Casa Di Thali (已結業)

While thinking of what to buy home for dinner tonight, I walked past this cafe and was attracted by their menu. Casa Di Thali was located at Charming Garden, Tai Kok Tsui.They served Italian and Indian cuisine such as appetizers, pasta, pizza, curry, desserts and drinks etc. Casa di salad - The chef was generous with the portion, which covered the whole paper box. It consisted of kale, red onion, crispy chickpeas, shaved parmesan, lemon and mustard dressing. Kale was fresh and crunchy, chickpeas

趁得閒返去母校附近舊地重遊，發現附近有好多食肆都唔同咗，咁啱見到有間新開嘅餐廳，糅合印度同意大利風情，好似幾特別~不過去到嘅時候已經過咗六點，就叫個外賣返屋企試吓。外賣包裝簡潔企理，亦清楚標示食物款式，估唔到呢間餐廳都有手工蛋濶麵提供，而且質素唔錯！手工麵食起上嚟特別有煙韌感，呢款面配上較濃稠嘅醬汁就剛好。另外點了一份蕃茄醬肉丸，三粒大大粒，食落Juicy又鬆軟感，切開肉丸再沾滿充斥香草味嘅蕃茄醬汁，食得滿足！叫餐嘅好處係跟埋一份甜品，要咗Tiramisu，用外賣碗裝住大大份，唔會食到到喉唔到肺！Tiramisu 食落層次分明，似乎又搵到間一間質素唔錯嘅特色小店！

繼續疫下外賣系列，今日經過呢間喺奧運新開嘅小店，俾佢嘅裝潢吸引，原來係一間印度x意大利餐廳，由幾位外籍人士主理，夠哂特別。睇吓個晚餐menu，有咖哩、pasta同pizza可以揀，款款$138，跟頭盤同甜品。煙三文魚沙律除咗有煙三文魚同沙律菜，仲有牛油果、青瓜同蕃茄仔等配料，加埋個香醋汁好味又開胃。Tagliatelle 寛扁麵心大心細最後揀咗食pasta。呢款寛扁麵用咗意大利香腸、茴香、大蒜、洋蔥、蕃茄製成肉醬汁，撈埋al dente嘅麵條一齊食，啖啖都充滿意式風情。店員仲好細心俾咗盒芝士粉添。Tiramisu甜品揀食tiramisu，mascarpone芝士味香濃，忌廉入口軟滑細緻，仲好香朱古力味，食哂食杯都唔會覺得膩。。。Casa Di Thali (大角咀)大角咀海庭道8號富榮花園二期地下57號舖。。

同同事去左大角咀買外賣番公司做lunch~ 餐廳係西印特式餐廳～ 西餐之中應用了印度菜的做法我地叫左南瓜湯，煙三文魚沙律，Pizza，朱古力Tiramisu，肉醬粒粒意粉，粉絲甜品肉醬粒粒意粉非常得意，個肉醬好好食，個粒粒意粉有大粒有細粒～非常可愛！同特別，個意粉既口感似變粗了的意粉，很有口感和咬口！煙三文魚沙律既菜好新鮮～配搭住芝麻香味～一啖牛油果一啖三文魚真係好食又新鮮粉絲甜品好得意，有啲粉絲又有啲nuts，非常特別！Pizza 味道唔錯～ 健康又好味～ 厚厚有咬口又足料！朱古力Tiramisu 好好食～好有驚喜呀～甜而不流！好creamy！真心好正

之前一路想试，今日路過，見佢有外賣優惠，45 一餸連飯，二餸 60,包汽水或凍欽。一見佢 pack, 知中伏，D雞同豬係各3小粒，D汁得一半，就已傘哂D肉。飯唔夠熱，餸少，味正常。美心，大家樂咖喱反好過佢。

大角咀新開意大利mix印度餐廳Casa Di Thali小店只有3張檯，但出品的意大利菜同印度菜色都超有心思。除了A la Carte午餐3個course, 前菜,主菜連甜品，都只係九十多元起，叫晒意大利菜，或者前菜印度小點，主菜叫份意粉都好過癮。-前菜叫了南瓜湯及印度傳統薯餅南瓜湯香甜濃郁得黎，帶少少乳酪的微酸，層次豐富。至於印度傳統薯餅，素食者肯定大愛，薯仔輕煎得香口，又有粒粒鷹咀豆，加埋脆條同蕃茄粒粒，香口又酸香。Parma Ham Pizza不得不提的是小店既Pizza 真係超！好！食！手工薄餅人手搓餅，餅底不是硬的麵粉糰，食落卻係外脆內軟，輕輕一聞到麵糰烤焗後的麥香味。Parma Ham咸香，拼Stracchino, Mozzarella，也是令人Comfort的味道。-Short Rib Pappardelle 除左Pizza, 慢煮紅酒手撕牛肋肉寛條麵也讓人有驚喜。寬條麵不但外型細緻、又富有蛋香味，以紅酒煮過的牛肋肉滋味濃郁，寛麵的折縫攔截了多汁的豬肋肉，甜美細膩。-甜品選了印度Vermicelli Pudding帶微溫的Vermicelli Pudding，有點像煉奶加

屋企附近新開嘅印度餐廳，驟眼睇以為係正宗印度餐廳，食下咖喱咁，但原來佢係印度意大利fusion餐廳。芝士羊肉豬肉丸佢個茄汁醬簡直係世界級，除咗有芝士味，配埋佢嘅肉丸真係好正，而且羊肉同豬肉份量配搭得好好，唔會話太羶黑松露意大利粉見到佢黑松露片勁多勁多，心裏面真係暗喜，出面西餐廳食嘅話一定要幾百蚊，但係依度都係$100到，已經享有咁多黑松露，真係好開心呀！Calzone pizza 呢個係我覺得食完之後食過最特別嘅Pizza，因為佢嘅外型已經吸引，而且切開後入面嘅汁仲會爆曬出嚟，入面就配有莎拿美腸，配有茄汁，我就好貪心咁加好多羹個包入面，味道更上一層樓。😂😂😂😂甜品係印度特色甜品，佢好似食緊凍嘅粉絲咁樣，入面有啲奶，忌廉，上面仲配有一點開心果碎，感覺非常之特別！

Casa Di Thali係富榮花園入面一間新開嘅印度Fusion西餐，雖然係印度人開嘅，但入面嘅菜式都以西式為主，只有小量印式小食、飲品同甜品供應。同好多印度餐廳一樣，點完菜會有一份胡椒餅同多士(免費)，兩樣都好香脆，食時可以醬另附嘅番茄粒同洋蔥粒加上去，鹹鹹酸酸咁，都幾開胃。Set lunch由$98至$118，價錢取決於邊款主菜，套餐包左頭盤、主菜同甜品，價錢都合理，而且仲唔洗加一。南瓜湯 - 南瓜味幾香甜，如果杰身一啲更好。煙三文魚沙律(跟餐加$10) - 煙三文魚幾厚身肥美，加埋青瓜、車厘茄同火箭菜，幾清爽開胃。意大利千層麵($118) - 千層麵上枱時非常熱辣辣，上面鋪左好多芝士粉，中間有加左肉醬，千層麵唔會太厚或太硬，茄汁味都夠，整體唔錯。意大利辣肉腸薄餅($108) - 薄餅直徑大約9吋，因為係即叫即焗，所以要等得耐少少。薄餅屬於薄底，口感非常香脆，餅邊較厚帶啲煙韌，上面鋪滿芝士鹹鹹地帶少少微辣好惹味。Rasmalai - 中文我地叫印式甜奶球，中間有兩粒牛奶球，口感煙煙韌韌，浸喺用開心果同甜牛奶整嘅糖水入面，甜甜地好香奶味，但又唔會好羶，味兗其實唔錯，比起其他印式甜品

落雨濕濕☔️眼懵懵👀見電車就上🚌去錯目的地😅周圍都好多嘢食😘梗係要搵啲未食過嘅餐廳試吓啦😉嘩😛好多英文啊連個老闆娘👩🏾‍🦱都卷晒脷👅講英文👄老公👨🏻‍🦱都係聽得三成、你話我聽唔聽得懂😏聽懂一成啊、淨係聽到佢問係到食定拎走，然後等10分鐘啦🤣🤣🤣🤣好彩餐牌都有中英對照😅一人嗌咗一個套餐😃先送上麵包同薄餅（個洋蔥醬好特別😋放上麵包同薄餅超好食）老公👨🏻‍🦱叫咗佢鍾意食嘅嘢😊印度傳統薯餅～食落去有啲好香咖喱味😃唔太辣、又D乳酪🧀️但係又好好食喎😍馬格麗塔pizza🍕脆卜卜😉材料唔多、唔會太油😃又唔錯喎👍🏻印度傳統奶茶☕️零舍有一種唔同嘅味道😘我梗係叫返我自己鍾意食嘅嘢😍南瓜🎃湯～嘩😘熱辣辣🍵超濃郁🥹正👍🏻意大利千層麵～意粉好滑、好香嘅橄欖油味Chocolate Tiramisu～好香嘅朱古力🍫好滑😙今次我成杯俾我食晒😘因為太好味😋第一次食印度🇮🇳餐、喺我心目中以為會好肥膩😜錯喇🙅🏻‍♀️呢間餐廳每一款食材、分量同味道啱啱好、似大酒店🏨廚師👨🏼‍🍳格調、價錢又唔貴😄如果我住喺附近我諗我會經常幫襯佢😊今日好彩搭錯車😂又搵到好嘢食啦😆😆記住要英文落order嘅、唔識都可以看圖嘅🤣🤣🤣🤣就比張看圖餐單你哋睇

奧運居民有口福了！喺大角咀食街海庭道地舖位置開咗間新餐廳，喺由兩位年輕印度朋友仔開始，以揉合印度同義大利風情菜式為主打嘅精緻餐廳，成為區內新寵！食物質素：⭐️⭐️⭐️⭐️⭐️服務態度：⭐️⭐️⭐️⭐️⭐️性價比：⭐️⭐️⭐️⭐️整體環境：⭐️⭐️⭐️⭐開頭我都覺得印度同義大利，點都好難有火花，點知真係有驚喜！🤪🤗❤️認住呢個藍綠色小篷，唔仔細睇有機會行過左架！餐廳叫Casa Di Thali，CASA其實意思係「家的感覺」，延伸至餐廳期望帶比食客好似喺屋企食飯嘅溫馨感覺。😌🍛餐廳每日供應多款套餐，全部都係日日原食材新鮮選購同炮製，包括傳統咖哩（包括牛羊雞等等）餐Indian Lunch $98又或者好似我咁貪心，樣樣都試D（不過都好足料架）😊😍可以揀：前菜Starter+麵條Pasta+飲品或甜品Drinks/Dessert前菜Starter+披薩Pizza+飲品或甜品Drinks/Dessert有人話最普通嘅事/菜式，就係顯露餐廳誠意/功架嘅地方。從呢間只有大約8個座位內嘅餐廳，我見到從餐具到梳化，全部都係有可以襯色——藍灰色，盡顯心思。🍅麵包：小吐司和印度薄脆陪番茄莎莎，番茄非常新鮮，第一次同印度薄脆一齊食，薄脆嘅鹹

難得出外走走見有餓意就隨意入了間餐廳很多只是外賣而已但我始終覺得即製的美食才是最佳的位置係海泓道油天，李國寶中學對面都容易搵到前菜有蕃茄他他多士併薄脆蕃茄及紫洋蔥切粒再伴以橄欖油新鮮及清新的味道配搭香脆的多士及薄脆很醒胃南瓜湯很暖胃，香甜的洋蔥粒及南瓜蓉互相配合不算太濃郁，喜歡這樣的水感加上滑溜的cream更能帶出南瓜的香味巴馬火腿拼盤巴馬火腿咸香，莎落美腸微辣，松露芝士濃郁香氣，互相配合，估唔到呢度都可以享受到，加上清甜提子去一去肉膩都唔錯。如果配上美酒更佳。肉醬千層闊麵熱辣辣，要小心燙口每層千層闊麵夾著香草，肉醬面層是邪惡的芝士食落很濕潤，唔會因為烘焗而口乾整體上岩味，唔會太咸海鮮pizza薄餅香脆薄底，非常值得去食上面有不少海鮮材料，有蝦仁，蟹肉碎，仲有車厘茄，食落去很清新薄餅很有口感，煙韌基本上麵食，薄餅麵糰都係廚師自己人手製作唔係工廠的貨品食落去很有彈性

夜鼆鼆一個人喺大角咀附近，要買外賣番屋企醫肚，經過呢間小餐廳，見到寫住意大利菜🇮🇹同印度菜🇮🇳，呢個組合都幾得意，似乎未試過😆，人一世物一世，咁就決定試吓😆要咗個$138嘅 Set Dinner, 裏面包括：- Meatballs- Chicken Tikka Pizza 🍕 - Tiramisu肉丸有三大粒，幾好肉味，沾上紅紅哋少少辣帶印度風味嘅醬汁，好惹味😋。Chicken Tikka 源於印度🇮🇳，用來做Pizza🍕，竟然出奇地夾，又係辣辣哋，好食😋。提拉米蘇🍨唔係好甜，相當creamy, 幾啱我胃口😆咁嘅價錢，真係好抵食😆

當我因為探嫲嫲經過大個咀，發現到這間隱世又浪漫神秘的意大利餐廳。裏邊有好多意大利嘅名菜都覺得好好食。LASAGNA真正意大利的名菜, 採用真正來自意大利的芝士MOZARELLA, 非常之CREAMY, 配上BOLOGNA 意大利中部的牛肉簡直是完美, PERFECT MATCH..千層闊條麵當然好多人食過，但係佢哋嘅獨特係因為原汁原味，採用意大利傳統嘅烹製手法，我相信比意大利當地更好食。cafe espresso這款意大利濃郁咖啡相信係極之濃郁好多地方都冇去咁delicious..

這間位於大角咀的餐廳，午市有套餐供應，價錢由$8x起，包前菜、主菜及甜品。先送上麵包配番茄莎莎，麵包香脆又好味。Smoked salmon salad沙律份量十足，以火箭菜墊底，加上牛油果、煙三文魚、青瓜及橄欖油等沙律清新開胃。Cold cuts巴馬火腿、莎樂美腸、松露芝士的組合，平時出去食都要$7-80，巴馬火腿咸香味，配搭上清甜提子，中和咸味感。Sardinian Gnocchi手工制的麵團，有點似薯仔麵團，入口煙煙韌韌，加上帶點中東口味的意大利肉醬，非常有特色。Seafood pizzaPizza餅底又薄又脆，以蝦、蟹肉等配料製成而成，既香且不膩。Tiramisu 蛋糕吸收了酒香，入口甜而不膩。Rasmalai 有點似芝士凝固物，吸收了濃郁奶香，不過味道較甜。

喜歡幫襯新店的我，喜歡發掘香港每一間新餐廳。今日經過大角咀，見到一間新開的Cafe，門口給我的感覺是一間普通的Cafe，但入面裝修精緻，原來係一間意大利小型餐廳。裏面全部人都是外籍人士，店主係一位尼泊爾外及一位印度人合夥經營。他們兩人都是在香港某集團的餐廳做廚師，對食物有很高的要求，堅持全人手做，所有的Pizza及意粉，都係由麵粉開始自己親手做，感覺好似外國意大利小店的家庭式經營。而且店主非常健談。我點了一個pizza及意粉Pizza真係好好食，好香。平時幫襯某大集團的Pizza，每次我都覺得超難食，平時不愛Pizza的我， 我差不多食晒成個pizza，因為皮薄，軟熟。我有點了過龍蝦意粉，因為我外賣返屋企食， 返到屋企大約20分鐘，成個意粉都好好食，蝦好新鮮， 爽口彈牙。 個龍蝦汁超濃，而且個麵條好彈牙，平時的意粉好硬，因為連麵條都是他們全人手做，所以都係十分正。所有加埋都係大約$200到，平均消費100人，真係性價比好高，我值得喺這個疫情期間好好支持這些小店。平時，好多西餐外賣返屋企之後就唔好食，但係佢呢間餐廳外賣返屋企，仲好好食😋