Cafe Paradise (砵蘭街) (已結業)

朱古力心太軟微苦，唔會齋得死甜雪糕有雲呢拿籽辣芝麻雞翼夠脆， 但唔夠辣蜜桃果茶偏酸，有蜜桃味溫度keep到，有 蠟燭熱住，keep住出煙煙三文魚蜆肉天使麵三文魚好l咸,而蜆肉則唔多且細粒安格斯西冷牛扒唔係全生上比你燒，唔嫩滑，唔重牛味至於跟餐既薯條， 味居然係同m記既激似環境燈光衛生可以，好多裝飾品總結唔明點解會有咁多好評，反正我就無下次性價比唔高，相同價錢，我可以食其他更優質既野是次食評只指針對當日情況

今日同同事做完嘢，想搵間舒服嘅餐廳坐下食下野，見到呢間cafe就入左黎試吓😎😎🗒餐牌既嘢食同野飲選擇種類非常多，可以散叫，不過亦有套餐，套餐內包括主菜、餐湯同餐飲😋😋花多眼亂，好多嘢都想食🤩🤩，最後我地order左lunch set同all day breakfast👉💁‍♀️lunch set-200g澳洲穀飼肉眼牛扒配燒汁-hk$98(可跟飯或意粉或薯菜)💁‍♀️all day breakfast(paradise jumbo)-hk$128💁‍♀️是日特飲：西柚梳打(可+hk$10轉其他飲品)💁‍♀️all day breakfast跟餐有杯橙汁(可+hk$15轉其他飲品)💁‍♀️朱古力心太軟配雪糕hk$48💡另外，餐廳有加一服務費嘢食嚟到我哋都一齊嘩咗一聲，好大碟份量好多😆😆，all day breakfast包含咗好多嘢食，差啲食唔晒🤣肉眼牛扒煎到八成熟，肉質好淋😌，跟餐嘅特飲日日唔同，要問職員👨‍💼，西柚梳打大大杯好解渴👍，另外因為份量真係太多，個牛扒餐配嘅薯菜我哋沒有要到🙈甜品心太軟😍😍超正，重點配埋雪糕， Perfect match，好滿足😋😋可能我嚟嘅時候係lunch time

網上訂咗十二點鐘準時嚟到，員工啱啱開門，門口已經有人等候。午餐包湯、主菜、飲品，飲品可以加錢轉特飲， order咗牛扒同埋轉咗芒果沙冰， 湯冇乜特別( 好似係普通嘅雜菜湯)， 牛扒冇選擇幾成熟， 大約八成熟上枱， 肉質和味道唔差， 唔使＄100有咁大塊扒， 伴碟嘅薯菜好脆口好新鮮加錢叫左芒果沙冰，大大杯 唔想叫沙冰都仲有好多其他選擇。 唯獨美中不足嘅係冇甜品， 如果加埋就perfect喇。座位、空間感都闊落同舒服， 除咗牛扒，仲有其他唔錯嘅選擇。

咁啱今日係長沙灣做完野又到lunch time了，梗係要搵個地方吃下野🤤咁我一眼就睇中左呢間餐廳， 一方面係想支持黃店，另一方面睇中個價錢都比其他西式餐廳便宜，咁唔知食物質素如何呢😋.咁我就叫左個卡邦尼意粉$68，另外加多$15有一杯士多啤梨冰沙。個卡邦尼意粉醬汁濃郁又好Creamy，意粉好掛汁，入面啲野菌分量超級多，估唔到咁嘅價個意粉都有咁多野菌。另外個士多啤梨冰沙大杯到就黎要溢出黎咁，個味道又唔會好似人工甜咁，係真係用士多啤梨粒整出黎😋另外叫左個黑松露薯條，啱啱炸起好香脆❤️黑松露醬好正，食到停唔到口🤤.餐廳嘅地址相近地鐵站，所以好方便😆，另外餐廳仲播住啲音樂，成個環境感覺好舒適。食物質素可以講係物超所值，又平又正😋

同朋友去太子花墟買完花，經過呢間cafe，一於試下先！有驚喜，CP值高！餐廳係我中意嘅純白色風格🤍🤍<凱撒沙律>呢排d天氣熱到咁，超想食個沙律refresh一下！我最中意Caesar salad個醬(雖然係好肥仔👉🏻👈🏻)，再加埋脆卜卜嘅麵包粒、煙肉、芝士，夠哂開胃🤍(呢排熱到我無哂胃口喇......)<黑松露薯條>我呢個黑松露fans表示好開心呀！！因為有滿滿嘅黑松露醬😍薯條係新鮮炸起♥️超級香脆，而且份量夠哂多！！<黑松露野菌意大利飯>今晚！我決定係！黑松露night 🥰呢個意大利飯好creamy，超級濃郁黑松露味，仲要啖啖都有野菌，推介♥️🤍我地2個女仔超快食晒呢個飯！！

是日星期日出太子交收賣完野後順道在附近搵下午茶食 , 一如既往大熱天時到差不多33-34度 熱死人就腳太子地鐵站D出口行1分鐘左右 到達 , 門面西式風格格仔門 , 外面更有推廣外賣自取打折 及 是日餐牌等門面大是純白簡約風餐廳面積不算很大, 店面大約600呎左右 , 枱凳在兩側 , 目測最多大約容納40人左右簡單西式佈置已足夠MENU頗為精美看到石板美國頂級穀飼牛肩胛肉眼扒 200G 只 $78 , 友人及我 都各點了一客另外再加一份 西西里茄茸煙肉三文魚意大利飯 $78可能是假日下午茶時間3:30PM 左右入座 , 感覺上不算多人,只有3-4枱客左右, 並沒有平時office hour的lunch time就非常多客西西里茄茸煙肉三文魚意大利飯 $78茄味好濃郁 , 應該不是一般的茄膏黎造 , 西班牙飯與意大利飯 有點相似 , 也是汁醬比較黏稠 , 煙肉同三文魚算為入味拌飯一齊食 , 愈食愈開胃石板美國頂級穀飼牛肩胛肉眼扒 200G $78石板我選擇了比較多脂肪果塊 , 肉質不差 , 相信到凍肉舖或超市 買同等質素的 200g 也至少$40-50石板熱度十足,不像鐵板維持3分鐘就凍

今日朋友陪我搞一d 文件野，黎開太子，有一間💛店都想支持好耐。好彩黎到等位都好快可以入坐☺️呢度既職員都好有禮貌👍🏻因為我好鐘意食all the breakfast 所以我揀左呢度signature 既Paradise Jumbo! 見到隔離台都有叫呢個餐😆d 牛肉係用左黑椒醃肉，醃肉都好入味👍🏻因為薯餅賣晒，轉左薯角俾我。好彩我都perfer 薯角多d, 可以同朋友share 黎食。天氣太熱了，我都加左錢叫埋杯凍朱古力咖啡🤣朋友叫左素野菌黑松露意大利闊條麵，我都偷食左佢一嘆，都有好香既黑松露味🔥佢個餐仲包一塊餐包同餐湯👍🏻👍🏻同埋佢棉花糖咖啡都好cute😆總括而言，好味是良知🥲💛support 小店同💛店而價錢都好實惠，支持支持❤️❤️

叫咗鰻魚飯，個賣相非常吸引，有木魚絲喺上面、仲有大大塊滑蛋同鰻魚，於是就非常期待佢個味道啦。。。點知一食落去，個鰻魚非常非常鹹、啲燒汁多到撈晒落啲飯之後仲有淨。再加上個鰻魚偏薄，變左就好似淨係食緊啲燒汁嘅味咁。。。不過個滑蛋係真係好食嘅🥰🥰 鐵板牛肉飯聽返朋友講都係一般般，啲牛有啲韌。不過都要讚返杯西柚梳打喺果日個每日特飲，好fresh 又唔太甜。我全餐就係用佢嚟解啲鹹味🥺

我今日約左朋友去旺角行吓，所以，就係旺角太子一帶搵間西餐廳坐低吃午飯。太子地鐵D出口，一出右面就發現左間呢西餐廳，之前好似有去過杏花邨果間，價廉味美，於是，我們亳不猶疑，就入去太子呢間幫襯。服務員態度很好，好快便幫我們找到座位了。一打開Menu，我就想叫石燒牛肩胛肉眼扒，因為太平啦，78蚊。點知侍應生話，剛剛已售罄。當時，真係超失望，下午3點就無。侍應生介紹食紐西蘭牛柳，惟有咁樣啦！果然，食物嚟到，大大舊牛柳放在石燒板上，我們快速切開後，煎香兩面。牛柳一d都唔老。肉質超淋滑，食落口感一流。要俾個“讚”。👍再落的煙三文魚黑松露海蝦天使麵，大大隻海蝦，食落爽脆，三文魚味道尚可，醬汁也美味，惟獨黑松露味道略嫌輕左，如果能夠重番d味道，那就更好。😋😋😋士多啤梨乳酸特飲，好像士多啤梨益力多味道。好飲。不論是太子或杏花邨，兩間店舖都能保持水準，而且下午去幫襯，沒有加一，收呢個價錢。可謂超抵食。

行街行到赲，就入去呢間cafe 坐下休息下，叫埋個all day Breakfast ，涼下冷氣！ 🌟All Day Breakfast—Paradise Full -薯餅夠脆，熱辣辣，非常香口 -個炒蛋亦非常之滑，配埋隔離D菇食唔錯， 不過略嫌有點淡，可以問侍應加鹽同胡椒！ -個直布羅陀腸，令我有點驚喜，非常之特別， 勁好味 -其他肉類煙三文魚嗰啲，就普通貨色啦，冇乜 特別！

假日小chill去cafe坐下，餐廳都係走小精緻路線，餐廳直接係太子D出口付近唔洗搵路好方便。甘岩我係1點幾d時間去唔洗等位直入好爽。見佢有set lunch 同散叫，價錢都唔貴。西冷牛扒配黑醋汁沙律西冷牛扒屬於厚切，睇到內里係粉紅色嘅，趙落都算霖身牛味濃，唔似急凍扒會食到雪味。沙律菜好新鮮有火箭菜同生菜，黑醋汁味偏酸，食落好開胃。跟餐仲送埋個濃湯同凍飲。濃湯係南瓜玉米湯，飲得出唔係粉開唔係金寶湯黎，食到佢入面d南瓜蓉，甜甜地幾creamy 。煙三文魚黑松露海蝦天使面三文魚有6大件密舖係面上，黑松露好似唔洗錢甘落，每條天使面都沾到好多忌廉白醬and黑松露。如果中意食重黑松露嘅，大推！是日蛋糕 Tiramisu 是日蛋糕有幾款你揀 ，Tiramisu安全牌黎。濃濃咖啡味再配上幼滑creamy口感真係好正，想一啖接一啖甘食！

🤎Cafe paradise🤎令人超級失望的黃店，我好似從來都未試過比咁低分一間店舖。cafe paradise 有好多間分店，而今次幫襯嘅係太子分店：利申無食佢最出名嘅柴石燒。但都係個句，如果你擺得落餐牌嘅話，就要做翻相應嘅質素，唔好因為係前菜就hea整。將心比己，每次比錢都係真金白銀，唔好食嘅，真係唔會比第二次機會去食多次🤍三文魚凱撒沙律 $75今次叫左三文魚凱撒沙律，佢竟然比左普通嘅西生菜我😢😢😢$75換黎嘅係街市$5一個嘅西生菜，叫得凱撒沙律都起碼比個羅馬生菜呀🥲。份量唔算多，佢仲加左蕃茄同粟米，不如你正正經經寫翻係田園沙律算啦🥲🥲🥲有同店員反映到，佢話平時都係比普通西生菜🥬另外，佢嘅餐湯係忌廉紫薯湯🥲飲落好似食奶黃包咁。仲有啲飯好油，啲野飲都好奇怪。我同朋友都聽到隔離比劣評📍 Cafe paradise太子砵蘭街412號地舖———————————

雖說在減肥，還是要吃飯的！只是挑選較健康的食物就好😁 覺得這餐廳的menu選擇很多，大魚大肉/健康飲食的選擇都有👍🏻.🥗煙三文魚凱撒沙律$78近期見到menu有沙律都會揀🙊 煙三邀魚好大片，沙律菜都好新鮮，只要節制啲咁沾醬，就健康又好味😂🥩石燒美國頂級穀飼牛肩胛肉眼扒$70+$30升級套餐（餐湯+沙律+甜品+飲品）呢個價錢食到咁大塊肉眼扒超正🤩雖然肉質未算好滑，但牛味幾濃，而且真係好厚一塊😳同時附上🧅洋蔥汁同黑椒汁嘅安排都好貼心，而且🥔薯茸辣辣地好好食🌶.跟餐忌廉湯都好甜🥣.最後以菠蘿雪糕作結👍🏻

今天和媽媽到太子一間cafe，享用下午茶， cafe近地鐵站， 非常方便， 離地鐵站5至10分鐘路程。呢間cafe有酒飲， 有不同類型嘅酒供選擇，價錢合適。餐廳又有全日早餐供應 ，價錢都好合理。前菜有好多沙律選擇。我哋叫咗一個扒餐， 加多30蚊，就有餐湯，沙律，飲品同甜品，非常之抵食。湯係粟米湯，好香濃嘅粟米味。我就叫咗一個鮮蝦沙律， 材料非常豐富 ，蝦都好大隻，沙律好新鮮，好有田園風味 ，很清新。我媽媽只叫美國石頭牛肩扒，扒是用熱石上碟， 配有好多唔同嘅醬汁，牛入口即溶，食得出係好靚嘅 質素，好高級， 配唔同醬汁 ，帶出好多唔同嘅風味。 薯條都好鬆脆。甜品就係呢個乳酪落雪糕 ，唔會太肥，啱曬鍾意食甜食嘅我。

熱情果沙冰清新嘅果香，配搭奶香，整體口感順滑，而且都唔算易溶，食到最後都仲飲到有沙冰。水蜜桃花茶個顏色有啲似洛神花茶，一開始仲以為上錯左，但一飲就知冇錯，花茶有濃濃嘅蜜桃香氣，味道酸酸甜甜，好解膩，而且份量好多。雖然有火一直溫住啲茶，但飲到最後都完全唔會澀或者太酸，由食正餐前到食完都可以飲住一壺暖暖嘅茶，個胃好舒服。南瓜濃湯通常餐湯都係普普通通嘅水準，但呢個南瓜濃湯俾到驚喜我！湯唔會太濃或淡，口感唔錯，南瓜味又幾香，係會令人想再飲多碗。帆立貝墨魚汁燴意大利粉呢個粉食到我成口都黑曬，但係值得我不顧儀態咁去食，每一啖都食到脆啵啵個嘅蟹子，鮮、香、鹹，食到意猶未盡。煙三文魚黑松露海蝦天使麵煙三文魚同蝦都發揮正常水準，而個sauce係令人覺得有驚喜。黑松露味好濃郁，配埋天使麵真係好好味，啖啖都好creamy，配埋杯酸酸嘅花茶，又唔會覺得膩。但可能因為飲晒成個南瓜湯，而呢個本身都幾creamy，而且分量都唔少，所以到後面唔係好食得晒份麵。