Chop Chop 食神叉燒 (新城市廣場) (已結業)

不如叫依間野淨係開午市啦次次去到都話咩賣哂 咩都無得食叉燒無 燒腩仔無 成間鋪得返燒鵝依間燒鵝專門店黎架？定陳列品展銷場？之前九點去話賣哂無野食 太夜 我明之後八點去到又話無野食 都算點知七點去又話賣哂都唔知開鋪黎傲乜

好多年無寫過食評,但呢間野真係難食到我要特登login來寫,講番D野食先。叫左個晚飯套餐,3餸套餐+煲仔飯+白飯+野飲,盛為218大元。第一,先講白飯,明明係堂食,成碗飯都係凍既,我唔明堂食D飯係電飯煲筆出來咁簡單都做唔到,唔係暖,直頭係凍,差!第二,燒味簡左食神义燒油雞,2樣野都係凍既,算,燒味好多時都係凍,整得夠好食就得,但D义燒硬到爆,又唔好味,差!油雞骨多過肉,味道又係唔好,份量極少,差!第三,豆腐火腩,似平時係平價飯堂果D2餸飯質素,好咸,D火腩極肥,差!第四,個油菜成晚最正常,叫做熱,味道正常,叫做還好!第五,個煲仔飯係即煮既,要等30分鐘,OK,諗住應該好味,點知又係無味,D排骨好似咬極都咬唔爛,飯焦緊加係無,成個飯一D都唔香,仲好濕,得條臘腸叫正常狀態,仲之成件事都係差!原諒我影D相係食左一半先影,因為本身有D期望,愈食愈嬲,所以忍唔住要上黎打食評,仲之就差到核爆呢間野,食神電影既美食印象比呢間餐廳完全破壞左了。

今天來到食神叉燒店幫襯，買的並不是招牌叉燒，而是外賣了三個中式飯盒回家與家人享用。這店的外賣午市特色套餐還包了飲品一杯。～開胃咕嚕肉飯果然非常開胃，甜甜酸酸的惹味醬汁，配上炸過的肉，味道討人，可惜咕嚕已不脆了。配菜中的確實菠蘿醒胃，青紅椒亦沾上了甜酸醬汁。肉的份量不少，但都不經不覺地給吃光。～豆腐火腩飯麻油味濃郁清香，豆腐是炸過的，但內裏仍滑。火腩肥瘦分明，吃起來一點也不肥膩，仍是皮香肉爽。豆腐火腩飯的汁醬完全不肥膩，而是清淡得來又有麻油香。

開係新城市廣場，感覺格格不入，似快餐但又無大家樂同大快活咁清晰；餐廳招呼麻麻，似茶餐廳風格，所以感覺唔似係放係新城市廣場嘅格局。下午茶 叉燒公仔麵 + 凍飲 $46叉燒普通，餐廳名主打係叉燒，但又唔覺有咩咁特別好食，用晒紙杯碗、紙兜.... 唔講以為係外賣定還是係葵廣開飯咁 😰傳統西多士 + 凍飲 $44西多一塊，無特別..... 凍飲要加$8 ..... 呢樣就最配合高格調..... 夠貴..... 中晒伏........

2021年1月20日（星期三）《令人失望的外賣自取午餐》-第一：生米骨不確定是不是因為我的外賣訂於12:30pm到取實在太早（不會吧？）讓廚師趕不及煮飯，以致飯都未煮熟就出貨！開頭我有想過是不是因為加了藜麥以致口感不同呢？但不要開玩笑啦，我早一晚才試過用自家電飯煲煮過藜麥加普通白米飯（而且我加藜麥嘅份量豪好多），煮熟的藜麥飯口感根本不是這樣！其實電飯煲有這麼難用嗎？這些米粒真的太硬，我有努力過咬，但真的怕胃痛，有大半碗飯完全吃不下去。（我男朋友那碗的米都一樣的硬，他幾乎沒吃過。）-第二：叉燒雖香但太肥叉燒的外皮的確很焦香，值得讚許；但整塊叉燒的肉的部份少得可憐，幾乎全都是像軟膠一般的肥膏，即使我勉強咬完也無法下嚥。- 第三：啊⋯嗯⋯煎蛋幾好味，值得一試。

Char Siu is my favourite and I always wanted to visit this place near my home in Shatin! I’ve ordered the famous char Siu , fried egg with rice and a portion of soy Chicken. Food came really fast. The char Siu was super juicy and soft and the chicken was tasty too. The portion was good, enough for one person. The atmosphere was modern, nothing like traditional Chinese barbecue stall. Overall I really enjoyed my meal and would visit again.

有一行過沙田新城市見到開咗一間好靚嘅燒味舖，沙田冇棋哥燒鵝😂係好奇心嘅驅使下我都叫咗一個外賣三餅飯來食🤪估唔到食燒味個盒都可以咁靚叫咗燒鵝、梅頭瘦叉同埋油雞，一次過試晒三款餸。徐克附送有三種醬汁，三款我都試晒，燒鵝佢係切咗好似朱古力磚咁嘅燒鵝肉，比平時食開大大啖嘅唔同，不過都唔會好少，仲要好好味。梅頭瘦叉已經好似半肥瘦，幾惹味，絕對唔係燒到乾爭爭嗰種。豉油雞就比較屬於無驚無喜嘅一個餸。Addressss:Chop Chop 食神叉燒 沙田新城市廣場三期3樓A325號舖

之前一直冇機會試，難得今日得閒，特登過黎食。諗住第一次梗係試個招牌野，正宗黯然消魂飯。點知食完真係黯然消魂。79蚊點解質素可以咁差，叉燒得個肥字，似食蠟肉多過似叉燒；太陽蛋正常，冇咩蛋味；杯熱奶茶極癈，冇茶味。總括黎講冇下次。

食到嘅叉燒係平價腩位， 又多肥膏，果D肉又鞋颯颯。 油雞似係冰鮮雞，俾件翼你又細又乾。 果啲飯又奇奇怪怪，開頭奇怪點有兩、三黑點，仲以為有啲鼻屎喺啲飯度，定 洗唔乾淨有沙石 ，睇清楚原來係啲藜麥， 飯同藜麥嘅比例，其實對健康影響不大純粹噱頭， 要講健康你倒不如畀多幾條菜我食好過啦。 可能上個月我啱啱係Netflix睇完食神呢套電影， 人哋星爺嗰套戲用煲仔飯，如果係要抄點解唔抄埋用煲仔呢 ？價錢同食物質素落差實在太大， 幫襯的機會不再有了。

都有一段時間冇嚟過沙田啦，本身沙田都係好好行好多商場好多嘢食！但係發現最近多咗好多新的食物進駐了。所以專登揸車過嚟食嘢順便行吓.今次就揀咗呢一間香港味道的餐廳。上網見到啲人介紹佢哋嘅叉燒特別好食，睇相已經流晒口水。我哋今次就係嚟食午餐，午市時段亦都有多款選擇，$50-$60就有得食.當然主要梗係食燒味飯啦！餐廳裝修簡約，唔老土，有別於傳統燒味店。但係佢哋嘅燒味的確係傳統味道必食就係正宗暗然銷魂飯，他們的叉燒肥瘦適中，味道濃，配埋半山熟煎蛋非常一流.而且很香另外一樣我哋就叫咗乾炒牛河，其實都掙扎食多個燒味定係食個炒河呢，見到佢哋張相亦都流晒口水，佢哋嘅乾炒牛河有少少日式。令味道層次更豐富最後忍唔住都叫多份雙拼燒味，切雞加燒鵝。我非常肥美多汁。他們的燒味係值得一讚！

一餐滿意用餐，除左食物質素、服務和環境，心情都好重要，剛電視播完食神，見到這間食神叉燒，立即要試下😝😝原來會更有風味🤣🤣地方算大簡簡單單，牆上好多金句🥳🥳點了黯然銷魂飯配燶邊太陽蛋，叉燒肥瘦間隔，咬落嫩口，先頭以為個醬怪怪的，食落有幾香口同幾獨特，同一般街市嘅傳統燒味有少少分別，個人喜歡嘅另外叫咗燒鴨切雞，都ok ,燒鴨唔會太肥，唔會太多油脂，全部醬汁都係分開，健康啲啦☺️乾炒牛河有驚喜，乾身有鑊氣，配埋辣椒醬真係一流，牛肉略嫌醃過龍少少，牛咩唔太重！總括來講叉燒係最正嘅！暗然銷魂飯還原版😂

由細到大都好鍾意食燒味，特別鍾意食叉燒，最有代表性，有時出trip耐咗都會掛住燒味，哈哈🤭🤭/見到沙田市廣場 食神叉燒，即刻諗起周星馳套戲，就睇下你可唔可以令到我銷魂🤣🤣裝修好簡約，有啲似fast food ,店員嘅服務就一啲都唔似快餐店，幾nice😉😉黯然銷魂飯當然要一試，用返腩位，半肥瘦，加上自家製醬汁送飯一流，仲有少少燶邊位，好香口有啲焦香味，上枱仲係熱辣辣，見到佢哋寫住一日出嚟幾次，有誠意喎👍另外叫咗個乾炒牛河，OK食到底都冇油，而且上面加咗木魚，又幾有特色喎 ，呢啲份量好大！特別鍾意食雞胸，呢度處理得幾好，一啲都唔鞋！飲埋咖啡奶茶，好滿足！總括嚟講啱我口味😬

SO SAD! 第一次試，就試燒鵝脾！下午茶時段：脾 另外+ 30 = $68 就算係 堂食/ 外賣⋯⋯全店使用大量即棄餐具....成為第二個不再光顧嘅原因，連飲品都附上塑膠攪拌棒（我揀外賣，因為堂食要加一，我有註明走餐具）Anyway, 講返食物質素：瀨粉夠熱（第一個優點🤣）湯底係快餐味精溝出黎，你想像到嘅味道....瀨粉就係瀨粉（第二個優點🤣）優點好難諗期待很久嘅燒鵝脾：今日係1月7號，正值冬季，好凍，燒鵝嘅脂肪凍到硬硬地嘅質感，好噁心🤮今日係1月7號，正值冬季，廚師點解唔需要顧及燒味嘅溫度？！難得+$30食髀，好無癮😔有相你睇啦，皮不酥，肉不嫩，沒有鵝嘅香味，成隻髀好削，好瘦，其實食落似係燒鴨！（去大家樂食”燒鴨”瀨粉應該開心d)唉！So sad...咁Hea 嘅食店，幫襯你一次，對唔住其它有誠意嘅食店啊！拜拜👋🏻

住喺沙田咁多年，除咗去酒樓都好少有燒味飯食，呢間野經過見過幾次，一直都好想試吓佢嘅叉燒！今次終於嚟咗啦！試咗佢嘅正宗暗然銷魂飯，即係叉燒飯！佢嘅叉燒真係半肥瘦，咬落口感好好，味道都唔錯，同埋配埋隻蛋簡直係一流！另外我嗌左個燒味雙拼，叫咗燒鵝同埋油雞！佢嘅油雞好滑，仲要比我食到個雞髀！送飯一流再食埋個式神炒飯，個炒飯入面好足料！有蛋有青豆有叉燒，仲有蝦同埋明太子！所以一定好夠味同埋唔會口寡！佢嘅位置都擺得好好，坐落好闊落同埋好舒服！最令我驚喜嘅佢有埋個湯配埋！

今天來到食神叉燒幫襯，買的並不是招牌叉燒，而是外賣了三個中式飯盒回家與家人享用。這店的外賣午市特色套餐還包了飯品一杯。～開胃咕嚕肉飯果然非常開胃，甜甜酸酸的惹味醬汁，配上炸過的肉，味道討人，可惜咕嚕已不脆了。配菜中的確實菠蘿醒胃，青紅椒亦沾上了甜酸醬汁。肉的份量不少，但都不經不覺地給吃光。～豆腐火腩飯麻油味濃郁清香，豆腐是炸過的，但內裏仍滑。火腩肥瘦分明，吃起來一點也不肥膩，仍是皮香肉爽。豆腐火腩飯的汁醬完全不肥膩，而是清淡得來又有麻油香。