Bistro Délifrance (已結業)

跟同事去食lunch~各人都點了不同的 set lunch先說餐湯, 點了4紅2白(期中一個白湯是酥皮湯)先來了4個紅1個白 - 除了白湯,所有紅湯都是凍的! 所以跟侍應說要些熱的...誰不知他不是給我們新湯, 而是掉亂了我們喝過幾口的, 衛生情況有待改善!!! 再問侍應時, 他就直說是放進微波爐叮... 由於是掉亂了的湯, 所以最後要求換過白湯-_-"再說, 酥皮湯也真的比不上oliver's super sandwich! 我點了的1號餐 (蛋沙律法色包)...也不知所謂....很冰, 很乏味.最後就連最簡單的餐飲咖啡都沒有咖啡味......這間餐廳真的有待進步!

同事有九折卡，我地間中都有來呢間Delifrance，今日一行八人，我就點了午餐，包括︰餐蘑菇忌廉湯︰同罐頭冇乜分別。黑椒豬扒炒肩意︰雖然好似有點大排檔，但係真係幾好味，可取之處係唔會有太多油，驚喜係有紅椒及洋蔥，份外惹味！凍咖啡︰不過不失。遺憾係冇麵包送，話哂佢都叫自己法國菜(雖然我諗冇人會當佢係真正法國菜來看待)。諗唔到食乜的時候來食一餐半餐都無妨。

同朋友嚮Delifrance食個christmas lunch。一人點左一個特色套餐! 每個餐都包湯同野飲。個雜菜湯比起其他好似比較好味, 無咁油啦, 多料啦, 有紅腰豆, 仲有香草! GD! 1) 經典白汁卷配意式沙律, 意式沙律只係幾塊羅馬生菜同粒車里茄, 而個白汁卷就可以揀吞拿魚同碎蛋, 我地揀了碎蛋, OK既, 唔會好膩, 個皮唔會話好硬。 2) 香芒雞肉火雞芝士班尼包配意式沙律, 班尼包係比較硬身, 烘得好脆。 內有芒果容, 我唔太鍾意芒果容囉, 好似好怪咁, 如果係一粒粒芒果會比較好。 有雞肉, 有火雞, 食唔出邊D 係火雞, 邊D 係雞肉。 不過個包係幾好食既。呢到環境幾好, 唔多人, 唔洗趕住走, 慢慢坐, 慢慢傾, 。

在商場閒逛，行到有點累了，是喝咖啡的適當時間，這兒的下午茶提供多款撰擇以前這兒是自助形式，裝修後，增添了加一服務費，雖然消費高了，但服務的質素上是提升了的，除座位較舒適外，還有侍應帶領入座，起碼以前獨個子來時，食客多的時候，買了一盆子食物後，不用到處找位子，就是找到位子時，又要找侍應收拾枱上的殘餘食物和餐具，現時的改變，是好？是壞？是各人所需吧。法式潛水艇下午餐(32元)：包身鬆軟，餡料有煙火腿和煙三文魚，墊上番茄、青瓜片、新鮮菜絲，味道清新而不膩。迷你法式三文治(34元)：法式長麵包切片，共有三片，三種不同材料蓋上包面，其一是吞拿魚、其二是芒果雞肉、其三是白汁碎蛋，再在材料上同時加上車厘茄、青瓜片和新鮮菜絲，賣相精美食落重覺得好fresh每片麵包上都有其特式材料味道，一個餐有齊三種食物享受，份量雖然不多，但少吃多滋味每個下午茶餐包飲品一杯，我要了即磨咖啡，咖啡也夠熱、味道也香濃，，配合埋以上食物，好不俗的不午茶餐

决定吃過早餐才送丈夫上班(去mtr啫)其實食早餐來來去去都係嗰幾樣, 咁只好選擇環境情調來做襯托。柔和嘅音樂, 僻靜嘅卡座, 舒服嘅梳化,咁玩情調喺要付出代價嘅......加一服務費！牛角酥香脆, 牛油味豐富是不變的事實, 蕃茄用香草烹煮過, 我塊豬柳漢堡扒並非麥記貨式, 厚身得來有咬口而且還吃到粒粒免治肉碎。 丈夫那塊雞扒只切開四件, 份量偏少。雞蛋的配菜也很少呢！（＃－.－）/

當日,在葵芳這裡兩個大商場行來行去,路過此店,女友罕有地提出建議,想入內進餐,ok看看環境,店內沒多少人,剛剛也是下午茶時間,一看之下,有差多不十款下午茶餐,好,搵個靚位坐低,開飯我的忌廉湯,茶餐+$8,味道不錯卻不太夠熱,大概是我最不喜歡的(常溫湯)因溫度問題,有點浪費了製作人的心血了女友的凱撒沙律,茶餐+12,不過不失,份量也少,上菜時觀感不錯法式潛艇$32,算係今餐最好食,可能都係食番麵包類比較穩陣咖啡,唔覺特別,或者自已唔識飲咖啡掛今餐主角啊$28,正式學名忘記了,乜野乜野天使麵咁上下,完全可以係話係完全無靈魂,完全無考慮過自已能否吃下這個天使麵,便拿出來給你吃的,麵和湯是和暖的,肉是梅爛沒有彈性的,口感極差,無味的,感覺用白開水煮好後,放到一邊去,有人叫就夾一(汁)麵上碟,加上常溫而無味道的湯,便可以拿給客人食用了,我本來想叫人幫我換左佢,但........我應該用乜野理由呢?唔好食?咁就要換嗎?所以算了,不要再來這裡就好了,這個麵不但沒了靈魂,更加是出賣了製作人的良心,老實說,叫你來把這個麵吃完,我相信咀巴罵不出粗口,完全是因為eq很高和比較上有教養,而我咀巴沒講的原因,是

朋友請客吃了麵作lunch,陪大人去圖書館後想找個清靜地方坐下,starbucks沒位子,走到delifrance沒有吃的意欲,點了一份tea setmash potato伴田螺加garlic toast,加錢點了ice coffee,也另加錢點了薯仔王大人的薯塊味道,只可以說是可以薯塊,唔香,garlic bread唔夠熱同crispymash potato有點hea,味道okcoffee ma......要加大量奶至飲到不過,有得坐下,是但啦

個環境真是幾似茶餐廳BUT商場餐廳便是這樣都叫做給茶餐廳坐得舒服D雞湯天使麵配雞柳及蘑菇, 湯是OK, BUT個白汁 好咸..而個CHEESE多士配練奶便OK, 大家都可以整到既野食.

未夠鐘睇戲, 嚟呢度諗住飲杯嘢食個tea抖吓因為係weekend, 所以都幾滿座, 不過都唔駛等就有位嘞兩個叫咗兩杯嘢飲, 一個跟tea set:蘋果蘆薈特飲($26) - 好'清'甜, 略為淡咗少少芒果等飲($24, tea set+$8) - 呢個又太甜, 朋友加咗半杯清水溝淡, 先至啱味芝士火腿蛋酥($32) - 等廿分鐘先有得食, 都抵的, 因為焗的好香, 芝士溶溶哋, 正~原本諗住坐到夠鐘, 想傾吓偈咁, 但係呢度實在好嘈, 食飽就行街行到夠鐘入場算

我想我有差不多兩年沒有光顧 Delifrance 了, 聖誕節在葵芳逛街食晚飯, 看見 Delifrance 不用等位, 於是便入內點菜.我們叫了一個大蝦蟹柳田園包, 一個芝士焗肉醬寬麵, 和加 HK$25 配湯和飲品.食物來了, 我們知道為何聖誕夜餐廳會不滿座, 因為食物份量很少, 大蝦蟹柳田園包是麵包內有些蝦和蟹柳, 配一點白汁, 麵包本身的size 已很小, 內裡的蝦和蟹柳當然也不會多. 記得我們曾在飯廳吃過類似的菜式, 又在澳門吃過咖哩雞麵包, 但從來沒有見過餐廳會用一個那麼小的麵包來做這個菜式的. 這個大蝦蟹柳田園包賣 HK$65 左右, 實在是貴得很.我們想另一道芝士焗肉醬寬麵應該會正常一點吧, 怎料這個肉醬寬麵的顏色竟和快餐店的焗豬扒飯一樣! 醬是有一點, 肉就少得可憐, 這道菜只占碟子高度的三分之一, 可以想像是因為只有醬汁和寬麵而沒有肉在內. 這個價錢是 HK$69 左右.我想我又會年多兩年都不光顧 Delifrance 了, 直至我忘了今個聖誕夜吧!

今日12-12-09(Sat)同男友睇完戲行街買完o野後,男友話想食啲o野,o岩o岩下午茶時間,諗吓呢間諗吓o個間,見呢間冇人等位就呢間啦.我o地要o左兩個tea set:2. $39.00o既迷你蛋批(兩件),法式小蛋糕,迷你白汁碎蛋撻及杏仁金磚呢個先到,男友急不及待地先試o左法式小蛋糕同杏仁金磚,試先後者後,佢即刻大讚好食,並叫我食.咁我就先食, 真係好味,甜甜地同外脆內軟,係好有驚喜o既.之後我試法式小蛋糕,係一件好普通好普通o既蛋糕仔,唔太軟熟亦唔滑,一般o既.然後係迷你蛋批,呢個係有啲餡,但我食唔出咩o野o黎,只覺得唔係咁好食.而迷你白汁碎蛋撻由男友食o左,我冇食到.1. $32.00o既迷你白汁碎蛋,白汁吞拿魚及香芒雞肉芝麻泡夫配鮮果.男友先食一個,我問佢係邊隻味,佢答吞拿魚,啊,share食一個泡夫都幾難,咁我唔試喇.我試另一個香芒雞肉芝麻泡夫啦,食落,呢個至係吞拿魚,咁男友到底係食o左邊隻?佢話一pat o野咁,味道勁似吞拿魚.其實唔知職員有冇攪錯到,畀兩件白汁吞拿魚我o地呢?然後我食白汁碎蛋,呢個一般,冇問題啦.而鮮果就有半粒紅提子,芒果粒同蘋果粒啦.兩個餐飲要熱檸水

朋友既信用卡有優惠，是夜既晚飯就一試Délifrance既套餐忌廉湯: 又濃郁又滑，飲到有小小辣味，唔知係落左咩調味呢，我覺得好好飲夏日天堂: 即橙汁加七喜特飲，冇咩特別。迷你煙三文魚凱撒沙律: 菜係新鮮既，可惜個汁同芝士比得唔夠，冇咩味蒜蓉包: 蒜蓉很多很香，配上脆卜卜既包，簡單而美味白酒忌廉汁蜆肉蘑菇天使麵: 呢個超難食!!!!!!! 天使麵煮到一patpat咁食落口好似食緊漿糊咁 同友人食左啖都徹底絕望!!!!另外，天使麵上裝飾既沙律菜極不新鮮，睇左都幾影響胃口，真係唔放好過放烤汁燒雞香草厚批: 熱辣辣，烤汁配燒雞juicy又惹味，香草批亦不錯焗朱古力蛋糕伴雲呢拿雪糕: 朱古力蛋糕很濃郁但有點過於鬆散伴小小雲呢拿雪糕一齊食，又冷又熱，都幾滋味既 食左咁多野，埋單才一百加一毫，超抵食不過，套餐一次就夠啦，下次食番包會穩陣d

今天我們決定去離島一日遊, 出發前當然要醫左個肚先, 好想與你一齊悠閒的嘆個早餐, 最後選左係屋企附近的Delifrance.係我來到前, 你巳拿好位, 呢間店舖自己座落一角, 環境舒適, 兩個人坐係沙發櫈卡位上, 好寬敞好舒服, 證明自己無選錯地方, 至於野食方面, 雖然兩個早餐都由我話事, 但心大心細的我遲遲拿不下主意, 其實最鍾意呢度的白汁雞蛋法包, 但早餐牌上唔見有, 最後選了一個有洋蔥燉蛋, 粟米粒, 腸仔, 以及長法包; 另外一個有炒蛋, 麥包, 粟米, 生果杯, 叫完後先後悔無叫到牛角包, 我都話女人丫, 就係咁坐得舒服, 耳邊聽住情人的甜言蜜語, 等的時間長少少巳不那麼重要, 食物方面其實都唔錯, 每樣野都少少份量, 勝在多款, 洋蔥燉蛋我覺得麻麻, 如果鍾意食滑蛋的人可能會覺得唔錯, 口中食緊自己碟中的粟米杯, 梗係覺得對面食緊的炒蛋配牛角包會更加好味假日來嘆個早餐呢度的確係唔錯的選擇, 對於我黎講, 最主要係有你的陪伴.

Food:迷你煙三文魚凱撒沙律, 沙律一般, 得一片三文魚, 菜都新鮮.意粉:　味道賣相一般, menu 的相美味得多三文治: 包太乾, 不新鮮紅湯: 算好白湯: creamyDrink:熱lemon tea:　color唔靚, 不好味凍coffee: 好苦, 不夠milk, 追加milk才可飲, 差

難得與老友血拼後食晚飯，當晚她要吃齋，所以選擇不多。有一個HSBC咭優惠，二人套餐只是$14X，十分超值，可惜不對口味，最後散叫。凱撒沙律-要普通size，份量超細。白汁碎蛋百吉包-當我咬第一口時，麵包超腍，完全沒有法包的香脆，似隔夜貨式，連翻烘這動作也懶得動。後經投訴後，侍應姐姐亦很有禮貌的換給我們。換了後的法包香脆非常，完全與原先是兩回事。香蒜蘆筍雜椒炒天使麵-紅、黃、綠等顏色非常豐富，已吸引食慾，再加上少少辣來刺激胃口。炸薯角-新鮮熱辣即炸起，入口甘脆又燙熱，我的舌頭也給它弄傷了。這碟脆薯角只是$27，份量甚大，兩個女仔很難消滅這一客炸物。現在的Delifrance多了不少甜品，心知水準一般，也要兩額來試試，落單時並要求雪糕要大大球的。軟心朱古力蛋糕伴雪糕-疑似的心太軟，蛋糕中央像已切開，早已倒入朱古力漿。蛋糕質地似鬆軟的雪芳蛋糕，而雪糕size真係特別大球，十分多謝侍應哥哥。但雪糕有點怪怪，像沾了凍肉的味道。焗香蕉果仁撻伴雪糕-最欣賞是撻皮夠鬆化，但少了點點香蕉及牛油香。論食物水準只是一般，但服務態度就非常好。