Burger Republic

營業中

休息中

今晚準時收6，難得有一場7點的《Ford v Ferrari》，一早便叫朋友上網買定飛，越來越多香港人中意睇戲，若然開播前先到戲院買飛，恐怕你只能坐頭2-3行的座位了。最令我驚喜的是Christian Bale和Matt Damon精湛的演技，本以爲只是一套大相類似的賽車電影，想不到他們演出甚具火花，展現各自對賽車的熱愛和付出，即使戲中有不少專業術語，不太懂亦能樂在其中，整體劇情緊張刺激，推薦大家入戲院看看。說回Burger Republic，因爲開戲前無時間食個quick dinner，決定買個Sour Cream Works薯條入場食，說實話我有點意想不到呢間burger店可以屹立不倒幾年有多haha性價比中等，burger質素普普通通，價錢稍貴，反而薯條值得一試，口味多元化，每條薯條都炸得金黃色，熱辣辣送上，再咬一口，外脆內軟，配上口感又滑又rich的酸忌廉，一個人吃完整盒薯條實在無難度。

平時我真係麻麻哋漢堡包，但係呢間我哋我每一次睇戲都會食。特別係佢嘅三重芝士薯條😋不過今晚好夜先嚟到，鋪頭都差不多閂門啦，佢哋話做埋我地就閂門。所以今日我哋只係叫漢堡包餐就算啦。其實佢做外賣多，門口得幾個座位，平時我都係買外賣去戲院食今日叫咗一個蘑菇芝士漢堡餐，一個普通芝士漢堡呢個係我嘅芝士安格斯牛肉漢堡，真係好juicy 好好味呢個係我老公嗰個蘑菇芝士漢堡好豐富呀好多汁呢個就係我個芝士漢堡啦，睇吓個漢堡幾juicy

星期六返工，由於將軍澳午餐實在太難搵位，所以決定食外賣，行左去戲院附近間漢堡包到買。要左個最平既芝士漢堡加薯條工同汽水。雖然係最平嗰個，但個包都幾大個，加埋塊牛肉同薯條，夠晒飽，味道方面，佢啲醬汁幾多，個味好啲似千島醬，係欠缺左酸青瓜，美中不足，而薯條呢間好食，夠粗夠脆，比起好多餐廳更優勝，我買完行左約10分鐘先到公司，但薯條仍然咁好食，推介。

呢日同新同事食晏，由於新同事住公司附近，所以請教下佢有咩未食過，原來佢住附近都未食過popcorn 戲院側呢間漢堡包，所以決定試一試。$60幾蚊1個包，跟餐最平加$29，包汽水薯條，但我地討論過，佢有新鮮奶昔，雖然要加成$50，但都決定試試。我要左最普通牛肉漢堡既包加香蕉奶昔，新同事就叫左朱古力奶昔加牛肉煙肉漢堡。個包既份量都唔細，塊肉係全熟，但都仲有肉汁，薯條係粗薯，夠晒新鮮，好脆，份量適中，枱面有茄汁、醋、介辣等醬料自由配搭。奶昔係好飲，我杯入面有香蕉蓉，新同事嗰杯就有朱古力碎，個面仲有cream，真材實料，配漢堡包一流。

之前行過見到。適逢今日睇戲就去試下。餐廳喺正戲院隔離。可以買入戲院食。店前有少量位都可以堂食。叫左MO同BACON CHEESE BURGER。+$29加薯條同汽水。再+29加個炸雞小食。計落成舊水一個set。對個包係有啲期望。兩個burger個分別純粹係加磨菇定煙肉。其他配料同汁都係一樣。burger食嘅時候個麵包唔熱。唔知預先整好左幾耐。因為啲餡係熱架喎。🤔牛肉好細心食都係冇乜肉味。唔juicy。調味偏咸似係要遮蓋唔新鮮嘅味道。洋蔥整得甜甜地幾好味。不過搶哂舊牛嘅味。配料仲有蕃茄生菜芝士。冇咩特別。薯條係粗身。似係翻炸。凍左啲就變到好硬。炸雞就即炸熱辣辣。不過都係偏咸。重pepper味。個mustard醬好明顯係雪櫃拎出黎。成舊水食呢個質素確係有啲失望。另外一題。茄汁用個蕃茄造型樽裝係好可愛。不過太大舊一啲都唔好拎。又油油地。好易跣手 。同埋佢拎包食嗰張防油紙係分開俾。好奇怪。結果係要落手拎起個包放落張紙度。都係整污糟隻手。建議上餐時已經將個包放好。方便食客又唔會整污糟。

係戲院隔離 次次吾食都心郁郁依到薯條真係勁岀色 尤其係芝士味每次黎到一定係熱辣辣 每條薯條都係金金黃黃 咬落去外脆內軟 然後再慢慢望住啲芝士融真係好療癒而且佢口味勁多 真係一間超貼心的薯條店

呢間Burger就喺屋企附近，但坐位得大約8個，每次經過想食果時都full曬🥺前幾日終於下定決心要試下🤩算係中上價位既burgerSpicy Jalapeño ($63)+chips and cola ($29)塊漢堡入面好juicy，外面煎得香脆，一啲都唔會覺得煎過龍，而且肉味香濃，加埋少少墨西哥辣醬更加令人慾罷不能☺️ 唔似啲快餐店咁大大塊但一啲都唔覺得自己食緊牛肉🤨 我真係好鐘意有pickles配千島醬既burger🤩 其實一次過食一個burger加chips真係油膩到不得了，但pickles同千島醬就可以中和返令成件事無咁有罪惡感🥰另外值得一提既係佢既chips，男朋友曾經喺英國讀過書，佢話英國既薯條係全世界食過最正既！佢話呢間比得返果時既感覺佢😹Cheese classico ($62)同上面果個差不多，少左pickles同墨西哥辣醬，食唔到辣既朋友揀呢個就啱🙌🏻雖然附近有快餐可以3 40蚊就食到burger，但一分錢一分貨係真嘅！值得！

行過呢間開喺商場角落嘅漢堡店已經幾次啦，今日打算去睇戲，佢就係戲院旁邊，咁方便就手一於試試佢先～餐牌都幾多選擇，有各款漢堡包、薯條、小食同沙律Smokey BBQ$59漢堡包份量一啲都無偷工減料，夾滿左香甜入味既洋蔥絲，仲有濃濃既燒烤醬，好好味～4/5Bacon Cheese$63（套餐+$29）漢堡又厚又多汁，入面夾住嘅煙肉就好脆好香口，塊芝士剛好溶晒係入面，好正Meat lover唔可以錯過5/5另外加配左套餐A，連薯條炸魚粒同汽水薯條正正常常冇咩特別，但炸魚粒如圖所見比較深色，好似炸左好耐咁，外皮都仲係好脆口，但魚肉本身就冇咩味啦，不試也罷～茄汁裝在番茄樽內，非常可愛

呢間漢堡店好唔起眼，又好少位，我成日經過都唔記得左我想試佢今日終於試到了~今次單嗌左一個黑松露温泉蛋薯條，同埋經典牛肉漢堡，總共一百蚊多啲，食開普通漢堡既我覺得有d貴，不過真係好好食！漢堡既牛肉煎得好香，好有牛味，而且好大個，菜同sauce都好多，非常足料，女生其實食一個漢堡都可以夠！至於個黑松露温泉蛋薯條，佢嬸左好多黑松露係薯條到，而個温泉蛋都撈埋黑松露sauce，薯條又炸到岩岩好，又熱又脆，總體黎講非常好食。我係食外賣既，因為堂食無位，店家好細心咁將温泉蛋同薯條分開放，咁就唔怕係歸家途中整林d薯條啦

我唔敢話自己試過好多漢堡店 但係呢間絕對係我食過最好食嘅漢堡！沒有之一！價錢相宜 食物都是即製的 非常新鮮熱辣 脆卜卜 牛肉絕對係真正嘅牛肉 唔可以同麥當勞嗰啲乜鬼signature 漢堡相比 由於佢係吧枱式嘅設計 客人都多 食完亦都唔可以坐得耐 但係性價比真係高今次食最經典嘅普通漢堡 加十幾蚊配薯條汽水餐 再加$20配黑松露嘅薯條醬汁漢堡水準一直都係咁好 牛肉味大大塊又香濃 配料好多 一咬啲配料係後面啲晒出嚟 薯條即炸 $20一個醬汁雖然有少少肉赤 但係醬汁嘅份量真係好足夠食得好滿足下次仲想試埋個奶昔

因為最近戒牛肉，所以面對最喜歡的burger也只能點其他肉類。這次看完電影，來到旁邊的Burger Republic 叫了個烤雞扒漢堡，加$49配薯條奶昔。奶昔只包括$44的基本口味，否則就需要補差價。漢堡即叫即製，店員本身告知要等候20分鐘，但實際只等了大概十分鐘不到的時間。薯條香脆，好久沒有吃到如此高質的薯條了。雞扒表面加上蜜糖香煎，吃起來不會太乾，保持肉汁之餘還能食到一絲絲蜜糖甜味。因為番茄切得很薄，夾住的生菜又少，配料單薄，加上漢堡包皮是比較鬆軟的類型，所以整體吃起來容易有空虛感。奶昔上面擠上了忌廉，杯身有士多啤梨醬裝飾掛杯。味道很像半融化的士多啤梨新地，口感不算順滑。必須要說，堂食環境不太舒服，背後人來人往，而且只有幾張高凳供客人堂食。價錢方面，Burger Republic 定價相當進取，如果加set 配薯條奶昔，或者其他醬料的薯條，又要另外加錢。整體而言，食物水準不錯，但價格有點小貴，偶爾一試無妨。(喜歡這篇食評的朋友，歡迎在下面給個like 支持小妹，謝謝)

我超鍾意食burger & chips，呢度已經成為我週日飯堂！➡️漢堡薯條本身唔難整，間嘢平時唔算旺，即點即製，好好食！(但今日竟然好多人，d 炸物懷疑炸定，所以唔新鮮，麻麻哋）➡️跟餐係配薯條，+$20有好多汁揀，我麻麻哋鍾意餐廳推介嘅芝士黑松露，好膩！✨Aioli Sauce先係王道！✨個包好軟，i like it➡️除咗牛肉漢堡，雞堡豬堡都好好食！➡️一個餐大約$100，貴貴哋不過食晒一個餐真係超飽，會滯成日

近來數天，不知為何有股衝勁要吃漢堡包過口癮，今日終於抵擋不解這股突如其來的心癮，結果去了位於將軍澳popcorn的Burger Republic。曾經也光顧這間的肉醬薯條好幾次，味道不錯，不過價錢並不算便宜，單一份薯條又不足以當一份正餐，偶然買一份作小吃尚可接受。今次單點了一個牛油果醬雞扒漢堡。一打開的狀況，只看到白色的sour cream圍著個漢堡，心想，醬料不用錢的嗎？除非特別要，一般漢堡的醬料不會這麼多!! 牛油果醬的份量與sour cream份量不相伯仲!! 雖然很美味，很濃烈的牛油果味，但份量多得每一啖吃漢堡，面上都被沾上醬料，潔僻的我不太喜歡。牛油果醬雞扒漢堡的包很軟，或者是醬料太多，令包變得有點濕。不得不讚雞扒是用心烹調的，有著烤雞的味道，肉質烤得很適宜，不會過熟。這塊雞扒的熱力成為整個漢堡温度核心! 雖然配料有蕃茄和生菜，當仍扺擋不到過量醬料的膩。整體而言，這個包是值得推介的，不過要有心理準備，將會雙手都被醬料沾著!!

呢間嘅野食好高質素，無論burger定薯條都比平時食嘅特別呢個係蕃茄蝦加薯條，係我去呢間必食嘅🍟Burger入面塊肉嘅肉汁係會多到流出黎，每一啖都好好食🍔最值得一提係佢係可以買入star cinema食，終於係戲院入面唔係淨係會爆谷啦！

Burger republic is one of these restaurants that charge you more than 80$ for a poor burger and disgusting french fries. Even McDonald would be better.....