Bento Express by AEON (已結業)

在車站旁看到這間jusco 旗下的外賣店走進去便看到大大隻燒雞, 還有煙鴨胸, 燒豬頸肉, 炒飯等再前進便是賣壽司的, 琳瑯滿目, 十分吸引 壽司拼盆X3 - 材料很新鮮, 飯不會實的的, 但略為少醋, 魚生飯拼盆賣相吸引, 也很好吃! 燒豬頸肉 - 100g $12, 買了一塊已$16, 真的頗貴. 醬料很惹味, 味道較濃, 肉質較淋, 不過不失

好一段時間冇嚟，食完一輪熱氣嘢，突然想食壽司，結果就諗起呢度 ... 其實佢只係 Jusco 旗下嘅食肆，所賣嘅食物亦都係 Jusco 出品，冇咩特別，但勝在種類多，熱食、冷盤，乜都有，發牙痕時入嚟逛吓亦唔錯 ... 喺店內 dum 咗一個圈，從油淋淋嘅炸物行到色彩繽紛嘅壽司，都係決定買壽司 ...結果 ... 我買咗一堆飯糰 ... 右上角嘅係三文魚飯糰，左上角嘅係饅魚飯糰，好好味，拎上手果陣，仲係暖暖哋，可見係幾咁新鮮，食落有好香嘅魚味，而且飯粒煙 un，認真唔錯 ... 好飯糰 ... 下面果盒係迷你飯糰，裏面包裹住嘅係吞拿魚同一小片生菜，甘香可口，外面嘅蟹籽，放入口時，細細粒嘅蟹籽喺口中爆開，好味都爆 ... 又係好飯糰 ... 呢度嘅服務員，睇得出多數係主婦級人馬，但對客人係非常有禮貌 自己人傾計時，聽得出可以好通俗架 只可惜地方細，要堂食都只可以"短衣幫" --- 企响度食 ...

今晚(5-3-2009 Thur)男友o黎我屋企食飯,佢又斬料喇.今次斬o左:1.燒三文魚頭大大個,呢個大部份畀我男友同爸爸食晒,不過我都有食啲面珠dum,面珠dum好大塊,佢就只有淡淡o既三文魚味.2.燒豬仔骨一啖食落,味道好熟悉o既,原來係蜜汁燒,開頭覺得好甜,但食完又覺得香口,OK.3.鹽燒秋刀魚同我看到整o既差唔多,不過鹹o左啲,內臟亦冇清到.呢三樣o野總共要$50.00.

$13日式燒雞脾：好味，香脆美味，甜甜地好好味，雞脾燒得又香口，蜜汁味甜，外皮亦燒得夠好脆，雞肉雖不是很嫩滑，但呢度感覺始終較街邊健康，起碼人地都乾乾淨淨，講求衛生為首，連我呢個從不吃街邊野既人，都試下呢間既小吃，真不錯！原價$10。2條腸&$10。2條扁貝卷在晚上速銷，特價pack埋一盒$16有腸和扇貝卷各2條，腸彈牙皮脆，微微的蜜糖味正！

更正：燒全翼 = $8.5$10。2條扇貝卷：外層是腐皮，而腐皮內則包著少量扇貝粒，少許紅薯蔔碎…偶然咬到扇貝粒就幾爽口，總括來說幾香口，而且吃完又不會覺油膩，不錯！

$15。5隻日式餃子：內餡係豬肉，表皮香口係脆，不會煎得濃，淡淡地味道可口$15。4粒芝士龍蝦丸：炸過既龍蝦丸幾爽口，肉質新鮮彈牙，中間仲有好多芝士流出，熔熔地好好味，芝士味又夠濃$7.5日式燒雞全翼：好味喎，甜味剛好，蜜糖又不會過多，不錯$5.5日式牛肉薯餅：入口好重香料味，牛肉碎少，味道不足，薯味尚可

got take away sushi and duck breast salad plus 100g fried octopus tonite for dinner.Well, sushi is above average; salad is fair.... (the sauce is WAY TOO thick...) while the fried octopus is very freshly-made BUT TASTES YUCK!!!I tried chicken wings and chicken before -- only soso...

買了一件鴨胸加餸，$18切起上黎都幾多。都有成10數片。個樣幾靚幾新鮮，有光澤，唔會乾爭爭。鴨肉幾嫩滑，一d都唔鞋；又唔會太肥。仲有個醬附送，不過個味就有點怪，係胡椒加鹽再加醬油。

喺呢度食過炸魚、炸豆腐、日式燒雞脾，都係好好味之選... 其中最值得讚係佢哋嘅sushi ，材料新鮮、飯亦夠黏性&夠煙靱，好味道，加上價錢唔會好貴，所以我都經常幫襯... 只可惜冇座位

幫襯過好多次，無論係壽司、冷盤 or 炸物，都好好食...尤其鍾意炸魚寶，超正...唯獨一款唔係咁好食嘅就係炸三文魚皮，有啲腥 但可惜位置不足，如果可以擴充，相信會更 perfect ...

剛剛飲左茶行經呢間野, 我不嬲都鐘意食炸軟殼蟹, 咁岩見到呢度門口大大隻字賣 $15/100g ! 好奇地入去行番轉, 果然又有收穫! 非常香口, 又唔會炸到入面乾哂果種 保留左部份肉汁之餘重發現有咁細隻蟹仔都會有蟹糕喎$15蚊都幾多下, 好過去日本壽司鋪食炸軟殼蟹吖! 不過係咸左啲囉 don't worry! i will be back!!!!

早幾日無啦啦行過呢度, 加上有少少肚餓, 決定黎呢度, 買樣小食黎頂下肚先!其實已經係第二次黎呢度幫襯, 兩次都係要左蜜燒雞脾! 蜜燒雞脾燒得好香, 蜜味夠甜, 而皮亦燒得夠脆, 加上雞肉勁滑身, 相當好味!下次肚餓行開呢頭一定會再黎幫襯, 皆因一路喺條街度行, 一路快食雞脾, 真係好鬼過癮, 加上價錢唔貴, 十四蚊一隻, 絕對抵食, 冇得頂呀!

六月八日(日)係九龍城食夠後出左旺角度行下，去朗豪坊食飯之前經過吉之島尼間外賣店，見到燒雞脾機雞脾燒得好香，燒汁亦好充足～　於是入去睇睇兼買左隻黎食～日式燒雞脾($14)雞脾熱，燒汁味道很好，但可惜雞肉未算嫩滑和未算太入味～　如果可以改善尼兩點將會是一隻非常出色燒雞脾～味道3.5

買了隻燒雞加餸。四十多元，size正常，夠一家幾口食，價錢合理。外皮不是燒到脆口那種，還有一點點醬汁在上，雞皮唔肥，很可口。雞係雪雞，所以雞無咩甜味，而且雞胸好鞋。整體只屬ok~

喺旺角利到創興附近,見到bento express門口有幾行燒春雞喺度轉轉吓,香味撲鼻,於是就買左隻番屋企食!三十五蚊一隻,係用日式醬油醃過嚟燒,所以味道帶點甜,肉質梗係滑,春雞又點會好鞋吖!仲有秋刀魚賣相都好吸引,不過下次先買!