Beans Brekkie Room

營業中

休息中

放工後諗唔到食咩晚餐 好多時都會諗起呢間 因為唔洗煩 $138 set dinner有哂前菜 主食 甜品 同飲品 十分超值 之前係荃灣食過一碟意粉連飲品已經$9x 非常值得推薦俾大家 不過只有幾款選擇 想點其他主菜如煎三文魚扒 牛扒等等要另外加錢前菜有薯條同沙律菜兩款揀💁🏻‍♀️薯條可配黑松露醬或芝士醬個人比較鍾意黑松露醬 同新鮮炸出黎既薯條香口💁🏻‍♀️沙律菜大大碟好足料除左一般沙律菜有既配料外有羽衣甘藍 藜麥 青蘋果切片 用料好新鮮 refreshing💁🏻‍♀️主菜：黑松露醬軟殼蟹意粉黑松露醬同忌廉好香濃 意粉質地夠煙靭有咬口軟殼蟹炸得脆口 一d都唔油膩 💁🏻‍♀️甜品必叫小山園抹茶蛋卷抹茶Cream 抹茶味算濃厚同滑身蛋糕🍰質地軟綿綿得黎有彈性 十分喜愛飲品有檸蜜 咖啡 同黑糖薑母茶揀可加錢轉其他飲品視乎大家喜好選擇食物: 8.5/10環境: 8.5/10服務: 8/10性價比: 9/10

今日星期日過嚟呢邊行街，晏晝兩點幾出面都係要排隊，不過好彩都好快入到去，可以食個半鐘！佢個餐牌成本書咁，都幾得意，叫咗個安格斯牛肉漢堡（$168）五成熟，個雞蛋可以自己揀係太陽蛋定係煎蛋，最後揀咗太陽蛋，切落去流心嫁😍😍其實佢個漢堡包都幾大個，幾鍾意佢裏面嘅焦糖洋蔥，食落去甜甜地好特別同個牛肉好夾！加埋啲配菜同埋沙律，好夠飽！嘢飲就揀咗黑糖薑母茶，少甜啱啱好！甜品唔記得咗呢個叫咩名，佢係類似朱古力慕絲蛋糕咁樣，裏面有少少脆卜卜，好好食又唔會太甜！

已經不是第一次光顧beans了，但這次是第一次光顧坑口東港城分店。朋友點了蟹肉蟹膏意粉，我則點了黑松露軟殼蟹意粉，性價比極高！！兩碟意粉十分入味，每碟只需一百頭再包飲品！Cafe價來算是十分抵！會再光顧

人氣黃店Beans有好多分店，相信好多人都食過。呢晚8點半後經過，見到唔使排隊，就入去食晚餐。🍝黑松露軟殼蟹意粉 $122Beans嘅意粉一向好食😋 黑松露夠香，意粉軟硬度適中，掛滿忌廉汁，配埋菇菇一齊食，正！軟殼蟹外脆內軟👍🏻🍵卷．山政小山園 $28意粉加配蛋糕平啲，叫咗抹茶卷蛋試下。卷蛋濕潤軟熟，抹茶忌廉清甜綿密，中間有少少紅豆同啫喱，整體配搭經典，係一款大部分人都鍾意嘅蛋糕🍰☕️熱Mocha $32香濃朱古力咖啡，有靚靚拉花，心情愉快😊坑口分店木系裝修，簡潔明淨，環境舒適，適合聊天。

Score 總分: 75講到好味嘅Cafe, 真係有唔少。而這間Beans，相信都算幾出名嘅一間，也有不少支持者。佢出名係在於味道水準穩定 + 環境潔淨 + 待應服務(標準羅~)。咁多間分店嘅味道都差不多外，其他各方面都幾好，唔錯，不愧為連鎖集團嘅Cafe店。佢嘅蛋糕就特別受大家歡迎，除左價錢貴外，味道+外型+擺設碗碟 樣樣都好。證明咩？鋪租真係好貴，薪金都好貴。咁點? 冇架，成本都係大家share返~ 總結: 未試過Beans甜品嘅，唔好話自己食過Beans

將軍澳有好多間荳子嘅分店✨共通點係每間都好受歡迎🤣因為冇得訂枱嘅關係長期都大排長龍，今日tea time難得見到唔使排隊就入去食個tea🍽🍽下午茶套餐跟一杯飲品 ($40以下)我哋叫咗一個焦糖燉蛋加抺茶cake😜燉蛋表面有一層烤到脆嘅焦糖，另外唔會太甜👍🏻👍🏻👍🏻唔錯飲品方面就叫咗伯爵茶鮮奶🤣朋友都比較鍾意茶味嘅甜品同飲品但佢嘅茶味唔太濃，奶味香濃，偏向鍾意重茶味嘅朋友可能會覺得呢杯飲品比較普通

兜過幾個圈都搵唔到呢間舒，最後問物業管理算。星期日1030要排隊，大概10mins 吧，三個人坐圓檯，幾舒服，日式裝修，QR code 點餐。Beans 食過幾次，早餐係第一次，點咗個牛油果多士，78蚊唔算貴，效率超高，好快岀單同上餐，火箭菜新鮮，但原來份量有啲少，食完唔多夠飽😅，咖啡一般

行街行到攰，想坐底同朋友傾下計，或者自己一個人想靜靜地食下野？不如試下將軍澳呢間cafe1）軟殼蟹意粉creamy既菇菌汁配香口既軟殻蟹，鍾意食菇菌同軟殼蟹嘅朋友仔一定唔會對呢款意粉感到失望2）黑松露醬薯條薯條好脆，黑松露醬分開上，啱晒唔同口味嘅朋友仔3）手撕豬漢堡(薯蓉）手撕豬胺肉加燒汁，燒汁有點甜，如果配鹹味燒汁效果應該會更好食👍🏻4）Perfect Match蛋糕香蕉加朱古力永遠都係絕配飲品：5） 熱美式咖啡6）熱鮮奶綠茶📍Beans Brekkie Room (將軍澳)地址：將軍澳重華路8號東港城1樓105號舖📞: 27777010

📍 #將軍澳 Beans#羊羊在將軍澳#羊羊在新界將軍澳有兩間beans，今次嚟到坑口分店，見到星期一至四有dinner set幾抵，再加上冇人排隊，梗係狗衝🤪雖然冇咩人排隊，但係真係翻桌率幾高，keep住有人入嚟食😄不過都正常，因為食物質素同環境都唔錯😎唔駛排隊，今次好味咗🤣💁🏻‍♀️Dinner Set🌟前菜✨黑松露醬薯條+車打芝士薯條開頭以為份量唔多，錯哂，成桶上😮好香脆，係幼薯條🍟芝士醬似卡夫芝士醬，個人私心黑松露醬，香好多🫢🌟主菜✨油封鴨腿肉意大利飯仲以為成隻髀上，點知拆咗以為冇咗啲肉😂唔係話味道似，但食落去有啲似K記白汁雞皇飯嘅風味😧鴨肉有少少柴，唔似鴨嘅質感，真係驚喜處處呢🤭✨慢煮紅酒牛脷配鮮忌廉薯蓉 (+$40)牛脷幾大塊幾厚，牛味唔係話好重，但好軟嫩，幾特別嘅菜😆薯蓉似自家整，仲食到啲薯粒😉btw啲配菜幾好食，但插咗幾條菜心係蘆筍到，幾搞笑🥸🌟甜品✨Autumn Breeze上次已經好想試，但係賣哂，一件$48又小貴🥺今次有好大部分原因想食栗子撻先嚟，結果都冇失望😁栗子雖然似現成栗子蓉，但份量好多，同埋幾滑，覺得$48係值😏不過撻皮唔係到到都脆，有啲位濕咗好似dough

好姊妹聚餐，重質不重量，食物有賣相，打卡好正常。第一次黎呢間餐廳，環境很舒適，服務員年青有禮，適逢隔離檯外國小妹妹任性打爛玻璃杯，服務員哥哥細心問我們有沒有受傷，很窩心，請我們移到鄰座先座下，清理好碎片再請我們坐回原位，態度值得讚賞。每款食物質素都很很很好味，賣相很吸引及用心處理，又要讚，姊妹不小心碰瀉飲品，服務員哥哥即刻話換過一杯給我們，如此貼心服務，太感動了，不過，我們預備離開，所以道謝及婉拒了，這餐晚餐實在太難忘，值得一幫再幫襯，真心推介。

間餐廳管理極有問題8pm入席，已經講明9pm last order，10pm收鋪8:10pm我地已經妥善落左QR code order，到8:40pm先收到食物到8:45pm,行埋黎話 last order 要叫埋野飲，好唔緊要到9pm直情喺我地未食完主食既情況下，直接上甜品，張枱根本無位放！大部分侍應都趕收工既態度，我理解上幾年疫情收10pm係理所當然。但疫情都過左，態度及服務可否專業少少？定係持住自己鋪頭有「光環」可以做到劣一劣都仲有一班fans?

好耐冇嚟坑口，朝頭早喺坑口有啲嘢做完，見早餐時間未過即刻去beans 嘆下。可能係時間早嘅關係，唔使排隊直接入去有位坐。近幾年越開越多分店，依然keep住價錢平同埋食物質素ok。呢set早餐係好抵食👍🏻

朋友入黎探我專登帶去食我地東港城最多人排隊嘅餐廳。佢地定期會更新餐牌。今次又有新餐牌俾我地試食啦，新餐牌嘅質素非常之好特，別推介大家試下芝士開心果披薩你，開頭以為佢係咸食，食點知原來佢跟左蜜糖俾我地食落甜甜地又有芝士嘅鹹香味非常得意，個批底係好軟熟麵包令我一試難忘高度推介🤤另外佢嘅波菜汁三生蠔意粉亦都煮得非常出色，蠔嘅質地熟嘅程度剛剛好，保留少許嘅海水味，意粉上碟時非常之熱辣辣整體質素俾10分。另外朋友叫左個蜜糖雞翼話其他分店煮都唔好食，以呢間結果都冇令我地失望質素非常之好

每次經過Beans都大排長龍，今日星期五想食個豐富嘅早餐比自己一個Good morning☀️ Beans嘅早餐都好多選擇，最平$38一個早餐，而我今日就叫咗個豐富嘅早餐Egg Benedict😍🍳 Egg Benedict 單是賣相已經十分吸引，整體質素很好，Benedict隻蛋好流心，熟度剛剛好，會上煙肉和沙律菜非常開胃，而且份量也剛剛好，配埋佢杯咖啡非常滿足😋

之前食過咁多次都未試過食完番去肚柯嫁，今次真係令我好失望，亦都唔打算再幫襯，星期日去食個早餐叫左份炸魚柳，出到黎個賣相已經麻麻地，點知食左一啖就知出事喇，個炸魚柳係凍嫁，入面重要未熟，個皮重又淋又濕，之後叫職員拎去換個，咁都好好幫我換個條，之後都比番個正常既炸魚柳我，係脆同熱既，同埋係熟既，但估唔到食咁多次都冇事，今次竟然比左條唔熟既炸魚柳比我，番到去重要柯左幾次，我諗以後都唔再黎幫襯，怕怕😥😥😥