包飯打開第一個感覺就係好靚😍 蘿蔔、青瓜及雞蛋絲五彩斑斕，令人食指大動🤤 加埋超入味牛肉🐮，鐘意食Kimbap唔可以錯過😋👉 韓式雞蛋捲雞蛋捲🍳有蛋香，但整體味道不過不失， 可以唔試🙈

下午四點去，kimbap得返原味同呑拿魚，揀咗原味，入面有韓式魚蛋、紅蘿蔔絲、牛蒡、醃蘿蔔、雞蛋絲、青瓜絲等等....用料超豐富一啲都唔吝嗇，未食晒一條已經好飽，最近食得太多肉類肥膩野，食韓式飯卷入邊多菜少肉感覺健康清新得多👍🏻

-🦄BABMUG @babmugg-原味紫菜包飯 Hkd40Rating🌕🌕🌑🌑🌑-唔知大家知唔知😂荔枝角都開左間新嘅小店🤤係賣韓國🇰🇷野食😂於是我又去左買條紫菜包飯🙈小店係由韓國人去經營🤔然後我買嘅果條紫菜包飯係一早整好左擺係到🙈🙈而唔係即叫即整嘅😦一打開嘅時候可以見到佢賣相唔係好美觀🤔每一件飯卷大細不一😦切到岩岩巉巉咁🙈有好幾件比較厚而有啲又好薄😂唔係太平均🤪而且啲紫菜包得唔係好實💔一夾起就全部都散曬飯還飯🥴配料還配料🥴全部都掉曬出嚟😭😭我心都碎埋💔最後要我逐啲逐啲咁執返好來食不過佢材料都好豐富嘅😛大家睇下圖就見到味道都唔差 係正常一般嘅紫菜包飯👌🏻👌🏻不過我諗我呢個就唔會再幫襯喇😂😂呢條紫菜包飯只係40蚊 價錢方面都ok係正常水平不過因為我食過其他好好食嘅紫菜包飯🤪所以呢間好明顯係完全比下去👋🏻👋🏻大家有興趣可以睇返前幾個POST😼😼然後 如果大家經過荔枝角又有興趣就去試吓啦😆可能唔係條條都咁伏嘅🤣🤣🤣同埋都有好多其他韓式🇰🇷小食🤔好似賣相都OK👌🏻-📍Babmug (荔枝角) @babmugg荔枝角長沙灣道883號億利工業中心地舖E1號舖

喺荔枝角返左工一段時間，多數買外賣返公司食，食嚟食去都係果幾間，冇咩新意。前牌發現公司對面終於開咗一間韓國嘢，只做外賣，於是同同事一齊去試吓。我叫咗個炸醬麵，好好味，但可能嗰朝冇食早餐，所以覺得份量唔夠飽。同事叫咗個韓式拌飯，佢話非常好味。今日得我一個，所以特登過去買個韓式伴飯，果然好好味，而且白飯嘅份量比較多，就算男仔食都夠飽。我嘗試過佢哋嘅紫菜飯卷，呢個反而一般般，但價錢比較相宜（$40），而且唔使等。溫馨提示一下，舖頭只得一至兩個店員，所以我通常係早20分鐘WhatsApp預訂，夠鐘就過去攞（不過都要排五至10分鐘隊）。