Châteraisé (MOSTown新港城中心(4期))

營業中

休息中

見到報章大肆報導馬鞍山有間日本人氣甜品店登場就走去試下啦! -去到見到原來係由香港某糕餅公司Operate, 有輕微失望-歡樂熊寶寶 -$32-賣相好可愛, 不過真係得個樣, 講得上係難食, 無辦法食完一整件-熊寶寶的外層為朱古力海棉蛋糕 - 但蛋糕太乾, 一拮落去就會有蛋糕碎走出來-內層為棉花糖、朱古力漿、忌廉、朱古力碎-整體唔特別...係個樣得意啲-鮮忌廉蛋糕🍰 - $38-Emoji個樣同件蛋糕勁似-蛋糕係呍呢嗱海棉蛋糕, 比一般蛋糕香, 但蛋糕質感都係太乾 (睇相都睇得出佢乾), 中間就係士多啤梨醬-試一次知道咩事就夠

近日ig常常被這款雙色泡芙洗版，聽聞是這家日本直送糕點店的人氣no.1商品，又累積全球售出逾5億個！想試很久了，可惜分店都遠離我平日的活動範圍，難得今天來到馬𩣑山便來試試！手掌般大，是日本直送，售12元，價錢合理爆餡忌廉讓人吃得超滿足，每口都是滿滿的忌廉，抹茶味道不及平日抹茶甜品專賣店般濃郁，只有淡淡的回甘，味道偏甜，不過也因此跟原味忌廉更搭，沒有搶過原味忌廉的味道，買這個的話就不要預期忌廉的抹茶味道濃郁，否則會失望。 原味吉士味道應該更好😛外皮是軟趴趴的泡芙，跟外皮鬆脆的西樹泡芙沒法比，但個人認為軟趴趴的口感也別有一番風味，搭著忌廉吃，好像在吃蛋糕一樣，而且泡芙不一定是脆皮的，有一個說法是：本來發明泡芙的原因就是因為怕麵包會寂莫所以把忌廉擠進去。跟這個泡芙一樣，同樣以忌廉作主角的還有近期來港開店的八天堂忌廉包，兩者相比下，雖然chateraise 的泡芙忌廉不及八天堂的順滑香濃但前者性價比高太多了，很值得一試！還買了這個原味忌廉卷，是店內人氣no.2的商品，但後面寫著加了wine，所以我就不能吃了～對酒精敏感的人士也要小心呢！

想買個蛋糕夜D先攞走，佢回覆雪柜無位，你夜D先黎買，我話我比錢先留一個，佢問我明唔明雪柜無位，我真係無嘢好講，其實你只需要在Display放個牌'已訂'咪得囉，請這些人做事，真係同宜家個政府一樣。

馬鞍山又有新店啦!!抱歉其實都開佐大約一個月，不過每次去親都有好多人排隊，咁岩今次媽媽經過無咩人就買佐啲返屋企享用啦😎媽媽本身喜歡食栗子蛋糕，所以佢自己就買佐個黎食，佢話呢款栗子蛋糕比較甜，不過蛋糕都好鬆軟，栗子份量都唔少架!😆😆另外買佐二款泡芙🤣🤣係我的最愛😍一款原味，一款綠茶😋原味好鬆軟，入面都有好多cream 同吉士，個份量配搭岩岩好!$12黎講都好底食呀😂😂👍👍另外綠茶淡淡地，唔算濃，對於喜歡奶味重啲又唔太接受太濃綠茶味既人就最適合不過啦👍👍店舖門面仲有其他蛋糕比人選擇，仲有幾張枱比人堂食，不過多數已經比family 坐曬，不過你都可以企係到食既😅如果係我下次都會外賣返屋企食，始終啲人行黎行去都唔唔好意思坐咁耐😅

今日行街經過，見到超多人幫襯好似唔使錢甘，走埋去襯墟，咦又唔係喎，要錢之餘仲要唔平，貴都甘多人買，咪執輸先！ 點知原來有咩慘得過做水魚？就係你排住隊甘去做水魚喇叫左2樣野食抹茶鮮奶大哥我真係飲唔到有搽茶味。 睇色都知杯野濃極有限。呢杯只係鮮奶加糖水，我真係後悔自己背叛左starbucks抹茶千層都係得個甜字，抹茶味欠奉，而且個蛋糕好硬，呢舊野收我30 幾蚊，我突然覺得Lady M 真係好仁慈lor! 係貴d, 但人地起碼比返少少質素我，呢30 蚊我真係想叫佢退返比我！現場大概得3張4人台，比完錢好行夾唔送想人serve 你？no way! d staff 個個做實習甘， 三五成群嘻嘻哈哈都不知幾開心。無啦啦用日文大叫歡迎光臨。 除左呢句，我一d 日本style 既service 都feel 唔到， 唔好意思係mean 左d, 但真係一肚氣！

日本超人氣甜品店 Chateraise 終於黎到香港喇，今次係馬鞍山開第二間分店，馬鞍山既朋友仔有口福喇。因為之前香港只得一間店，重要係太古城中心二期，住係新界既朋友仔如果要去品嚐下就真係要攀山涉水先去到。呢間甜品店有多款蛋糕、泡芙、銅鑼燒、日式和菓子同蛋卷等等。今日我就買左幾個雙味泡芙 (原味+吉士) 返屋企慢慢嘆，而且每個都只係 $12，真係抵到無朋友。返到屋企即刻開左個黎食，內裏係流心既牛奶忌廉配上吉士，牛奶忌廉好香滑好似雪糕咁超正超好味，而且也不會太甜膩。下次經開要再試埋抹茶同朱古力。

平日下午經過見都幾多人排隊，心諗一定無事。外賣左件「人氣第三位」既綠茶千層蛋糕，帶左返屋企放雪櫃。夜晚食完晚餐，係雪櫃拎返件千層蛋糕。拎出尼+影相大約過左5分鐘先食。一食，嘩！完全無綠茶味，只有甜甜甜同埋蛋糕底層既紅豆/朱古力蛋糕味... 一路食，一路都無茶味，剩係得紅豆同朱古力蛋糕味... 最慘係連最基本千層蛋糕既質感都無... 同普通蛋糕一樣...睇返d相，唔知係我雪到件蛋糕硬晒，定因為係「日本直送」出事。

每天經過都是一大堆人排隊，好奇心驅使，看它有什麼好吃。買了一個原味、一個抹茶、一件卷蛋蛋糕。埋單的時候竟然只是$12 一件，從日本直送。有點不相信。吃了一口原味之後，我忍不住再買了半打回家。囗感很好，它的custard cream 超好吃，不太甜。比較即時噴cream 那家好太多。那家在地鐵站的，真的要看員工心情。但這家made in Japan 😋👍🏻 。另外一個大發現，原來他們竟然那麼貼心和低調，全用 illy 咖啡。點了一杯latte, 心裏想，這才是咖啡的味道。

馬鞍山新開無耐日式甜品咖啡店... 之前買個一次，不過咁岩收銀得我一個客無遺意，今日放工8點幾諗住買幾杯甜品，企到收錢位前面得一個客之後就到我，我就放低幾杯野拎定錢等埋單啦，等到個店員幫完前面個客應該到我啦，點知佢同隔離個店員傾計，之後有個女人係蛋糕櫃揀完野叫佢收錢店員先幫佢收，我先知佢見我唔到，都算啦，我跟住咪講聲唔該等佢知道我係度，點知佢望都無望就叫我排隊，果陣時蛋糕櫃方向有人龍，其實我到先...收銀位得兩條柱力欄住，又無指示邊個方向排隊，一定知邊邊排😡

新開日本餅店，以為好貴，居然同心心同東東東差唔多。日本喎，12蚊件蛋卷即刻試食！蛋卷 Cream 又滑又香又唔過甜，撲鼻既蛋味，真係有啲日本旅行既感覺！貪吃既我仲買左4件西餅試味，食完都唔記得影相。綠茶千層 - 綠茶味燶加上淡淡既蛋香朱古力脆餅 - ok，相平其他 比較平凡朱古力蛋糕 - ，朱古力味濃帶甘士多啤梨忌廉 - 半，cream好好味但太多士多啤梨醬了（本人不愛果醬）總結，simple is the best, 暫時蛋卷最好味佢就開正我樓下，金翅大獲鳥了！

同事由美食沙漠馬鞍山帶黎叮噹（Opssssss出賣年齡）嘅至愛—豆沙包（又名銅鑼燒）啱啱食完早餐都要食埋佢當brunch成個銅鑼燒我最欣賞佢個餅皮，唔會太甜，而且好鬆軟之餘又好滑，唔會好粗糙有多多粒粒跌到周圍都係。入面啲餡料都相當出色，尤其係啲忌廉！唔會好膩或者太甜，配搭埋啲紅豆恰到好處！啲餡嘅份量一啲都唔孤寒，食完好滿足☺呢個銅鑼燒我俾100分佢不過佢啲分店就唔多就腳，幾時開喺我屋企附近呀？而家暫時靠我同事外賣俾我啦