影片
以上資料只供參考, 請與餐廳確認詳情
今日朝頭早去灣仔做野，見到呢間鋪頭賣腸粉都咁多人排隊，忍唔住試吓，買咗一碗腸粉燒賣牛肉配凍飲腸粉比一般出邊食到嘅滑好多，亦都好香，至於燒賣亦唔係出邊嗰啲淨係用麵粉做嘅感覺，蒸出黎唔會太硬或太淋，配上佢啲醬汁好惹味，甜醬香麻醬濃，上面加上芝麻幾香。唯一要講講嘅係牛肉球比較多肥肉，感覺比較肥，粉較多。但整體來講早餐分類算多，感覺不錯。
繼續閱讀
謝斐道大把食店，但講到早餐快捷之選，非bubble green莫屬今次係香蕉花生醬麥包，完美配搭，高纖營養高，食左佢一個早上都唔會餓。適合一早就想食甜野嘅人最重要係簡單夠fresh,唔洗一早就食成堆防腐劑落肚
繼續閱讀
又是趕頭趕命的返工時候，買平靚正早餐是常識吧！餐牌在當眼處。看！價錢很抵吃喔！其實是很貼心的，一份一袋。取出熱騰騰的熱狗，一咬下爆出溝了小粒酸瓜的旦黃醬，加埋雞肉腸，幾種滋味在一起夾埋微微焗過的熱狗包，令我的早晨充滿力量！跟餐買點了杯啡走，味道正常，不會太苦澀略嫌淡。
繼續閱讀
我已幫襯左呢間舖頭好幾年,由佢搬過黎太原街開始.主要係買早餐,因為近公司,一個星期都會幫襯一至兩次,起初覺得Bubble Green係唔錯既,但經歷過幾次不愉快事件之後...我多數買腸粉,每次都係同一位女士負責做剪腸粉和落醬的部驟.佢每次都會問我要唔要辣醬和麻醬,我每次回答後,佢都會落錯,仲要次次新奇,今次返到公司一打開盒腸粉乾到不得了,豉油都只得幾滴,好明顯叫我唔好再幫襯...同類型的情況已經試過好多次...呢次係第一次令我有如此不愉快的買早餐經歷!!!
繼續閱讀
Bubble Green的早餐打著「健康」的旗幟，但閱罷早餐餐牌，也不外乎是三文治、熱狗、燒賣、腸粉和糯米雞等食物而矣﹗16.6.14，要了中式早餐的腸粉燒賣配熱可立克$18，分別有三條腸粉和三粒燒賣，加了甜醬、芝麻和豉油後，外賣返公司吃。燒賣與街邊魚蛋檔之作相近，質感稍嫌較濕淋，欠缺嚼勁，且豉油不多，味道較寡。腸粉就更加差劣，入口粉粉腍腍的，毫無口感可言，醬汁味道也較淡口，吃了少量即作罷。呢期，厚多士大熱，19.6.14小妹也來湊湊熱鬧了，要了即製厚多士配熱檸蜜$20。厚多士餡料可選配奶油、奶醬、油占或醬占，識食的小妹當然要了咬口的煉奶花生醬厚多士。厚多士名副其實，麵包夠厚身，也烘得金黃香脆，入口熱辣而香口無比。多士內，塗了一大層滿滿的煉奶和粒粒花生醬。一口咬下，香脆鬆軟的多士，夾雜香甜幼滑而帶咬口的奶醬餡料，口感甚佳，甜蜜幸福洋溢一口之內，煞是滿足﹗
繼續閱讀