Burgeroom (美麗華廣場1期) (已結業)

去尖沙咀行街順便食埋晏，喺商場見到依間專食漢堡包嘅餐廳，就入去試下，餐廳係掃qr code落單，見到每款漢堡包都有得customise, 可以追加雞蛋、蕃茄、洋蔥、醬料等等，亦可以要求全熟、走配料、走醬、醬另上，朋友對漢堡包嘅做法有要求，知道有咁多options揀表示好滿意👍我叫咗牛油果醬芝士牛肉漢堡加菠蘿，朋友揀咗大烤菇芝士牛肉漢堡，兩款望落都幾挺身，餐廳將個漢堡包要竹籤拮住一開二，見到塊漢堡扒好厚又多肉汁，菠蘿、蕃茄、生菜都夠fresh，而且塊包有烘過，鬆軟得嚟又好香，朋友都話大烤菇唔錯🍄我地另外加咗一份薯條，係連皮嘅粗身薯條，熱辣辣冇得輸🍟

尖沙咀走走逛逛又累又餓，路過一間工業風漢堡店一於入去Chill吓先～工業風裝潢相當別緻，店內亦有酒水供應，好適合假期或平日收工約埋三五知己吹水醫肚呀！蜜糖芥末大烤菇煙肉牛肉漢堡配料層層疊嘅巨型漢堡要大大啖吃才過癮，烤菇煙肉惹味香口，厚厚牛肉漢堡扒與蜜糖芥未醬是絕配，煎香的漢堡包吸收了肉汁單吃也很美味！香脆鱈魚柳漢堡鱈魚柳外脆內嫩，醬汁帶有酸黃瓜甜香，加上半融芝士口感一流～馬蘇里拉芝士條熱騰騰上桌的馬蘇里拉芝士條撕開還可以拉撕，滿口芝士香相當邪惡，切記要趁熱吃保持最佳口感！其實Burgeroom的食物品類非常多，單是漢堡已有幾十款，還有沙律、小食、All day breakfast等等，下次再來試試其他嘢！

朋友話呢間burger份量足又多款而且尖沙咀店坐得好舒服餐廳裝修偏美式帶啲工業風樓底高牛油果醬芝士牛肉漢堡+煎蛋$10滿滿牛油果醬好滋味加埋半溶芝士半生熟煎蛋同埋厚身juicy牛肉組合一齊好多層次鵝肝牛肉漢堡$168漢堡包居然可以配鵝肝仲要咁夾鵝肝份量剛剛好食落都唔會覺得膩配埋牛肉嘅汁食肉控咪走寶旋風薯條依家好少地方有呢隻薯條食炸得香脆就算凍咗都仲脆平日晚餐時段大概坐一半滿同隔籬枱會有一定距離坐得舒服如果想傾偈嘅呢間係唔錯嘅選擇有小食有主食都有啤酒

放假前想食好少少 但又唔想食太多同朋友相約係美麗華商場等 決定食漢堡包不過唔係連鎖快餐店 今次去一樓burger room七點半去到 無人排隊 店員好快帶我地入座餐廳scan QR code 自助落單 食物好快上到不過飲品選擇較小 大多都係啤酒同朱古力如果餐廳仲有奶昔選擇會再吸引啲芝士大烤菇煙肉牛肉漢堡 不過不失 無特別出色牛油果醬煙肉牛肉漢堡牛油果醬無吝嗇 起碼用一個牛油果製成配上牛油果醬 令到多油嘅牛肉漢堡成件事無咁油膩 不過牛肉肉質偏鞋口旋風薯條其實旋風薯條有配幾種醬 但我地偏向揀原味薯條新鮮熱辣上檯 好脆口 卜卜聲蜜汁燒雞翼搽上蜜糖再入爐烤 個皮脆脆 但肉嫩💛女店員好有效率同服務

今晚去左好耐無食嘅Burgeroom, 去左美麗華嘅分店叫左次次呢都叫嘅煙肉芝士漢堡，漢堡嘅份量都一如以往地大，而今日嘅Order要求左走洋蔥。Burger依然好厚身，不過質素好似無以前咁爆汁，肉嘅鬆軟度保持到，唔會實的的。而今日嘅煙肉好似煎得唔夠香佢嘅旋風芝士薯條Keep到個質素，芝士醬夠多，薯條夠脆！夠熱，好味！另外飲埋佢地嘅自制蜜桃茶，不過都係覺得以前賣果款樽裝蜜桃茶好飲啲。可能係分店嘅關係覺得上次喺銅鑼灣分店食質素好啲。

Sapporo Premium Beer 500ml 🍺, 呢個價錢真係好平，仲要全日都做呢個價錢，我同朋友忍唔住即刻叫咗兩杯嚟飲，呢一個天氣再加埋啤酒，簡直就係爽，而且加埋漢堡包嘅配搭其實都非常match, 鍾意飲啤酒嘅朋友絕對唔可以錯過，呢隻啤酒飲落有濃郁既麥芽香，非常之爽！軟殼蟹漢堡包🍺，嚟到嘅時候簡直非常震撼，大大隻軟殼蟹，仲大過個包，而且非常熱辣辣，睇得出餐廳係即叫即做唔係預先做好，軟殼蟹都炸得非常合適，非常juicy，再加埋生菜同埋蕃茄嘅配搭，令到成件事不油膩，第一次食呢一個配搭，冇諗過效果都幾好，我同朋友都非常有驚喜，而且加埋餐廳特別條配嘅醬料，令到成個包嘅口感同埋味道更上一層樓，非常推介鍾意食軟殼蟹嘅朋友，絕對唔可以錯過呢一個必叫之選，蟹仲要有膏，食落去都非常香口，下次返嚟一定會再叫呢一個包！！！牛油果燒雞漢堡🍺，呢一個漢堡係顧名思義，係燒雞再加牛油果醬，冇諗過口感同配搭上都幾match, 燒雞嘅味道唔會好鹹，恰到好處，再加埋牛油果本身嘅味道，食落去口感都幾特別，都幾適合鍾意牛油果嘅朋友，餐廳喺漢堡包，本身再加埋新鮮嘅生菜同埋蕃茄，令到口感上更加有層次，我同朋友都幾鍾意

大家好今日去左尖沙咀Burgeroom食漢堡包因為係星期一至午中午買漢堡包只要加$35就可以包埋薯條同飲品比餐牌點會抵D我就點左黑松露芝士大烤菇煙肉牛肉漢堡套餐首先個成個包都好大 要用刀叉先食到個包比較厚係有煎香過黑松露醬都幾多可以食到黑松露醬因為有黑松露醬 所以淨係食個烤菇同包己經好惹食甘煙肉都燒得幾脆牛肉應該係手打好Juicy好有牛味跟餐薯條都炸得好香脆仲有少少薯皮餐飲我就點了凍檸檬水有四塊檸檬甘多我另外仲叫左一個香脆鱈魚柳蛋漢堡隻蛋都好厚夾埋芝士好Creamy鱈魚柳都比較厚仲幾香脆總括呢野burgeroom漢堡包都好高質

到尖沙咀美麗華商場shopping,這家位於商場2樓的Burgeroom,裝修以黑色沉實風格為主，有多款選擇的Burger店，小食、沙律、飲品樣樣齊！可以手機下單，十分方便！午市可選擇套餐，包直薯條及飲品。🍔蜜糖芥末大烤菇煙肉牛肉漢堡呢度漢堡嘅份量真係非常巨大，餐廳好好將漢堡切半，方便客人進食，大烤菇好juicy👍🏻🍔鵝肝鱈魚柳漢堡有鵝肝做餡料嘅漢堡，我都係第一次食，又真係幾好味，鱈魚柳炸得香脆，味道不錯！飲品叫了凍榛子朱古力及蜜桃梳打，唔似得出邊啲餐廳咁只得汽水選擇！

次次行美麗華都見到呢間食burger嘅但一直都無試過 今日行完街諗唔到食咩又見到佢就決定試下啦一入餐廳見座位好闊落 裝修係以工業風為主 好有特色 Burger亦有好多唔同款式 有牛肉 魚 海鮮 雞 鴨類 最驚喜嘅竟然有素肉同素類 咁多款總有一款啱你! 另外可以用qr code落單 有唔食嘅配菜都可以自己選擇 而且burger一上枱就分開咗兩份 方便大家同朋友share嚟食蜜糖芥末大烤菇煙肉牛肉漢堡 (走番茄 走洋蔥)牛肉好厚而且充滿肉汁 牛味都幾出 大啡菇食落好juicy同好重煙燻味 煙肉都煎得好香口 配埋蜜糖芥末醬感覺好滿足菠蘿燒烤醬牛肉漢堡(走芝士)Burger一上枱係好大個 朋友都認同牛肉一樣厚身又多汁 菠蘿甜甜地成個配搭食落就無咁膩直薯條(套餐)薯條係我最鍾意嘅粗薯 熱辣辣食落好重薯味 唔洗落茄汁都已經好好味凍榛子朱古力榛子味幾突出 不過甜咗少少

好耐無嚟Burgeroom食漢堡包🍔，今晚突然想食burger 就嚟睇吓質素有冇變先😋🔸蜜糖芥末大烤菇煙肉牛肉漢堡🍔🔸蜜糖芥末大烤菇煙肉牛肉漢堡🍔 $120Burger依然份量十足好足料😋 麵包柔軟帶牛油香，大啡菇好juicy！牛肉漢堡嘅肉汁一切開就湧出嚟😋 另外加配嘅芝士溶化響牛肉上真係留晒口水呀🤤 底層嘅生菜同蕃茄好脆口增加burger嘅層次感👍🏻🔸菠蘿燒烤醬牛肉漢堡🍍$98男友喜歡酸酸甜甜菠蘿配牛肉漢堡，再加埋惹味燒烤醬好開胃🤤🔸飛魚子芝士薯條🍟 $70呢個薯條要襯熱食，芝士凍咗會變硬。飛魚子就無下次喇，食到雪櫃味仲腥腥地🫤星期日既晚餐時間，餐廳用餐嘅人只有50%以下。呢度嘅burger款式多又可以自行配搭，如果可以保持到水準唔知會唔會去返之前座無虛席嘅時候呢？🐾貓奴足跡🐾🌐Burgeroom (美麗華廣場1期) (尖沙咀)📍尖沙咀彌敦道132號美麗華廣場1期2樓207號舖

今舖真係街口個大口強都一啖咬唔晒系列。個包沙煲甘大個，菠蘿+雞柳+再配埋個BBQ醬，真係好味。一邊食，啲汁一邊喺嘴角流出黎，甘先係享受家嘛。食完個包，加埋薯條同飲品，飽晒👏🏻

之前成日嚟美麗華商場食野，但都未試過呢間burger，原來甘好食。餐廳空間好大，平日夜晚唔多人，佢個雙層牛肉包好味，有牛味，又夠厚，又juicy，好正。另一個黑松露煙肉漢堡都好味，又係好juicy ，但黑松露味唔算好濃。叫咗兩款薯條同雞塊，都非常出色，推介。

Honey Mustard Portobello Beef Burger首先個漢堡包本身彈牙又軟綿，牛肉漢堡有豐富嘅肉汁同香氣，一口咬落去，啖啖都係鮮味十足，再加上蜜糖芥末醬，帶嚐酸甜同埋微微辣嘅風味，令人回味無窮。漢堡裡面仲有新鮮蔬菜同番茄，增添口感！整體嚟講，呢款漢堡好平衡，食完唔會覺得太油膩，而且真係有種滿足感Twister Fries作為扭扭薯條擁躉，漢堡包就梗係要配扭扭薯條！薯條本身外脆內軟，口感一流，而且新鮮炸氣就上台，夠熱，無得輸Bacon Cheese Burger呢兩個漢堡嘅份量真係好多，煙肉質地唔似出面咁乾身，仲有啲嚼勁，牛肉漢堡好juicy，每一口都係肉汁四溢，加埋融化嘅芝士，係最typical嘅美式漢堡滋味話說呢間舖仲有酒飲，感覺同同事happy hour下都ok唔飲得酒嘅都有其他野飲，蜜桃茶幾足料，堅有果肉

今日嚟到尖沙咀食burger，未到lunch hour人唔算多，坐得好舒服，我同姊妹叫咗一個lunch set再叫咗炸雞翼大家一齊share，對細食嘅女仔嚟講已經啱啱好， burger叫咗牛油果醬牛肉漢堡，牛油果醬好Creamy同新鮮，套餐跟咗薯條同嘢飲，薯條我哋仲加咗牛油果醬同芝士醬，口感好順滑，薯條食落都好新鮮嘢飲嚟講，呢間都唔算求其，我哋叫咗一杯鮮奶抹茶，同熱朱古力，兩杯上嘅時候都拉咗花，賣相好靚整體嚟講好適合同朋友食吓嘢傾吓偈，即使peak hour都唔會話坐得好迫，睇一睇餐牌，即使叫酒飲價錢都相宜

喺尖沙咀睇完戲，去咗美麗華行街，就同老公搵下有咩好嘢食，見到就喺美麗華廣場有間好出名嘅漢堡店。入到去覺得環境好有美式風格，座位都好闊落。我點咗煙肉芝士牛肉漢堡，份量真係好大份，成個包有手掌咁高。漢堡包面同底嘅麵包都煎得好香口，煙肉煎得好香，牛肉食落去牛味都幾重，再配上新鮮蕃茄同生菜。食落去可以減輕牛肉嘅膩口感覺。值得讚賞係，佢嘅芝士燒到溶溶地，入口濃濃芝士味。老公就點左大烤菇芝士牛肉漢堡，大烤菇煙熏味都幾重，老公大讚👍🏻。其他一樣都係有厚身牛肉，新鮮蕃茄同生菜。小食方面，我哋揀咗旋風薯條，炸得非常脆口，都幾厚身，所以啖啖薯仔味。仲點咗鱈魚手指配他他醬，份量有5件。炸皮都幾薄。鱈魚肉好鬆軟，配上他他醬口感一流。