Burgerman (埃華街)

營業中

休息中

大角嘴埃華街個頭不嬲都多野食，今晚行過呢間想食下burger ，所以就入咗去試吓😍叫咗個至尊漢堡，雙層芝士漢堡配炒洋蔥絲，激厚肉，真係食肉獸必備！😋😋煎蛋、煙肉、蘑菇粒都增加咗burger個口感，啖啖肉好juicy😇隨餐可以跟薯條同薯格個啲，連皮薯條炸得酥脆剛好，美式burger必備粗薯條！另外仲叫左燒菠蘿炸雞漢堡，炸得酥脆唔漏，燒菠蘿有少少酸甜味可以中和返炸物👍🏻呢個係抵食之選👏🏻👏🏻叫多咗個水牛城雞翼，有少少辣，醬汁都ok la～整體嚟講我覺得想食美式burger既都不妨一試呢間！

呢間係大角咀嘅街坊小店 舖面唔算好大但裝修都好比心機好美國街頭風因為座位有限 所以晚餐可能都要等一陣位而且好貼心 提供咗手套比大家用唔怕食到成手都係📍日本神戶牛漢堡牛肉漢堡扒好厚實 肉質好嫩一咬落爆哂啲肉汁出嚟入面仲有煎蛋芝士 炒香咗嘅洋蔥 苜蓿牙等口感好豐富 而且個包絕對冇馬虎 用牛油烘香咗 咬落下脆卜卜📍牛油果軟殼蟹漢堡軟殼蟹好大隻 炸得好香脆 炸粉都唔會太厚加埋健康嘅牛油果 仲有芝士等等再加埋酸甜嘅大蕃茄同沙律醬中和下油膩感味道好balance 📍煙燻燒烤雞翼個燒烤醬勁香而雞翼烤得岩岩好 外皮好香脆 入面啲肉就仲好嫩

朋友推介黎呢到食burger，雖然座位唔算多，但全部都係高台，幾有feel。叫左個牛油果軟殼蟹burger，軟殼蟹好大件，成個burger大到好難一啖咬曬! 牛油果都比得好足，而呢到既包仲係烘過，所以係脆架。另外，朋友叫左個神戶牛burger，入面仲有D洋蔥絲，好juicy。小食方面叫左個燒烤雞翼，好多醬，食落好夠味。呢到D Burger轉SET都好抵食，薯條係粗個款，薯仔味仲好突出，食得出好真材實料呀!

🍴特級黑松露和牛漢堡 HKD 108 (+$20配薯格 及汽水)漢堡又脆又軟熟🍔打開頂層就見到有滿滿既黑松露～啲香味仲要飄哂出黎🤤夾住隻半熟煎蛋🥚切開仲有流心效果😬到主角和牛🐮亦係煎得剛剛好 而且夠牛味又夠juicy 🥳以上3樣再加埋半融既車打芝士🧀口感非常豐富！🤟🏻 另外薯格就係正常有既水準 都夠脆既🙆🏻‍♀️🍴卡邦尼意粉 HKD 65💡任何一款意粉都會跟一罐汽水💁🏻‍♀️係💩影相既時候 夾起啲意粉已經感受到佢勁creamy😂入口亦都冇失望 忌廉味好重😋如果啲煙肉碎多返啲就更prefect啦🙈🍴煙燻燒烤雞翼HKD 48/6pcs先講6隻雞翼都幾肥美大隻😂肉質都算嫩👌🏻落單個陣店員已經提左我地呢款醬會偏酸🤭但💩同朋友食完就覺得還好 反而覺得整體幾濃郁惹味😛🍴黃金吉列炸蝦 HKD 38/5pcs同薯格一樣都係炸到卜卜脆 🔥不過本身佢就冇乜味 要靠點沙律醬先ok🙈不過不失啦～

💛💛💛Burgerman💛💛💛又係接男朋友收工去食，同上次一樣咁好食🤤。今次發現原來有意粉食，不過我地都係繼續食burger，我地最愛😂。漁夫之堡 $63男朋友食完第一啖就話：「哇好抵食」。個魚好滑，多數啲魚滑就因為油脂重，但佢又唔係喎，我估佢係鱈魚🤔？魚肉雪白色，滑得黎唔油膩。魚塊算大，唔會話咬極都得個包，而食唔到裡面啲料😌。啲他他醬令成個包無咁熱氣，好似中和左啦，好夾！特級黑松露和牛漢堡 $108上次糾結咗好耐因為好想試個黑松露包，最終今次食到啦😍。我好鍾意食黑松露，正中下懷，個醬非常之濃郁，仲要好多，每一啖都食到黑松露味🥺。不過可能因為個醬好濃郁，再加上個和牛既牛油，有啲啲油膩，食完有啲滯，所以唔再加小食都okay😂。照舊我地加錢要左個餐，另外加$20有小食同飲品，上次食左薯格，今次食厚薯條。上面講到我食完個包就飽左，所以男朋友就霸左成份薯條食😌。埋單$196（無加一）

今日同朋友經過大角咀附近諗住冇乜嘢好食點知發現一間漢堡包店，呢間算係細規模形式經營座位都唔算多。但係就好多人都會打包外賣返屋企慢慢食。🍔招牌芝士漢堡入面嗰塊肉肉汁非常豐富，啖啖都食到牛味，而且芝士味都好重，仲有好多配料，咬落去真係淡淡滿足。如果大家都同我一樣鍾意食經典嘅漢堡就建議你嗌招牌芝士漢堡啦，一試難忘🤤🍟薯條薯條份量都幾多，店舖有茄汁、千島醬同埋芥末，有更多醬汁配搭，唔使次次淨係點茄汁🥰

今日喺奧運站附近，朋友話想食下漢堡包，所以去咗呢間係大角咀嘅burgerman，舖頭雖然細細地但係漢堡嘅款式真係琳琅滿目，揀咗好耐先諗到食咩，我叫咗個和牛漢堡，而朋友就食招牌芝士漢堡。和牛漢堡有炸洋蔥絲係入面，佢嘅芝士係用咗provolone cheese，幾特別第一次試呢個芝士，和牛扒冇令我失望。另外有加$33食套餐，叫咗炸番薯條，份量真係比我想像中多，甜甜地幾過癮，而飲品就飲咗比較少見嘅人參蜂蜜綠茶。

經朋友推介，試過另一間，今日經過大角咀，又見到佢，而依間Lunch,仲有Set選擇，見又唔算貴，就走左入去試下😄選了一個漢堡跟一個意粉Set：招牌芝士漢堡 ($65)麵包剛烘完，好脆身，牛肉多肉汁，另外我又加左塊菠蘿($8)再加埋生菜同蕃茄，一口咬落去，除左口感好正，味道都好好=)而套餐有配埋薯粒加汽水，食完一份好飽肚😁蜆肉蘑菇忌廉天使麵配慢煮溫泉蛋($68)濃濃醬汁，再攪拌埋溫泉蛋，而配料既蘑菇跟蜆肉也給不小，拌和埋天使麵一齊食，好香濃，味道亦不錯。而套餐配既沙律，份量比想像中多，

今日因事去咗大角嘴嗰頭，順便就喺附近食埋個lunch，咁啱就比我邂逅了呢間Burgerman漢堡專賣店。店內裝潢風格偏型格，彩燈燈管嘅店名logo頗有外國快餐店氣氛。水泥磚牆設計工業風非常精美。我叫咗最受歡迎嘅至尊漢堡，加$20有埋薯格、汽水，而再加多少少錢有埋特別飲料。我就要咗罐檸檬茶，飲起上嚟真係好過曬平時坊間常見嘅雀巢或者陽光檸檬茶，唔會一味死甜，而且會飲得出略微澀澀哋嘅茶味，唔錯。至尊漢堡真係不負至尊之名，配料極度豐富，肉類菜類應有盡有。蘑菇、煎蛋、煙肉、炒洋蔥絲、漢堡扒、芝士等等，而且漢堡肉都有兩層咁多，肉餡又實淨得驚人，芝士半熱熔狀態，一路食一路邪惡地流出嚟，基本上食得曬成個包都肯定食到好飽好飽。薯格炸得非常爽脆，上菜時薯格嘅內部依然熱騰騰，點埋涼浸浸嘅茄汁冰火交融不得了。———————————————#burgerman Burgerman (大角咀)大角咀埃華街95-97號地下

今次一個人來到大角咀，我非常熱衷吃漢堡，大角咀有一家受顧客喜愛的鋪頭，美食俘虜了我，我打算到「Burgerman」品嘗美品的漢堡，為吃特別到此一遊。店中有一份雅緻休閒，這裡十分墟冚，很多顧客前來捧埸，所以我和朋友過來覓食。整間店設計幾好，店內裝修簡約，佈置優雅，乾淨整潔，氣氛輕鬆。進入餐廳後，先看到餐牌，餐牌美食多，每款價格相宜，未食巳吸睛，令我胃口大開。今次選了水牛城雞肉漢堡，另加8元有菠蘿，再加33元包括肉醬薯條及汽水。水牛城雞肉漢堡我選了水牛城雞肉漢堡，另加8元有菠蘿，雞肉肉質嫩滑有彈性，剔透帶鮮甜，咬落去啖啖肉，口感豐富嚼勁，令人品嘗到鮮味，配上番茄及菠蘿等，提升了味道很清新，配搭天衣無縫。肉醬薯條肉醬香氣撲鼻，彈牙爽口，薯條香脆，不會太硬或太軟，點上一些醬汁，口腔中的香味久久不散，不能抗拒它的誘惑。汽水汽水選擇了+C汽水，味道清香，潤一潤口，食飽後用來消滯，中和之前的濃味食物，令人心曠神怡，任何天氣適合飲的飲品。Burgerman（大角咀）地址：大角咀埃華街95-97號地下   

最近食多咗漢堡包，開始周圍發掘吓有特色嘅漢堡小店 😂 大角咀、深水埗都有分店嘅Burgerman一直深受街坊歡迎，全因選擇多，價格親民 🥰 無論想食高級和牛、飛驒牛、神戶牛漢堡，定簡單d嗌個芝士、魚柳、雞肉漢堡都得，每次去都可以試新口味 😋 特色燒啡菇漢堡 ($58) 入面有蒜燒大啡菇、車打芝士片、洋蔥絲、蘑菇絲，味道豐富 😝 另外仲包咗生菜、番茄片，平衡番其他材料嘅油膩感，整體感覺幾清爽 😉卡邦尼意粉 ($65) 嘅醬汁稠傑香濃，掛滿每條意粉，好邪惡 🤤 意粉入口滑溜，爽口彈牙 🤗 加埋少量沙律菜，食曬成盒都唔會好滯 😬

大角咀人氣漢堡專門店 ,呢邊出名多小店,想試其他款式好耐了,今次試唔係牛肉既選擇!$68加$20升級套餐燒波蘿雞腿漢堡 ,燒菠蘿片加車打芝士加蜜糖芥末醬新鮮沙律菜加可樂$88 免加一,外賣或堂食都得可選有皮薯條或薯格,但今日想清爽D,配沙律菜,另有神戶牛漢堡,素食選擇雞腿扒,炸得香口,脆口,大件,有肉汁,加上蜜糖汁,好夾,清爽酸香菠蘿片,麵包鬆軟,仲有生菜同番茄片成個包口感超豐富,食完都唔油膩,同和牛漢堡係另一種滋味,十分推介#Burgerman 大角咀埃華街95-97號地下#大角咀美食 #漢堡 #手工漢堡

呢間漢堡包小店一直都好想試，有唔少朋友食過分享都話正，一直未有機會去食。終於等到仔仔放暑假有時間陪我。早一個星期約定，可惜今日天公不做美，全天候下雨。哈哈～ 為食嘅我，幾大雨都不阻我哋去朝聖嘅決心。由沙田圍出發，坐火車到旺角東站，一出平台就有綠色小巴站，坐12A/12B 可以去到大角咀街市，落車向前前行約兩分鐘便到，其實都算方便。小店坐位不多，又吾想人多要等，所以我哋兩點後先去，可以避過午飯人多時段。漢堡種類選擇很多，可以加錢轉套餐，仲可自選加漢堡配料。另外仲有 Lunch Set 供應。我們入座未過兩點半仍有午餐供應，最後仔仔要 了「墨西哥菠蘿牛肉漢堡」配薯格。而我見有意粉又突然好想食，可惜沙律售罄，唯有改配薯波。漢堡加上菠蘿漢堡，令到漢堡更清，减少油膩感。而且加上酸辣椒絲，整體口感又酸又辣又甜，但又好鬼夾，十分正。本身我其實想食蜆肉蘑菇忌廉天使麵配溫泉蛋，可惜又係剛剛買曬，唯有改食芝士肉醬扁意粉配薯波。呢個意粉都十分吾錯。不過下次要早啲再嚟試吓天使麵。一場嚟到，我冇理由唔食漢堡架，但又飽飽，結果最後叫多份 「招牌芝士漢堡」，打包返屋企同細仔仔開心share 。仔仔食完舔舔脷都話正。

Burgerman 食過深水埗分店。因為上次食過好掂，個店主又好好人，所以今次行開太子都得登走黎試下呢間分店。雖然，我還是喜歡深水埗店嘅服務，但食物質素基本上係一樣咁好。今日落住黃雨，所以無叫combo,只係單點一個包就算，怕整濕晒。但真心，一路行，一路覺得好香，真係隔住個盒同袋都聞到好香。行左大約17分鐘路程，返到屋企打開盒，面頭塊包仲有少少脆架🥰🥰🥰今次揀左「至尊漢堡」，有煙肉，煎旦，2塊足料足厚度嘅和牛，芝士，蕃茄，生菜。好中意佢片煙肉夠香脆👍👍

出發前已經決定好食Burgerman呢間餐廳 Lunch time去到唔多人 但都見到keep住有人買外賣。咁我自己都係買外賣既 買咗個水牛城雞肉漢堡 雞肉好軟嫩 又多汁 但唔會覺得好油膩 而個漢堡個size都唔細 真唔錯。但落完order都等咗一段時間 應該漢堡都係即叫即整 返到去食仲熱辣辣。