Baker by Lubuds

營業中

休息中

今天朋友放工，剛好預著蛋撻出爐，排十多鐘就買到。多次經過這人氣餅店，都因見到人龍郤步，今次終於可一嘗千層蛋撻。千層皮分明酥脆，有微微的焦糖味，蛋味香濃嫩滑不太甜，個人覺得好食過Bakehouse。太好吃了吃剩一個才記得影相。

話說有日坐巴士在太古城轉車到朋友家，正打算上人家屋企，買咩作手信之際，穿過太古商場，看見有餅店很熱鬧，排晒大隊⋯⋯好奇之下一問，原來排隊買蛋撻，店員告知，籌已派晒，你會否考慮繼續排隊試試？於是問: 如果買唔到的話，可以買其他？她說當然可以。當時已經是2:55pm 距離出爐時間還有5分鐘，一於碰碰運氣⋯⋯在排隊過程中，詢問之下，第一張籌已排咗一個鐘頭之多，真犀利。每人限買一打，所以排在前面的必定買到，筆者見買得咁高興，一於湊熱鬧。三點鐘準時出爐⋯⋯幸運地輪到筆者嘅時候，仍有貨，買了一打加兩件牛角包，到朋友家，相信大家一定很開心。半打為一盒，平均每件$12, 每個用紙盒分隔，運送途中冇困難。皮做得很鬆化，一層層，陣陣牛油香氣很吸引，蛋香甜度適中，幸福感滿滿。牛角包$18~包裝袋精美，牛角包內做到一層層，但由於當天吃了蛋撻，朋友叫我將牛角包帶走，留在第二天吃，用焗爐預先加熱，之後焗爐熄後才放包入焗爐，隔一會兒才拎出來，質地剛剛好。整體來說:新開人氣，還在太古城內，有其吸引力，值得一試。

Baker by LUBUDS喺太古城開咗一段時間我已經知，但係真係無奈唔想排咁長隊等食一個蛋撻，所以我忍咗一段時間再去睇吓會唔會少啲人😂😂今次我揀咗非繁忙時間，啱啱佢兩點鬆啲嗰轉蛋撻出完嘅時候去排隊安排咗我諗10幾人到啦就到仲要係得返12個最後12個蛋撻🤣🤣佢啲特色甜品、蛋撻、酥餅、牛角包，其實賣相都真係好吸引🤩！原本我諗住只係食蛋撻，點知我都買多兩個唔同味道嘅酥類嘅包點一個係朱古力味，另一個好似係香莓，我係外賣返屋企食！名副其實蛋撻真係好出色好出色👍🏻👍🏻

今日行開太古城知道呢度近期開咗間人氣餅店，出名蛋撻仲出名好難買到！結果好彩我嘅時間，剛剛好撞正佢差唔多出爐。不過都真係差唔多用咗半個鐘先買到我嘅結論係，如果要排隊嘅話，我決定唔食當減肥。但如果唔使排隊嘅話，係值得一試的！今日體驗到佢嘅排隊人龍，某程度上都係佢哋自製出嚟，作為一個客人覺得佢有少少炒作成份如果佢可以出爐出多啲蛋撻，反而出少啲唔係太多人買嘅牛角包，咁根本就唔需要啲人咁辛苦排咁耐，就係特登為咗等蛋撻。要食撻嘅話，而家人氣嘅餅店仲有兩三間當然大家各有長短處，但我自己就會選擇可以唔使排咁耐嘅店舖吧。性價比: $12一個撻，比起其他人氣打卡餅店佢係算合理味道:既然等得咁耐係新鮮出爐，新鮮就當然好味。不過我自己就覺得比較甜，而家啲人多數食得健康，其實可以減多少少甜

🚩排足半小時 葡撻戰場新貴 🚩📍 Baker by LUBUDS你為了美食願意花多少時間排隊？近年香港掀起一場葡撻熱，Bakehouse, Hastag B, Soft Thunder Bakery，因而冒起的餅店多不勝數。最新加入戰團的是位於太古城的 Baker by Lubuds，葡撻每日有三次出爐時間，反別是 9:30, 12:00, 15:00。目測早上9:30時段最少人排隊，但感覺上出爐數量亦相應較少。根據兩次平日排隊經驗，出爐前三十分鐘到達大致上都能夠成功買到。出爐前職員會先問購買數量，然後給你一張寫上該數量的白紙。如果能拿到，基本上就代表成功。現場所見，如果排隊人士已達兩排，買到的機會就已經頗為渺茫。🍴招牌蛋撻($12)撻皮：十分酥脆，從口感或外觀上都能留意到撻皮層層分明。就算晚上翻焗，撻皮質感依然不會明顯走樣。這方面大勝其他對手，可説是做得最好的一間。蛋心：整體來說算入口順滑，但論蛋香和滑度都略較 Bakehouse 失色。另外，蛋撻表面的焦糖面亦不足，只集中在撻的周圍，令蛋漿較其他品牌欠缺豐富的質感。不過由於撻皮太過出色，加上價錢亦合理，依然推介大家一試。

Croissant 牛角酥 $18呢間新開長期排隊嘅bakery葡撻勁出名，不過去到又賣晒，唯有先買croissant 試試，返屋企再焗返嚟食，好🉐，𥚃面超軟熟，外面又超酥脆💯💯💯

這間新開在太古城中心的麵包店，由瑰麗酒店主廚主理。 店內有多款糕點可供購買，款式繁多，鹹味和甜味都有。 這點主打是人氣高企的葡撻，味道完勝Bakehouse，每天主提供三個時段供應葡撻，而且每個時段都已要預先拿籌號來購買，所以形成長期排隊的局面，每次只限購12個。 這葡撻味道絕對可以撼贏Bakehouse，蛋味香濃，而且油酥皮層層分明，口感亦十分鬆脆，提議買完即食，如果放涼了便沒有這種震撼的口感了。#打卡 #想記錄此刻 #探店打卡 #葡撻 #餅店日記 #太古城中心

最近最紅嘅蛋撻一定係佢喇！位於太古城中心新開嘅精品手工麵包店﹐蛋撻分別係三個時間出爐：9.30am/12pm/3pm，幸運嘅話放工時間再出一輪，除左蛋撻仲有多款牛角酥麵包蛋撻 $12/個今次幸運地12:15pm到都買到﹐當時目測已經有十幾個人，排隊前會有店員mark數要幾多個 ，蛋撻酥皮超脆口！層層緊密又好薄脆，一咬啪啪聲，面層焦糖味好香，蛋漿滑身，甜度啱啱好，十二蚊咁高質真係完勝！🌟推薦指數：10/10‼️▫️▫️▫️▫️▫️▫️▫️▫️▫️▫️▫️▫️▫️📍 Baker by Lubuds (太古)太古城中心3樓307號舖

這間由著名飲食集團Lubuds新開設的bakery，主打牛角包🥐及蛋撻等烘焙產品其中新鮮出爐蛋撻更成為近期話題之作，平日經過店鋪總是排著長長的人龍這天剛好在晚餐前有空檔，就去排一下吧(💡小提示: 排隊期間店員會前來問購買數量及派籌，有些排在後面的人拿不到籌，就有可能買不到了；這次由排隊直至蛋撻到手全程約花30分鐘)買了一小時後試吃，咬下去咔嚓一聲，像薯片一樣酥脆，十分驚喜！🤩據稱採用了牛角包的酥皮，難怪香脆而充滿牛油香🧈內餡是軟滑充滿蛋香的吉士🥚蛋撻小小一隻，作為飯後甜品剛剛好，不會太膩價錢亦非常親民，每隻只售💰$12

現在三大打卡蛋撻呢間同hastag b 、bakehouse排隊由三點等到四點終於買到好多人排排到咁上下會寫張紙仔比你寫低你要買既數量一人最多12個係好食既但要自己排一次就夠了熱食好食凍食都唔差12元個袋要1元一盒放6個但叫佢分兩隻入袋又唔得只可以比兩個紙袋比你

見到好多人瘋狂推呢間嘅蛋撻🤭終於搵到機會去試吓😳去到嘅時候舖頭一個人都冇諗🥹原來係已經賣晒要等下一輪😶‍🌫️不過當我問店員下次嘅出爐時間佢就話佢都唔知😅話要睇師傅心情👀咁都已經保持半放棄狀態🥺點知行完街臨走經過嘅時候見到有蛇餅🤣即刻狗衝過去排！等左15分鐘左右就終於買到黎試喇🤭$12一件🙏🏼用個幾靚嘅袋裝住，冇盒都唔會好失禮😌個人認為個袋嘅設計幾好，簡單清晰，所以我都用多左幾次先唔要🤣

太古呢間麵包店一開業就大排長龍網上瘋傳佢既人氣蛋撻，平日11點經過唔洗排隊，即刻衝！🌸蛋撻｜$12拎上手仲熱辣辣，皮脆充滿牛油昏，蛋漿嫩滑，正。🌸杏仁牛角酥｜$28牛角酥同表面既杏仁都好酥脆，重牛油香，都系必食！🌸抹茶朱古力忌廉牛油軟包｜$30個包size唔算大價錢就貴左少少，軟包系有小小煙靭，中間忌廉都有驚喜，好濃厚好滑，抹茶味唔重。呢間舖頭除咗蛋撻之外其他產品都好有誠意，雖然今次只系試左3樣，但質素絕對會令我之後想再去試埋其他產品。

太古城超人氣麵包店，次次路過都係超級多人，所以一直都冇勇氣去排隊今朝早路過見到冇乜人，問咗店員乜嘢時段係最少人，佢答話係早上呢個時段，又撞啱蛋撻出爐，所以就排咗一陣，但係排隊嘅時候店員係告知到我嘅位置未必會有蛋撻，所以我都係抱住一試嘅心態去排。我見到有機會買到蛋撻嘅係會比派白色紙籌號。而我係冇嘅。到我嘅時候仲有兩個食，所以我就有得買啦 $12.1個酥皮底嘅蛋撻啱啱出爐，熱辣辣酥皮好脆口蛋撻亦好滑唔會過甜，我覺得好味過另一間麵包店。蛋撻係有三個出爐時段分別係9點12點同埋三點。 $18牛角酥排蛋撻嘅時候牛角包係未有嘅，我食完個蛋撻又係見冇乜人再排多次隊。今次有牛角酥，最後三個，我買左兩個不過牛角酥係有再繼續出爐嘅，店員喺廚房嗰度再攞咗兩盤出嚟。呢個牛角酥係我食過最好味嘅，佢保持挺身脹卜卜，佢嘅千層係非常之明顯，咬落去係有蜂巢嘅。包嘅表面係游咗少少糖，所以係少少甜甜地。咁嘅質素係非常高質。

最近太古爆紅嘅Bakery，大家都話呢度嘅蛋撻係香港必食之一，比得上Bake House。可惜我去嘅時候蛋撻已經賣晒，好遺憾呀🥺下次買到我會補上評價比大家聽😆今次我試咗新嘅設計排版，你哋覺得點樣呀？🥸🥐牛角酥 $18個牛角酥手掌咁大，表皮塗住朱古力，好靚啊！咬一口，牛油嘅香味嚟到，口感酥脆🍵抹茶朱古力忌廉牛油軟包 $30.0抹茶香味好濃郁，忌廉滑滑嫩嫩，食落就好似食雪糕咁爽口。同以前食過嘅忌廉包完全唔同，冇咁多廉價忌廉嘅工業味道，唔會好膩。食佢一口接一口，一下就會食晒(●’◡’●)ﾉ_🥧蛋撻出爐時間9:00 am/12:00 pm/3:00 pm記得提前去，好快就會俾人買晒🫣

大排長龍蛋撻 Baker by Lubuds呢間足足排左兩次隊先買到既蛋撻（12蚊一粒），最好係好好食啦🤨第一次都排左十分鐘，點知最後一粒蛋撻比前面個人買左🥵左揀右揀，成個玻璃櫃入面比人掃到所剩無幾，最後揀左個杏仁牛角酥。喂，又唔差喎！外面有啲菠蘿包皮既感覺，牛角酥分層超多，超鬆脆，而且唔會好似食空氣咁，有少少類似夾心既野，食唔出咩黎，唔會過甜，有啲驚喜😦行左陣街，等多左兩個幾鐘又再出爐，今次肯定唔會放過佢，要食到為止。反正見佢開始多人排就係有蛋撻🫠。蛋撻新鮮出爐，同BakeHxxxx 招牌蛋撻非常似，但呢間口味偏甜啲重奶味，我個人黎講食半個膩，但男友就話攤凍啲冇咁甜冇咁油好食啲。公道講值得試，畢竟排咁耐你買到既話一定係新鮮出爐，唔會差。每日固定3個時段買到，記得留意佢地出爐時間排隊，唔係好快冇🤗好味指數：⭐️⭐️⭐️⭐️.5/5️⃣