影片
營業時間
今日營業
11:00 - 22:00
星期一至四
11:00 - 22:00
星期五至六
11:00 - 22:30
星期日
11:00 - 22:00
公眾假期前夕
11:00 - 22:30
以上資料只供參考, 請與餐廳確認詳情
💡原來食韓燒都可以咁好玩!!!Bingle Bingle 空中列車烤肉好食好玩CP值高👍🏻👍🏻👍🏻 食物高質價錢親民, 餐廳冇加一, 仲有特色空中列車送餐, 小朋友超級無敵開心🫶🏻 當你點完餐就會見到一架列車順住軌道送到你面前, 真係好新奇好得意!至於食物選擇好多, 有套餐又有單點, 仲可以揀埋牛肉份量, 對於食量唔多嘅客人嚟講非常好!推介’人氣宮崎和牛套餐‘… A5和牛肉眼蓋+A4和牛肩肉+A4和牛三角腩, 款款都鮮嫩有肉香, 入口多汁! 加埋各種醬汁別有一番滋味, 好食到停唔到口🙈另外‘1++韓牛日韓極上套餐’都值得試!!! 1++韓牛前腿肉+宮崎A5和牛肉眼蓋+宮崎A4和牛三角腩, 全部都好新鮮好好味👍🏻套餐包飯+前菜+沙律菜+湯, 店內亦有水供應, 大滿足!仲有仲有, 係門口附近有扭蛋機, 用餐後可以扭出唔同嘅優惠券, 下次再食就可以用👍🏻👍🏻之後再食燒肉一定會第一時間諗起Bingle Bingle 空中列車烤肉❤️
繼續閱讀
下一站 燒肉秘密基地今日推薦位於太和嘅一間寶藏餐廳Bingle空中列車燒肉，非常之唔錯半年前開始來呢度食燒肉，幾乎每個星期都會來一次推薦美國牛小排套餐，有200g牛小排，有飯有湯有少少配菜，178蚊，好抵食牛舌都好好味，牛舌套餐一68蚊，都係有飯有湯有配菜，湯幾好飲嘅。牛舌散叫係52蚊，100g小朋友真係好鍾意啲車廂轉來轉去，好得意好治癒❤️🩹～呢度服務態度都好好呢度唔收現金喎，只收電子支付～滿200蚊可以玩一次扭蛋
繼續閱讀
一行二人嗌咗個宮崎牛餐+紫菜溫泉蛋飯一個牛小排加牛五花餐+紫菜溫泉蛋飯+Zero Coke再單點100 gram豬和100 gram雞賣單$48X-49X左右D肉嘅質素好好 味道又好雞同豬係醃製過 已經夠味牛就係新鮮肉 需要加點調味料總括來說，我會有下次😋PS: 食量大的人 一個餐應該唔夠食餐廳收10點 9點半就開始無人收餐和比帳單客人雖然無限時 但有點壓力 不過帶位的員工見我8點到 都比左張4人台我其他服務就無咩因為係自助點餐 列車送餐
繼續閱讀
#60 Bingle Bingle 空中列車烤肉 (太和廣場)終於出到第60個post了，小編係冇Give away 的（因為冇人搵小編和合作，同埋冇人搵我寫鱔稿哈哈哈哈）。小編好少喺太和嗰頭出沒，見到商場有燒肉就去試下啦！🥩和牛漢堡扒（200g）$98 平時行Aeon 見到和牛漢堡扒價錢大約$30 塊，$98 有兩塊就少少貴，但係呢個set 有夢王蛋同邪惡水牛芝士加持，仲有飯、泡菜同麵豉湯，加加埋埋都ok嘅。但燒和牛漢堡扒嘅難度對小編嚟講有啲難，因為塊扒會好易散（好似時下年輕人嘅愛情咁），而且比起燒牛、豬，雞仲要耐，就算佢有個沙漏比你計時都真係for your reference only🙏🏼。火喉太大又好易痴底😞。和牛扒嘅味道一般，牛味比黑胡椒味覆蓋哂，同埋點埋醬汁食都無乜味。加夢王蛋之後個飯係好食左，但加埋芝士就好腬（讀漏），所以結論係不推薦個和牛扒，反而食牛、豬、雞仲好，質素都ok的。賣相：⭐⭐⭐味道：⭐⭐⭐CP值：⭐⭐⭐好彩呢間野唔收加一服務費，因為落單、斟水都係自己做的，not to mention 有輸送帶上菜&自己燒野食🙏🏼。#Foodporn #Foodie #平民 #小資 #太和美食 #大埔 #燒肉 #香港
繼續閱讀
第一次去食😅係午餐嘅時間呢個一人烤肉套餐配咗白飯同韓式牛肉雜菜湯及韓式涼菜!! 肉方面就有10款自己揀! 每款有唔同嘅價錢! 我相信同小朋友一齊嚟嘅話最開心就係每一個餐都會有夠列車將個套餐送出嚟! 佢哋可以喺架列車度將個套餐拎落自己位就一定會最開心😅不過對於我一個大人嚟食～就冇乜好特別套餐嘅肉仲分咗100g /150g/ 200g/300g咁都係自己揀! 跟著就可以喺座位前慢慢燒都開心嘅，有時想食燒肉～因為就要食好多，今次一人餐可以過吓手癮味道都唔錯，睇落都幾靚 食落都ok! 不過係食食吓就會覺得唔夠喉😅😅😅下次要試吓溫泉蛋紫菜飯先得
繼續閱讀