Beerliner German Bar & Restaurant (朗豪坊) (已結業)

想搵間環境舒服，菜式平日比較少食，lunch hour冇咁迫嘅西餐廳慶祝好同事生日，就嚟左呢間位於朗豪坊十三樓嘅德國餐廳~ 我地獲安排坐係近落地玻璃嘅位置，十分開揚，而且可以從高處飽覽成個朗豪坊，超興奮~ 先嚟嘅南瓜餐湯非常有誠意，南瓜蓉打得好香滑，唔會好水流流，仲放左藏紅花係面感覺好高貴，脆麵包粒亦增加左湯嘅口感。食德國菜點少得特色德國腸platter！Platter份量印象中比晚市少但都已經不容忽視，有三條大腸(香草豬肉、爆汁辣芝士、原味)加一條細D嘅紐倫堡腸。當中爆汁辣芝士最過癮，加酸菜絲一齊食就唔會太膩。德式青口煙三文魚pizza同貝殼粉就一般般，德式pizza有D乾而且toppings似隨意拼湊出來，番茄可能切得太大有D太生嘅感覺。反而個甜品雪糕好有驚喜！一D都唔hea，係奶茶味嚟，仲會食到爆炸糖，超有驚喜~ 可惜餐廳午場不設甜品加寫生日牌同message服務，所以唯有自己偷偷準備左cute cute生日蠟燭仔影靚相！呢間餐廳除左德國腸platter其他主菜就一般，但勝在環境舒服，湯同甜品有驚喜，希望同事鐘意啦！最重要日日happy，時時都咁靚，同埋keep住搵新餐廳同我一齊

weekdays and weekend lunch都會去幫襯嘅一間西餐 一黎好坐 二黎食物質素穩定地好得黎又會有唔同combinations上嘅驚喜食得出廚師或寫menu嘅人嗰份心思 3 course with cold/hot drinks, lunch menu 每人唔洗$200餐湯好rich嘅薯仔同少少青豆味 麵包夠脆 龍蝦湯risotto 口感好似撈左少少薯泥 食唔到生米 龍蝦味多 青口帶少少海水味同飽滿係今次嘅asparagus有啲老雞胸 生紅蔥 熟洋蔥 火箭草 蕃茄粒 pizzahint of sauce啱啱好 令味道冇咁齋餐甜品係花生味雪糕…似係自家製 好味

貪呢度lunch時間靜靜地一班朋友嚟食飯傾偈就啱晒食嘅時候有四人限聚所以店員都好貼心咁幫我哋安排兩張喺隔離嘅枱呢度嘅lunch set都幾多選擇不過更多我哋想食嘅嘢都係main menu度所以就叫咗兩個set lunch同埋散叫咗幾款嘢食呢兩款頭盤都好fresh我比較鍾意上面嘅bbq汁手撕豬肉配蛋沙律朋友叫嘅吉列魚呢個麻麻地 炸粉太厚 食左兩啖有啲喉嚨痛肉眼扒配煙肉炸薯蓉呢個係正常發揮五成熟都真係五成熟 啱啱好德式pizza好好食 批底幾脆食德國野又點少得德國腸黑松露薯條 即炸熱辣辣勁多黑松露 勁鍾意

出旺角買完野，本身target 咗朗豪坊入面兩間餐廳試，但兩間都起碼等半個鐘以上, 於是向高層搵食，上到13 樓，Beerliner German Bar 比較想試，記得好耐之前睇波試過都ok , 今次就試吓正餐 我哋兩個人，一人一杯野，兩個野食，叫咗個自家製冠軍腸，配合拌碟酸椰菜，佐酒一流， 尼隻冠軍腸冇一般過咸嘅味道，比較適合香港人口味。 另外叫咗份火腿芝士蘑菇酥炸薄豬柳，一上枱，做汁嘅味好香，賣相亦幾吸引，個芝士汁配炸豬柳都唔錯，不過食到一半已經有啲滯，個炸豬柳係薄，但同個炸皮一樣厚度就差少少！到於一杯cocktail 同mocktail 都ok , 始終都偏向酒吧餐廳，野飲同啤酒選擇較多，所以如果你同我一樣，朗豪坊唔想等，Beerliner German Bar係可以一試

安排了餐廳外的位置，環境好好，藍藍的天空自家制德國腸：肉質鮮嫩，配菜長豆角鮮甜德國豬手：皮皮好脆喔，裏面啲肉好入味青口意大利飯：青口很鮮味，creamy 就是喜歡意大飯的原因

小編由細細個開始就好鍾意去，屋企人有帶過我去一次之後就印象好深刻，由我小學去到我而家咁大個都好鍾意去，雖然唔係去得好多次，但係呢間餐廳係其中之一我去過亦都想去多次，因為呢間餐廳靠窗邊嘅位置個view真係無敵, 望落去就係成個朗豪坊睇到哂，而家人大咗都會想去一啲可以飲酒嘅地方chill下休息下，呢個地方又有得飲酒又有靚景真系好正😍

去左旺角朗豪坊行街，行行下肚餓去左13樓搵野食啦結果就揀左呢間餐廳。人唔算多，好快就有位坐。我地2個人total 嗌左3樣野食！香煎紐倫堡腸配酸椰菜及薯蓉份量比想像中大份！腸煎得幾香口，配搭酸椰菜黎食，味道酸酸地，算係幾開胃，薯蓉就無嘜特別。白酒煮青口呢份青口份量亦算大份！但味道稍為偏淡，白酒味唔突出，就似一份好普通既青口，稍為失望龍蝦汁海鮮意式燴飯最後我地嗌左個飯黎食，呢個飯一望就知好豐富！蝦亦大大隻，食落味道亦唔錯，龍蝦汁既味都幾突出，飯粒咬落亦有口感！3款美食中呢款係最好最後我地都嗌左2杯野飲，500幾蚊埋單！

又有一排無食Beerliner啦⋯🥳呢間 #徳國菜 我都真係唔記得我第幾次嚟呢度食飯帶每個人嚟食佢哋都有讚冇彈👏🏼👏🏼.印象中好似第二次叫黑松露薯條都唔記得原來咁大桶😍超正✨👍🏼熱辣辣⋯好脆！好好味！..蕃茄黑松露醬大蝦意粉超足料😍 #性價比高 最少都有5-6隻大蝦🥳🥳蝦肉爽口彈牙✨絕對係品質保證意粉方面⋯係用咗比較多餐廳用既⋯扁意粉🍝食落都唔錯！選用既蕃茄每粒都好新鮮🍅好甜不過黑松露醬方面就唔係太食得出🙊..Wieninger Holler $58呢款上次飲完覺得好好！今次介紹俾朋友飲 朋友都好鍾意#接骨木花 香味既啤酒🍻如果中意飲有甜味既啤酒 呢隻幫到你😛好特別既味道 啤酒既麥味唔算好重有少少似飲緊 #梅酒 既感覺🤩第一次飲呢種感覺既 #啤酒Erdinger Weissbier $78而我自己今次都係揀咗呢隻比較甜嘅啤酒但有柑橘味既啤酒都係第一次飲🍻同上面嗰款一樣都係甜甜地⋯好特別嘅啤酒呢款似飲啤酒多啲😀啤酒味道比較重少少 兩款我都好鍾意❤️😋.(選用酒類產品必須年滿18歲)

今次係第一次去朗豪坊最高層嘅餐廳食嘢，嗰日係晏晝去人少少 如果夜晚去會更加有feel🍻介紹大家一間德國菜餐廳，食物好好味！只係嗌咗兩樣嘢食同兩杯啤酒已經足夠兩個人😋➖德式香腸拼盤配酸椰菜及燒薯 $238食親德國菜一定會嗌香腸拼盤，原來正宗德國菜一定係配酸椰菜，我都係第一次食，酸酸甜甜 解油膩開胃💁🏻‍♀️不過對於酸菜類嘅野我都麻麻地😅至於香腸有五款：圖林根香腸、墨西哥辣椒芝士腸、農家肉腸、紐倫堡腸、迷你辣肉腸😍🍴雖然你永遠都唔會明成本咁低嘅嘢竟然賣到咁貴，但真係好好味呀🤤➖秘製德國鹹豬手配酸椰菜及薯蓉$238店員會喺你面前幫你切埋😋呢個豬手真係出色啊！算係大隻而且做到皮脆肉嫩👍 最後飽到個薯蓉都食唔落啦🤰➖最後我哋一人一杯啤酒真係好爽，Happy hour😚🍺Wieninger Holler $52依隻帶有接骨木花香既手工啤酒🥰 好啱我飲同易入口！Benediktiner Weissiber $62依隻就比較濃啲，帶有焦糖同少少果香味。打完個食評即刻好想再去多次，想試吓佢啲飯意粉薄餅😆

之後去德國旅行，食左餐正宗德國豬手，返到香港一路都想食返個隻味，於是book左呢到，d豬手真係好好食，但始終唔同德國口味，不過已經好滿意，其他菜式都好正，睇得又食得

經常到朗豪坊13樓的Beerliner German Bar & 用餐， 今次有姊妹生日， 我們又相約來到這裏慶祝。 喜歡這裏的環境輕鬆舒適， 服務質素亦非常好。 每次必點腸仔拼盤和豬手， 今次再點小食拼盤， 份量都很多， 然後再點了幾杯飲品～Sausage Platter$238、roasted pork knuckle$238、appetizer platter$253、happy schnappy$72、Santoro montepulciano$68、E. S. Rose$68、yellow bird$72、German Mule$72、Apple Jade$72。Sausage Platter～ 喜歡酸酸甜甜的椰菜 絲，腸仔有五款口味， 每一款都肉香可口， 食了多年都唔厭。Roasted Pork Knuckle～ 豬手的皮酥脆， 肉質嫩口。Appetizer Platter～ 小食送酒就是最好的， 幾款當中我最喜歡炸雞腿， 好香口。餐廳的cocktail都做得出色， 幾款味道各有不同， 店員亦會細心地推介飲品給客人。今次自攜蛋糕， 餐廳沒有收切餅費，店員親切地幫我們影生日合

下午時段的旺角，竟然有這個寧靜的地方，非常正！和姐妹/三五知己相聚的好選擇。這家餐廳出了名好吃，正宗的德國菜，主理的廚師是德國人，想不到下午時段都能保持到水準😊♥️我們四個人，叫了兩個午餐再加一個小食拼盤都非常足夠，吃得飽飽的。這個小食拼盤好大份，有齊幾款好味的小食，送啤酒一流，炸雞件好出色，外脆內juicy 😍不過我們沒有飲啤酒，下午配上冰凍的檸檬茶都不錯😋這個沙拉好清新，配上的蕃茄湯味道好濃。這個是類似吉列豬排的感覺，有點辣辣的，上面的source有很濃的蕃茄味。來到德國餐廳，必定要吃的招牌菜，就是德國腸😋午餐的價格好抵食啊！平常晚上來這裡都要排隊/挺多人的，下午時間來就比較舒服和寧靜，不用等位，可以一試。

同朋友係旺角食完生日飯但又未食生日蛋糕，於是就提議上朗豪坊頂啲bar 到飲杯野同埋食生日蛋糕！上到嚟就覺得個環境好靚，但問過幾間餐廳都會收切餅費，唯獨是呢一間唔需要，咁我哋就揀咗呢一間。小弟又唔太熟cocktails，於是隨便叫左一杯German Mule，唔會好重精酒，入口味道都唔錯。之後就食埋個生日蛋糕，啲staff見到都好主動幫忙影相，環境又唔錯，壽星仔極度滿意🤪

今晚放工約咗老公食飯、唔知食咩好睇到食評唔錯所以黎試吓.德國豬手有驚喜、外皮脆、味道啱啱好唔會好鹹、仲有配菜、酸菜同薯蓉 、好大份夠3、4 個人食雜果沙律好新鮮好多水果、最特別係有無花果同芝士粒炸魷魚圈 水準可以但冇特別、下次試吓其他叫左杯德國啤酒同紅酒🍺🍷今次按排座外面、環境唔錯 、飲下食下好快就坐左個半鐘時間差唔多所以埋單啦☺️下次想試吓佢D甜品見食評有個棉花糖雪糕好似唔錯朗豪坊13 F 環境舒服😊

午市的朗豪坊，要食滿$400才可免費泊車兩小時，所以我們上更高樓層，打算坐得舒服一點。午市set lunch 由$98起。食物的擺碟很花心思。頭盤是湯加沙律。是日餐湯是紅蘿蔔薑蓉湯，味道極淡但濃，要加鹽後才飲。我點的「德式豬扒」，薄身的豬扒，類似吉列的炸法，但肉偏乾身，幸好因為薄身，未至於咬不到。朋友點的牛扒汁極咸，忘記影相，咸到要向店員反映意見，店員也友善，提議更換另外在餐牌上的set lunch 主菜。