影片
營業時間
今日營業
10:00 - 21:00
星期一至五
10:00 - 21:00
星期六
10:00 - 21:30
星期日
10:00 - 21:00
以上資料只供參考, 請與餐廳確認詳情
大同初九慶生🎉拜年，初八親身去咗Chateraise訂蛋糕🍰，揀咗好多款，最後訂咗熊貓🐼（$288），似氹細路仔👦，包埋寫字✍️，見到櫃檯附近有紫薯麻薯批（$26），買咗一個試，個皮唔夠脆。憑單攞蛋糕🎂，即時對咗朱古力🍫牌先放入蛋糕🎂上。拎咗去酒樓海天但要收切餅費$100。食完主菜叫店員準備蛋糕🎂唱生日🎂歌吹蠟燭🕯️，切蛋糕🍰睇到係一個朱古力🍫蛋糕🎂，小朋友👧🏻們爭相要熊貓🐼既眼耳口鼻同手腳，好殘忍。平時我少食朱古力🍫蛋糕🍰，都覺得唔錯👍🏻有朱古力🍫片，小朋友👧🏻都鐘意食
繼續閱讀
見屋企附近有呢間舖頭俾個機會去試吓，朋友生日就買個生日蛋糕啦，見到poster寫日本食材，我哋五個女仔食，買咗個12 cm，啱啱好，第一次試呢個朱古力忌廉蛋糕，甜度適中，不過面頭朱古力磚略嫌過甜，朱古力cream有啲脆脆其實都幾夾，$135 我就覺得性價比高🤣味道對得住價錢，咁當然唔係lady m 質素啦 但我見呢間舖頭都有好多分店，想買都幾方便，所以都係生日蛋糕其中一個好選擇，同埋如果人多想買大啲嘅蛋糕都幾抵，性價比之選，另外我見佢仲有啲士多啤梨蛋糕，都係用日本嘅士多啤梨，我決定咗下次試吓嗰個，仲有好多款蛋糕都好似好吸引，賣相打卡冇問題🤣
繼續閱讀
呢間野真係唔掂，貴得黎唔好食，門面功夫實在做得太好，歷史嘅教訓比我拋諸腦後，我又再一次中佢伏，我真係永遠唔會再比機會佢🥲母親節買俾媽咪，見到個外型都幾靚，職員又話係千層蛋糕，就買左，結果真係好失望，其實貴少少都唔係問題，個問題係一啲都唔值。士多啤梨又酸，個蛋糕又唔好食，屋企人都頗有怨言🥲，媽咪仲要牙齒敏感，啲士多啤梨酸到食唔到😞$310呢個價錢你唔會估到個内餡得忌廉同埋海綿蛋糕，同幾片千層薄餅，原來所有嘅士多啤梨喺晒上邊一眼睇哂，仲要酸嘅！我以為個蛋糕點都會夾啲士多啤梨片，乜都無，真係得忌廉同埋海綿蛋糕，唔係想像中嘅千層夾忌廉🫠
繼續閱讀
【人氣連鎖日式蛋糕店🍰】////生日就係要開展美食之路〰️小編作為白羊寶寶表示非常開心幸福!!🐑今年食左六個蛋糕 其中一間喺香港越開越多分店嘅Chateraise 佢哋嘅蛋糕有好多款式 就算即買都可以請店員係生日牌上面寫字✍️好方便!!🙆🏻♀️.👉🏻草莓公主🍓 (12cm $120)蛋糕上面有滿滿嘅士多啤梨同忌廉 4-5月仲係士多啤梨當造嘅季節👏🏻每粒味道都幾鮮甜 😽藍莓就一般 側邊嘅鮮忌廉擠得厚身 甜度適中唔會太膩 而蛋糕味道偏甜 質感鬆軟(⁎⁍̴̛ᴗ⁍̴̛⁎)———📍Chateraise 各區設有分店🙌🏻荃灣大河道100號海之戀商場地下G19號舖
繼續閱讀
呢日喺荃灣做完嘢，行經荃灣西海之戀商場見到呢間甜品店，就諗起佢最近新出左一個法式焦糖瑞士卷，就決定買來獎勵吓自己。由於今日係年三十，所以有好多人喺度排隊選購蛋糕回去慶祝，邊上需要等待的時間亦會相對較長，而且這個法式焦糖瑞士卷是需要一點時間製作的，因為店員需要用火槍微微燒焦表面的焦糖才可入盒，大概等待10分鐘，店員便端上已入盒的瑞士卷，並提醒我要於1小時內食用，所以我便拿回家享用了。法式焦糖瑞士卷（$26）基本上，同原味嘅瑞士卷一樣，夾心依然係幼滑嘅牛奶味奶油，只係表面會多咗焦糖面，而焦糖面同焦糖布甸的原理是一樣的，味道亦大致相同，所以變相會令到瑞士卷嘅甜度提高，味道是不錯的，比較適合螞蟻人，但是平日不太愛吃甜食的人可能就會不太習慣。總括而言，蛋糕嘅水準都係維持喺佢固有高質嘅水平，而且以同一類型嘅蛋糕與外面的店家對比的話，這裏的蛋糕價格也是相對便宜的，所以性價比很高，也是我經常來光顧的原因，十分推介大家來試的。
繼續閱讀