CEO Neway (已結業)

同友人唱k，點了牛仔骨飯、西檸雞飯、紅咖哩豬脛飯、雞扒飯、龍蝦丸意粉。中式飯同食送分開上，d食送好大碟，算ok la ，幾好食。西式中，意粉就平平無奇，但雞扒大到有點難以置信，好似牛扒咁大，都幾好味。唱k其實都自在唱，食係期次。ceo 表現幾好，廚房ok 。

今年生日揀左銅鑼灣CEO開PARTY,真係無揀錯!一入大堂,個種氣派已經殺晒!!好大鄉里地行埋COUNTER拎房,原來係唔駛!!只要坐係梳化度就有工作人員埋黎幫你,真"囉"!入房時見到琳瑯滿目既自助餐,真係唔錯!!我都唔記得食左幾多野LU,因為次次行出去都有新菜式,而且仲幾好食添!連我最鐘意既燒雞翼都有,真開心!!仲有魚生任食,齋食BUFFET都抵!!仲包2杯飲品BOR,外邊百零蚊BUFFET都係得一杯之嘛,仲可以唱足幾個鐘,正丫!!可能今次人多關係,CEO送左支香檳添,真係幾驚喜架!今年生日有蛋糕有香檳,仲有好多好朋友一齊,今年生日過得真開心^_^

一個即興的卡拉ok 聚會, 四個人中有著三個有著尋醉的心態, 點了一個黑牌威士忌套餐, 其中包括了二個小食, 一支750ml黑牌威和二瓶可樂綠茶等飲品, 離開學校以沒有再飲黑牌威了. 這次真的有點久別重逄的感覺. 朋友們都把仔混起可樂和綠茶來, 但還是喜歡加一粒小冰塊盡量保留著原有香味; 兩個小食椒鹽魷魚鬚, 外表不香脆肉質偏韌多油; 脆香雞翼反而表玩不錯, 雞翼香口加上泰式酸辣醬十分野味.吃喝玩樂了數小時, 威士忌亦已喝盡, 喉嚨也沙起來了, 不歡的心情亦已宣洩了不小.

20050601 7.30pm5人, farewell 我同另一位同事A小姐的K 局~先講錢- 人頭費$78(包2個standard drinks), 3個nuts, 2個果盤, 5個set dinner($38@), 小食3碟($28@, 10pm後買2送1), 一打喜力(其實係飲o左一打and a half, 因為買6送3).再講食- 我食銀鱈魚牛油飯, 得手wor居然! 另外同事既咖哩雞扒印度薄餅亦係掂. karaoke 黎計算係超水準啦. 小食就仲更加得! 要左個雞翼, 雞軟骨同埋一口牛肉, 一口牛肉勁好味, 好tender. 雞軟骨味道不俗只略嫌炸漿太厚.除開每人$300, 抵啦, 咁樣飲法wor!

銅鑼灣CEO係我唱K的首選﹐大堂好大和有氣派﹐似足上海錢櫃卡拉O K﹐服務甚佳。首次試他們的Buffet ﹐加28元﹐在二樓的中央位置﹐熱盤有十幾款﹐包括多樣蔬菜、魚、鴨胸、熱炒等﹐魚生約有三、四款﹐但每次只給幾片﹐甜品我冇時間試﹐唔太清楚。但熱盤經常換款﹐食完一轉再去又唔同款﹐味道甚佳。缺點係Buffet 響二樓﹐如果你響一樓唱就要成日上上落落。但總括而言﹐服務、房間裝修、走廊和音響設備都比Neway好好多﹔但缺點係假日晚上七時入去﹐只能唱到九點九﹐唱到頂住個肺。

好似賣廣告咁，又確實係一個做生意的手法。尋晚又有聚會，是同食友們去卡拉OK，今次總共有十六位朋友出席，有幾位更是新朋友。以前因為來親都比較夜，所以都係唱歌多，今次就食埋野。呢度地方幾好，眼見都算乾淨。K房有獨立廁所，夠晒方便。侍應服務態度都算唔錯，招呼都不錯。食物要上一層樓，估唔到食物種類都好多，除了一般的沙律、冷熱盤外，連壽司、刺身、生蠔都有，當然質數不會太好，但以加多幾十蚊的價錢又係幾抵。因為遠，又玩得開心，所以全程只拿了滿滿的一碟沙律，都算新鮮，而味道過得去；另外吃了牛油果拿的玫瑰﹝？﹞牛腱，真係幾有玫瑰味，有點怪怪的；也有朱古力火窩，但吃了一顆士多啤梨，味道又真係麻麻地，相信是朱古力的質數有關。另百威買六送三，當然全程飲佢。埋單三千零八十蚊，每人二百蚊，唱左成晚又食左一餐，都算唔貴。題外話：以平價在卡拉OK推自助餐，可以推供由食至唱的一條龍服務，又可以令客人留在店內更長時間，就算以平價推都諗得過。

Neway去得多，CEO 都係第一次o黎。平時唱k食buffet我一定不會寫食評，一來志在唱k，二來d食物好食有限。今次大家一o黎到唔係先點歌，係野食先，大家都俾食物吸引住。即切刺身都幾新鮮喎，仲係厚切tim、羊腩煲夠諗夠入味，只係唔夠羊羶味、燒豬仔骨燒得唔乾又唔肥、其他有煙三文魚、兩款焗蠔、焗田螺、盆菜等，以這個價錢來講，款式有唔少。至於甜品竟然有朱古力噴泉，不過唔夠熱而且預左都唔係靚朱古力，點完生果後d朱古力好快硬晒，癡晒係隻碟到。而其甜品買相麻麻，起碼我咁鍾意甜品都有食到。每位只另加28蚊就有buffet 食，水準唔差，比得上三四星級酒店百零蚊個d buffet，仲有得食有得唱tim。好期待星期四晚同d openrice 網友又有得食有得唱。

星期三晚, 一共11個人去左唱K加dinner buffet, 人頭費每人$79, 包2杯無酒精成份飲品, 再加$28 食buffet, 果盤nuts 另計(我地因為有coupon, 可以免費食buffet)我地大約8點鐘攞房, 可以唱到第二朝5:45, 房間夠大, 有獨立洗手間, d咪o既電唔係好夠, 唱左個幾鐘開始無乜電d喇buffet d 野食選擇都幾多, 中西式同埋壽司都有, 仲有燒牛肉甜品就大路左d, 不過有棉花糖同埋士多啤梨比你自己dip 落d朱古力度, 而d朱古力唔會太甜, 幾好味

第一次去ceo neway, 我覺得好正囉，經理又有禮貌~~下次一定再去~~

今日同三個朋友唱k lunch, 我同另外一個朋友叫o左豬扒帶子定食(見圖)。d 豬扒炸得略嫌乾身, 而且d 沙津醬份量又少, 所以d 豬扒都幾難啃。個定食跟個好杰o既忌廉汁、八爪魚仔同埋中華沙津, d 配菜幾好食。另外一個朋友叫o左黑椒牛扒意粉, 佢話牛扒本身唔un 而且帶有濃郁o既香肉味, 但係個黑椒汁就淡o左d。最後另外一個朋友叫o左個時蔬玉子豆腐, 我食過一兩啖, 都幾好食, 最緊要夠多汁。

同幾位朋友去唱K, 由5點唱到8點幾, 朋友們提議係K裹面食埋晚餐, 六個人叫左5個菜, 5個菜水準都係一般, 其中蔥爆羊肉唔錯, 而海皇豆腐則痳痳地, 約莫$20 一個菜又真係幾平, 連唱埋單六個人都要近六百. 清潔都真係痳痳, 其中一隻碟幾污糟.

本來係一間大房唱緊,突然要人搬房,話比間大d既我地,點知細一半,無恥,原來佢地個層樓因客少成層唔想開,唔掂d野食比前v-mix差好遠,bad貴,受騙

我去過兩次，ｄ房真係好大，第一次去可能係星期六同埋早既關係啦，所以八點幾去到，只可以唱到十一點幾。第二次我係星期五晚零晨１２點幾去，就可以唱到第二朝既５點９，咁計落真係抵好多既。我最欣賞既，除左係個房寬敞之外，就係有獨立廁所，地方又乾淨，而且招呼非常周到，一打電話去服務台，唔夠３分鐘一定有人到，雖然價錢係貴少少，但都值得既。

去o左唱lunch k, 想叫o既lunch, 冇晒, 再揀過, 又冇... 叫o左樣唔太鍾意o既豬柳扒飯(又唔可以轉意粉/薯菜)... 12:30叫, 1:30先o黎(吹o左3, 4次...) 話唱到2:45, 2:20就cut... 除o左大之外, 冇樣好... d咪長期冇電!!

首先update番D資料先；呢度個電話係：2137-9777；店名：CEO Neway。唔該Openrice改番佢o丫，thanks！一班人o黎唱K。對上果次o黎呢度仲係V-Mix；轉o左Neway之後，裝修同以往似乎一樣，依舊走舒適豪華格局，每間房寬倘之餘間間都有獨立洗手間，都幾舒服。而且Neway D歌新D，都唱得幾開心。食物方面，好似唔多覺呢度有buffet；我地都係叫下D snack飲下o野咁。可能因為冇食o野，埋單為起每人都係約一百蚊，都幾抵唱~~