Cafe R&C (已結業)

成日見到呢間cafe既Pepe 拉花post, 所以當日決定一試 💛💛💛 環境有d擠迫，唔算太多檯，peak hours可以考慮訂位做足功課Egg Benedict 要2:30先有售，流心做得幾好😋 兩杯野飲方面，畫得幾靚😆價錢偏貴，可以一試，分別係pepe係matcha latte 同連 strawberry cafe latte😆😆 味道就一般，matcha較為濃郁👌🏼Grilled chicken & avocado linguine 足料好有驚喜💛💛

Cafe R&C #銅鑼灣 #黃店 💛💛💛❗️超可愛立體拉花 仲有卡通人物pepe圖案咖啡❗️完全比呢一間Cafe嘅拉花吸引😍加上係黃店💛醫護仲有免費飲品優惠，即刻同朋友book位試吓！當日平日下晝四點幾Tea time都座無虛席，幾受歡迎！Cafe來講唔算太細，都有四五張枱，有人攞埋電腦溫書，都啱做嘢傾偈😆。用咗深色木系做裝修，有點復古味道。Parma ham benedict🍳$128平日2:30後供應，有classic (smoked salmon), veggies, bacon, Parma ham選擇， 2:30-6:30仲可以半價配熱飲一杯💕！兩大隻流心poached egg，配上車打芝士、荷蘭醬、英式鬆餅。欣賞佢嘅荷蘭醬夠creamy，牛油味好香，鬆餅亦有烘過，算係唔錯嘅benedict。味道: 4/5性價比: 3.8/53D cappuccino☕️$58超可愛嘅熊仔拉花😆咖啡都幾好飲，偏向nutty，一唔酸唔澀，奶泡夠晒多，奶味亦好香，睇得又飲得🥰。味道: 4/5性價比: 3.8/5Smoked salmon salad🥗$108主要用咗柚子醋作調味，甜甜地味道唔錯。但只

今日嚟到呢一間人氣cafe~星期日lunchtime walk-in要等半個鐘左右🙈不過又靚又好味嘅美食係值得等待🙌🏼我同朋友兩個人各至嗌咗一杯嘢飲，另外仲嗌咗一份risotto同薯條share😚先講下嘢飲~我揀咗嘅係士多啤梨鮮奶🍓會配上一隻超可愛嘅連豬🐷而朋友就揀咗抹茶latte🍵配上一隻戴口罩嘅pepe🐸嘢飲唔單止吸引，味道都好好🥰陣陣嘅士多啤梨香味，甜度適中🤓大部分女仔應該都會鐘意🙈至於薯條就係配咗黑松露醬🤩黑松露醬夠香濃，配埋熱辣辣脆卜卜嘅薯條🍟正🥰Risotto我哋係揀咗Porcini mushroom & Grilled Chicken Risotto🍄飯粒無煮到好軟腍，有咬口😛Porcini sauce同芝士完美配合❤️雞肉雖然烤過，但都唔會乾身，調嘅味道都幾好😌

💛💛黃店💛💛呢間位於銅鑼灣的cafe，有好多卡通的拉花latte，梗係要黎試下🤩🤩🤩 入到去我比張all day breakfast poster 吸引咗，就毫不猶豫即刻點咗🧡牛油果🥑All Day Breakfast $138大家唔洗擔心五一黃金週會食肥🤣🤣🤣呢份真係好健康，有近乎成個牛油果🥑鋪滿多士上，再配上新鮮清甜的番茄仔和沙律🥗，食完絕對冇罪惡感。廚師好有心，係炒蛋加入咗黑松露，未食都聞到香味，入口更加係嫩滑和香口，推介👍🏻👍🏻👍🏻🧡Strawberry Latte $50🧡Rich Chocolate $45

一條街有成6間以上嘅黃店 分散投資呀🤓呢間主打特色又高難度嘅拉花 打卡一流但我哋睇錢份上 就簡單揀咗個抹茶算🤭😂.🍵Matcha Latte $52🍵抹茶夠濃香 粉感剛好 真係同牛奶blend埋 唔會好稀 好飲☺️·🧀自家製芝士蛋糕 $55🧀有驚喜 鐘意New York cheese實身得黎好軟滑Creamcheese味好濃 又唔太甜配埋隔離嗰cream 好好食🥰.🥞朋友叫咗嘅招牌法式西多士配雪糕$72🥞多士即炸 外層好酥脆 入面仲係鬆軟球朱古力雪糕夠高質 似60%濃度Tea time 一個人食一份岩岩好😚

想同朋友傾偈，但又唔知去邊，所以就搵咗依間Cafe坐。呢一間餐廳係黃店之餘，而且亦都有好可愛嘅咖啡選擇。鍾意大眼仔嘅我，就梗係揀咗呢一杯抹茶latte. 但唔知點解個侍應，最後整咗個三眼仔俾我，真係好可惜😭

唸住同fd係銅鑼灣搵間cafe坐底食下嘢 上網一serch發現尼間嘢好特色 而且有我地最鍾意既pepe 又係黃店 當然要支持下啦而且店員會幫我地量體溫 噴消毒洗手液而且會準備紙巾卑我地包口罩抗疫做得非常足Bacon  Lover  Bendict流心蛋同bacon配搭得非常好  而且好足料😍  Grilled chicken & fresh Avocado Linguine用左牛油果搞碎整成既醬  味道好特別  食落唔會好油膩  😋#時代抗疫 #時代革命拉花好靚  雖然有小貴  但值得  抹茶味好濃  唔會好苦  而另外一杯黑芝麻豆奶  黑芝麻味好香  唔會好甜  好鍾意雖然有小貴 但值得一試！

呢間cafe d拉花超靚！除左pepe frog（仲要係戴口罩既😷！）, 仲有連豬🐽 連狗🐶 立體拉花都有！真係不得了 超吸睛得呢又好飲🤓🤓仲要係黃店 諗唔到理由唔幫襯😤醫護出示證明仲會請飲一杯咖啡-除左野飲☕️呢到食物質素都唔差🤤黑松露忌廉扁意粉 $110黑松露味幾香 而且意粉係我最鐘意既偏硬身、有咬口既質感💗💗忌廉青口扁意粉 $118食落好creamy😚😚💛-整體都唔錯 不過價錢的確算係偏貴📍 Cafe R&C 銅鑼灣希雲街22-24號地舖⏰星期一至四、日 12:00-22:00星期五六 12:00-23:00

銅鑼灣希雲街既食店林立，呢間cafe 係長年都好多人幫襯，早幾個月食，仲要早一兩日book 定位。不過疫情期間，周圍既食店都唔會full得去邊，今晚都係諗唔到食乜既情況下wall in，都有得即時入座。由於食過幾次諗唔到食乜，就叫左個chef's recommendation，忌廉蟹棒蟹籽扁意粉，忌廉汁同蟹籽既配搭無得輸，蟹柳唔係頹到比夠麵粉你，overall 都幾好食。上次試過覺得sesame latte 幾香，今次推介埋比朋友一齊飲，拉花同以往一樣好有驚喜，輕輕攪下杯latte，戴住口罩既無臉男瞬間有啲似吶喊果幅名畫個男人最近想戒牛奶，所以另一杯sesame latte就要左豆奶，芝麻既味道同樣好香好濃，戴住口罩既龍貓都幾有趣小店入面周圍都有Pepe公仔同連豬 Chef's recommendation 亦會寫係當眼既地方

非常有誠意，位於銅鑼灣的咖啡店，特色拉花Latte菜單： 1. Bacon Lover Benedict ($108)整得都幾好食，流心蛋配煙肉，夠足料！2. All day breakfast ($128)都係蔬果為主，新鮮又健康，份量好大。3. Fresh ginger turmeric latte ($58)真係有一匙羹姜容等你可以混入latte，薑味都幾重4. Green tea latte ($65) 當然係俾隻pépé 吸引住， 綠茶味濃🤤整體都幾好食😋，又有好多打卡位，銅鑼灣來講，價錢唔算太貴，💛💛💛

一入到門口就有個長頭髮曲髮既靚女姐姐幫我們探熱 由於它是黃店感覺非常之女。一坐低就睇有咩拉花可以揀 我就睇到有三眼仔拉花 所以就嗌左三眼仔 咁我就想問下杯野係咩黎 就黎左個菇頭既女仔 勁差態度咁答都唔要 嗌完黎到個陣係菇頭既女士送黎 但佢張杯野放左係我隔離冇人坐既位度沒有推個來我面前 我差點覺得她撞鬼 明明她放的位置沒人 還要放，本來想吃晚飯的 比那位菇頭女士搞到冇心情 所以最後飲左兩杯野 食左個芝士蛋糕就走了。但芝士蛋糕非常好吃 如果不是那位菇頭女仔係度 一定食埋晚餐。

#銅鑼灣黃店 #黃色經濟圈 .Cafe R & C Sleepless ☕️呢間真係又黃又好味！✨✨✨超級推薦俾鐘意食pasta & coffee嘅你Lunch 飲品半價💕.蟹肉蛤蜊白汁忌廉意粉💖呢個係是日廚師之選 $88超多蟹肉在入面，蛤蜊鮮甜忌廉汁香濃😋😋入面加入不少蘆筍、脆肉瓜，口感豐富🥰.牛油果雜菜意粉都好出色🤪雜菜炒得好香，調味恰到好處意粉軟硬適中，份量足！.飲品都有畫公仔！好可愛💖💖推薦mocha俾大家咖啡同朱古力味都好balance入口香濃🥺💕同埋龍貓好可愛😭😭.埋單兩位$200多啲咋嘆到好味pasta 同 靚 飲品😋😋😋.環境舒適、裝修精緻好有慢活feel😌偷得浮生半日閒❣️ .

相信大家對Café R&C不會陌生，以神似卡通圖案拉花聞名，無臉男、Pepe、連豬、多啦A夢、龍貓、Snoopy，甚至係3D咖啡拉花都有供應。我地被安排座係一張長枱，店内多以木制傢私為主，有好多不同擺設，感覺舒適寫意。先揀左無臉男芝麻Latte、Pepe抹茶Latte各一杯，每一杯都係精心炮製，需要少少等待時間。無臉男真係超級得意，影左幾分鐘都唔捨得飲佢，濃郁的芝麻味香氣突出，入口順滑，喝得舒服，中意黑芝麻的人一定要試試。另一杯Pepe抹茶Latte亦很不錯，茶味濃厚而不苦澀，相信呢度的抹茶能夠滿足一眾抹茶愛好者，如我。有網民話Pepe拉花walkin價係$85，唔知當時係咪新年限定，$65就可以飲到，不過只有指定Pepe圖案及口味提供。朋友的沙律賣相精美，爽口的沙律菜新鮮清甜，用上幾款不同的沙律菜，陪襯肥美的煙三文魚和香脆多士，係一個健康的Brunch組合。太肚餓的我選擇左黑松露雜菌意大利麵，扁意粉岩我口味，特別襯Creamy Sauce，每條扁意粉都沾滿黑松露醬，配埋香噴噴的雜菌，每一啖充斥著黑松露獨有的香氣，越食越香。

咖啡店已經成為每個星期必到的地方，雖然選擇眾多但是質素亦非常參差。經過希雲街多次都沒有機會試試這cafe，剛巧經過見到有窗邊位置，決定一試。黑芝麻咖啡相對比較特別，又可以加錢轉豆奶或者燕麥奶，不過wow factor不大，價值錢亦偏高作為薯條控的我則對truffle fries表示滿意，因為truffle sauce 非常香濃，亦慷慨地給予足夠份量，而家薯條炸得恰到好處至於多士方面就比較遜色，麵包亦不是用比較健康的sourdought或rye bread

喜歡玩公仔又喜歡飲咖啡嘅呢間應該啱你哋，呢間可以帶自己嘅公仔去比拉花師傅將公仔畫上咖啡面，價錢由公仔嘅筆劃複雜程度而定，而呢四杯價錢其中三杯係$65，炭治郎因為比較複雜所以$95，我哋好彩被安排坐吧枱位置仲可以睇住師傅拉花，好精彩，咖啡除左靚外味道亦唔錯，咖啡味香濃又夠滑，幾位年青店員招呼亦好有禮貌，建議如果係想帶自己公仔去比師傅畫嘅最好預先預約，因當日目測師傅都幾忙不停為咖啡拉花，或者可以選擇平日下午茶時間去都可以。