Châteraisé

營業中

休息中

噚日（7-8-2024 Thur)晏晝，男同事由雪櫃拎盒西餅出嚟，叫我揀一件。我問邊個請？佢支吾以對，我就揀朱古力先。朱古力呢件面上有士多啤梨，食落，朱古力cream甘唔太甜，蛋糕層唔厚，但有啲朱古力脆脆，口感豐富嘅，而士多啤梨就正常冇問題。之後同女同事fact check ,原來係一個已經冇做嘅同事拎嚟請大家食。其實呢件嘢好普通，價錢又貴，所以只可俾喊面，不過真係多謝嗰位舊同事咁破費。上次食評係2024年7月24日刊登嘅呢篇: https://www.openrice.com/zh/hongkong/review/blue-%E5%AF%86%E5%AF%86%E9%A3%9F-e5587551

噚日（23-7-2024 Tue）晏晝，女同事SL返嚟，佢喺喥買埋瑞士卷嚟食，佢買咁綠茶同原味，俾咗原味我。睇見佢嘅忌廉係好多，大約佔四成，食落，卷蛋係雖鬆軟但都有啲實，蛋味濃郁，忌廉滑但我覺得甜咗啲。其實之前SL都買過請我同同事食，應該佢係唔記得。4.5分上次食評係2014年7月17日刊登嘅呢篇：https://www.openrice.com/zh/hongkong/review/blue-%E5%86%8D%E9%81%87%E6%B3%A1%E8%8A%99-e5572710

今日（17-7-2024 Wed）女同事SL晏晝返嚟，佢就喺呢喥買咗幾件泡芙請我哋食，佢買嘅應該全部都係士多啤梨泡芙。我唔客氣喇，一食，泡芙同上次食到嘅一樣唔脆，係士多啤梨正常嘅酸甜偏酸，但新鮮：忌廉同樣係滑同唔太甜，下面嗰啲就係朱古力味忌廉，同樣唔太甜，味道亦唔太濃。上次食評係2024年2月21日刊登嘅呢篇：https://www.openrice.com/zh/hongkong/review/blue-%E4%BA%BA%E6%97%A5%E7%94%9C%E5%93%81-e5311133

16-2-2024（Fri）年初七人日，要食件蛋糕嘅，lunch hour出去買嘢，就順便買啲cake返公司請同事食啦，呢喥有東海堂，聖安娜同Charteraise，不如試吓Charteraise，因之前離職嘅同事，分別俾過佢嘅蛋卷同曲奇，我覺得蛋卷唔錯。嚟到睇吓啲cakes，見到有$38.00一件嘅Tiramisu千層蛋糕，宇治抹茶千層蛋糕，買Tiramisu千層蛋糕？男同事PH同女同事C都已經成日飲咖啡，而且唔係咁好甜，於是買宇治抹茶千層蛋糕俾佢哋，我自己就揀$18.00一個嘅水果越南咖啡泡芙。買嘅時候，店員好似好亂，差啲買多咗，之後睇見佢都有擺個冰包入紙盒內。拎到返公司，影完相就即刻俾兩件同事食，我都即刻食泡芙喇，佢已經唔脆，忌廉唔太甜，生果正常冇問題，而咖啡味呢？喺邊喥？原來要食到底嗰啲忌廉至有咖啡味，唔太甜，咖啡味都唔係濃。問同事宇治抹茶千層蛋糕好唔好食？佢哋答好食。今次我呢個就普通，可能我揀錯嘢啦。味道分只計我嗰件。服務:  3.5分，抵食: 2.5 分