Chilli Lime (形點 I)

營業中

休息中

收工入嚟元朗同朋友食飯，再一次嚟呢度食，為咗我嘅最愛嘅主角粟米餅！呢道香煎蟹肉粟米餅真係勁好食！每次嚟呢度都要嗌！金黃酥脆嘅表面包住鮮甜嘅蟹肉同香甜嘅粟米，層次感滿滿，再配埋個甜酸醬，真係一絕！😋青咖哩牛肉配薄餅係一個prefect match 嘅組合，青咖哩的嘅微辣撘上入哂味嘅牛肉，牛肉唔會好老好鞋，令到每一啖都好有驚喜，配薄餅的香酥嘅口感，令人回味無窮。馬拉盞炒通菜清脆可口，蒜香濃郁，炒得恰到好處，唔會過火，保持咗通菜嘅鮮甜味道泰式辣椒膏炒蜆好惹味，蜆肉鮮嫩多汁，配上辣椒膏同香葉，一個字 正！👅👅👅

呢間東南亞餐廳在YOHO好多年，食物有水準，因此價錢也算中上。裝修也不錯。唯獨是唔知點解佢哋嘅服務越嚟越冷冰冰。佢哋侍應大多是外籍人士。我分唔清是巴基斯坦還是印度人。這一點證明應該做大廚嘅都是印度籍的。相信食物都是地道的。另外我們二人食晏大概食了500多元，點了四個餸和飯及有一些印度薄餅。也叫了一杯越南咖啡。但因為午飯後我要吃藥用清水送藥。我要求要兩杯清水。外籍的侍應冷冰冰的語氣以英語對我們說每杯$15，這一點我覺得他們在趕客。我們不是沒有點餐。也不是點得少。我只是要一杯清水，不是礦泉水也不是樽裝蒸餾水，是他們普通的一杯水要收$15！沒有$15沒有水喝。單單是這一點，我應該在可見的未來也不會光顧這間東南亞餐廳。

📍Chilli LimeYoho Mall下午茶餐 (自費）泰式拼盤$7️⃣8️⃣另加一串燒雞肉（兩串）烤至恰到好處的程度，保留了雞肉的原汁原味，搭配香濃沙爹醬汁，整體口感平衡又回味無窮。炸蝦餅（兩件）炸蝦餅外酥內軟，蝦肉爽彈鮮甜，完全沒有腥味。麵衣酥脆，入口即化，不會有過於油膩的感受。搭配酸甜醬汁，進一步突出蝦肉的天然鮮味，開胃又百吃不膩。牛油果卷（3件）米紙薄如蝉翼，包裹著綠油油的牛油果，生菜，紅蘿蔔絲及檬粉，咬下去米紙的脆韌，牛油果的柔滑與蔬菜的清爽，成了絕妙的口感對比。醬汁酸度和鹹度又剛剛好。凍檸檬茶🥤食物同環境都好好，唯獨餐廳侍應全程cool爆要扣分

餐廳有印度越南泰國美食，主打新派泰菜，高闊的樓底，牆上掛上泰式風情壁畫，有昏黃枱燈點綴，情調浪漫。餐廳設有戶外用餐區，有舒適藤椅及太陽傘，寧靜愜意，令人片刻放鬆，環境絕不侷促，用膳整體感覺舒適。柚子紅石柚沙律沙律有柚子、紅石柚、車厘茄、洋蔥及沙律菜，柚子清甜、配上甜甜嘅沙律汁，清新開胃，絕對係今道菜一個好開始。黃咖喱牛油雞+芝士烤餅青咖喱香濃而微辣, 帶有清新嘅香料味，雞肉與青咖喱醬汁一起燉煮，吸收哂咖喱醬汁。印度芝士薄餅的味道濃郁、奶香和鹹甜的結合。薄餅皮酥脆，芝士融化在上面，配料的香氣與芝士相互融合。印式芝士燴菠菜傳統嘅印度經典菜式之一，柔軟又香嘅芝士絆住菠菜牛油同埋印度香料絕對係芝士愛好者必選嘅菜式。芒果糯米飯來到泰國餐廳必點嘅甜品之一，甜品內含有三色糯米，椰汁一齊食一簡直係一流。芒果帶來甜美的口感，椰奶則賦予整道菜的濃郁香氣。

🇭🇰元朗yoho呢間 #東南亞 餐廳啲嘢食唔錯環境勁chill，坐得好舒適最欣賞係個冬蔭功湯，好足料👍🏻隻蝦勁大隻‼️同埋啲香料落得好平均唔會話特別搶味，會為咗佢返去再食啲串燒嚟講，個沙爹醬幾好👍🏻雞燒得唔錯，牛就老咗少少，可以改善吓另外個印尼炒飯都唔錯，幾惹味都幾多蝦仁，同埋份量好多🤣嘢飲方面，叫咗杯fruit float🥭係芒果沙冰嚟個味唔錯，係真芒果味😝唔會太甜，幾鍾意呢度份量偏大，性價比幾高呢間會考慮再幫襯😝🍲Chilli Lime (形點 I)📍元朗元龍街9號形點 I G樓G007號舖#hugogor食在香港🇭🇰

事源係見到d評價ok,上星期去左食晚餐，點知中伏，唔會再食...店內服務人員嚴重不足，經常想叫人都搵唔到，次次都要等上菜先有機會搵佢地服務，服務態度差，好無熱誠！餐廳連水都唔提供，一係就叫飲品，一係就叫佢地既所謂健康水，唔記得幾錢一樽，OMG!食物質素就更加唔掂，牛油咖哩雞好似係出名既，上枱時真係嚇親我，份量細到以為係配菜啊，味道一般，不過不失...生蝦唔太新鮮，碟炒蜆得d殼，唔講我仲以為係豉椒炒蜆殼，菠蘿炒飯有d油，仲叫左牛肉沙律，d牛肉又乾又韌，生菜包超...級...咸...唯一覺得碟炭燒豬頸肉同柚子蝦沙律係幾好食😣唔會再去，間野整體好差，我俾劣評...

今日難得男朋友早收工，所以諗住搵間餐廳可以chill吓拍吓拖,之前見到呢間好似幾唔錯.咁啱今日有多啲時間所以就去咗食呢間入到去發現原來間餐廳都幾有情調，服務員仲好好，特登俾咗我哋坐大梳化位💕💖今次叫咗個牛肉青咖喱啦，一個冬陰功大蝦湯，一個菠蘿海鮮炒飯同埋一個超級無敵大DOSA🤤🤤冬陰功味道濃郁，隻蝦居然仲有蝦膏添🤤🤤菠蘿海鮮炒飯一樣咁正宗配上豬肉鬆真係淡淡都開胃💕💖熱過因為我已經有個飯同埋有個成隻前臂咁長嘅DOSA,所以個青咖喱牛肉冇再另外叫手抓餅.因為真係飽到嘔🤣🤣但係覺得青咖喱有樣唔好，就係永遠都覺得唔夠🤣，會想不停點汁食餅🙈最後配上一杯table wine (已經唔記得係咩牌子)🫣成餐真係夠晒Perfect 唯一美中不足嘅係，嗰日落大雨所以冇得坐去室外🥲希望下次有機會啦💕

去完一田購物節 諗住去醫下肚之前其實想試呢間好耐 今次終於試左本身以為餐廳好細 原來入面別有洞天除左室內座位 仲有室外但咁悶熱既天氣 梗係坐室內涼冷氣喇呢度裝修比人一種異國既感覺 座位都好闊落呢度主要食東南亞菜式 有齊泰式越式仲有印度美食 好多選擇✨冬陰功湯有大蝦同海鮮揀 揀左大蝦大概有兩三個人既份量 入面仲有隻開邊大蝦 飲落偏酸 唔算辣 好開胃✨泰式香肉碎羅勒葉包份量好大 但生菜都比得好多 唔怕食晒啲生菜冇得包食落香葉味唔算重 少少辣咁 配埋生菜食好滿足✨印度椰香咖喱呢個有驚喜 食泰式或者港式咖喱比較多今次試印度咖喱 食落比平時既更濃稠 好香椰香味牛肉炆得好腍 加埋咖喱汁 超級送飯✨泰式椰菜苗泰式椰菜苗 唔係間間都嗌到今次見到就一定要食 份量好大炒得唔會過熟 仲好爽口✨印度煎餅呢個一見到好大份 好驚食唔晒但其實佢係薄薄既煎餅外皮好香脆 但入面係軟軟糯糯無論係點佢配既醬定咖喱都好好食✨Refresh Your Mind有淡淡薄荷味 加左蘋果汁 好清新既感覺✨Strawberry Blast係草莓加紅莓打成 酸酸甜甜咁 好開胃呢度食物選擇都好多 而且份量好大價錢唔算貴 性價比都幾高下次黎

明明外面宣传牌子写着外卖20%off…如图所示…. 但是实际买单的时候说，没到200元不行 不适用…..你是188元就算没点套餐也不能享受优惠…哪有这样的霸王条款…….说规定没写出来 总之不能享受折扣。哪有这样的虚假宣传，不写清楚，临时随便增加条款的！很差……不会再来了。外卖的肉很少，味道也难以匹配188元的价格…态度恶劣，全程面无表情…非常非常气……..不知道老板打规定还是员工自己的要求呢？…什么玩意

Yoho Mall 有間泰式美食餐廳位置有點難發現但原來餐廳好大還有有戶外位置可供與毛孩一起進食食物好好味充滿異國風情。Pork Rib Soup… $108這個肉骨茶有點失望以為是台式般有藥材味不過湯有好多肉骨味道都夠入味。Pomelo Salad… $98沙律清新爽口 柚子清脆多汁口感多重好開胃。Corn Cakes… $118粟米餅金酥脆不過乾硬咬下有Q彈感覺。Malaljan… $98有鑊氣蒜蓉同辣椒嘅味道好出 通菜新鮮翠綠蒜蓉同辣椒嘅味道好出色。Dry Noodles… $118炒河可以揀雞肉/牛肉河粉炒得好香口好有鑊氣牛肉又好多配埋好多款蔬菜。Yellow Sky…$60。Fruit Float…$60

牛油雞咖喱呢款咖喱必食，加入左各式各樣的香料增加其香氣及味道，咖哩汁味道濃郁可口，十分美味，非常適合配搭印度烤餅，所以仲叫左蒜蓉烤餅，烤到香噴噴，再點上咖喱，非常match。另外，咖喱內雞件亦十分嫩滑！Pad Thai 泰式炒河粉經典入門必叫既泰式料理，在河粉中加入豆芽、花生、雞蛋和肉類，並加入調味，快速地翻炒後，香噴噴出鑊，碟旁仲配上辣椒粉，拌勻仲香口惹味～串燒沙嗲豬牛雞各兩件，當中豬肉最為出色，肥瘦適中，烤至剛好，保存到肉汁，沙嗲醬中有粒粒花生，層次豐富。椰子雪糕極濃椰子味既雪糕，放左椰子肉、椰汁、脆脆，味道唔錯～

Yoho真係好多餐廳🥹 今日同朋友食飯就揀咗呢一間食多國菜餐廳 菜式選擇非常豐富😍 泰國菜越南菜印度菜應有盡有 目不暇給🤩 仲要餐廳環境超大 有好多大枱大卡位 啱晒一大班朋友過嚟gathering👍🏻越式軟殼蟹米紙卷🦀每次都會叫嘅菜式 新鮮蔬菜配上香脆軟殼蟹 好fresh😋泰式柚子鮮蝦沙律🥗超級推薦大家試呢個沙律😍 加咗大量蒜頭紅蔥頭 醬汁非常惹味🤤 大蝦好爽口 配埋啖啖柚子肉 好爽好開胃☺️泰式生蝦🦐大大碟 有八隻 蝦肉爽甜🤩香炸蟹肉粟米餅🌽炸到非常香脆味 每一啖都勁多粟米好正👅 而且都食到好多蟹肉好足料👍🏻牛油雞咖喱🐥食唔到辣嘅朋友可以食牛油咖喱雞🥰 唔辣又好味 雞件都多酥油薄餅🍕點咖喱一流👍🏻 非常酥脆 好抵食🌟

入元朗搵朋友去形點行街, 行到餓想醫肚, 見到一間好有格調, 主打東南亞食品嘅餐廳 " Chilli Lime " 咁就揀呢間啦😆🥔越式鮮蝦米紙卷 $108整個米紙卷都清爽可口, 啱曬夏天食, 點埋魚露更加開胃😚🥔脆炸薄圓球 $78係印度一款街頭小食, 賣相好可愛, 圓球裏面放咗洋蔥粒同薯仔粒, 有兩款醬汁可以點, 味道美味😋🥔肉骨茶 $108同平時食開嘅肉骨茶唔同, 冇藥材味, 係一碗清甜嘅豬骨湯, 唔鍾意藥材味道嘅朋友不妨試下🥔牛油雞咖哩 $138雞肉煮得入味, 咖哩加咗牛油同蕃茄, 香氣撲鼻, 味道濃鬱中帶點酸味, 用酥油薄餅點上咖哩汁食, 真係絕配👍🥔泰式蟹肉炒飯 $158有驚喜🎊, 飯粒爽身, 蟹肉鮮甜份量好多, 整個飯都充滿鮮味

此店樓底極高而且比一般食店面積大，牆上邊有好多異國他鄉色彩油畫。空間感十分強。平日入座率都幾高。主打泰國、馬來西亞和印尼菜，全店店員和入邊廚房嘅職員都比較地道人，所以口味很宜人。Menu 菜式有很多選擇，有好多款式都好吸引，而且還有happy hours 時段。我精挑細選點了以下食品：-酥油薄餅•一大片可share吃，沒有油淋淋感覺，烤爐温度調和得很好。雞肉 泰式青咖喱另有牛可以選擇，微辣嘅青咖喱配上嫩滑的雞肉，成個碗都係配料如紅蘿蔔，紅椒等相當豐富把烤餅沾上咖喱汁一起吃可口。泰式香肉碎羅勒葉包 Pork豬肉有十多片生菜學爽口新鮮。豬肉爽口不肥膩加上了羅勒葉提升味道。泰式柚子鮮蝦沙律🥗新鮮既鮮大蝦配清爽又大的柚子果肉配泰式香料和醬汁，酸酸辣辣交織出獨特的酸甜風味，非常開胃。Malaijan 馬拉盞 通菜大條，辣椒和大蒜炒起帶來辛辣味，有少許檸檬葉草好fresh。有一款飲品叫 Refresh your mind 用了青蘋果、蘋果汁、青檸汁和梳打薄荷葉做出黎，啱哂食完辣野飲一杯成個口清新自然，非常推薦！HH 只要$48 👍🏻👍🏻

今次聽朋友推介嚟咗呢間喺YOHO地下嘅Chilli Lime 見到平日都好多人食應該都真係幾吸引🤤👍串燒拼盤有豬肉牛肉雞肉串，每種肉都多汁嫩滑，口感紮實，非常有飽足感，仲配咗個沙嗲汁，配合一齊食好加分！紅咖喱檳榔葉燒牛肉($188)呢個咖喱味道唔會太辣閂返轉微微嘅咖喱香，而且有濃郁嘅嘅椰香同椰奶味道，仲叫咗個牛油烤餅($38)沾咖喱真係絕配👍 比較特別嘅係上面嘅燒牛肉唔同一般嘅咖喱牛，呢個咖喱牛肉味比較濃郁值得推介🤤泰式蟹肉炒飯($158)呢個泰式蟹肉炒飯份量都幾多，炒飯炒得夠乾身，而且滿滿嘅蟹肉同埋洋蔥味