BAKE WORKS

營業中

休息中

Sogo新開嘅BAKE WORKS集合咗早年進駐香港嘅Bake Cheese Tart同RAPL，Cheese Tart再次回歸，梗係要試吓啦！🧀招牌嘅芝士撻用咗北海道濃厚新鮮芝士+牛奶🥛，調配埋奶油乳酪，撻皮好酥脆撻皮，咬落口外脆內軟，芝士香味好濃！👍🏻👍🏻

早幾年牽起過半熟芝士撻嘅熱潮無論細舖定大舖都會見到芝士撻嘅縱影然後熱潮過咗之後芝士撻就無疾而終⋯話說當時撤出過香港嘅Bake又返返嚟香港插旗📍係銅鑼灣開設Bake works每日現場即烤芝士撻估唔到今次回歸香港都打哂蛇餅除咗芝士撻 仲有Rapl蘋果批更加有限量嘅芝士梳乎厘Cheese Tart人龍不斷見到芝士撻接住出爐所以唔洗擔心售罄係排隊會耐啲拎上手芝士撻係微暖撻皮經過「二次烘烤」質感好鬆脆好似曲奇咁🤤好有牛油香！金黃色微焦表面咬開芝士漿流出嚟好濃郁芝士味同奶香🥰質感係超～級流心帶空氣感嘅芝士漿印象中以前食過好似冇咁流質（？）自己會鍾意結身啲啲如果鍾意超流心呢個就好啱你！單純味道來講係好食嘅如果襯冇咁多人可以一試

見到上網話bake 芝士撻回歸香港！係SOGO超市開設全新概念店BAKE HOUSE除左有本身招牌既cheese tart仲會賣埋RAPL蘋果撻·當日去到都要少少人潮但店員手腳好快芝士撻不斷出爐等左15分鐘左右行到櫥窗係熟悉既畫面一排排既芝士撻🤤😍即刻諗都唔諗買左半打 （$120/6pcs, $22/1pc)芝士撻隔離就擺左RAPL既蘋果撻($42/1pcs)忍唔住又叫多兩件·芝士撻同蘋果撻拎上手暖暖地好想即時食番件但人太多太混亂🤪第2日焗爐翻熱左15分鐘蘋果批🍎焗熱後·外皮仍然酥脆蘋果餡配埋吉士醬一齊食個口感好豐富外脆內軟·蘋果顆粒軟軟綿綿唔會好甜但就有少少油膩🤭芝士撻翻熱左5分鐘芝士味🧀依舊香濃食落好creamy塔皮牛油味🧈香濃脆身真係芝味無窮😉兩款都唔便宜但質素好高🤤要選芝士撻定蘋果批小朋友才會選擇我全都要！！！😎✌🏻

之前見到Sogo B2嗰間”Rapl”裝修，原來裝修後除咗改咗店名外，仲引入返之前消失咗一段時間嘅BAKE Cheese Tart。開業只有幾日，撞正Sogo 感謝祭人流特別多！好彩嘅係我買嘅時候咁啱遇著新鮮出爐嘅芝士撻，見到店員從焗爐到拎啲芝士撻出嚟嘅，剩係聞到嗰陣香味已經流晒口水🤤🤤▫️6件 BAKE Cheese Tart (HKD110 - Sogo 感謝祭價錢，比平時平咗$10😬😬)拎咗啲芝士撻返屋企後就急不及待要食一件。食嘅時候仲係未暖嘅，撻皮好香口，中間嘅芝士仲係流心㗎！估唔到喺香港消失咗一段時間嘅日本芝士撻而家可以再食番😆😆

建議：早排早享受，愈晏條龍愈長🙈話說BAKE芝士撻番左香港啦🧀 係SOGO超市賣蘋果批既舖位，開左間叫「BAKE WORKS」。除左BAKE 芝士撻外，有埋RAPL 吉士蘋果批，可以一次過食哂😎👍唔知係咪因為仲係晚市時段，大家仲未食完飯，唔係太多人排隊，所以只係5分鐘已經買完🤤 不過行完超市後，見到條隊已經排到飯糰店扶手電梯個邊🙈 今次試左：▫️BAKE 芝士撻 (HK$22)▪️RAPL 吉士醬蘋果批 (HK$42)舖面既大玻璃睇到店員不斷默默焗撻出爐，真係好吸引😍 雖然本身見上網話會有新登場既芝士梳乎厘，不過可能一早已經賣曬，因為舖面唔係好見到相關宣傳品。兩款甜品拎到上手仲係暖笠笠，岩哂依家凍凍地既天氣😎 芝士撻濃味依舊，曲奇餅底好夠脆🧀 蘋果批既酥皮食落亦都好脆口，而且好「重手」，不過吉士醬係分開唔係混合，所以食哂前段既吉士，後段就得番蘋果餡，有啲偏甜。