影片
港鐵炮台山站 B 出口, 步行約3分鐘
繼續閱讀
電話號碼
90898299
開飯介紹
餐廳的氛圍呼應店名，佈置加入仙人掌和竹籐等熱帶元素。主打美國和墨西哥菜式及特色酒精飲品，不論是用餐或歡酌都適合。
繼續閱讀
營業時間
今日營業
12:00 - 22:30
星期一至四
12:00 - 22:00
星期五至六
12:00 - 22:30
星期日
12:00 - 22:00
以上資料只供參考, 請與餐廳確認詳情
有關獎賞計劃
一向都覺得墨西哥菜唔啱食，因為本身唔食得辣，二來唔食三色辣，不過呢間餐廳都有好多唔辣嘅菜式選擇，試過又覺得幾唔錯喎，而且環境舒適，店員又nice，可以再encore。🍴栗米脆片 $120⭐️⭐️⭐️⭐️上枱熱辣辣香脆可口，一共有4款醬蘸，除咗辣醬無試，其他3款都唔錯。🍴燒仙人掌扒 $158⭐️⭐️⭐️第一次試，size差唔多係男仕手掌大，味道同口感似萵筍，但軟熟少少同會有粘液，其他無乜特別，叫做嘗試過。🍴烤羊架 （散叫) $268⭐️⭐️⭐️⭐️🍴墨西哥烤肉拼盤 $398⭐️⭐️⭐️⭐️羊架有3件，啖啖肉好軟腍帶啲啲羶，味道唔錯。肉眼扒同燒雞同樣好味juicy，如果二人食呢個拼盤都好足夠肉，仲有好多配菜如煙肉、菠蘿、薯角、粟米、洋蔥等，樣樣都好味，係粟米就乾身咗啲唔ok。🍴墨西哥風味燒脆皮乳豬半隻$828（要預訂)⭐️⭐️⭐️⭐️乳豬肉係較西班牙乳豬軟腍啲啲，皮係好薄脆，無乜肥膏，真係外脆內軟，無乜牙力都食到，唔駛蘸醬都好夠味，附上嘅包就可以不吃，又乾又硬。🍴食肉獸薄餅半個 $138⭐️⭐️⭐️⭐️🍴夏威夷薄餅半個 $128⭐️⭐️⭐️⭐️兩款pizza都好味，又超足料，餅底夠香脆可口，不過我唔鍾意食芫荽囉。🍴肉桂炸油條 $88x2⭐️⭐️⭐️⭐️肉桂不是我杯茶，不過有食嘅大家都話幾好味，油條唔會死脆，肉桂夠香配雪糕非常匹配。八人共消費：$2435
繼續閱讀
見到上網又有人介紹呢間墨西哥餐廳, 鍾情於墨西哥菜嘅，我一定要嚟試吓一係到餐廳見到裝修都好有氣氛，feel到老闆俾咗好多心機去營造呢個氣氛，店員亦都好nice。見到其他食評豬都係食啲烤肉，而我哋兩個女仔胃口冇咁大，主要就試咗墨西哥菜最基本嘅taco同quesadillas。Taco方面我地叫左pulled pork, 同平時食開嘅相較之下有啲淡味，同埋略嫌有少少乾。不過因為餐廳都跟開salsa, sour cream同hot sauce，都可以話有幫補吓嘅。 我地都叫左sweet potatoes fries, 呢個相對有驚喜，番薯炸起嚟幾甜，不過都係淡味咗少少。都係有跟沙律醬同埋salsa. 食完都未飽，我哋再加咗個chicken quesadillas, 食咗咁多次quesadillas嘅我，真係未食過脆到有少少似餅乾嘅quesadillas皮😓仲要唔知點解係綠色嘅，味道方面好似比裏面嘅jalapeño搶咗啲味唔係好食到雞肉同埋芝士嘅味。最令我哋失望嘅係happy hour叫嘅cocktails, 我哋分別叫咗Baby lover同sunset surprise. 但因為嚟錯咗杯marry me, 所以請咗我哋飲，所以呢度嘅Staff係真係幾Nice嘅。Marry me聞落幾香，但唔係幾飲到elder flower同其他未？因為已經被酒精冚晒😭 杯sunset surprise都係差唔多情況啦😂😓去到杯baby lover真係精彩，因為佢同我細細個飲嘅樂信咳藥水味一模一樣😭😂冇誇張，大家想去試吓嘅一定要來。總括嚟講，呢度嘅氣氛係真係幾好嘅。可能我哋今日食嘅同飲嘅嘢都唔係佢哋嘅主打，所以比較遜色。不過overall嘅用餐體驗真係唔係咁好，始終我認為墨西哥餐廳最安全嘅一定係taco同quesadillas。希望老闆睇到可以改善吓🥺睇吓之後有冇機會再返嚟覆桌。
繼續閱讀
值得一去再去嘅墨西哥餐廳❤️佢哋嘅餐廳充滿熱帶風情嘅裝飾，配合餐廳Cactus 嘅名字，睇得出心思細緻嘅佈置。食物嘅質素除咗大讚之外，亦好欣賞大廚喺擺盤方面嘅心思和功夫，加上各種不同嘅賞心悦目嘅cocktail，完全係視覺享受，冇辦法唔「相機食先」。週五同週六晚上更有歌手駐場，一邊品賞美酒佳餚，一邊享受悦耳動聽嘅經典歌曲，真係一流！當然不能不提餐廳嘅員工個個都好有禮貌，同埋細心介紹食物和飲品，亦要一讚！多謝Cactus 給予我們一個愉快嘅晚上！❤️
繼續閱讀
香港充斥中西日韓餐廳，食到都會悶悶地，🤩新開嘅呢間墨西哥🇲🇽餐廳。令人耳目一新。環境方便偏西式，可以同朋友一邊食一邊傾偈💬闊落又舒服。墨西哥菜，又點可以少得Taco $42。試咗三文魚牛油果🥑，主打煙燻三文魚配牛油果醬，再加洋蔥、粟米、蕃茄、意大利香料等等，外皮薄脆，香料味比較濃烈，口感豐富。墨西哥風味燒脆皮乳豬 $398平時鍾意食乳豬嘅我，聽到都覺得好吸引🤩。即叫即處理，所以都等咗一段時間。不過呢種等待係好值得嘅。乳豬上枱香氣撲鼻，好有份量。3-4人食都好夠。乳豬皮鬆化香脆，皮與肉之間嘅油脂香口而唔會太肥。可以配正宗墨西哥黑餅皮，感覺就似係中式嘅片皮鴨食法，黑餅皮充滿着麥味，大大減低油膩感。仲有配有三款醬，燒烤醬、菠蘿薄荷醬同墨西哥辣醬。最中和油膩感嘅係菠蘿薄荷醬，墨西哥辣醬最惹味。飲品就試咗dr.kiwi 同 before dating. 兩杯飲品都調校得唔錯，唔會太甜。dr.kiwi充滿着薄荷味比較fresh。before dating就係葡萄柚甜酸甜酸酸咁。
繼續閱讀
餐廳裝修好有熱帶風情，滿滿仙人掌既特色，柔和燈光同舒適既座位，無論一個人黎定一班人黎，食物同環境都一流，而且逢星期五及六仲會有live band!!! chilllllll爆呀~蒜片欖油牛油大蝦❤重口味開胃菜必點!! 用橄欖油將蒜片既香氣迫出黎，蝦吸收晒D香味，而且口感都好爽同彈牙，必點呀!!! 烤凱撒沙律❤另加 香滑既牛油果❤ 口感實在既雞肉❤ 惹味可口既烤蝦❤ 仲有必點既三文魚❤酸酸甜甜勁開胃，配埋 另上佢地自家製凱撒醬! 味道真係好豐富，沙律入面仲有油煎麵包 同 BACON 勁香脆可口，入口一D都唔油膩，想再重口味D仲可以再點D蒜片欖油牛油大蝦個汁~烤時令鮮魚配活蜆❤我地叫左立鱗魚❤姐係馬頭魚其中一款，一黎到真係嘩嘩嘩，色香味區全!!! 雖然係烤，但係魚鱗係企哂起黎~ 應該係用熱油淋落魚鱗，一層接一層好食落第一啖係酥 香 脆，魚皮Q彈，魚肉軟嫩好Juicy。再食埋啖啖肥美飽滿既蜆肉❤大滿足~
繼續閱讀