Cafe Fabulous

營業中

休息中

Cafe Fabulous地址：旺角登打士街43H號登打士廣場9樓 聽同事講Foodpanda apps外賣自取Cafe Fabulous買滿$100有六折！好抵食呀！！Lunch 同同事一齊order左個一人餐返公司食， 幾十蚊就有個小食，加主食同飲品。 唐揚炸雞塊雞塊現叫現炸，包裝焗到熱辣辣拎到返屋企都仲好熱，拎外賣返屋企用咗二十五分鐘雞件唔僵硬，咬落依然滋味。誠意推介！  芝士白汁焗鴨胸意粉意粉好大份，落足芝士，對芝士迷黎講實在太正啦！！食到好多鴨胸，味道亦好夠味！拎到返到屋企都唔會幹。  

最近疫情又再次嚴重，每日既確診人數都有上升🥺所以我地都唔想出街食飯，就叫foodpanda啦。係住旺角既朋友studio度搵附近有咩食，見到呢間都幾吸引所以就叫嚟試吓😆佢送過嚟嘅速度都好快！黑松露意粉黑松露味道都好出，但係又唔會太油膩西蘭花好驚出邊食嘅西蘭花會煮得太生，太硬不過好在佢地整得岩岩好！咖喱炸雞飯最中意食呢個，個炸雞啱啱好，不過如果可以多啲咖喱就好啦估唔到佢哋嘅外賣都OK，下次有機會都會再叫

旺角一向多樓上cafe，今次我就試左登打士廣場間Cafe Fabulous！就算外賣拎到返屋企都好好食我叫咗佢哋嘅二人套餐，有一個小食、兩個主菜同兩杯嘢飲！款式非常多選擇，而價錢都只係$25x，相當抵食👏🏻🔅蜜糖芥末雞翼單單係小食都已經有16款選擇，我就揀咗蜜糖芥末雞翼。雞翼一共有5隻，包滿蜜糖芥末汁，非常入味，雞翼咬落嫩滑🔅黑椒脆香雞扒意粉雞扒好大塊，意粉份量亦都好多！對我黎講黑椒好多辣左d，但就好岩我媽媽口味🔅日式咖喱吉列魚柳飯好多塊吉列魚柳，外脆內軟，小朋友好鐘意食。甜咖喱好好送飯，薯仔索曬咖喱汁勁好食🔅凍草莓綠茶&凍芒果綠茶兩杯都大大杯，好好飲！如果有得加錢要椰果就仲好啦！佢面頭會貼張貼紙以防會倒寫同埋寫明係咩野飲，好細心拎外賣果陣見到舖頭環境好靚，真係好想疫情快快完，約班fd上去食飯聚聚丫

最近因疫症，同朋友食飯少好多，難得今日朋友得閒同我食飯傾下計，當然要搵間餐廳環境舒服，好好享受晚餐。～💡日式咖喱豬扒飯 好香咖喱味，個炸粉又唔會話好厚，豬扒食落好鬆軟，同朋友好喜歡，推介！～💡白汁焗吞拿魚螺絲粉 即叫即焗，黎到熱辣辣，黎到份量不少！～💡紫菜炸雞卷 份量不少，食落去香脆，～💡March (士多啤梨奶昔) 濃濃士多啤梨🍓 但有啲飲落偏甜。～💡December (棉花糖，薑餅，朱古力，馬卡龍）杯野好有聖誕氣氛，好特別，濃濃朱古力🍫～💡藍莓芝士同Tiramisu 味道不錯。～🌸整體環境好舒服，好適合同朋友傾下計食野，侍應生好有禮貌，食野不錯！值得推介！

今晚在Openrice叫外賣自取，這間旺角的cafe二人餐包一個小食、兩個意粉及兩杯飲品，都是二百多元。蜜糖芥末雞翼雞翼表面有有蜜糖的香甜，還帶淡淡的芥末香，而且煎得香脆。焗自家製芝士肉醬意粉意粉表面舖滿了芝士及肉醬汁，肉醬酸甜開胃，而且份量不少，意粉亦都唔會太腍。黑椒脆香雞扒意粉雞扒唔會炸得太乾，而且都算厚肉，帶淡淡黑椒香，下面的意粉淋上洋葱汁，唔會太濃味。凍薄荷綠茶&凍熱情果綠茶前者味道清新，後者則酸甜開胃。

本身都冇諗住去呢一間cafe食, 咁岩要去嗰間冇曬位. 又見到地下有個妹妹仔派傳單. 唔打誤撞就上咗嚟食. 其實不嬲呢啲樓上cafe客源係比較少啲, 所以我哋七點鐘去到都唔使等位, 反正人少少又坐得舒服. 而且餐廳防疫措施也做得足夠, 見人哋食完嘢走之後佢哋都有噴清潔劑抹枱, 唔似嗰啲茶餐廳就咁攞塊布抹完就算. 清潔部分都可以. 跟住我哋嗌咗個二人餐, 我上網都見到好多人嗌二人餐. 有嘢飲有小食有主菜同埋甜品, 三百幾蚊還算可以. 至於佢哋嘅飲品真係多不勝數, 最後我地都係揀咗杯抹茶牛奶同埋荔枝茶, 正常好飲. 小食我哋叫咗個紫菜炸雞卷, 個人推介. 另一推介就係個焗肉醬意粉, 佢個肉醬意粉蕃茄味充足又唔酸, 牛肉味濃厚. 反而另一碟煙鴨胸白汁焗意粉就一般般, 佢個煙鴨胸係好食嘅, 但係個白汁偏淡, 冇卡邦尼亞嗰隻咁濃味, 我個人就鍾意食返啲濃味啲. 這個甜品我就嗌咗個燉蛋走焦糖, 吃落去味道幾好佢裏面黑色一點點我相信用左雲呢拿籽, 我老婆就叫咗我喎夫, 上面仲有啲oreo同埋朱古力醬熱辣辣. 甜品唔算係大件但ok好食. 至於服務態度幾好, 可以坐好耐又唔會講你走嘅.

疫情下的新形態飲食習慣,最緊要唔洗排隊,或者係可以預訂位,同埋最緊要係環境舒服唔迫咁樓上CAFE就自然會係首選,因為多選擇,呢間多人就去另一間咁呢排都食唔少樓上CAFE,呢間係食物水準唔錯既,可以推介比大家試下最重要係服務態度又好,食物又好,絕對滿意入座前有測體溫,另外也有提供口罩,酒精洗手液,食客坐位隔離亦夠遠上得黎CAFE都係打算慢慢坐,慢慢食,有提供免費WIFI可以慢慢休息下,唔洗諗去邊,HEA下就一晚食物方面可單點或選套餐,一般人多都係叫套餐一齊食兩人餐,16款小吃選一款,有焗雞翼,炸雞,春卷,沙律等等 另外選主食兩款,有焗意粉,焗飯,日式咖哩飯另外仲有兩件甜品選擇,有芝士餅,燉蛋等等6款,包飲品咁我們選了焗雞翼,主食焗自家製芝士肉醬意粉,日式咖哩豬扒飯 2件芝士蛋糕 先上飲品,飲住等先,叫左杯蜜糖梳打,蜜糖既甜加上梳打的爽,夠清爽帶D蜜糖甜味另一杯就叫左凍檸茶 食物都係即點即煮,咁大約等左15~20分鐘開始上菜先上日式咖哩豬扒飯 一食就知係自家製作,真係食到日式風格,有一種自然既甜味,加埋煮得入味既薯仔咖哩味濃郁之中帶甜,呢種真係日本家常食到既味道~一大片豬扒切片上,炸得酥脆

距離晚上的課堂仲有2個半小時空檔，於是用eatigo搵左間cafe可以坐耐少少。第一次eatigo訂位，叫單點食物有50%off，但最低消費1杯飲品。飲品竟然有7頁咁多，連我最中意既芝士奶蓋都有。🍵芝士奶蓋桂花烏龍 $58正價奶蓋夠咸香，可以再厚一點，覺得有點少(太中意芝士奶蓋😰)茶味可以，飲得出有烏龍，但可以再濃一些(可能我太重口味😅)✨芝士白汁煙肉意粉 $58正價(eatigo 4pm 50%off)應該係即時焗的，所以要等一陣，店員特別叫我小心碟邊會好熱。意粉上的芝士焗到有少少焦，意粉汁夠多，所以都夠味，可以撈哂成碟粉。平日下午茶時間冇咩人，好多位揀，但今日天色黑，加上呢度燈光較暗，只係食飯傾計都可以，做功課溫習就唔係好岩。

想揾個地方hea吓，第一時間就諗起cafe，呢間係我朋友推介，貪佢地方夠大夠靜！入到發覺地方比我想像中大！咁啱又肚餓餓，就即刻揀咗芝士雜菌意粉、日式咖喱豬扒飯、芝士雞翼、藍莓芝士蛋糕、比利時窩夫！呢幾樣食品全部都係屬於2人套餐！日式咖喱豬扒飯👉🏻雖然層炸皮有啲鬆散，但炸得幾脆！豬扒比較瘦，豬扒味道醃得唔錯！芝士雜菌意粉👉🏻雖然個名係用芝士做主打，但估唔到意粉𥚃面加咗我至愛嘅黑松露，香味十足，已經打動咗我😍食入口，好香濃！汁醬同雜菌都算多，好有驚喜👍🏻好味😋芝士雞翼👉🏻薄薄一層溶岩芝士鋪喺雞翼上面，熱辣辣，味道無芝士鹹味，只有芝士香味！反而雞翼味道好突出，帶少少蜜味，我鍾意呢個味道😍藍莓芝士蛋糕👉🏻比較甜，味道同口感不過不失啦比利時窩夫👉🏻熱辣辣嘅窩夫配上濃厚忌廉，好好食！忌廉上面灑上Oreo餅碎，有層次嘅口感！栗子咖啡👉🏻咖啡都算香濃，但試唔出栗子味😅陸月👉🏻藍莓芝士奶蓋，勁多芝士奶蓋，一啲都唔吝嗇！我唔小心攪拌一下後流咗啲芝士奶蓋喺杯邊，我忍唔住影咗幅相落嚟！香濃芝士奶蓋，入口順滑，好飲😋不過甜咗少少！

約好了和朋友到樓上cafe 聚舊最後還是決定在家宴客，更安全廚藝不佳的我選擇Openrice 外賣自取，自取有優惠價錢更加抵.2人套餐$254，有一款小食兩個主菜及兩個飲品⭐️蜜糖芥未雞翼（6隻）- 閃令令的雞翼再向我揮手，甜甜地又夠熱，是吃雞翼的最高境界。而且很適合兩個人一邊談天一邊享受的小食。⭐️黑椒香脆雞扒意粉 - 雞翼很立體，厚身而且見到雞肉白滑，外皮煎到脆脆地，加上黑椒，領味道跟香口開胃。⭐️白汁焗吞拿魚螺絲粉 - 白汁好給力，領螺絲粉口感豐盈creamy，吞拿魚的份量不少，焗到剛剛好帶出吞拿魚的香。而且這個套餐還包兩杯飲品，有不同口味的紅茶綠茶。我們叫了青蘋果綠茶及金橘檸檬綠茶，可以一邊談天一邊飲。外賣自取操作也很方便，去到不用等好耐就有啦。

星期日晚唔想出街食 太趕 第二日又要返工😭 反正app外賣自取有優惠 今晚決定食西餐！-#二人套餐 包小食兩個 意粉兩個 飲品兩杯 (折實 $255）🥟#日式餃子的的骰骰似一口餃子 雖然係小食但都有六隻餃子外皮炸得香脆可口 點餃子汁食仲好味-🧆#唐揚炸雞塊 現叫現炸 我攞外賣返屋企用咗二十五分鐘可喜嘅係雞件唔僵硬 咬落肉質依然juicy 誠意推介！-🐓#黑椒雞扒螺絲粉鷄扒大件 切成條狀可以直接用叉食 黑椒汁少辣惹味 螺絲粉比條狀意粉更能掛醬汁 -🍝#卡邦尼意粉 醬汁濃稠有啲杰 口感滑溜 意粉過份腍身好彩有雜菇片增加嚼勁 食完成個意粉幾飽肚-🥤#凍蜜桃红茶桃香🍑味有 不過味道淡咗啲-🥤#凍蘋果綠茶蘋果同綠茶味均勻 如果重啲青蘋果嘅酸味會更好喇-📍#Cafe Fabulous 旺角登打士街43H號登打士廣場9樓

而家用openrice 外賣自取有折~就買左個二人餐$254，有主食小食同飲品，每人都係百零蚊，都幾抵.焗自家製芝士肉醬意粉 好大量芝士🤩焗到熱辣辣拎到返屋企都仲好熱，簡單嘅味道👍🏻.日式咖喱豬扒飯好大塊豬扒👅咖喱都好夠撈飯.蜜糖芥末雞翼有6隻咁多，蜜糖芥末甜甜地，同雞翼好夾.脆炸芝士蝦球估唔到真係有芝士流心，外層係蝦肉，外脆內彈牙，仲有10粒咁多，有驚喜.凍奇異果綠茶.凍柑桔檸檬綠茶相對之下呢杯冇咁甜，好飲啲

嚟到旺角，想搵個地方可以坐耐少少，同埋玩board game，就嚟到登打士街廣場呢間Cafe，幾好坐，啲嘢又好食。芝士煙肉焗西蘭花西蘭花偏腍，配上白汁同芝士，食落味道幾豐富。焗自家製芝士肉醬意粉上菜嗰下連隻碟都熱辣辣，焗芝士肉醬聞落好香，唔會太酸，食落都幾開胃。白汁焗吞拿魚螺絲粉偏向多汁嘅焗螺絲粉，吞拿魚超級多，好似落咗成罐咁😂，螺絲粉軟硬度適中。法式焦糖燉蛋好鍾意最頂嗰層焦糖，燉蛋滑得嚟又唔會太甜。比利時窩夫上面既cream有少少Oreo餅碎同朱古力醬，窩夫外脆內軟，食落去味道好夾。士多啤梨沙冰+熱薑蜜士多啤梨沙冰砌到成座山咁，飲到好濃郁嘅士多啤梨味，夠晒大杯，適合一路飲，一路同朋友傾偈玩board game。熱薑蜜就啱晒女仔飲，暖胃驅寒。

———————————————🐈：餐廳環境唔錯，柔和嘅燈光令你有種休閒嘅感覺，好啱同三五知己一齊傾偈。都幾大間同埋有好多年輕人，haaaaa即刻覺得自己後生咗好多！———————————————🔻抵食二人餐 $𝟹𝟷𝟾🔻可以揀一款小食，兩款主食、兩杯飲品同埋兩款甜品，好抵🥰。我就揀左以下既食品：🌟芝士肉醬意粉一嚟到就已經聞到焗到好濃好香嘅芝士味，肉醬味道就正常。意粉軟硬度岩岩好，口感唔錯。𓂀推介度：7/10_🌟日式咖喱豬扒飯賣相唔錯。豬扒炸得鬆軟，雖然係薄切但肉質厚實，炸皮夠薄夠脆，口感唔錯。咖喱汁做得幾好，係常溫、甜甜的日式咖哩，配上熱辣辣既飯，好味💕。𓂀推介度：8/10_🌟蜜糖芥末雞翼一碟有6隻，雞肉嫩滑，好重蜜糖，芥末相對淡啲，整體黎講算入味👍🏻👍🏻，正！鍾意食蜜糖雞翼嘅你唔好錯過！𓂀推介度：7/10_🌟芝士奶蓋玫瑰紅茶茶膽幾香，配埋淡淡既玫瑰香味，味道清甜，清新之選💕。芝士奶蓋都幾濃郁，可以一試！𓂀推介度：8/10_🌟蜜糖梳打想飲有汽飲品又唔想太甜，諗咗好耐就決定試吓呢款。好好味！唔會太甜之餘，天然嘅蜜糖飲落個人好舒服，健康之選！𓂀推介度：9/10_🌟甜品揀左Tiramisu同比

最近見到app有好多自取優惠今次揀咗呢間係旺角嘅樓上Cafe，二人餐都唔使$300就包左小食x2，主食 x2同飲品x2。日式餃子餃子細細粒，可以配埋甜辣醬，食落唔油膩，外賣都唔會焗到好林！芝士雞翼落咗好多芝士，雞翼外脆內嫩，保留到肉汁！自家製芝士肉醬意粉食到芝士拉絲，但肉醬調味略嫌淡咗少少。自家製焗吞拿魚螺絲粉幾足料，食到好多吞拿魚，味道亦好夠味！最怕食到螺絲粉焗到乾身，但呢度就唔會。飲品揀咗鳳梨紅茶同荔枝紅茶，味道唔會太甜，唔錯！