Bistro on the Mile

營業中

休息中

今日去咗金域假日酒店嘅Bistro on the Mile歎新推出嘅「灸熱黑石燒烤盛宴」半自助晚餐🥳🥳🥳🎏先講咗重頭戲先！😋🥳火山石板已先預熱到高溫小心熨手，唔好心急呀！🎏新鮮高質鮮嫩嘅牛肉，3個唔同部位 ，3個口感，3種滋味分別係美國安格斯肋眼牛扒、牛柳，同埋😅澳洲穀飼西冷牛扒一次過滿足晒鐘意食牛排嘅你！🎏識食嘅朋友都知道首先要用番牛本身嘅脂肪去烹調跟住就要挑戰自己嘅烹調技巧喇親自烹調可以控制到自己喜好嘅生熟程度跟住依個人口味加入提供嘅黑胡椒、喜馬拉雅山岩鹽、芥末、紅酒汁或Bearnaise sauce當然！如果你無信心自己燒嘅話職員都好樂意幫忙㗎！其實在入座後職員好細心會問定客人上熱石燒嘅時間好讓客人可以慢慢享用出面自助區豐富嘅前菜、沙律、餐湯、壽司，甚至刺身和凍海鮮都有例如凍蝦、龍蝦、翡翠螺、麵包蟹、藍青口等。雖然食到好飽 但甜品相當吸引😂😋楊枝甘露、藍莓cheese cake、各式各樣嘅蛋糕和奶凍等等仲有多種口味嘅Haagen Dazs雪糕🍦真係挑戰大家嘅食量🤣今晚真係食得好飽好開心📌溫馨提示：如果覺得熱石板溫度唔夠可以通知職員更換新板㗎

我地兩位7/10/2023去食lunch buffet：1) 三文魚刺身裡面我太太食到有魚骨，唔明白點解餐廳唔徹底起骨嘅情況之下仲可以俾客食，尤其是當日有好多老人家幫襯；2) 我地攞多幾塊細羊扒，每次經過侍應旁邊都總覺得會俾佢地望多幾眼，好似唔抵得我地攞咁多。我地係嚟食buffet㗎，冇搞錯吖！3) 我太太加檸檬開檸檬茶，攞多咗兩個茶包，就咁用手揸住，冇袋落褲袋。有個身形豐滿嘅女侍應每次經過都會望多我地一眼，哩埋一角俾個射哩眼過嚟，侍應之間仲一傳二二傳三三傳四，以為我地睇唔到。兩三個茶包值幾多錢吖！國際品牌酒店都做到咁小家，我地都係第一次聽頭一次見，聞所未聞；4) 當日我地食過三文魚刺身(點豉油wasabi)、波士頓龍蝦(連獻汁)同埋羊扒(加蒜茸汁/紅酒燒汁)，食完之後當日嘅下晝到夜晚都非常之口渴，要猛咁飲水。我地有理由懷疑有d野(唔肯定係邊樣)係加咗味精。我地已經blacklist咗呢間野，唔想貼錢買難受，更加唔想自己食得辛苦。一樣嘅優惠好多餐廳酒店都有做，一樣食得過癮食得飽……

第一次來這餐廳，未夠鐘排隊等開門。接待員很有禮貌，開門後逐一為客人安排入座，井井有條。進入餐廳，發現餐廳環境開揚，光線透過落地大窗入到室內，令人感到十分舒服。檯與檯的距離適中，通道寬闊。我們兩人安排一張四人檯，隨身物品可放旁邊。待應服務也殷勤，不時為客人添加開水，收碟。食品選擇不算很多但足夠，有自助餐基本佈局，冷盤、熱盤、沙律、剌身、甜品。港式燒味，燒肉，叉燒、油雞、燒鴨，味道甚佳。第一輪有燒肉，第二輪換了叉燒。我喜愛燒肉皮脆充滿油光，夠入味。避風塘炒龍蝦蚶，大大隻，面層蒜粒香口不過內層蝦肉味道較淡口。忌廉蘑菇湯，蘑菇味濃厚，入口綿滑。冰鮮有小龍蝦、翡翠螺、青口、凍蝦、麵包蟹。小龍蝦的肉質爽。麵包蟹沒有什麼味道，有少少膏。燒雞，燒西冷。兩款都燒得恰到好處，牛肉保持嫩滑。印度食品，有燒餅，燒雞件，印度米飯，多款咖哩醬汁。燒餅加上咖哩汁很好吃。麵檔，即煮即吃，材料選擇普通。剌身夠凍，鮮甜美味，只是三文魚是厚切的，切薄些會更好。桂圓紅棗雪耳糖水，材料足，不會太甜。甜品喜歡芒果拿破倫，意大利芝士蛋糕、開心果凍杯。午餐有兩個半小時享用，炎炎夏日坐在這餐廳慢慢吃，吃飽很滿足。

暑假到喇🥳🥳🥳終於可以放鬆心情去食吓玩吓喇🎉「正宗避風塘海鮮盛宴」自助晚餐🦞🦐🦀可以舒舒服服在酒店環境中品嚐避風塘風味傳統經典菜式🎏避風塘炒蟹🎏避風塘炒龍蝦🦞🎏煎蠔餅🎏干鍋炒象拔蚌蝦球🎏蒜蓉粉絲蒸扇貝等象拔蚌味鮮爽滑😋扇貝蒸得剛剛好👍凍海鮮類超越一般自助餐水準🎏凍蝦🎏凍藍青口🎏麵包蟹🎏小龍蝦🎏翡翠螺等龍蝦🦞爽口彈牙凍蝦🦐肉爽鮮甜翡翠螺爽彈味鮮刺身種類繁多🎏三文魚刺身🎏吞拿魚刺身🎏希靈魚🎏鯛魚刺身🎏八爪魚刺身🎏甜虾🎏帶子等熟食方面好多選擇 🎏西蘭花蒜蓉炒蝦仁🎏燒肉眼牛扒🎏燒火腿配蜜糖燒汁🎏印度烤羊排🎏燒味拼盆 （油雞、燒鴨、乳豬😋）🎏花膠花菇燴海參等 （限量供應）乳豬夠瘦皮又脆花膠海參夠厚身 炆得又好味仲有一般buffet 有嘅壽司、日式前菜、各款芝士、冷盤、甜品、生果等等甜品種類都好多 🎏蛋糕🎏奶凍🎏葡撻🎏啫喱🎏泡芙🎏Haagen-Dazs雪糕等最難忘就係聽到鈴聲 見到人龍等待的雪糕三文治兩件曲奇🍪夾著雪糕 加上一個馬卡龍賣相靚靚 又好味😋整體成晚食得好開心 座位和攞嘢食嘅地方好寬敞食物供應好充足每次出去都唔會無晒嘢食

雖然入會要大概$2088但入咗會之後有成 兩張$500同兩張250 coupon兩個人食個晚餐有會員六七折 再用$250coupon每個人$194就已經可以食到都算好多款式嘅下午茶 Bistro on the Mile - 金域假日酒店下午茶：自助餐成人價錢：HK$2 68 （星期六至日及公眾假期）優惠後：268x2 -250 x0.68=194/2人仲有成日都出晚餐優惠會員就有六折以下係晚餐自助餐嘅相大家睇吓真係都算多嘢食

前題我book位唔知佢幾點開始，咁我預左7點到應該都ok，咁我就7點入黎一眼財大部分食物都差唔多食哂到8點，但佢都無加過佢知壽司千祈千祈唔好食（明將好過佢）牛肉切剩少少又放左係到 無人食既位蒸魚永遠得魚骨生蠔仲過份師傅都唔會係到（迷你蠔）收碟速度慢 但影響唔大仲有仲有永不會主動加水，可能有人覺得唔合理 有需要自己叫人 但我都係用同價位既酒店餐廳比較食物品質 味道正常既，ok唔好唔差同價位完全不建議呢間。。。

大家有冇食過創新嘅檸檬mousse 蛋糕？尖沙咀老牌酒店喎，食物水準應該不錯吧！訂了個lemon mousse 蛋糕吔，點知難食到超乎你想像，超厚牛油溝糖和米通做蛋糕餡，面揸一浸lemon mousse，雪完後變成冰山一樣硬嘅物體。糖價最近便宜嗎？我不懂，只知道那蛋糕甜到苦😱！咁都算啦，創新嘛，與時並進！用刀切都唔入，硬到差啲要借豬肉榮把菜刀斬至得。出盡九牛二虎之力切下去，點知啲米通碎晒，睇見都唔想食，整個掉入垃圾桶，冇眼屎乾淨盲。奉勸各位避之則吉，小心中伏，完！

🎂好朋友大日子，生日快樂👏， 一行二人，尖沙咀金域假日酒店 「Bistro on the mile」品嚐自助午餐，適逢五、六月 主題「Prime 級牛肉」鍾意食牛嘅我，非常期待🤗餐廳環境舒適，坐得舒服啲凍海鮮：味道都幾好麵包蟹，有膏喎，但係麻麻哋，怪味😂凍蝦，啖啖肉，夠彈牙、翡翠螺、小龍蝦、青口燒美國牛肉蘆筍卷，嫩嫩牛肉香水牛芝士配番茄 松子香醋煙三文魚點心： 牛肉燒賣、大大粒晶瑩蝦餃，中式：燒味燒鴨、油雞、叉燒豆腐火腩夠入味粉麪檔甜品： 款式多，個人特別鐘情 芝士蛋糕火腿、沙樂美腸精選芝士嘩😋糖水勁好味，滋潤不太甜龍眼肉、紅棗、枸子甜蝦鮮甜，肥美三文魚

為咗避人潮，所以我提早咗同阿媽慶祝母親節。因為我哋本身都好鍾意食牛，見到最近佢哋5至6月進行「頂級美國牛肉自助餐」主題。之前都有嚟呢到食過Buffet Dinner同Tea，所以唔洗諗，就Book咗呢到。價錢合理，地點方便!當中美味嘅牛品包括: 威靈頓牛柳、燒有骨肉眼扒、燒美國牛肉蘆筍卷、泰式牛肉沙律、墨西哥牛肉夾餅配莎莎醬 威靈頓牛柳 - 好香牛肉味! 唔鞋口，超正!燒美國牛肉蘆筍卷泰式牛肉沙律 - 第一次食，好好味呀!!冷盤沙律類，都有好多款式!中式嘢乳豬、燒味。熟食類都好多款式，海鮮、肉類都有!仲有日式炸天婦羅冷盤仲有龍蝦(超多膏)、麵包蟹 (超多膏)、凍蝦、翡翠螺等。兩個細路最鍾意就係甜品corner、仲有Haggen Daz雪糕。有壽司、刺身，選擇都多。有芝士焗龍蝦、燒羊架!!當晚Live Cooking，職員一晚敲咗3次鐘。職員一敲鐘，就可以出去排隊拎蟲草花鮑魚燉烏雞湯、墨西哥牛肉夾餅配莎莎醬及3.6 牛乳燕窩燉蛋白。三樣都好正!!! 蟲草花鮑魚燉烏雞湯墨西哥牛肉夾餅配莎莎醬食物選擇都多，食到超級飽，好滿足呀!阿媽都表示好滿意今次嘅慶祝安排呀!!

「頂級美國牛肉主題」自助晚餐😋超多牛肉嘅菜式！凍龍蝦、帶子甜蝦三文魚刺身、燉湯、甜品水果⋯新鮮好食牛排骨西冷牛扒燒有骨肉眼扒威靈頓牛柳金菇美國牛肉卷款式都幾多選擇！凍龍蝦、凍海鮮好新鮮鮮甜！必食刺身大大粒帶子、甜蝦、三文魚好鮮味、海參鮑魚燉湯、蒜蓉粉絲蒸扇貝、芝士焗龍蝦、燒乳豬質素唔錯超滿足！響鐘必拎「墨西哥龍蝦牛肉夾餅配莎莎醬」響鐘必拎「3.6 牛乳燕窩燉蛋白」地點超方便啦！地鐵一出就到！坐位闊落坐得舒服，窗口位望住街景都幾正～有b b椅，兒童餐具提供！

今次幫襯嘅係 Holiday Inn金域假日酒店，係正彌敦道旁，尖沙咀站步行1分鐘即可抵達，勁方便~雖然約7-8成滿座，但餐廳座位闊落，幾舒適！食物菜式來講，我最鍾意佢每晚分3時段出嘅signature，佢嘅海膽鰻魚炒飯同花膠燉雞盅超好食，食過堅係翻尋味！日式串燒、溜心蛋拉麵同壽司凍盤都十分唔錯，串燒係即整的，新鮮熱辣香脆，而Buffet唔少得嘅生蠔海鮮佢都有，唯獨甜品款唔夠多，少少失望，整體而言，餐廳環境以至食物質素都幾好，食得過!

以前系FCC 會員，所以成日嚟，自從冇續會之後，已經好耐冇嚟，今日嚟食下午茶自助餐（3:00-5:00），可能因為假期關係，全場差唔多滿座，而且有不少小朋友。水牛雞翼、唐揚炸雞、鬆餅、椰撻仔吾錯，卡邦尼意粉太乾，炒公仔麵吾熱，碗仔翅冇味。燒賣以前是豬肉餡，現在是魚肉麵粉餡，真是將價就貨。炸灼了一碗豬腩金菇魚片蝦拉麵，湯頭味道適中，加左啲唐芹，幾好食。甜點加了一些復活節元素，肉桂十字包、朱古力旦和甘筍蛋糕。飮品是自助的，波蘿汁、橙汁、熱朱古力，咖啡和茶，雪糕是 H 字頭，有4款選擇，朱古力、雲尼拿、士多啤梨和cookies & cream ，沒什麼驚喜。埋單 $523.60/2位，久不久食下，可以啦。題外話，見到待應大家姐Liza ，好親切，原來Liza 已經服務超過四十年，真係吾容易。

好耐無食自助餐, 老公生日想食好少少🤪, 又想食凍龍蝦又想食生蠔, 搵左好幾間, 就揀左方便少少既 "Bistro on the Mile"!款式都算多🍴凍盤🍴🦞龍蝦 (有膏算大隻, 但唔算鮮味), 🦐大蝦 (偏細隻又唔爽口), 青口, 螺, 🦀麵包蟹 (真心唔好食), 🦪生蠔 (海水味濃, 鮮甜, 但超級非常細隻)🍴熱食🍴來來去去都係燒味, 炒野, 蒸魚, 天婦羅, 咖喱, 串燒.. 味道一般!🍴冷盤🍴有好多 cold cut, 芝士, 煙三文魚, 壽司, 刺身... 都係味道ok, 但無咩特別!🍴甜品🍴款式唔算多, 都係啲蛋糕, 味道唔太甜, 都ok 既!成餐飯唔好太有期望都ok既, 另外如果想餐廳準備生日要加 $40, 所以都無加😂地址 : Bistro on the Mile尖沙咀彌敦道50號金域假日酒店1樓評分 : 6/10

今晚嚟到尖沙咀Holiday Inn Golden Mile，Bistro on the Mile食自助餐。今次經Kkday 訂嘅，2月做緊買二送一，1420蚊/3個人，除返每人473。嚟到3月份更加抵，晚餐做緊770蚊買一送一。點解會平咗？你睇完就知佢跟本唔值呢個價。今晚係full booking，我會話呢間係自助餐戰場，因為啲食物喺要鬥快搶，稍為慢少少你都唔洗食。Refill速度極奇之慢，有啲菜式甚至乎無。派到窗口位，個景就幾靚。每隔一段時間佢就會響鈴，排隊攞啲特別菜式，首先嚟嘅係呢個燉湯，有鮑魚，海蔘，花膠，啲餸都唔細件，湯質薄身，味道適中。嚟到刺身區，刺身得幾款，吞拿魚開閘已經無晒。壽司，普普通通。啲刺身只係普通，無特別。第二轉攞到吞拿魚個肉竟然有啲梅，應該解凍做得唔好。海鮮未出手已經得返伶仃幾隻，仲要無咗蠔，款式唔多，半場個師傅去埋休息直頭唔想做俾你咁，咁你不如俾我自己夾啦。龍蝦已經算係最值得攞同有貨，普普通通，青口意外地好食，鮮甜抵讚，蟹無咩特別，個螺都爽口，個蝦無痴殼無梅，算係咁。蠔中後期佢係收埋唔俾你睇到，問先有，又細又瘦。冷盤佢兩款冷盤杯個人覺得賣相最好，一款係蝦另一

食過呢度的自助晚餐，反而自助午餐第一次試。午餐由中午12點開始至下午2:30，本身地方唔算特別大，但都很多人。比我想像中款式多。有湯麵類，正常。點心有幾款，正常。沒有生蠔，但有蝦同麵包蟹，青口。味道正常。有幾款沙律。熟食款式都唔少，有燒味，炸物，羊架，牛肉。味道全部都好食。飲品亦有機沖的咖啡朱古力。最令我驚喜竟然有罐裝汽水，任飲。甜品款式唔算特別多，但是味道大致上都係好食。另外，仲有哈根大師雪糕杯裝。