Burger Jobs (已結業)

今日男朋友仔話想食burger，咁就試下呢間啦！其實都留意左佢一陣，主要當然係俾佢既 Tiffany Blue 嘅包包吸引左啦！我諗好多女仔都係同一個原因黎呢度～ 佢個presentation同一般嘅burger唔同，唔會只係用碟上，而係用一個透明膠架裝沙律同薯角。薯角仲有一個印左Burger Jobs字眼嘅紙杯裝住，睇得出佢喺擺盤上有花過心思。但堂食都全部用膠杯丶紙托又係有d唔太環保。講返食物方面，我想講真係好足料，超超超大份，我自己一個人都食唔曬成個餐。配菜用左薯角而唔係薯條，我中意！沙律就無特別啦。主角係大大塊流心雞扒burger，咬到中間d芝士真係爆出黎嫁。Tiffany Blue嘅burger，其實唔係有特別口味，只係染色。我幾中意呢隻色，但男朋友仔就話藍色嘅色有d恐怖，所以佢叫左比較普通嘅三重芝士漢堡，都一樣唔錯嘅。最後佢仲有準備埋濕紙巾俾你抹手，呢點算係貼心嘅！

荃灣漢堡店推出芝士火山熔岩法包，法包變成小湯碗，裡面全部都係芝士！可以將配料，包括麵包粒、車厘茄點芝士食！連佢既自家手打牛肉漢堡都可以點芝士黎食，食晒所有配菜後，就可以將個佈滿芝士既法包食落肚！芝士好creamy好邪惡，愛芝之人咪錯過！有拉芝之餘, 芝士漿多到流晒出黎!厚切漢堡, 多肉多汁

之前睇電視節目見到個芝士流心雞排包幾吸引已經想試...不過成日行過見到入面都無人幫襯...都怕中伏...因為價錢都唔平琴日終於去試左...果然伏個包$88送沙律,薯角,汽水但沙律菜唔新鮮,薯角又林, 好難食個藍色包同想像一樣...純粹外觀,無特別味道個醬無咩味,而且醬淋係生菜上面,生菜d水令d醬流哂落去,一拎起流到周圍都係唯一ok係塊芝士流心雞排,但都炸太老,肉質唔夠滑,不過夠熱佢無得淨買包...一定要set..$88真係食垃圾純粹係卓頭吸引

睇住佢開，試業時一個客都無，本來想試吓，但被阿哥叫咪做白老鼠，於是等到今時今日荃灣友人前行身先士卒並且推介先嚟試。從裝潢、避孕套濕紙巾、四角錐體內藏啫茄汁空間時薯條兜、及為薯條兜和沙律杯量身剖做一個方形一個圓形開洞的阿加力膠架，可以店東很著重設計的藝術。最多媒體介紹的Tiffany Blue包，其實是藍精靈包比較貼切。這些特別包都是連set，八十多，反而其他經典包都是可以散叫。Size像老麥包，比它的大過面的經典包細一半左右。藍包沒有什麼特別味道，就是普通偏乾的包。中間是流心芝士雞扒，整體也是很乾，雞調味不足，芝士也熱度不足，不太流心也冇咩味。只是用來影相呃like的包。反而經典包有驚喜，五六十蚊左右，加餐也是七八十。西樵大餅咁大的size，軟棉的芝麻包，瀑布般的芝士，鹹香有致，牛肉厚身多汁筋肉分明層次豐富。薯條紙托設計有驚喜，但啫茄汁的空間太細，感覺很小家。其實很多人食薯條其實係為咗食茄汁，正所謂薯翁之意不在條，在乎茄醬次間也，這裡就是點得不夠痛快。而且它的薯條炸得很老很乾好淋，外形同質感都似樹根，很難食。荃灣漢堡第一位依然是轉角見。

一行入餐廳發現冇侍應？原來呢度用自助既，有位坐低就去叫野食同老婆一人叫左一個漢堡，我要雙重牛肉，佢要芝士四重奏，十分鐘左右就有，都算幾快手，見到入面得兩個廚係度，仲以為要好耐。見到佢個份漢堡咁大份，發覺相比唔算好貴，性價比特然高左好多牛肉多汁又唔硬，包脆肉淋，真係要用刀一切到底成舊試先正老婆果個好多芝士，鍾意食芝士既人就岩晒薯角炸到脆口，食晒真係幾飽，女仔真係會食唔晒（當然唔排除有女大胃王）飲品要自助，都係啤酒汽水咁，冇乜特別

早有聽聞佢個牛油果軟殼蟹漢堡，不過最近食得太油就嗌左xo醬軟殼蟹漢堡，本身已經有配薯角。等左大概十分鐘就有得食，個餐盤都幾有巧思，有比埋濕紙巾，夠貼心。薯角熱辣辣，個皮好薄，小小煙韌，不過嫌茄汁有啲少。食到最尾有啲倒汗水整濕左，就冇咁好食啦。個軟殼蟹都幾正，不過鹹左少少食完有啲口乾，個麵包烘左脆脆地，唔錯。蕃茄同生菜新鮮，個汁都夠。整體都幾好味，又夠飽，加十五元大洋就有汽水同沙律。環境光鮮，值得一試。

上次經過已經好想入去食burger舖頭好細但唔算好多人去到岩岩好有兩個位剩叫左tiffany blue流心雞扒漢堡set煙肉芝士蛋手打牛堡 同埋 雞翼首先煙肉芝士蛋牛堡 跟埋薯角其實好足料 又兩舊青瓜又茄雖然牛肉大大舊 但真係爭啲 冇肉汁 又好硬包皮就要讚好脆可惜漢堡入面肉係好重要之後tiffany blue流心芝士雞堡嗰個set就跟左薯角，沙律杯同一罐汽水抵就幾抵 不過都係衰雞肉同埋芝士冇乜味 雞翼就幾好食服務態度同環境我都覺得不錯間野就半自助 要自己拎返食完嘅野去車仔

以前在荃灣工作的日子, 已覺得這裡的食店十分多, 而且多走平民化路線, 要揾食絕非難事, 但卻有感特色食店缺乏, 街坊麵店, 雞煲, 茶餐廳是主流. 但近幾年這區的確如注入新生命, 多了人氣特色小店進駐, 要逐間試也要試上一段時間. 搬離了荃灣區, 不再在這裡打滾, 自然少了機會在這區揾食, 不過遇着有新奇美食我也會專程回來試的, 今次吃的是早前人氣爆燈在各飲食網和雜誌皆看到她影踪的Tiffany Blue漢堡.這個早前已在網絡爆紅的藍色漢堡, 令一眾少女傾倒, 出品卻是一間走型格路線的快餐小店. 店內面積比我預期中細小, 本來以為是很田園或文青感覺的小咖啡室, 但卻是以黑白為主調的新潮漢堡飽店.如果打算在這裡hea一個下午或約會什麼的, 未必是好選擇, 因為座椅排得密集亦不十分舒適. 但吃一餐滿足的還是可以. 牆上以黑白衣架, 錄影帶, 兵兵波拍整齊掛起作佈置, 都幾特別有新意.餐牌只有一頁, 主要分漢堡, 小食和意粉類.快餐店形式, 餐具, 醬料, 飲品都是自助形式, 暫時只提供汽水, 客人付款後在收錢處隔鄰的飲品櫃中自己選擇.Tiffany Blue爆芝流心雞排漢堡套餐($88)

本來是因為看見Tiffany blue爆芝流心雞排漢堡的照片而被吸引入去餐廳，但竟然售罄，确實令我失望！既然已經坐下，亦沒有想離開的衝動。望望店舖內的裝修也頗別緻， 有金屬架的枱櫈，牆上有一些裝飾，原來是乒乓波板，錄影帶，鎖匙和電制，很可愛。點了香蒜辣椒蜆肉意大利粉($38) ， 意大利粉上枱時用小小的紙盒盛載住， 蒜香四溢，胃口大開。蜆肉有點煙韌，意粉口感好，味道有小小辣，好開胃，但覺得用了太多橄欖油，食到最後有點肥膩， 而份量一個女生吃也未必足夠。雙式芝士焗薯條 ($38) , 薯條比較普通，芝士味不夠重， 味道比較淡，所以要加茄汁一起吃，薯條亦都比較乾身和幼，沒有口感。最後上枱的爆餡雞漢堡 ($38), 看份量覺得好抵，雞排好厚，外面煎得香脆，肉質也不鞋，但味道比較淡，沙律醬也淡， 所以最後也加了茄汁一起吃，配料就有生菜和番茄片。

驚喜①：tiffany blue 爆芝流心雞排漢堡，女生肯定至愛，話題十足，夠晒特别。小弟點選了意式蘑菇手打牛肉漢堡，一大個蘑菇，近乎原味的手工漢堡牛肉，牛味香濃，加上惹味醬汁，完勝。友人點選了芝士火山熔岩法包，食得夠過引，原來漢堡包可以有另類食法，跟餐的薯角及獨特的自調醬汁，食到吳停得口。驚喜②：濕纸巾夠鬼馬，完美的暗示，❛包❜可再進一步。總括而言真是質量俱佳，用心去做，分錢分貨，值得再去食過。

27-12-2016(Tue)聖誕補假,同老公起身後去盡情食早餐兼晏,因為晏晝要清潔屋企喇.我o地唔知食咩好,行經地鐵站時,老公話o係天天食腸粉先,我o地食幾條後,繼續邊行邊諗去去邊o度食,突然記得呢間食漢堡o既,於是帶老公o黎,我o地o黎到唔多人,老公見到五顏六色o既漢堡後,就即刻決定呢間.我o地入到去坐低後睇menu, 顏色奪目o既漢堡係Tiffany Blue爆芝流心雞排漢堡,老公就決定要呢個啦,呢個係$88.00o既套餐,有沙律,薯條同汽水.而我呢,我要$38.00o既爆餡雞漢堡,加$15.00要沙律同汽水.落完單,汽水可自己攞,之後等o野食,等o左好耐,成12分鐘,o野食至到,托盤經過精心設計,裝薯條o既紙兜亦別出心裁,佢可以裝埋茄汁,唔使咁煩,重用特製膠架固定沙律同薯條.而我o既爆餡雞漢堡賣相相對一般,影完相開動,兩個麵包都外脆內軟,我o個個有芝麻就更加脆口;而爆芝流心雞呢,其實差少少就炸過火o架喇,老公食到佢有芝士流出o黎喇,我都試.外面都脆,芝士唔算好鹹.而我o既爆餡雞漢堡呢,雞扒好厚,juicy同軟,可惜唔夠味,建議可加返少少鹽同黑椒,而千島醬,我好似唔多食到佢o既味

近期廣告到到都sell緊 作為一個芝士狂緊係唔執輸啦呢餐每人100蚊有找 叫左芝士熔岩火山漢堡扒（68蚊），Tiffany blue burger with cheese（88蚊） 同埋卡邦尼意粉（38蚊）出餐最快係Tiffany blue包 Tiffany blue就拎黎睇既姐，食落口先係重點本身諗住係薄薄既肉夾住芝士，其實食落都幾夠肉地但係唔好既地方係芝士多唔緊要，一路咬一路流出黎，浪費晒d芝士之餘，仲食得好論盡流心芝士係就係流心，但係好難控制😫中意食好多芝士又成日食既高手可以黎挑戰一下😏第二個黎既就係火山芝士加漢堡扒不得不提既係漢堡扒，肉汁把把聲咁流，睇黎廚師做扒係一流😂個「火山」雖則係細左d，由於個扒都係幾啖就拜拜既關係，芝士係夠既反而重點黎啦，個包原來先係精華個包咬落係甜既，裝芝士個位就更加惹味，值得一讚最後最後就係等左45分鐘都未上既卡邦尼意粉係我出第一篇OR食評既原因原本食完個兩個餐，對呢間餐廳既野食評價唔差一路食住個兩個餐都唔想催侍應出意粉住，但係當兩個餐都食晒都未上，距離落單隔左成45分鐘終於舉手去催單，侍應就企係counter望都無望到出面等到佢黎問佢個意粉未上，侍

Expensive, poor service, long wait tasted normal on dry side I was very very disappointed after 20min waiting you better off going to Burger King at least is slightly cheaper and faster taster

身為荃灣人已經可以話食盡荃灣美味，今次呢間buger新開當然要試下， 特別係因為呢度有一個好靚既藍色漢堡，睇到ｆｂ宣傳果陣已經非常期待。 大約晚上７點黎到都唔算多人，但位置其實唔多，都還沒點餐就已經坐滿了。 環境裝修簡單有風格，需要到櫃台先購買點餐，從圖片看來都幾吸引。 套裝包括沙津菜和薯片和選擇的漢堡包款，身為女生當然要點 tiffany blue的雞堡， 外層藍藍的漢堡包皮經過烤脆，外層微微焦脆， 裡面餡料非常豐富，爆芝流心的炸雞排香脆，肉質嫩滑啖啖肉汁， 配上蜂蜜芥茉醬微微甜香，份量夠飽。 另外朋友也點了另一款試試看，美式三重手打牛肉漢堡， 芝士半溶賣相吸引，漢堡厚度差不多成隻手掌咁高， 不能一口咬下，手打牛肉很香，配上蔬菜都唔會好油腍。 蜜糖烤雞翼賣相不錯，每一隻都非常飽滿多汁， 灑上香草更加吸引，蜜糖淋了很多，絕不手軟， 皮香肉嫩，甜味偏重，但正正岩晒我，絕對值得推介。 黑松露忌廉意大利粉用料夠實在，黑松露味不太偏重， 但配上濃度適中的忌廉汁香濃綿密，帶子粒口感新鮮， 整個評分大約70，麵質剛剛夠好彈牙。

雖然我是麻甩佬，但向來也喜歡Tiffany Blue這帶點夢幻的少女系顏色，因此在荃灣的Burger Jobs看到這個Tiffany Blue爆芝流心雞排漢堡，自然被吸引。點了個set有埋沙律、薯條及罐裝汽水，價錢方面不算便宜但亦屬可接受。雞排包的顏色是用天然的蝶豆花染，包本身都幾鬆軟。雞排雖不是很大塊，但炸得香口也不油膩，亦做到爆芝士汁的效果，整體來說不俗。可能店主覺得金色的雞扒配粉藍色包較襯，不過我倒覺得配牛肉在味道上也是一個可嘗試的選擇。