BABY K Bora Seafood (已結業)

我最喜歡在星期六跟男友出去吃餐好的，始終平日沒怎見面嘛~今天選了家浪漫的餐廳，就在K11，可慢慢品酒，細嚐美食環境好有情調，又播著音樂，好舒服~ 點了個二人套餐呢。先來紅白二酒。紅酒果香氣撲鼻，清澈暗紅色的，酸味較重，後段帶點甜，無澀味無渣。白酒香氣更重，味道酸甜充滿果香，兩款都很容易入口。鵝肝沙律有生菜，車厘茄，香脆蒜蓉麵包粒和芝士碎。沙律醬酸中帶甜，帶點乳酪的味道，也帶鵝油甘香。香煎鵝肝皮脆內嫩，入口即溶，一進口腔就滿口豐腴鵝油香味，是豪華的享受周打魚湯有鮮甜鹹香的味道，質感creamy幼滑。洋蔥，蘿蔔，西芹等配菜煮得好軟身，還有魚粒肉厚又滑溜呢配的多士有香濃蒜蓉牛油的味道~深橙紅色的龍蝦湯一上桌已聞到濃厚龍蝦香氣，質感比周打湯輕身，也creamy，味道除了龍蝦精華還有蕃茄的酸甜味道，好濃好濃意式西班牙辣肉腸意粉看起好普通嗎？它的辣肉鹹香帶辣有刺激感，意粉爽口彈牙，有蕃茄酸甜味又帶點微辣，整個菜式讓人清新醒胃德國鹹豬手上菜前已細心的預先切好，用芥末沙律醬陪襯。配菜有酸椰菜和超粗身炸薯條。薯條外脆內軟，內裡好多薯肉。豬手鹹香，肉質算軟，啖啖肉吃得滋味，皮的部份香又脆好邪惡，跟骨的部份

今日係Happy Friday😆，約左班同事放工食飯鬆一鬆🤤，今次揀左地點方便的尖沙咀k11，雖然餐廳係商場較入位置，但都好易搵到，同時顯得分外寧靜舒適Book左位，入到去，職員好快安排我地坐卡位，座位好闊落，舒舒服服首先我地叫左德國鹹豬手🐽配粗薯條 ，好大碟，豬手食落外脆內軟，配上兩個醬汁，減輕左油膩感鰻魚炒飯，一整條大鰻魚，上面有層木魚，賣相一流，加埋醬汁，食落好好味火焰波士頓龍蝦, 職員先在龍蝦上淋上酒, 造出火焰的感覺，我地都哇哇聲😂😂😂即時忍吾住要影底，龍蝦夠多肉之餘又有口感，配菜都好豐富，有薯角同埋翠玉瓜等等, 好入味餐紙上面仲有圖畫教點食龍蝦，真係好貼心

今晚我帶家人嚟試吓呢間餐廳。我們點了幾個二人套餐。後來因為龍蝦餐只賣剩一隻所以其中一套餐要更改。當中唔知道係員工之間溝通有誤會還是什麼原因，餐湯改了又改。不過，整體而言，食物及環境都不俗。我個人覺得他們的三文魚和生蠔尤其出色，跟餐甜品就比較普通。後來，得知因為係openrice訂位，每人送兩隻生蠔，餐廳經理有介紹這些生蠔，並有幾次問及我們對食物的意見。今次晚飯性價比算是高。下次希望嘗試其他菜式，尤其是今次錯失了的龍蝦。

尖沙咀有好多餐廳，不過如果要搵一間有好舒服既環境，BabyK係一個好地方。其實今次我係第二次去這間餐廳，第一次去食，當時餐廳仍在試業中，服務，環境，食物都很好。不過今次第二次去食，有一點失望，本來我已經預訂（星期一）了sofa的位置，因為朋友生日，想坐舒服點，可借到餐廳説不能安排因為人太多，如果這樣的話，應該早一點打來確認吧！因為星期五的關係，我們等main course 等了一小時先上一款！重點係等了兩個半小時才上完main course,彷彿食法國餐，真的太耐太耐了（本身我朋友明天有事做，想早點食早點回家的）而且真係唔夠員工。雖然唔夠員工，不過員工是有善的，而且食物質素仍然很好，牛扒整得很好，肉質很鮮，很美味 。因為食物質素很好先覺得等咁耐都值得的感覺。唯有咁諗，overall，環境和食物是很好。

睇完聖誕燈飾就嚟到k11食dinner😽見新開左呢間餐廳就去試下啦😻 揀左個2人餐($638)❤️ 先上左鵝肝沙律🥗落左好多芝士，好重芝士味！沙律菜好爽口，鵝肝肥美，油香四溢❤️ 之後有龍蝦湯，偏感，重蝦肉味！而周打魚湯夠creamy,帶子都好多粒，但偏淡。蒜蓉包好脆口🍞🍞 Main要左岩鹽黑毛豬，好juicy! 面上撒左五色胡椒，所以好香而已口感好豐富。配菜薯仔幾香，多d sour cream 更好👐🏻之後有西班牙辣肉腸意粉，好多salami sausage 🍽🍽意粉軟硬適中，醬重番茄味，食落冇咁膩😻 重頭戲芝士龍蝦⭐️芝士味唔太重，龍蝦肉都幾大舊，兩者幾夾嘅，唔會搶味😙😀 最後嚟左blue berry cheese and pudding 👐🏻都幾好食，唔太甜👍🏻 但上菜時間真係有d耐，要好好manage下！

星期六，當日下午先book，輕鬆book到夜晚1930，去到個場冇乜人，心諗會否係伏而等候過程中有疑似老闆同老闆娘出現善意地噓寒問暖：「朋友未到呀？」「駛唔駛叫定嘢飲先？8點前買1送1」叫咗個dinner set，有6隻生蠔，因為經openrice訂送多4隻，通常喺香港食生蠔都屙，但食咗9隻都冇事，證明夠新鮮，保存得好main course牛扒幾好味，其他都不錯，最尾仲應我喺openrice嘅comment要求，整咗個簡單生日蛋糕比太座。餐廳分兩邊，一邊係食飯，一邊係飲嘢扔鏢環境確實唔錯，嘢食又幾好，但擔心冇乜客所以處女下海寫個食評，希望多D人去試下幫襯下

<慢煮豬手好味🐷芝士龍蝦夠正🦐🐲>喺k113 樓上面既baby k西餐廳 環境幾闊落舒服 燈光比較幽暗 掛住魚形燈飾 木地板 藍白牆身 感覺幾ocean feel ( 外國音樂如果播冇人唱嗰d更好) 😆 menu都幾多選擇 各式既扒 意粉 西餐等等 紅白酒(主要來自智利) whiskey啤酒等等都應有盡有 😆 剛喺christmas前出左個二人餐 計埋加一 每位350 價錢都算合理 😉🍴芝士焗開邊龍蝦🐲🦐雖然枱上既墊枱紙有教點樣拆龍蝦 不過我點左開邊 😂 龍蝦芝士味香濃🧀 加上d三色椒增加口感🌶 重點係龍蝦既蝦肉煮得熟成程度剛好 時間掌握得好出色😃 蝦肉彈牙鮮味濃 😀 好味😍🍴鵝肝沙律 🥗鵝肝都算幾軟滑 但鵝油再再濃味d 會更好🙃 沙律有芝士碎🧀 脆麵包糠🍞 車厘茄🍅 羅馬生菜🌿 夠哂清新 加上味道唔濃既沙律醬點綴 餐前菜黎講算唔錯 😃🍴龍蝦湯🐲🦐龍蝦湯龍蝦味比較淡 加再少少忌廉增加滑度 若龍蝦湯用龍蝦肉煲耐d會更好🙃🍴周打魚湯🐟周打魚湯比較多煙靭既魚肉 魚味都夠既 但爭甘d滑度 但都算合格😀🍴鹹豬手配薯角🐷🥔用10 個鐘頭慢煮豬手 再拎豬手去蒸再炸 多重工序 😉 所

多得朋友邀請提早黎試非常豐富的榴槤盛宴,其實我本身唔食榴槤,但人生總要試一次.仲要係貓山王wor~應該無得輸~一開始多數都係食沙律-貓山王帶子沙律賣相真係相當精緻,見到色彩咁繽紛Gei沙律塔,真係唔捨得食!隔離就貓山王大大舊上碟,所以一開始氣味就好強烈.,朋友一口食左成舊貓山王,作為一個榴槤控.佢覺得個貓山王味道可以再重D,整體好鮮甜,D蔬菜切粒口感豐富左好多~~我都覺得好甜,雖然聞落好重味,入口其實還可以,呢碟菜我最後係有追吃的~~貓山王大蝦意大利飯聽個名無辦法聯想佢地點撈埋,其實你唔撈D醬汁真係普通risotto,撈左之後會好似加左奶咁~所以成個飯變得好甜,飯粒本身都好入味好綿密,我覺得但榴槤味道唔算突出安格斯肉眼扒配貓山王焗薯同西班牙黑毛豬扒貓山王焗薯基本上係肉的分別,大家都用同一款配菜,D翠玉瓜超級多汁又爽口,隔離個烤番茄真係同果汁一模一樣,甜又新鮮,但上面D麵包脆脆其實唔要已經好好味~安格斯肉眼扒D肉汁好豐富,一咬就爆曬D肉汁,不過我自己就覺得同貓山王醬一齊食的話,豬扒係夾D,可能因為豬扒味道無咁濃,咁就可以食到清淡微甜gei榴槤.咁多款主菜 我最鐘意深海比目魚配貓山王焗薯,

好開心既晚上，今晚我同情人去西餐廳慶祝週年紀念日，我地一早就系openrice到book左檯同埋打左電話去話想要卡位，果晚book左六點半，我地好鐘意收工一大班同事去掟下標飲下酒，果到我睇openrice系有酒吧有標機既，所以早左半個鐘到，之後有同事帶我地周圍睇下環境，介紹比我地知有VIP房啦，有戶外啦，可以燒烤等等，之後行左一陣我地返去叫野食啦，叫左個$68半打既優惠價生蠔，帶子沙沙沙律，龍蝦刺身兩食🦂，安格斯肉眼扒16安士🤤，同埋朱古力撻同埋蘋果金寶。仲有兩杯雞尾酒，姐系四杯(依到happy hour有買一送一)可能因為太早未有好多客人，所以見到廚師系到好集中系到開蠔做刺身👍🏻仲有龍蝦一定系好新鮮既，因為黎到檯面既時候，比我發現左原來佢神經未死哂仲系到郁呀😱食完有員工收返入廚房煮意粉，安格斯肉眼大過我塊面呀，叫左三成，出黎效果比想像中好，因為通常厚身大塊既牛扒，我出去一段西餐廳食都會一系過生一系過熟，依個岩岩好(美味）最後仲有個甜品，感覺到廚師好比心去做，好睇又好食整體黎講成個晚餐系好舒服同埋大滿足

環境氣氛真係一流，卡位係梳化位，坐得超級舒服，好似星空下既沙灘再配上浪漫既音樂，真係好令人放鬆同感到浪漫。黑毛豬火腿沙律餐牌寫係用左24個月黑毛豬火腿，火腿好好食，入口就食到油脂帶來的香味同微咸。下層係切成粒狀既蔬菜，有青瓜蕃茄等等，蔬菜好新鮮、清甜又多汁，加埋甜醋調味，好好食。法國生蠔 係浪漫既沙灘食既晚餐當然唔少得生蠔啦，一碟有六隻生蠔，夠哂兩人share。新蠔非常新鮮、味道較淡，但鮮味十足。周打蠔湯味道香濃，質感軟滑，有大大粒既蠔係入面。麵包外脆內軟，點湯一流。芝士海鮮意大利飯一上菜就有陣陣香味，軟硬適中既飯粒入面有爽口洋蔥粒，令濃香既芝士味中帶一點清新。 意大利飯中的蝦雖然唔算大隻，不過蝦味好濃郁。除左蝦，仲有元貝同菇等等配料，用料同味道都好豐富。最後嘆杯白酒！

今日酒鬼舊同事約食飯，當然要搵間酒吧招呼佢，但對我呢d大食既人黎講一般酒吧食下小食又滿足唔到我😎 。 上網睇呢間酒吧餐廳好似有好多野食揀，又有酒飲，仲有飛標玩，而且K11入面，好近尖沙咀MTR，於是就揀左呢間。先叫左個法國蝸牛配香草焗薯蓉蝸牛肉質結實但唔un，調味不重，食得出本身既味道。香草焗薯蓉 ，薯蓉打到好滑，碟邊既薯蓉仲焗到起焦，好快比我KO。岩鹽五色胡椒西班牙黑毛豬梅頭扒配焗薯雖然影出黎唔大份，但食起黎都幾飽，因為佢包括成舊焗薯同大大舊蕃茄同幾片翠玉瓜。黑毛豬肉味濃唔加佢提供既汁都夠味，有哨口得黎又唔會過un。焗薯 ，上面個醬應該係自家調配，同個薯仔好夾。我地仲叫左波士頓龍蝦，不過掛住拆肉，無比相機食先。佢張餐枱紙有教人點拆龍蝦肉，好體貼細心 。 龍蝦勝在夠新鮮，同係buffet食果d截然不同。我最欣賞佢既配菜一d都唔馬虎。有薯角，翠玉瓜同薯蓉(係龍蝦下面，應該係用黎固定佢係碟度)。薯角厚切，炸到邊邊微脆，送酒一流 。

為左同朋友慶祝生日，特登揀左間高級少少既餐廳。不負所望，餐廳環境真係一流，唔會嘈，好優雅既餐廳。播住音樂，好有情調。叫左個黑毛豬火腿沙律。沙律整到好似個pie咁，幾特別。味道混合得好，黑毛豬火腿有彈性，好食。整左個黑松露野菌吉廉湯。上菜就問到真黑松露既味道。飲左一啖，野菌味重，整個湯好濃好香，好好飲。加埋麵包食仲香，果然冇令我失望。叫左個豬手薯條。豬手好貼心咁起曬肉。好大個豬手。食左個豬皮，豬皮係香脆到一個點。加埋少少酸菜，味道好好。豬肉唔會乾，唔知點樣整到皮脆肉滑。好多肉好滿足。薯條係西式好粗果種，終於搵返外國食既呢個薯條，夠大先有口感。食到好飽。最後黎個靚甜品。芝士蛋糕。好靚既裝飾，超得意！芝士蛋糕質感好幼同滑，唔會好甜。餅底好香。一杯紅酒，冇得輸！無論食物，環境，服務，送朋友呢個生日晚餐真係超值！

環境幾舒服 可以同朋友傾下計 飲下野 我地三個人 叫左個二人晚餐 好抵食 個黑毛豬幾好食 軟硬適中 個味道剛好 唔太咸 仲有個芝士海鮮意大利🇮🇹飯 推薦 好味😋😋 好creamy ！

友人生日，又再次嚟到k11食嘢，今次揀左依間。坐得舒服，私人度高，可以吹水吹好耐，不過員工要train 下餐廳內的基本資料，由於早到，仲係happy hour ,但完全5知happy hour 優惠左d 咩，問左3個員工先知，原本happy hour 買一送一😅😅😅不過佢地係有禮貌的，5太熟餐廳運作已而😅😅餐牌上有好多選擇，今次揀左2人餐店內裝修5錯生豪有d "聲"。。5太新鮮既感覺黑毛豬沙律，有咬口，味道可接受意粉。。。5入味。。賣相不錯，不過要煮耐d ..d汁入5到麵度我朋友叫的cocktail ,買一送一係抵既樣靚。。But medium rare 變左well done ...好硬無肉汁。。不推介正常，cheese cake ，提左員工3次想寫happy birthday 落去，又5記得。。。好彩我自己有另外買蛋糕再慶祝。。🙈🙈🙈以依個價錢嚟講。。喺尖沙咀，食到依個環境，又可以慢慢坐係可以。。唯獨食物味道要加油，改善下，希望有所改進，5好浪費咁好既地段

K11！Bora Seafood! Bar & Restaurant!!。我們在以海鮮為主打的餐廳，竟然點了牛肉哈哈😂牛肉頗有驚喜，牛味香濃，香草牛油也很棒，醬汁也恰到好處，不知不覺真的吃個清光😂。和風的鰻魚飯，鰻魚的味道很香濃，醬汁也非常好，配上較為濃膩的牛肉，實在是很好配搭！最後，我們在侍應的推介下，我們點了法式燉蛋作為晚餐結束。燉蛋較為硬身，味道不算甜。整體而言，這家店環境舒適，適合晚上和朋友摸摸酒杯底，聊聊天。主菜也做得十分出色。