Cafe de Paris Est. in Korea (已結業)

食晏食到悶悶地，來來去去都係果幾味，今日行過見到有健康午餐的甜品店，適逢今日係年三十，望入去坐位都很多空間，咁岩又想一個人清心地食一餐就搵到Cafe de Paris, 佢個餐牌都幾吸引我，有我最喜歡的無花果同黑醋做的三文治，好想試吓係咩味道，就行入去試新野啦～1) 環境很別致，每張枱都有唔同大細嘅巴黎鐵塔擺設放置，樓層高有一種莫名其妙嘅空間感2) 食物水準，麵包都香脆可口，只是無花果切片份量少左啲，多番啲就好啦～黑醋都好好味

今天在登龙街食完拉面，作为水果爱好者的我，就被旁边的甜品店海报上车厘子甜品杯吸引了。店名来源于一家巴黎有名的咖啡店，不过从名字就开出来是韩国版啦✨菜单：主打系列就是bon bon水果杯了，主要有车厘子🍒、芒果和葡萄三种口味；此外，还有蛋糕杯、雪糕球、咖啡和茶。今天我点了车厘子mini bon bon，朋友点了earl gray加奶（见图）✨环境：环境都算不错，每张台上都有摆埃菲尔铁塔的小摆设，墙上还有cafe de paris的装饰，窗边的座位是白色高凳子，坐在这里看外面人来人往，喝点茶，挺悠闲自得的～桌上的花装饰得挺漂亮，比较适合自拍～我和旁边桌的女生都有自拍，嘻嘻✨价格：不太满意的就是性价比不高咯，大杯bon bon要98，觉得overcharge了，迷你杯很小一杯，也要58块。和同类型甜品比价格也算贵。吃完发现openrice上有优惠，不过套餐只可以week day使用；另外一个75元买100的优惠要提前6小时购买，麻烦、不实用总体觉得，环境、味道不错，适合情侣或闺蜜饭后吃个甜品或下午茶聊聊天。但菜单种类较少、性价比不高。希望店家调整定价，多做优惠活动，本来冬天就不是冷甜品旺季，

價錢有點貴但勝在即叫即整。同埋環境都好靚。啱晒影相女仔我叫左芒果冰好在芒果都好甜 好多芒果肉大大粒好有口感口感係豐富嘅因為中間有芒果嘅沙冰在中間夾雜左cream 完美

之前係濟州見到已經想食🙈可惜肚仔已經無位啦返到香港就黎試試吧全間店以白色既牆身爲主.1️⃣芒果杯mini bon bon ($58) (8/10)最上係大大舊灑上糖霜既芒果(幾甜)再加上新鮮忌廉(d忌廉好好味!)再落係較細粒既芒果粒同芒果沙冰除左賣相靚，味道亦好唔錯👍🏻.2️⃣青提杯mini bon bon ($48) (6.5/10)相對地青提依杯就無咁好味啦D青提唔太甜，而最面頭既藍莓係超酸😖不過個沙冰同忌廉同樣味道唔錯.暫時仲未見到有士多啤梨bon bon🍓下次見到再黎試試😆.

飯後甜點 Cafe de Paris Est. in Korea點左大杯strawberry bon bon$128好多士多啤梨 同埋cream 仲有士多啤梨一齊食，味道啱啱好！唔太酸！唔太甜！

💙mini bin bons💛Returned to this cute dessert cafe for more bon bons because my first experience was great a few months ago. I ain’t a very adventurous person therefore I always stick with mango and blueberry flavoured items. The wait is always long as it takes almost 10 mins to create one Bon Bon. Fruits are fresh and sweetness is about just right. The slush and cream are in the right proportion so they balance out each other nicely. 🍧The only downside to my whole experience was on my second

講真就算好唔好食都好對於小編來講應該都可一不可再，以咁嘅價錢真係試一次就夠。其實今次去試都係為咗滿足嗰個一年前已經好想去食嘅果個小編😂行咗兩次小編好想試嗰個士多啤梨杯終於出返啦👏尼一個strawberry bonbon係由士多啤梨、忌廉同沙冰組成，估唔到原來佢哋嘅士多啤梨都幾大粒下喎同平時喺超級市場見到嗰啲都有分別，雖然大家都係嚟自韓國😂不過佢哋嘅忌廉就唔係好滑身嗰隻而係入口有少少似食空氣嗰款，奶油味就唔算好香。而佢哋個士多啤梨沙冰方面，士多啤梨味就比較淡少少，而且小編覺得好似有少少藥水味咁。另外佢哋個沙冰真係超級夠凍，小編都食到有少少頭痛😂不過整體來講都算唔錯嘅😍

學校活動後同兩位媽咪去食飯，其中一個媽咪講起好喜歡韓國甜品，我記得之前食過呢間，開啲相比個媽咪睇！佢發起飯後去呢度食！去到時候尚早！門面靚！入內少女味濃，明顯比女仕呃like用！😆因為無大枱，我哋分開了兩張枱坐！我同肥髀揀好再去櫃臺落單！只收現金，攞呼叫器等！我同肥髀喜歡唔同味道，正常尺寸食唔晒，幸好有mini版！Mini 藍莓Bon Bon($58)木盤盛載賣相靚，水果杯砌好灑上糖粉，藍莓爽脆，味道新鮮酸爽！忌廉好輕好滑，青提有啲要切走部分！味道酸甜！中央嘅沙冰打得滑溜！味道酸甜，清甜唔假！好味！mini對我來說剛剛好！Mini 芒果Bon Bon($58)肥髀食！佢一個都KO晒！味道好味又吸睛！店員有禮！店家會疊起紙碟比客人，水果杯食得論盡都唔怕會跌落枱面浪費又污糟！食完要自己執枱攞去比店員！

上個月有朋友提議出來行街街,於是約了幾個女人一齊RELAX一次!有朋友提議約在銅鑼灣登龍街,V POINT 地舖 一間名字叫-- cafe de paris Est. in Korea!因為那天自己最早到, 而且十月天竟然還很熱,雖然對這店一點資料都不清楚, 但店實在美得太吸引, 見她們未來, 自己食先!!!轉入門口前, 已經有一張枱, 不知是否裝飾, 還是供一些喜歡外坐的人仕?由門口到進入來, 整間店很大, 以白和淺藍色為主題,花花和巴黎鐵塔,到處可見, 感覺有如到了外國高級餐廳,但自己不太清楚, 經詳細提問下,原來是全自助式, 餐牌張貼晒在收銀機前,這裡選擇比較少, 最後知道有沙冰, 很適合已經大汗淋漓又很口渴的我!最後決定叫一杯原杯size的青提沙冰--$88.初時感覺有點兒貴, 但細杯裝卻不化算.付款後, 店員會把一個電子機給我,等待它震動時, 便可以到收銀處取食物.WOW! 真的漂亮得不捨得食!外形有如一座青提雪山,在炎熱天氣, 眼睛已經告訴身體,涼浸浸啊!好! 手機品嘗完, 自己都要把青提冰山劈開了!原來他們先把青提包圍一整個杯, 中間是:--最上層是灑了糖霜的原粒青提,

第二次食，上次叫了細杯，味道不錯，花茶都好飲，杯子又漂亮，所以第二次再幫襯。今次買了芒果大杯同新出的彩夢巴黎(蛋糕加水果)。芒果有d酸有d甜，不過都大大舊。食食下，食到沙冰倍置，食到有膠袋既野，拎去問店員係咩黎，店員唔好意思都無句，笑住答我係d吱袋嘴既膠袋黎，無野既。無奈左，一d道歉態度都無，仲覺得好正常咁。希望佢地會改善一下食物衛生。另外個杯彩夢巴黎還好，豐富d，有oreo，果肉，蛋糕，cream，但蛋糕有d硬同乾。

Mango Bon Bon 💲9️⃣8️⃣異常大杯😂😂😂 入面有巨多的芒果 忌廉 芒果沙冰😂😂😂😂 芒果的確甜😳😳😳 但真係建議分享食 如果食得晒 食咁多芒果我都驚您好濕熱😂😂😂😂

中秋假期比自己放一個假，食一個甜品。之前就好想試一試尼間韓國來的芒果冰沙，今日就特別過來一試。要了一個大杯芒果冰沙，98蚊，真係幾大杯。最上面係芒果同好多cream，cream唔甜，芒果有點酸，要同cream一起食先可以中和酸味。下層冰沙好人工，食唔到天然芒果味，都好算，寧願搵一間甜品店食雪花冰仲好過啦。再下面又係芒果果粒同少少cream，之後係1/4杯的冰沙，兩個人都KO唔到。尼個價錢來講，唔會再試了。

食完晚餐經過這韓式甜品咖啡店，見人少少入去hea吓😅此店裝修以白色為主，座位類似一般甜品店，椅子算不上十分舒適。 但店內不停播著韓國歌曲，又幾有feel. 順帶一提，wifi網絡超慢，需要改善。兩個人share一杯大嘅Mango Bon Bon (芒果沙冰) $98. 大大杯，賣相頗吸引而且面層芒果好大一塊，見到都想食😍但好可惜，芒果並不如想像中甜，只能說一般.... 以芒果作主打不免令人失望。 大塊芒果下是忌廉，然後芒果碎，最底下是沙冰。以這價錢來說還有其他更好選擇😐

以白色和藍色作為主調裝修，相信希望將店子打造成歐洲式小店，挺大嘅落地玻璃加上明淨嘅燈光，配會抒情韓歌，作為地鋪，的確吸引顧客嘅眼球，我去韓國未試過呢間小店，既然經過，就入去試吓。叫咗個芒果BonBon($98)，頂層嘅芒果唔夠甜，有幾塊好酸，失望！跟住係一層厚厚的忌廉，好多，過多喇，$98買了一堆忌廉！再食落去有啲啲芒果沙冰，跟住一堆芒果肉粒，都係酸酸地！好嘞，又要再吃一大堆忌廉，救命呀！我唔吃忌廉，唯有撥走佢啦，撥剩最後底部薄薄一層芒果沙冰，吃完！1/3酸芒果，1/3忌廉，1/3芒果沙冰，無話可說！毫無特色，毫不便宜。

專登去銅鑼灣登龍街食呢個韓式甜品， 因為 之前睇facebook係咁推介 佢個樣實在太靚喇， 絕對係一個呃like嘅好去處， 但係味道一啲都唔呃like ，一擺上枱就勁香甜， 呢個雖然係沙冰，但係唔係飲既， 我都係用羹筆嚟食， 上面勁多糖分，配合埋啲生果一齊食 勁好食，完全係超乎我想像。