Cherry Tokyo Cafe (將軍澳中心) (已結業)

年紀大！不想去熱鬧的地方，所以決定在附近的餐廳食dinner!如我所料，早一點吃晚飯，不用等位😆，而且可以安排在一個舒適的位置😄挑選好晚餐後，侍應才告知因為今日是除夕，所以沒有優惠限定，所以只好加套餐優惠！北海道帆立貝車海老意大利飯：外型及味道也不錯，帆立貝大大粒，🦐啖啖肉😄煙燻三文魚牛油果忌廉意粉不過不失，但最滿意是好多蟹子⋯⋯是日甜品是原味芝士蛋糕及綠茶芝士蛋糕，雖然細細件，但重質不重量，好味道已經滿足

位處將軍澳，lunch諗唔到食乜所以食cherry個人覺得有啲貴，唔太抵食加上每次去都服務麻麻只係位置坐得比較舒服咁解cafe嚟講我唔會特別推介牛油果三文魚焗飯 $88我勁鍾意食牛油果！但有啲理想與現實feel....飯嘅飯量好多不過牛油果同三文魚份量比較少上面舖咗一層芝士去焗眾所周知，加咗芝士好多嘢都會變得好惹味今次都唔例外，芝士焗飯食落好香芝士味不過食到一半已經好滯我覺得牛油果同三文魚味稍微似芝士焗飯多啲墨汁海鮮意大利飯 $128海鮮份量算OK，不多不少唔知價錢問題一分錢一分貨定點呢個的確好味過$88芝士焗飯墨汁雖然會整到棚牙黑咗但佢味道唔錯，醬汁有黏稠感配麵豉湯+蔥拖羅蓉+三文魚甜蝦蓉用拖羅蓉做前菜感覺抵咗當然同日本餐廳無得比不過味道還算可以黑毛粒粒豬 $58聲稱係黑毛豬嚟，其實都係似普通豬肉切成一粒粒輕炸過表皮香脆，內裏軟嫩味道算唔錯芝士肉醬薯條 +$25份量其實唔算多，不過25蚊就算啦個人覺得芝士肉醬同薯條份量唔成正比醬少咗白桃水果紅茶 $10桃味嘅嘢不嬲穩陣又好飲不過我覺得叫少冰都係好多冰下次不如叫走冰-0- 

呢一晚又過咗黎食，再睇下呢間，餐牌轉咗少少，都好，揀到嘢😛 就入咗去，開頭俾sofa 位，但見有點污糟咁，想嘗試抹，後尾都決定唔！ 店員仲話俾紙巾我哋⋯⋯心諗，俾我哋仲咩？住坐定係自己抹？🙄 跟住我哋話轉位，居然有一個店員咁樣應我哋⋯⋯「都可以嘅⋯⋯」，心諗，嘅咩！？ 唉！上次黎都覺服務麻麻㗎喇，到今天依然！ 真係好懷疑呢間店係咪日本品牌😑😑我哋揀咗一飯一意粉！我個帶子菠菜忌廉意粉，賣相靚🤩 食落都美味呀😋👍🏼女友個牛油果三文魚焗飯，唔⋯⋯味道一般啦，食落好似飯還飯，餸還餸咁，又唔係好夠味咁，總之就一般啦👎🏼

叫左個忌廉波菜帶子意粉🤤好香味道幾濃，應該有加芝士而個帶子雖然只有三粒，但煮得啱啱好，好食佢有個優惠😍星期五仲有同款雪糕買一送一😍😍😍而喺午飯時段 喺主餐牌叫個主食 仲會有飲品，沙津同味噌湯送 都真係幾抵

夜晚嚟到呢間日式餐廳，叫咗一個丼set佢有A+A，B+B，A+B嘅丼物揀，A嘅丼比較貴價，有海膽帶子等，B嘅丼就平啲，貼近啲平時食開嘅刺身我叫咗一個三色刺身迷你丼(油甘魚，三文魚，蔥吞拿魚腩蓉)，另外一個係三文魚親子丼，配味噌湯三色刺身丼性價比較高，啲刺身新鮮夠哂靚兩片油甘魚都唔薄，味道鮮甜蔥吞拿魚腩好香，同壽司飯好夾三文魚親子丼相對失色，因為啲三文魚切片唔夠靚，一啲都唔肥美食落仲有啲筋，點解會差咁遠？！三文魚籽漬都幾澎湃，魚籽幾多，咬落有魚油香，餸飯一流焗黑豚豬扒飯個樣幾靚，好多芝士塊豬扒都幾大幾厚，咬落夠淋夠juicy，而且係高質黑豚反觀醬汁就冇咩特別，相比起大型連鎖快餐，佢呢度嘅醬汁仲要冇咁好食環境係開放式，不過空間感十足，都幾自然食完個店員仲會俾份問卷你填下啲滿意度

今晚同朋友分別叫咗一個牛油燒龍蝦汁意粉（$258）同埋海膽三文魚籽明太子意粉（$218）。龍蝦意粉非常惹味可口，個汁濃得黎又唔會太over; 海膽三文魚籽明太子意粉呢個海膽就非常新鮮，同三文魚籽配搭得非常好，絕對係有誠意之作。不過兩個意粉都要得差唔多三十分鐘，如果肚餓嘅話就真係要諗吓叫住其他小食先啦。

🍔吉列黑豚漢堡 $88漢堡包的配料同平時的一樣，有蕃茄、生菜、沙律醬吉列豬扒比預計中大塊，外脆內軟，較薄唔夠juicy有好多沙律醬，所以都唔會乾，不過個人覺得沙律醬多左啲薯條新鮮熱辣，炸得脆脆的，要趁新鮮食😋份量對於女仔黎講，剛好8成飽，男仔可能會唔夠食🍔山葵軟殼蟹漢堡 $88有兩個朋友都食哩個漢堡，佢地話因為軟殼蟹漢堡出面比較少有友人話軟殼蟹都唔錯，山葵醬都好濃味，一致認為醬太多，有一個朋友更"了"走啲醬🍝松葉蟹肉蟹膏蟹籽忌廉意粉 $118試左一啖，蟹味都算濃郁，忌廉同意粉的比例剛剛好🥂宇治抹茶鮮奶 $35紫薯鮮奶 $35唔係我飲所以無從判斷🤣

餐廳位於商場中庭，開放式設計日式Cafe其實我都早，但見到咁多人即刻衝落去怕要等好耐，等2-3張枱就到了Menu選擇非常之多食物是日式洋食既路線好快泥左小食圖是鐵板牛肉薄燒跟餐餐可以選擇：飯、麵豉湯、飲品、甜品正係牛肉薄燒好似唔夠飽，加咗個全餐$45（有曬4樣滿足貪吃的我）個汁係有少少微辣，開胃仲可以撈埋飯不得不說呢到burger 真係幾出色吉列黑豚漢堡， 黑豚好脆帶點鬆化日式醬料同好多菜（吉列黑豚好大份遮住咗啲菜）麵包是烘過的，仲有薯條，呢到好夠飽最最最欣賞呢度嘅就係杯咖啡☕️由於今日好攰，好想飲咖啡（我甚少夜晚飲咖啡）唔知佢用咩咖啡豆，咖啡真係非常非常香呢杯係岩鹽焦糖鮮奶咖啡另一杯係跟餐嘅果味茶因為呢個位實在太凍啊..我哋都要飲杯熱野跟餐配嘅北海道芝士餅超巧味，大滿足最後，我覺得呢度服務都幾好，一坐低侍應俾咗兩杯水（有檸檬香味），上菜都好快，只係坐左冷氣位太凍，整體都係好滿意

下午餐搵間餐廳坐下，就揀咗Cherry Tokyo Cafe試下🤤🍣火炙波波壽司盛 $88見佢咁可愛 細細件岩哂做下午茶🤤 有三文魚親子、蔥拖羅蓉、海膽等等，食落都唔錯🤤

星期日去左cherry tokyo cafe食左雞翼同意粉。雞翼釀左飯，熱辣辣，皮脆，都okay。但價錢少貴，好似十幾廿蚊隻。意粉我食咗蟹肉忌廉意粉。 都算足料㗎，好重cream同有好多蟹肉碎。意粉嘅煙韌度適中。如果飽就唔好食呢款意粉啦，因為好飽肚😂

次次經過呢間食店的時候都見到佢menu嘅食物好靚同埋有好多選擇。上星期日天氣唔好，冇得出街，留左係商場。我終於的起心肝試下呢間食店。😊😊😊menu真係好正，有all day breakfast,有迷你丼飯嘅套餐，有鐵板燒肉飯，有刺身魚生，有壽司，有雪糕甜品，有漢堡包.. 真係好多嘢食!見到個menu真係好開心!!😋😋😋我叫咗個鐵板炒豚肉加一碗白飯,幾好食,分量都算多,碗白飯既質地都好好食， 應該係珍珠米排。食物夠熱。😎下次會再去食其他食物

星期日中午去將軍澳中心cherry Tokyo cafe 食lunch,叫左雞亦，松葉蟹膏意粉，鐵板豬肉飯，甜品叫左個白玉紅豆 窩夫杯, 各款食物嘅份量都不算太大,但味道不錯 。人均消費$200。餐廳 食物選擇多， 下次可以試下個魚生飯。

吉列廣島蠔咖喱飯吉列蠔非常脆口而不油膩，炸漿不會過份厚身，也有蛋香味。而咖喱香而不算太辣，不會嗆喉，配飯合適不過。飯上的漬物帶酸酸的，很開胃。整體屬水準之上，但配菜略為單調，若加入蔬菜，相信賣相和味道更豐富，也較健康。☡侍應服務實在有待改善，由添水，點菜至結帳，侍應的覺察力和反應也不足，舉手後五分鐘才成功點餐。個人見到當時人手很充足，但大家合作性一般，幾位侍應集中在某一區域，埋頭苦幹時未有環顧客人需要，有點可惜。

牛油果三文魚忌廉意粉 （$98）味道好濃郁，用咗大量忌廉黎煮，食到尾都幾膩。好在有d 蕃茄仔中和一下。+$15 可以有杯細既鮮奶咖啡 都幾抵。蟹柳青瓜沙律 （$88）份量十足，滿滿既沙律醬撈埋蟹柳同新鮮青瓜，仲有好多蟹籽。

將軍澳中心新裝修好 同時開左好多餐廳 二話不說即刻去試😂Cherry Tokyo Cafe係全開放式坐位 基本上有人經過就會見到 但都因為咁樣 第一眼就會留意到 而且餐廳啲食物賣相吸引 令到我同我朋友都心動 想試下🤤葡萄酒煮大蜆意粉 味道冇咩特別 正正常常 如果可以下次會選擇試其他 而唔會揀返呢款意粉食..但呢間餐廳既薯條超好味 新鮮炸起 又熱又脆👍🏻 而飲品叫左朱古力咖啡沙冰 咖啡味唔算重 唔飲咖啡既人都易入口 但中意飲咖啡味重啲既 未必會中意