Basic Needs Cafe

營業中

休息中

小店真係好需要大力支持💪,呢啲市況要支撐落去真係唔容易。佢哋店仔細細,但有好多動物仔嘅相🐈‍⬛️🐕,應該係好有愛心嘅人💗💗。佢有幾款all day breakfast,我哋揀咗a呢款有煙三文魚🐟,煙肉🥓,炒蛋等等🍳。佢嘅糖漬小蕃茄仲去埋皮🍅,甜甜酸酸。個蒜香牛油多士有好香濃蒜頭味🧄,又夠厚身🍞。而我就叫咗個鰻魚炒意粉🍝,個意粉係我喜歡嘅質地,有咬口,粗幼度又適中😍。加埋肥嘟嘟嘅鰻魚同埋甜甜嘅燒汁🔥,我一定會再嚟encore佢哋嘅意粉😋。跟餐仲有幾款餐飲可以揀,我哋就揀咗烏龍奶茶🫖,同埋柚子薑蜜茶🍊。聽講呢度嘅咖啡好香☕️,不過我哋唔飲啡,所以無試到,但有機會再嚟試下佢嘅焙茶鮮奶🍵。

食物，飲品都水準之上😋老板兩公婆親民，態度友善🥰早餐都是比較有特色，不是一般茶記出品，餐具 亦都講究。就算早餐唔啱亦都有全日餐可供選擇。已經多次光顧，希望呢類小店繼續經營💪💪座位不是太多只有十幾個座位， 如想光顧的朋友可盡量選擇非繁忙時段或者等一下。

係聯和墟好多餐廳個個位超小店 唔係好當眼入面唔係好多個位 目測10幾個位午餐有意粉同全日早餐唔使加一 有包飲品叫左桂圓紅棗茶 不過有d甜煙三文魚黑松露雜菌意粉 ($60)好大碟 賣相都好靚 好香黑松露意粉都算al dente 都好多雜菇煙三文魚味道唔錯 成個意粉都好夾食落都有黑松露味 呢個好食👍🏼All Day Breakfast Set C ($70)有脆皮香草豬肉腸、有機藜麥薯仔沙律大啡菇、太陽蛋 忌廉芝士、酸種比高包個bagel幾煙韌 配cream cheese正！其他正常發揮 豐富食得飽！

📍粉嶺 Basic Needs Cafe 兩夫妻開嘅小店，門口有個牌寫住「咖啡入去」，只得10幾個座位，牆上貼滿寵物相片同印有語錄嘅卡，環境舒適。𓇠 茄蓉雜菌煙三文魚意粉 $55 𓇠份量好足，煙三文魚捲成一個花，配菜有番茄蓉🍅翠肉瓜粒、大啡菇同本菇。意粉煮得啱啱好，唔會太軟或硬，掛到汁，仲食到淡淡蒜香味🧄𓇠 黑糖薑味焙茶鮮奶 跟餐$25 𓇠雖然拉花只係普通一個心🤎但味道唔錯，幾重薑味。而且焙茶粉同牛奶blend得好好，飲唔到粉粒，好順滑🥛PS 逢星期三休息🔺味道：4/5🔹服務：3.5/5🔸環境：4/5

今日只係想講杯咖啡，我嗌咗杯Cappuccino，基本上我過嚟呢間cafe都會叫嘅飲品。 哈哈，帶吓頭盔先，杯咖啡可能只係啱我嘅口味，我以下所講都係我自己嘅意見，但係如果大家都有興趣飲番杯Cappuccino，不妨過嚟試吓，不過座位不多，可能嚟到要先等位呢！我飲過好多唔同地方cafe嘅Cappuccino，有香港啦有首爾啦，我都係覺得呢間杯味道好好飲😋非常啱我口味，咖啡豆啲味好出，對我嚟講，暫時未見有一間cafe嘅Cappuccino喺我心目中可以取代佢嘅地位👍🏼我時常都向店主讚賞佢杯咖啡好飲，希望店主繼續加油。

北區有得堂食飲奶啡地方少之又少呢間簡直北區清泉 每星期總會想幫襯一次北區難得有heart 而且味道不錯 重點價錢唔貴 早餐加錢飲埋咖啡都係$4x落樓而且早餐即叫即做 簡簡單單但好味 最鍾意炒雜菇配忌廉湯通粉 蛋煎得好香 濃邊的最重要加$15 有杯latte 仲有機沖有拉花 偏nutty 好飲過出面好多啲cafe~ 不過最近拉花個人應該無做 無之前咁穩定同靚 熱得濟但都值得一再支持小店態度好 之前見佢出post搵人頂鋪希望撐得到！

本身去開嗰間Cafe執咗，決定再俾多啲機會聯和墟其他幾間cafe🙈 間cafe唔大間，唔多座位，而且位與位之間有啲迫，所以未試過喺嗰度hea住坐得耐。之前買過一次外賣咖啡，味道唔錯，佢杯咖啡幾香，唔苦，奶味剛好，可惜太細杯今次再俾多次機會佢，但個size都係一樣🥲 佢比我平時出面買嘅咖啡杯仲矮，同包紙巾一樣高🥲🥲雖然價錢$32，唔算特別貴，但都唔係特別平🥲 呢個size令人失望，如果大返杯就好。

今日再次幫襯這間小店食早餐，打風之後第一日開鋪，去到已經好多人，幸運地找到兩個位，老闆走近過嚟親切地問我哋要食什麽，我和太太也叫了早餐B，加多一隻蛋。這間小店嘅價錢果然是聯和墟最親民又優質嘅cafe。早餐B是素餐，沒有肉類，清清地唔油膩，沙律真的太好味，加上一杯熱騰騰嘅cappuccino，真係人間美食，我知道老闆對咖啡嘅味道有要求，希望客人喜歡自己嘅咖啡同埋食物，加油👍🏼

有驚喜！all day breakfast 食出心機來.即叫即做，toast with garlic butter, 唔係硬崩崩界咀既多士，係軟林林的，fresh vegetables 仲有柚子醋或者芝麻醬揀。海鹽焦糖咖啡，甜度適中，飲完都有個good morning👍🏻

早上11時經過見到門口有牌寫住*咖啡入口* 就深深被吸引着視線再望望門口的餐牌寫住，早餐由0800-11:30二話不說就即刻走入店內餐牌上有鐘意食既洋蔥磨菇忌廉湯螺絲粉煙鴨胸 + 太陽蛋配熱烏龍奶茶首先，份量係大份夠食飽既👍🏻早餐有煙鴨胸係比較少見煎得夠香，唔油膩😋太陽蛋 絕對有驚喜，係燶邊蛋通常都係自己煮先有燶邊感覺係誠意之作～最後係熱烏龍奶茶可惜茶味唔夠濃不過我會繼續推薦呢間餐廳小店唔算多位，勝在夠安靜舒舒服服 坐低慢慢嘆個late breakfast店員仲主動話我知，佢地逢星期三休息

嚟過幾次，每次試佢唔同嘅野，覺得都唔錯出邊嘅全日早餐，唔係周圍都有鷹嘴豆同埋糖漬小蕃茄呢d，全日早餐A個蒜香牛油多士唔係脆卜卜個種，反而係好軟熟同香，又唔會太重蒜味，煎得幾好全日早餐C有得選擇脆皮腸或者牛肉片，本身配bagel不過咁啱冇晒，所以比左牛角包，個牛角包都好酥脆，所以有用心做嘅小店，要支持一下呢個價錢已經平過出面嘅all day，跟餐都有包野飲佢啲咖啡我見係用磨豆機+咖啡機沖，至少唔係用集團式個d機一次過沖，都唔錯

店舖地點不當眼，需然細咗啲，但整潔感覺舒適。意粉、自家製蛋糕和甜品，店主用心製作十分美味。價錢 ok，食品水準穩定，店員服務有禮，大家不妨一試，值得推介 😋😋😋最值得推介紅酒燴牛肋條意粉 👍

平時我都好少寫食評但呢間coffee shop帶比我既印象深刻決定寫返個好評首先入店內有種溫馨的感覺有好多小動物的照片然後店員都好親切 服務態度好係大概一個月前 店主問過我食完有咩意見作為麵包愛好者既我當時我就提議可以多啲包既選擇今次發現餐單多左酸種比高包🥯決定再去試下欣賞店家接納客人意見食物質素唔錯 平時出去食輕食最怕就係多醬同啲炒蛋唔會油淋淋糖漬蕃茄有陣蜜糖味 幾清爽店家可以選擇柚子醋 岩晒注重健康同怕肥人士最後咖啡店最靈魂既 當然係咖啡質素今日我叫左杯cappuccino飲得出係淺烘焙的咖啡豆沖咖啡味同牛奶味平衡暫時係聯和墟飲過最好既咖啡如果lunch time都有下午茶包餐食就更加好喇 有時起身食all day breakfast都有啲heavy得閒會再去幫襯

今日去咗食早餐，發現通粉早餐有新嘅湯底，就係我嘅至愛洋蔥蘑菇忌亷湯底，唔使諗咁多即刻order，果然冇令我失望，湯底唔係「杰」身嗰種，非常之正，再配雞扒同埋一隻雞蛋、豐富嘅澱粉質同埋蛋白質非常充足，之後去做gym就有氣有力。仲有嗰杯杏仁咖啡口味非常好👍🏼，對我依嗰不嬲都好少飲咖啡嘅人都覺得杯咖啡好好飲，又容易入口。舖頭雖然地方唔係好大，但是十分企理，老闆們也好友善，大家如果有機會嚟呢度食嘢可以給老闆一些意見，佢好樂意聽到㗎😍！

紅酒牛肋條意粉，推薦，第三次幫襯，牛肋條足料，炒意粉夠夠味有紅蘿蔔，份糧足夠，$55 包熱飲，聯和墟少數性價比高cafe , 希望之後Lunch set 可加入更多款式。