Bulldog Hotdog (永勝大廈) (已結業)

呢間良心熱狗店出名好味又抵食近期仲開左好多間分店 平均五十幾六十一個餐最近推廣嘅二人套餐$100就有2份熱狗汽水同小食熱狗非常大份 有我手臂咁粗💪🏻男仔食都唔怕會唔夠飽要大讚嘅係佢哋嘅熱狗包 係經過精挑細選簡出嚟嘅 比一般熱狗好食好多👍🏻🐷啲#黑啤肉醬熱狗麵包香港製造 咬落鬆軟比起出面熱狗店既包帶少少甜味 秘製豬肉醬使用黑啤烹製多左一陣麥香但係冇啤酒既苦澀味加埋芥末醬真係好夾👍🏻#德國風情熱狗熱狗上鋪滿德國酸菜絲酸得黎幾過癮配埋微微烘過既腸仔外皮脆口 咬下去又夠JUICY😍#特濃芝士熱狗加入了幾款芝士 唔怪之得啲芝士咁香濃每一口既芝士都可以拉絲味道調得恰好 濃郁得黎唔會覺得好油膩雖然感覺最邪惡 但亦係小編最想ENCORE既口味

睇見咁多人推介於是就走去試吓啦，第一啖咬落去食到嘅係啲平價嘅麵包，雖然佢個麵包外皮係有焗過，但係麵包裏面嘅質地好似空氣咁樣，最大鑊係佢條腸仔，食落去嗰陣味似有彈性嘅罐頭三花牌腸仔（即係平時做菠蘿腸仔嗰啲罐頭，雖然佢啲質地食到係急凍腸唔係罐頭貨，但係嗰陣味道好難食，咬咗兩啖我已經放棄，問店員有冇得揀腸仔，佢哋話要加錢喎。$4/50食啲咁嘅熱狗，其實有更多好選擇，總括嚟講我對佢哋非常之失望。見到佢哋分店仲越開越多，我開始有啲懷疑，喺香港係咪多人食嘅嘢就係好味呢？

建議： 堂食(立食)/外賣都得，舖面仲設有洗手盆，方便清潔👍堪稱為最正🌭的 Bulldog，係Sogo 後街就有一間啦 (佢地既熱狗包真係無得輸 🤪)。#試伏專員 K君中左佢地既 Giveaway (多謝) 🙆🏻‍♂️🙆🏻‍♀️ 所以第一次去銅鑼灣店食🌭之前 #好味 021 都有提過食過大埔店，本身仲以為銅鑼灣店淨係得外賣，點知原來有埋堂食。最重要係超方便，因為舖頭入面仲有洗手盆❤️ 唔洗驚食完油淋淋。今次試左：▫️櫻花蝦熱狗套餐 (HK$58+20)熱狗套餐包括小食 + 汽水本身好想試下皇牌熱狗，不過最後都係比 蛋黃醬x 特製明太子醬 x 櫻花蝦乾 吸引左🤪落左單5分鐘就拎得，面仲鋪滿左蟹子，每啖咬落去仲食到蟹柳絲🤣 另外個包真係不得了👍 脆得黎軟熟，份量夠大，好有飽肚感小食方面就揀左 芝士薯波，味道唔差。放到最後先食都仲好脆😎 除左薯波，仲可以揀薯角 同 洋蔥圈🧅

銅鑼灣太多好野食 但周圍都排晒排 男朋友就拉我去食熱狗本來想試期間限定既黑糖蘋果豚肉熱狗但太好賣無得食🥺🥺唯有試下個經典口味—————-招牌熱狗⭐️⭐️⭐️⭐️⭐️不得了 成個包既組合我比一百分無誇張😍首先個包面有少少焗薯皮咁既質感 而且有淡淡既香料 比坊間既熱狗做得更加細緻 酸忌廉唔會太出 好岩我既口味 而肉碎醬少少辣 中東風味十足 包既內層比醬汁浸到林左 但口感無變差到 重有啲似芝心 成個感覺好豐富 直頭覺得食緊pizza😋————————-松露蛋熱狗⭐️⭐️⭐️⭐️松露味好香 而且估唔到熱狗專門店既蛋可以炒得咁滑 份量唔會孤寒 絕對唔會差過其他餐廳 只係相比招牌 依款就比較平凡少少 可能我食熱狗都係鐘意辣既 但依款整體都係高水準作品👍🏻👍🏻—————-另外加$20就可以轉餐多份小食同埋飲品 我覺得兩個人黎食加一個餐就夠 因為熱狗本身都好大份 男朋友都有提過我 但我想試多隻味所以一個叫一個熱狗😂😂😂所以如果係兩個女仔我甚至覺得可接受share一個熱狗黎食🙊鋪頭唔算大 但都設有洗手盆 好細心既設計 之前睇過一個YouTube飲食Channel訪問老闆 睇得出佢對食物既熱誠 今次終於試到 真係好有驚喜

我今次係去銅鑼灣店，由於朋友推介就去試下啦，Mee會員仲有9折tim，入面有洗手盆、鹼液比客人洗手，但係冇坐位，得立食，大埔係有位坐住食🌭招牌熱狗 $55自製辣牛肉醬、酸忌廉、芝士碎、粟米脆片，麵包食得出有烘過，超多牛肉碎、同酸忌廉個配合食落好開胃，我食到停唔到口，啲料多到食食下係咁跌出嚟，加埋粟米脆片個口感正到呢🤤🤤，我一定會再幫襯套餐🍟薯角+🥤加系可樂 $20跟餐可以揀薯角、芝士薯波、洋蔥圈，我揀左薯角薯角新鮮炸好，份量多之餘，超脆，附上兩包茄汁，點落去超好食其實我食完個熱狗已經飽，平時食齊柏林我會食熱狗+大薯先有呢個程度，我覺得女仔嘅話一個餐都足夠兩個人食

一日一黃店-銅鑼灣良心大大隻熱狗 之前食過呢間大埔店 好評 幾多人排隊 呢日試試銅鑼灣店 竟然冇咩人 去咗試試.（餐牌睇圖）呢間嘅熱狗都係偏向大隻（可睇圖）每隻熱狗 手工麵包 熱狗腸 醬料配搭都有層次.呢日試咗幾隻熱狗 當中最吸引嘅係⭐️特濃芝士熱狗$44🥰呢個表面芝士量勁多 真係好呃like👍🏻用咗多種芝士 輕鬆芝士拉絲上天花板👍🏻因為芝士量多 所以相對飽肚‼️鍾意芝士朋友一定要揀呢個.⭐️美式風味熱狗$38有黑水欖 酸瓜蓉 洋蔥 茄汁 芥末🔥呢個啲墨西哥辣椒 好陰濕 好鬼辣似食緊pizza 我比較鍾意其他味多啲.⭐️櫻花蝦熱狗$55表面有好多蟹籽 同大量櫻花蝦乾😋櫻花蝦好香口 鹹香 獨立做零食都OK😋入邊有 蟹柳絲 仲有自家製明太子醬 蛋黃醬.⭐️金箔至尊熱狗$108一睇已經覺得好名貴 表面有金箔👍🏻表面用咗安格斯牛肉 同埋炸金菇 好脆身😋入面大量意大利黑松露醬 大菇蓉🤤呢個勁有層次 色香味 都滿足到.加$18 有小食同汽水洋蔥圈 外脆內軟 大概有8圈脆薯角 都夠脆 內有薯蓉feel.呢區生意真係好差 好似好多吉舖 即使係Sogo 旁邊人流都唔多 好驚佢地做唔住 鐘意熱狗既朋友仔要多啲支

要讚一讚個包 夠實！夠大！絕對唔係空氣麵包，上網睇原來先知道係人手做嘅包，而唔係空氣麵包。而且外面焗到夠晒趣！外脆內軟仲熱辣辣超好食😋條腸嚟講就好特別！唔似一般平時食開嘅熱狗腸外面會有層硬硬地嘅皮，真係似係自己整。依個牛肉肉醬就有好大浸香料味，應該唔係每個人都鍾意，但我就好喜歡啊，但係如果以前有去過正宗印度野食，你一定會好鍾意。芝士薯波下一行冇嘢好講，真係似係自己整，薯仔有薯仔味芝士又夠多！食完，開心！

.🔺bulldog hotdog(銅鑼灣店）.🔺皇牌熱狗（$60) 左邊好多料，主要食到陣味係好似肉醬味咁，成隻手板咁大隻，略嫌醬汁味重阻d,雖然有好多料，但係食唔出其他材料既味道。.🔺特濃芝士（$44)由好多種唔同既芝士混埋一齊，未有拉絲既口感，不過就有好重既芝士味，但唔會蓋過條腸既味，唔錯，細食既朋友食半個應該飽阻😂😂.🔺用app 外賣自取滿$100仲有折tim,基本上買2隻就折到嫁啦，不過唔知優惠去到幾時，good luck🤑🤑.📍 Bulldog Hotdog (永勝大廈) (銅鑼灣)銅鑼灣駱克道513-515號永勝大廈地下A號舖

黑糖蘋果手撕豬熱狗（期間限定）Price：$55📌比起齊柏林無咁出名，但味道可以話有過之而無不及🤩見到係期間限定即刻狗衝🏃🏻‍♂️熱狗Size超大個，上面鋪滿蘋果粒粒😋佢地用既係手工麵包，有陣烤過既麵粉香味🤤手撕豬好嫩滑，配BBQ汁超Juicy好惹味😍黑糖醬係麵包邊位，真係好出色，咬落去既時候黏係嘴角位甜而不膩🥳再夾埋小小酸嘅蘋果食又可以中和返👍🏻一個熱狗都咁足料真係超滿足🥳P.S. 店鋪有高枱堂食位，隔黎仲有洗手盤同梘液，洗乾淨哂雙手再戴返個罩走都唔遲🤗

今日同男朋友去買兩隻熱狗食，佢一直話想試，咁我地就買一個芝士一個皇牌啦，返到屋企先發現佢整左一個招牌一個皇牌比我，價錢都係收我一個招牌一個皇牌，咁我就打比佢同佢講啦，聽電話嗰個係幫我地收錢嘅女收銀員，咁我同佢講完之後，佢就同佢後面一個男人講，我諗個男人大粒啲掛？我買嘅時候都見到佢，跟住個男人話「咁佢想點丫？」我心諗，你做錯野唔係應該你諗點算咩？跟住佢就話「叫佢返黎換囉」，我就同佢講我返左屋企喇喎，跟住個男人又係態度勁差咁話「叫佢keep住張單下次黎比返差價佢囉」，就呢個服務態度，個包幾好食都假。皇牌招牌

今日當然帶咗飯，但係午餐想食得豐富啲，就出去買少少嘢食，有朋友提議買熱狗🌭️新開未試過就試吓，今次叫咗三個開心share🤤分別係王牌熱狗、美式風味熱狗同埋黑啤肉醬熱狗🌭️我覺得最好食嘅係黑啤肉醬熱狗$48，佢有秘製豬肉醬，車打芝士唔係用咗蜜糖芥末醬！食落去酸酸甜甜好開胃，同埋中和左芝士嘅鹹味！而且依間熱狗嘅包好好食，非常軟熟，熱狗店都寫明係自家製麵包即叫即整，我哋都見到佢即刻加熱個包😍😍推介如果鍾意食熱狗嘅朋友可以試吓！王牌熱狗 $60入面有焦糖洋蔥、安格斯牛肉、車打芝士同埋炸蒜，呢個熱狗食落比較豐富嘅口感，有多種層次嘅口味，但係呢個食落會覺得有少少膩，如果同人share食就會比較好😆美式熱狗 $38有墨西哥辣椒、黑水欖、洋蔥、酸瓜茸，比較常見嘅簡單配菜，食落去都幾開胃！下次再食想配埋佢嘅芝士波波食😚見到佢哋仲有墨西哥卷，下次都好想試吓

《 熱狗新選擇 🌭🌭 》熱狗我認為係一種幾特別嘅食物黎，用簡單嘅香腸，麵包同醬汁就已經俘虜一眾為食嘅朋友，我都唔例外😄🇩🇪 德國風情 $38一個熱狗要好食一啲都唔簡單，餐廳選用手工麵包，因此麵包好有麵粉香而且入口軟熟。德國酸菜亦別配上熱狗同滿滿醬汁亦別有一番風味。🥔 炸薯角 套餐+$18炸薯角即叫即炸，勁有薯味，雖然叫細份但份量一啲都唔細，每舊薯角都大大舊，勁滿足！

今晚突然想食包類當晚餐係選擇漢堡包同熱狗之際醒起銅鑼灣最近新開的熱狗店原來店仲有賣相對健康的墨西哥卷不過今日target係熱狗價錢係$4x-$6x今次食左黑啤熱狗有肉碎 同芝士舖面每啖都食得出黑啤味道加上個麵包皮都係少少脆👍🏻👍🏻好味推介!!

<即叫即製熱狗💛>~~🌭松露蛋熱狗 $55熱狗即叫即製 拎上手熱辣辣🔥味道選擇都有好多款 最後揀咗呢個松露炒蛋🥚炒蛋非常之滑😋 用咗北海道3.6牛乳🍼 再加上意大利黑松露 味道好香🤤腸仔外皮好香脆 咬開中間爆汁😆麵包食落有驚喜 質感好鬆軟👍🏻 唔似平時食嗰啲咁硬身~~評分📈味道 7.5/10性價比 7.5/10—Rating 📈Taste 7.5/10Worthiness 7.5/10~~🏠Bulldog Hotdog📍銅鑼灣駱克道513-515號永勝大廈地下A號舖

📍ʙᴜʟʟᴅᴏɢ ʜᴏᴛᴅᴏɢ人氣熱狗店係銅鑼灣開咗第四間分店❤️上星期咁啱經過就買咗返去同屋企人share食🥰佢哋店主打熱狗等快餐食物🌭🍟 熱狗款式都有好多選擇🙆🏻‍♀️-皇牌熱狗 $60呢個熱狗有安格斯牛肉、焦糖洋蔥、馬蘇利拉、寶伐朗、白車打、橙車打同炸蒜🤩熱狗外皮酥脆 中間夾住安格斯牛肉同脆皮腸😋食落去口感唔錯 芝士味濃🤤 櫻花蝦熱狗 $55呢個熱狗有櫻花蝦乾、秘製明太子醬、蟹柳絲、蟹籽同日式蛋黃醬🙆🏻滿滿嘅蟹籽咬落去口感好正 feel到啲醬、蝦乾同埋蟹籽係嗰口爆岀黎🤩食落鹹鹹甜甜 鍾意食蝦嘅可以試吓！蒜香雞胸墨西哥卷 $68墨西哥卷個size比我想像中大🥰中間夾住大大塊雞胸肉同沙律菜🙆🏻‍♀️ 食落去散發着淡淡的蒜香味 但係唔會好重🤭食完唔驚口會臭🤣黑椒雞胸墨西哥卷 $68入面嗰餡同蒜香雞胸墨西哥卷一樣🤣不過佢就唔係蒜味 係黑椒味 食落就辣辣哋😋仲意食黑椒同辣可以試下🙆🏻‍♀️ 墨西哥卷皮食落脆口🥰香草芝士雞翼 $15$15有2件芝士雞翼🥰 食落有淡淡嘅香草味雞翼上面仲鋪滿左滿滿嘅芝士🤩 食落有鹹香😋 美國水牛雞翼 $15 鍾意食辣嘅朋友仔可以試吓呢個！食落都幾辣🥰 仲意食辣嘅唔好錯