影片
營業時間
今日營業
10:00 - 20:00
星期一至日
10:00 - 20:00
公眾假期
10:00 - 20:00
公眾假期前夕
10:00 - 20:00
以上資料只供參考, 請與餐廳確認詳情
走到裕民坊覓食，發現 HeySoNut 姊妹店在這裡開分店，就決定來試試看啦！就在商場2樓小角落，環境不會感到嘈吵。環境分為兩邊用餐區，簡約裝修環境舒適，半開放式位置感覺特別一點欵。食物有套餐和散點，價格不算太貴的，而且食物大份賣相吸引😎。-冰釀咖啡 HKD$64 | 朱古力鮮奶咖啡 HKD$44飲品選擇有幾十款，咖啡、手沖咖啡、鮮奶飲品及花茶，要來多幾次才品嚐到不同口味哈哈。冰釀咖啡有冰球在裡面，在浮動時帶點晶瑩剔透的閃爍感📸。每一口也是冰涼濃厚的咖啡，在這個悶熱的天氣有透心涼的感覺。朱古力熱鮮奶咖啡拉花吸引，口感順滑味道不會太甜，與香濃的咖啡比例剛好。-香煎口水雞扒窩夫漢堡配雜菜沙律 HKD$94把中式美食融入西式漢堡，嶄新融合料理值得一試欵。用的是咸窩夫製成漢堡，所以份量較大一點😌。雞扒大件厚身啖啖肉，味道辣得過癮，而且調味不會太咸。雜菜沙律新鮮爽脆，可以中和一下口水雞的辣味。-日式炸豬扒漢堡配雜菜沙律 HKD$92漢堡份量十足有層次感，炸豬扒酥脆不油膩，肉質厚身有肉汁中，醬汁香濃惹味。女生吃要小心點欵😂，漢堡有份量要切件吃哈哈。想吃酥脆香口炸薯條，轉炸薯條 +$20就可以，金黃色賣相口感酥脆。-三重朱古力窩夫配朱古力雪糕 HKD$96全份窩夫不用百元就吃得到，賣相很吸引，打卡效果很可以欵😆。用了三款朱古力製，由味到濃味的也有，甜而不膩的味道，感覺很可以欵。熱辣辣的窩夫口感酥脆，吃得到外脆內軟的質感🤤。窩夫裡暗藏朱古力醬，但沒有因此而變軟，所以做得挺好的。-
繼續閱讀
呢間係以黑色為主調的Cafe，環境舒適，好適合同朋友傾偈或者自己一個人靜靜地享受美食。今次試咗佢地兩款主食，兩款小食同飲品，整體感覺幾唔錯。🐮慢煮牛面肉配蒜蓉炒意粉 慢煮牛麵肉口感軟嫩，肉味濃郁，配上蒜蓉炒香嘅意粉，味道層次豐富。🐤香煎口水雞扒漢堡包配雜菜沙律 超特別的口味😆口水醬汁微辣帶香，辣得過癮。雞扒煎得外皮香脆，內裡多汁。配埋新鮮爽脆沙律，可以中和雞扒嘅油膩感。🐤水牛城雞翼 雞翼外皮香脆，醬汁香辣惹味，鍾意重口味嘅朋友應該會幾鍾意。🦐自家製手打雞肉蝦餅又係出色自家制料理，彈牙雞肉加蝦膠，炸到卜卜脆, 味道好夾喎！☕️Coffee Tonic 咖啡味濃郁，配上Tonic Water嘅清爽，係我中意的味道👍🏻☕️玫瑰蜜桃果茶 玫瑰蜜桃果茶清香怡人，甜度適中，好適合食完濃味食物之後飲用，可以解膩。🌟呢間Cafe環境舒適，食物質素唔錯，價錢合理，仲不收加一，好值得再去。
繼續閱讀
今日同老公去屋企樓下食飯，呢間咖啡店走簡約工業風，牆身用咗深色木系同水泥元素，搭配柔和嘅燈光，感覺舒服。店內座位唔算太多，但空間感十足。我哋叫咗幾樣嘢食，首先係慢煮牛面肉配蒜蓉炒意粉，呢個真係好好食！牛面肉煮得好淋，入口即化，蒜蓉炒意粉香氣十足，意粉煮得啱啱好，唔會太軟，撈埋啲蒜蓉一齊食，味道好豐富，絕對係必試之選！評分：👍🏻👍🏻👍🏻👍🏻👍🏻/5跟住係香煎口水雞三文治配雜菜沙律，呢個都唔錯！三文治嘅雞肉煎得香脆，配上微辣嘅口水雞醬汁，好惹味。雜菜沙律新鮮爽脆，加咗少少醋汁，酸酸甜甜，好開胃。評分：👍🏻👍🏻👍🏻👍🏻/5小食方面，我哋叫咗水牛城雞翼，雞翼炸得外脆內嫩，配上經典嘅水牛城醬汁，酸辣得嚟又唔會太嗆，好適合送啤酒或者咖啡。評分：👍🏻👍🏻👍🏻/5甜品我哋揀咗三重朱古力窩夫配雪糕，窩夫外脆內軟，朱古力味好濃郁，加上朱古力醬同朱古力雪糕，真係朱古力愛好者嘅天堂！食完之後好滿足，不過建議兩個人分享，因為份量都幾大。評分：👍🏻👍🏻👍🏻👍🏻/5飲品方面，我哋叫咗Cold Brew同Coffee Tonic。Cold Brew口感順滑，咖啡味濃郁但唔會太苦，好適合慢慢歎。Coffee Tonic就比較特別，咖啡同TONIC嘅組合，帶少少苦澀同清新嘅氣泡感，好適合夏天飲。評分：👍🏻👍🏻👍🏻👍🏻/5整體嚟講，Black Coffee嘅食物質素好高，環境舒適，好適合同朋友傾偈或者一個人靜靜地享受咖啡時光。整體味道指數：😋😋😋😋/5性價比：💰💰💰💰/5環境：❤️❤️❤️❤️/5服務：✅✅✅✅/5
繼續閱讀
食完正餐，就緊係要食甜品架啦!!😆 我自己留意左旺角果間分店好耐，但一直都無時間去試，居然比我發現觀塘有分店😯，即刻去試😏。旺角分店其中一款人氣甜品就係髒髒提拉米蘇$68未食就已經聞到朱古力香😌，食落D cream好滑、好濕潤、酒味好濃、手指餅好脆，頭幾啖都OK，但食多兩啖就覺得味道好單調，而且開始覺得溜😂，呢個時候要連同旁邊嘅朱古力碎或餅一齊食，可以增添變化。雖然呢款甜品份量唔算多，但我極度建議兩人share嚟食，否則會由喜歡食到尾變討厭😅 由於我朋友唔中意呢款tiramisu，結果我一個人食哂，真係好溜、唔想再食…😑另一款人氣推介甜品就係三重朱古力窩夫$98(全份)呢個窩夫幾大份，一共有六件，兩個人Share食啱啱好!! 即叫即整，食果陣外脆內軟，由於粉漿加左朱古力粒，提升左朱古力濃度外，亦多左一份焦焦地嘅朱古力香，齋食窩夫已經好滿足🤤。另外配上一球朱古力雪糕、少量朱古力醬同朱古力碎，真係錦上添花。中意食朱古力嘅朋友仔，呢款甜品一定可以滿足到你😏。小店無加一，可以信用卡付款。
繼續閱讀
屋企附近有間隱世cafe，食物水準高，性價比高，我哋一家都成日幫襯。窩夫係我哋必點嘅item，因為有蛋香之餘，仲整得外脆內軟。今次家姐就點咗 蛋沙律窩夫配雜菜沙律，兩球大大嘅蛋沙律同個窩夫都好夾，配埋蕃茄同雜菜沙律，好味又健康！而細妹仍然係口水雞忠粉，所以今次encore 香煎口水雞扒漢堡，另加$20 轉薯條，小朋友至愛。口水雞係辣嘅，雖然細妹係接受到，但唔食得辣嘅朋友仔要注意啦😆 成份漢堡比較大，真係唔可以手揸住食，超足料呢！上次食完慢煮牛意粉，今次就轉吓食 龍蝦濃湯意粉配虎蝦。意粉一樣保持水準，軟硬度適中。個龍蝦湯味超香濃，再配幾隻彈牙虎蝦，好滋味😋見到 日式炸豬排三文治 都好吸引，豬排炸得香脆，但入面都keep到肉質鬆軟。再用竹炭麵包夾埋蕃茄，解油膩又特別喎！大食嘅我哋仲叫咗個小食 手打雞肉蝦餅 😉 之前都想食，因為係Black Coffee自家製出品，將雞肉配彈牙蝦肉，好特別！兩個妹妹最後指定動作，一定要食朱古力控都like嘅 三重朱古力窩夫 做甜品！有朱古力粉、朱古力碎、朱古力雪糕🍦去夾住窩夫🧇一齊食，真係食到lam lam 脷！
繼續閱讀